Efesios 4:16 - Bible in Tzotzil de Chenalhó with Deuterocanon

¹⁶ Vu'utic sbec'tal c'otemutic, lec jtsacojan jbatic, lec jnitojan jbatic ta jts'acaliltic, ta jch'uxuviltic. Jech co'ol ta jcolta jbatic jcotoltic ta sventa li c'usitic cabteltic ta jujuchope. Jech co'ol chijch'iutic batel jcotoltic, co'ol chijtsatsubutic batel ta sventa ti lec jc'anoj jbatique.

Tzotzil Zinacantan

¹⁶ Lavi spat xoconotic xa yaꞌel ti Cristoe, chiscoltaotic ta spasel ti cꞌusi snopoj ta jpastique. Mi jaꞌ ta jpastic jujuntale, coꞌol bal chcaꞌitic, más ta jcꞌan jbatic. Jaꞌ chac cꞌu chaꞌal li voꞌotique, ti ep ta tos li cꞌusitic oy cuꞌuntique. Oy coctic, oy jcꞌobtic, pero chlaj tunuc cuꞌuntic scotol.

Bible in Tzotzil de Chamula

¹⁶ Ta sventa ti Cristoe, ti jujunotique jmoj ta jvol jbatic jcotoltic ta sventa jun ti jol o'ntonale, mu sjip sten sbaic c'alal lec ti c'usi ta spasic ta jujun tale, scotolic ta stsac yipic, ta stsatsubic ta sventa ti oy syail xc'uxul o'ntonale.

Tzotzil San Andres

¹⁶ Ta sventa ti sbecꞌtalutic xa li Cristo yaꞌele, laj xa yacꞌbutic cabteltic li jujunutique. Jmojutic xa ta sventa ti coꞌol yichꞌojutic ta venta li Cristoe. Mi ta jpastic jcotoltic li cabteltic li yacꞌojbutique, lec ta xquil jbatic, más ta jcꞌuxubinan jbatic. Maꞌuc noꞌox ta jcꞌantic ichꞌel ta mucꞌ jtuctic.

Tzotzil de Huixtán

¹⁶ Ja' sventainojucutic jcotoltic yu'un ja' sbec'talucutic c'otemucutic. Hech yu'un lec ti jchi'in jbatic ti abtel xchi'uc ti Cristoe. Hech yu'un co'ol ti jcolta jbatic yu'un hech xu' ti yabtel ti Diose. Hech co'ol oy yip co'ntontic yu'un c'ux chca'i jbatic jcotoltic hech ch-epaj ti much'utic chch'umbeic sc'op ti Cristoe.

Efesios 4:16 Iomraidhean Croise

San Juan 15:5

“Vu'un li smuc'ta aq'uilun ts'usube. Li vo'oxuque sc'obc'oboxuc ts'usub. Li boch'o li' oy o ta jtojole, te oyun o ta stojol ec, jech xu' yu'un ep ta satin. Yu'un me avoc'oj abaic ta jtojole, mu'yuc c'usi xu' avu'un atuquic.

Romanos 12:4

Q'uelo avilic c'u x'elan li jbec'taltique; ep ta chop stsacoj sba, pero mu jchopuc no'ox yabtel scotolic.

1 Corintios 10:17

Ac'o me eputic, jun no'ox pan ta jve'tic. Ja' senyail ti jun c'otemutic ta jcotoltique, yu'un jcotoltic ta jve'tic li jun no'ox pane.

1 Corintios 13:13

Ja' yu'un oy oxib li c'usi mu xlaj sc'oplale: Ja' li xch'unojel co'ntontique, xchi'uc li smalael c'usi jpatoj co'ntontic yu'une, xchi'uc li c'anvaneje. Pero ti bu xjelov tsots sc'oplal yu'un li oxib li'i, ja' li c'anvaneje.

1 Corintios 8:1

Li'i ja' xa chacalboxuc tal sc'oplal li milbil matanal ta sventa c'usitic cuybilic ta diose. Ta jna' ti acotolic xa xana'beic lec smelole. Pero me ja' no'ox chcaltic ti jna'betic xa smelole, xu' chlic jtoy jbatic o. Yan me ja' jna'tic lec xijc'anvane, ja' sventa chijtsatsubutic.

Gálatas 5:22

Yan li yabtel Ch'ul Espiritue ja' jech chac li'i: ta jc'anan jbatic, xcuxet no'ox co'ntontic, jun no'ox co'nton jcotoltic, oy smuc'ul co'ntontic, lec no'ox chijc'opojutic, oy slequil co'ntontic, oy xch'unojel co'ntontic,

Gálatas 5:6

Yu'un ta stojol Cristoe, ma'uc tsots sc'oplal me quich'ojtic circuncisión, me muc quich'ojticuc circuncisión. Ja' tsots sc'oplal li xch'unojel co'ntontique, yu'un jech xu' cu'un chijc'anvanutic.

Efesios 1:4

Xchi'uc la st'ujutic ta sventa Cristo ti c'alal mu'yuc to'ox banamile, yu'un jech mu'yuc jmultic, mu'yuc quic'ubaltic chijyilutic, yu'un c'anbilutic ono'ox yu'un.

Efesios 3:17

Yu'un jech j'ech'el te ac'o naquiuc o ta avo'ntonic li Cristo ta sventa li xch'unojel avo'ntonic ta stojole. Jech ch-ayin lec yibel, ch-ayin lec snacleb ta avo'ntonic li c'anvaneje.

Efesios 3:7

Ja' yu'un, vu'un laj quich' cabtel xcholel ta sventa slequil yo'nton li Diose, yu'un jech la sc'an yo'nton stuc ta sventa stsatsal svu'el.

Efesios 4:12

Jech la xchapan ta sventa li yu'untaque, yu'un jech xu' tspas li yabtelique, yu'un jech lec chch'i batel sbec'tal li Cristoe.

Efesios 4:15

Tsc'an ja' no'ox ac'o caltic c'usi melel ta sventa ti jc'anoj jbatique. Tsc'an chijch'iutic batel ta stojol li Cristoe, ja' li Joltique.

Filipenses 1:9

Jech ta jc'anbe ep vocol Dios ti ech'em ac'o yepajesboxuc li c'anvanej avu'unique, xchi'uc ac'o bijubanic lec, ac'o ana'ic yotquinel lec scotol.

Colosenses 2:19

Mu'yuc bu stsacoj sbaic xchi'uc li Sjolique ja' li Cristoe, ti ja' chac' ch'iuc, ti ja' tsmac'lin lec li sbec'tal ta sventa ti lec stsacoj sbaic ta sts'acaliltac xchi'uc ta xch'uxuviltaque, jech lec chch'i batel ta sventa li ts'itesel chac' Diose.

Colosenses 2:2

Ta xcac' persa, yu'un jech xu' tstsatsub yo'ntonic ta stojol Dios. Jech co'ol chac'anan aba acotolic, jech chava'ibeic lec smelol, chavotquinic lec c'usi snopoj li Dios Totil ti mu'yuc to'ox vinajeme, ja' li sc'oplal Cristoe.

1 Tesalonicenses 1:3

Scotol ora ta jna'cutic ta stojol Jtotic Dios li avabtelic ta sventa xch'unojel avo'ntonique, xchi'uc li c'usi chapasic ta sventa chac'anvanique, xchi'uc ti oy stsatsal avo'ntonic ta sventa ti chamalaic li Cajvaltic Jesucristoe.

1 Tesalonicenses 2:13

Ja' yu'un mu xlaj co'ntoncutic o stojbel ta vocol li Diose. Yu'un c'alal laj ava'yic li sc'op Dios la jcholcutic ava'yique, lec laj avich'ic ta muc'. Muc xanopic ti ya'yej no'ox cristianoe. Laj ach'unic ti ja' sc'op Diose, ti ja' melele, jech te ch-abtej o ta avo'ntonic vo'oxuc ti ach'unojique.

1 Tesalonicenses 3:12

Ac'o yepajesboxuc slequil avo'ntonic li Cajvaltique, yu'un jech talbat chac'anan abaic, xchi'uc jech xu' chac'anic scotol boch'ouc no'ox, jech chac c'u cha'al lec jc'anojotcutic li vu'uncutique.

2 Tesalonicenses 1:3

Quermanotac, tsc'an scotol c'ac'al ta jtojbecutic ta vocol Dios ta aventaic. Yu'un ja' jech tsc'an pasel ta sventa ti lec ach'unojique, ti yantic chach'iic batel ta stojol Cajvaltique, xchi'uc ti acotolic jujunoxuc yantic ch-epaj batel li c'anvanej avu'unique.

1 Timoteo 1:5

Ti jech chacalbote, ja' sventa ac'o jc'anan jbatic, yu'un jech chvinaj ti lecuben xa co'ntontic ta melele, xchi'uc ti tuc' c'usi oy ta jol ta co'ntontique, ti muc nacauc no'ox ta jcuy jbatic ti jch'unojtique.

1 Pedro 1:22

Li vo'oxuque pocbil xa avo'ntonic ta sventa ti ach'unojic xa li sc'op Dios ti ja' melele, yu'un chac'anan abaic ta sventa ti achi'il xa abaic ta voq'uel c'oteme. Jech tsc'an j'ech'el chac'anan abaic o ta scotol avo'ntonic xchi'uc ta scotol atsatsalic.

1 Juan 4:16

Li vu'utique laj xa jna'tic, xchi'uc jch'unojtic xa ti sc'anojutic li Diose. Li Diose ja' stalel ta xc'anvan o. Li boch'o ta xc'anvane te oy ta stojol li Diose. Jech ec li Diose te nacal ta yo'nton.