Efesios 4:12 - Bible in Tzotzil de Chenalhó with Deuterocanon

¹² Jech la xchapan ta sventa li yu'untaque, yu'un jech xu' tspas li yabtelique, yu'un jech lec chch'i batel sbec'tal li Cristoe.

Tzotzil Zinacantan

¹² Scotol leꞌe, jaꞌ yoꞌ xachanic o acotolic uc cꞌu xꞌelan chatunic yuꞌun ti Cristoe, voꞌotic ti coꞌol spat xoconotic yaꞌele.

Bible in Tzotzil de Chamula

¹² Ja' jech laj yac'be sbijil ti yu'untaque yo' jech ta xtunic ta sventa ti yabtele, xchi'uc yo' ta x'ayan yipic ti jch'unolajeletic ti c'otemic ta sbec'tal stacopal ti Cristoe.

Tzotzil San Andres

¹² Jech ispas li Cristoe yoꞌ acꞌo tsatsubuc yoꞌonic li snichꞌnabtaque jech chtuneic o. Jech jcotoltic coꞌol ta stsatsub coꞌontic, joꞌotic li sbecꞌtalutic yaꞌel li Cristoe.

Tzotzil de Huixtán

¹² Hech laj spas ti Diose yu'un hech chich' coltael ti much'utic t'ujbil yu'une yu'un hech chac' sbaic ti abatinel yu'un ti Diose. Hech stsac yip ti sc'op ti Cristoe.

Efesios 4:12 Iomraidhean Croise

San Lucas 22:32

Pero laj xa jc'opanbot Dios ta atojol, yu'un jech mu me xch'ay o li xch'unojel avo'ntone. C'alal ta xlic asutes avo'ntone, vo'ot chatsatsubtasbe yo'nton li achi'iltaque —xut.

Hechos 1:17

Co'ol to'ox tsacbiluncutic ta atel xchi'uc li Judase. Oy to'ox ta sventa ec li abtel quich'ojcutic li'i.

Hechos 1:25

Yu'un ja' ta x'och ta sventainel li abtel li'i. Ja' ta xcom ta avajtacbolal. Yu'un li Judase la scomtsan yabtel; la stam batel yan be, jech ibat o ta yavil stuc”, xi la sc'opanic Dios.

Hechos 11:23

C'alal ic'ote, laj yil c'u x'elan c'uxubinbilic yu'un Dios li jch'unolajeletique, jech xcuxet ic'ot yo'nton. Te la stsatsubtasbe yo'ntonic, laj yalbe ti junuc yo'ntonic o ta stojol Cajvaltique.

Hechos 20:24

Pero le'e mu xcac' ta co'nton. Ma'uc tsots sc'oplal chca'ay ti cuxulune. Ja' no'ox venta me jun co'nton o chcuch cu'un li anil jbats'ile, xchi'uc me ivu' cu'un li cabtel yac'ojbun Cajvaltic Jesuse, ja' ti ta jchol li Lequil A'yeje, ja' ti ep chc'anvan li Diose.

Hechos 20:28

Ja' yu'un chabio me aba atuquic. Chabiic noxtoc li chijetique yu'un ja' avabtel la'ac'batic yu'un Ch'ul Espíritu ti c'alal lacomic ta jq'uelvanej yu'un jcholc'opetique. Jech sc'an chaq'uelic lec, yu'un li steclumal Cajvaltique smanojan ta xch'ich'al.

Hechos 9:31

Jech ipaj svocolic li jujutsob jch'unolajeletic ta scotol Judea banamil, ta Galilea banamil, xchi'uc ta Samaria banamile. Jun xa yo'ntonic laj yich'ic ta muc' li Cajvaltique. I'ac'bat stsatsal yo'ntonic yu'un li Ch'ul Espiritue, jech i'epajic o.

Romanos 12:5

Ja' no'ox jechutic ec li vu'utique, eputic, pero jun no'ox jbec'taltic c'otem ta stojol li Cristoe. Jchi'il jbatic, jtsacoj jbatic ta jcotoltic.

Romanos 12:7

Me ja' amoton yu'un Dios chacoltavan ta c'usiuc no'ox abtelale, coltavanan me. Me ja' amoton yu'un Dios chachanubtasvane, chanubtasvanan me.

Romanos 14:19

Ja' yu'un, ja' ac'o jpastic o batel li c'usi sventa lec jun co'nton jcotoltique, xchi'uc li c'usi ja' sventa chijtsatsubutic yu'une.

Romanos 15:14

Quermanotac, jch'unoj, jna'oj lec ti nojem xa ta avo'ntonic li slequil avo'ntonique, xchi'uc ti xavotquinic xa lec scotole, jech xu' xa avu'un talbat chataq'ui abaic ta jujuntal.

Romanos 15:2

Li jujunutique ja' ac'o jpastic li c'usi ja' sventa slequilal yantique, ti ja' sventa tstsatsub o yo'ntonique.

Romanos 15:29

C'alal me lic'ot ta atojolique, ta jna' ti ep bendición yu'un Cristo chquich'tic ta jcotoltique.

1 Corintios 12:27

Li vo'oxuque sbec'taloxuc li Cristoe. Li jujunoxuque te nabaloxuc ta sbec'tal.

1 Corintios 12:7

Li c'usi xu' cu'untic spasel ac'bilutic jujunutic ta sventa li Ch'ul Espiritue, ja' sventa chtun cu'untic scotol.

1 Corintios 14:12

Ja' yu'un li vo'oxuque, ta sventa ti ja' oy ta avo'ntonic li matanal chac' Ch'ul Espiritue, ja' c'anic ti ja' ac'o ataic li matanal sventa tstsatsub ta stojol Dios li jch'unolajeletique.

1 Corintios 14:14

Yu'un me ta jc'opan Dios ta yan c'ope, ta jch'ulel no'ox ta jc'opan jba jchi'uc li Diose, pero li jole mu'yuc c'usi tsnop.

1 Corintios 14:26

Quermanotac, li c'usi tsc'an chapasic c'alal chatsob abaique: yan ac'o q'uejinicuc; yan ac'o xcholic sc'op Dios; yan ac'o yalic c'usi ch-ac'bat sna'ic yu'un Dios; yan ac'o c'opojicuc ta yan c'op; yan ac'o sjelubtasic li c'ope. Pero scotol li c'usi chapasique ja'uc me sventa chatsatsubic o ta stojol Dios.

2 Corintios 12:19

¿Me chanopic noxtoc ti yu'un ta jpoj jbacutic ti jech chcale? Li vu'uncutique ta stojol Dios xchi'uc ta stojol Cristo chic'opojcutic. Scotol li c'usi laj calboxuc, vo'oxuc ti lec jc'anojoxuque, ja' sventa ac'o tsatsubanic ta stojol Dios.

2 Corintios 13:11

Quermanotac, slajeb li c'usi chacalboxuc tale. Cuxetuc no'ox avo'ntonic, tuq'uibtaso abaic, patbo aba avo'ntonic, co'oluc c'usi chanop acotolic, junuc xa avo'ntonic. Li Dios ti stalel chc'anvane xchi'uc ti tsc'an jun no'ox co'ntontique, te chaxchi'inoxuc o.

2 Corintios 13:9

Jech xcuxet no'ox co'nton ti vu'uncutic mu'yuc jtsatsalcutique, yu'un vo'oxuc oy atsatsalic. Yo'to ta jc'opancutic Dios ta atojolic, yu'un ac'o lecubanic batel.

2 Corintios 3:8

Buuc xa li xojobal c'usi ital ta sventa Ch'ul Espiritue, ja' to toj ech'em stsatsal.

2 Corintios 4:1

Ja' yu'un mu xchibaj co'ntoncutic ta xcholel, yu'un ja' cabtel laj yac'buncutic Dios ta sventa ti toj ep la xc'uxubinuncutique.

2 Corintios 5:18

Scotol le'e, chlic tal ta stojol Dios. Ja' li boch'o laj yac' co'lajuc co'nton jchi'uc ta sventa li Cristoe, xchi'uc ti laj yac'bun cabtelcutic xcholel ti ico'laj xa co'nton jchi'uctique.

2 Corintios 6:3

Mu jc'an boch'o jsocbecutic yo'nton junuc. Yu'un mu jc'an chopol chbat sc'oplal li yabtel Dios yac'ojbuncutique.

2 Corintios 7:1

Ja' yu'un vo'oxuc ti lec jc'anojoxuque, ja' jc'oplaltic ti va'ay x'elan yaloj li Diose. Jech tsc'an ac'o me jq'uel jbatic ta sventa li c'usi tsoques jbec'taltic xchi'uc co'ntontique. Ja' tsc'an chijlecubutic o batel ta sventa ti quich'ojtic xa ta muc' li Diose.

Efesios 1:23

Ja' sbec'tal ic'ot li steclumale, jech lec ts'acal ic'ot o sbec'tal li Cristo ti ja' oy ta sventa tsts'acubtas scotole.

Efesios 4:16

Vu'utic sbec'tal c'otemutic, lec jtsacojan jbatic, lec jnitojan jbatic ta jts'acaliltic, ta jch'uxuviltic. Jech co'ol ta jcolta jbatic jcotoltic ta sventa li c'usitic cabteltic ta jujuchope. Jech co'ol chijch'iutic batel jcotoltic, co'ol chijtsatsubutic batel ta sventa ti lec jc'anoj jbatique.

Efesios 4:29

Mu xa me xloc' ta aveic scotol c'usitic mu'yuc lec. Ja' alic c'usitic lec ti ja' sventa chijtsatsubutic yu'une, yu'un jech xu' chtun yu'unic ec li boch'otic oy to c'usi sc'an yu'unique.

Efesios 4:4

Yu'un jun no'ox lijc'ot jcotoltic. Jun no'ox li Ch'ul Espíritu quich'ojtique, jech chac c'u cha'al jun no'ox li c'usi jmalaojtic chc'ot quich'tic ta sventa ti co'ol xa yic'ojutic li Diose.

Colosenses 1:24

Li' ta orae toj xcuxet no'ox co'nton ti chquich' vocol ta acojique, yu'un jech ta jts'acubtas ta jbec'tal ti c'u to yepal sc'an sts'aqui svocol Cristo ta sventa li steclumale, ja' li sbec'tale.

Colosenses 1:28

Ja' yu'un ta jcholbecutic ya'yic scotol li cristianoetique. Ta xcac'becutic lec sna'ic; ta jchanubtascutic lec ta sventa li bijubtaseletique, yu'un jech staoj lec xch'iel scotolic c'alal chc'ot sva'an sbaic ta stojol Dios ta sventa ti jun oyic xchi'uc li Cristo Jesuse.

Colosenses 4:17

Albeic Arquipo ti ac'o me sventain lec li yabtel i'ac'bat yu'un Cajvaltique, ac'o me c'otuc ta pasel yu'un.

1 Timoteo 1:12

Coliyalbun Cajvaltic Jesucristo ti laj yac'bun jtsatsale. Yu'un la spat yo'nton cu'un, jech laj yic'un ta yajtunel.

2 Timoteo 4:11

Ja' xa no'ox Lucas li' jchi'inoje. Ic'o tal li Marcose, yu'un ta xtun cu'un sventa chiscoltaun ta abtel.

2 Timoteo 4:5

Pero li vo'ote, tuneso me lec abijil ta sventa scotol. Cuchuc me avu'un scotol li vocole. Paso me li avabtel ta spuquel Lequil A'yeje. Ac'o me vu'uc avu'un li avabtel avich'oje.

Hebreos 13:17

Ch'unbeic me c'usi chayalboxuc li boch'otic sventainojoxuque; ich'ic me ta muc'. Yu'un ja' ta xchabioxuc, yu'un tsna'ic ti ta ono'ox xc'ot yalic ta stojol Dios ti c'u x'elan ch-abtejique. Me chavich'ic ta muq'ue, xcuxet no'ox yo'nton ch-abtejic; mu'yuc bu chlo'ilaj yo'nton avu'unic. Yu'un mu'yuc c'usi chataic ec me jech chapasique.

Hebreos 6:1

Jech tsc'an ti mu ja'uc no'ox chcalilanbe jbatic ti c'u x'elan lij'albat sc'op Cristo ta sliquebe. Cac'tic persa ti ac'o ch'icutic lec batele. Mu me ja'uc no'ox xcalilanbe jbatic ti ac'o jsutes co'ntontic ta sventa li c'usi ch-ac'van ta ch'ayele, xchi'uc ti ac'o jch'untic Diose,