Efesios 4:1 - Bible in Tzotzil de Chenalhó with Deuterocanon

¹ Ja' yu'un chacalboxuc, vu'un ti li' tiq'uilun ta chuquel ta sventa Cajvaltique, avocolicuc ja' me pasic batel li c'usi sc'oplal tsc'an chapasic ta sventa ti ic'biloxuc xae.

Tzotzil Zinacantan

¹ Lavi liꞌ tiqꞌuilon o ta chuquel ti chitun yuꞌun ti Cajvaltic Jesuse, oy cꞌusi chacalbeic. Ti layiqꞌuic ti Rioxe, jaꞌ tscꞌan ti naca lec li cꞌusitic chapasique.

Bible in Tzotzil de Chamula

¹ Ja' yu'un un, ti vu'un tiq'uilun ta chuquel ta sventa ti Cajvaltique, ta jc'anboxuc vocol ta atojolic, ti tuc'ulano abaic jech c'u cha'al laj snop ac'oplalic ti Dios c'alal laj staoxuc ta iq'uele.

Tzotzil San Andres

¹ Ta sventa ti toj cꞌuxutic ta yoꞌon li Cristoe, oy cꞌusi ta jcꞌan ti acꞌo xapasique, joꞌon li liꞌ tiqꞌuilun ta chuquel ta sventa ti chitun yuꞌun li Cajvaltique. Jaꞌ me scꞌan ti naca lec li cꞌustic chapasique yuꞌun yacꞌojoxuc xa ta scꞌob li Diose.

Tzotzil de Huixtán

¹ Ho'on ti li' tiq'uilun ti chuquele yu'un chi'abtej yu'un ti Cajvaltique, hech chacalbeic. Yu'un ti laj xa yic'oxuc ti stojol ti Diose hech yu'un tsc'an ti toj me chapas abaic li' ti balumile.

Efesios 4:1 Iomraidhean Croise

Génesis 17:1

C'alal yich'oj xa'ox balunlajuneb yo'vinic (99) jabil li Abrame, li Muc'ul Diose laj yac' sba ta ilel ta stojol yan velta. Jech laj yalbe: —Vu'un Diosun ti scotol xu' cu'une. Tuc'uc me avo'nton ta jtojol. Mu me c'usi chopol xapas.

Génesis 5:24

Ta sventa ti jun yo'nton la spasbe c'usi tsc'an Dios li Enoque, jech isacch'ay no'ox batel, yu'un i'ic'at batel yu'un li Diose.

Jeremías 38:20

Itac'ov li Jeremiase: —Ajvalil, mu'yuc cha'och ta sc'obic. Ja' ch'uno c'usi chal li Muc'ul Dios li' chacalbote; jun avo'nton chacom, mu'yuc chacham.

Hechos 9:31

Jech ipaj svocolic li jujutsob jch'unolajeletic ta scotol Judea banamil, ta Galilea banamil, xchi'uc ta Samaria banamile. Jun xa yo'ntonic laj yich'ic ta muc' li Cajvaltique. I'ac'bat stsatsal yo'ntonic yu'un li Ch'ul Espiritue, jech i'epajic o.

Romanos 11:29

Yu'un li iq'uel, li c'uxubinel chac' Diose mu stac' lajesbel sc'oplal.

Romanos 12:1

Ja' yu'un quermanotac, ta sventa ti ep la xc'uxubinoxuc li Diose, ta jc'anboxuc vocol ta atojolic ti ac'o avac'beic sventain o abec'talique, yu'un jech ja' cuxul matanal chc'ot, ja' ch'ul matanal; toj lec xcuxet yo'nton yu'un li Diose. Ja' jech li mero yich'el ta muc' Dios tsc'an chapasique.

1 Corintios 4:16

Ja' yu'un ta jc'anboxuc vocol ta atojolic, ja' chanic c'u x'elan co'nton.

2 Corintios 10:1

Vu'un Pabloun. Ta sventa smuc'ul yo'nton, yutsil yo'nton Cristo ta jc'anboxuc vocol ta atojolic, vo'oxuc ti oy chavalic ti biq'uit cac'oj jba c'alal te oyun ta atojolique, ti ja' toj tsots ta jpas jba c'alal nom oyune.

2 Corintios 5:20

Jech vu'uncutic xq'uexol Cristo c'otemuncutic. Ja' yu'un ja' chc'opoj stuc Dios ta jventacutic. Tsc'anbutic vocol ta jtojoltic, jech chijyalbutic: “Ta sventa Cristo chajc'anboxuc vocol, co'oluc me avo'ntonic xchi'uc li Diose”, xijyututic.

2 Corintios 6:1

Ta sventa ti co'ol chi'abtejcutic xchi'uc li Diose, ja' yu'un chajc'anboxuc vocol ec: Mu me alticuc ti oy slequil yo'nton ta atojolic li Diose.

Gálatas 4:12

Quermanotac, avocolicuc jech xapas abaic jech chac c'u cha'al vu'un, yu'un c'alal te oyun ta atojolique jech la jpas jba jech chac c'u cha'aloxuc ec. Mu yu'unuc oy c'usi chopol laj apasbicun ti jech chacalboxuque.

Efesios 2:10

Yu'un ja' stuc la spasutic, ja' laj yac' ayincutic ta sventa li Cristo Jesuse, yu'un ac'o jpastic c'usitic lec. Yu'un jech ono'ox chapal yu'un Dios tsc'an ta jpastic.

Efesios 3:1

Ta sventa ti jech ic'ot ta pasele, jech li' tiq'uilun o ta chuquel ta sventa Cristo Jesús, vu'un li Pabloune. Yu'un ja' sventa alequilalic vo'oxuc li yanlum cristianooxuque.

Efesios 4:17

Ja' yu'un chacalboxuc ava'yic, ta jc'anboxuc tsots vocol ta sventa li Cajvaltique, mu xa me jechuc xapasic jech chac c'u cha'al li yantic achi'iltaquic ti mu xotquinic Diose, ti mu'yuc stu c'usitic tsnopique.

Efesios 4:4

Yu'un jun no'ox lijc'ot jcotoltic. Jun no'ox li Ch'ul Espíritu quich'ojtique, jech chac c'u cha'al jun no'ox li c'usi jmalaojtic chc'ot quich'tic ta sventa ti co'ol xa yic'ojutic li Diose.

Efesios 5:2

C'ano abaic jech chac c'u cha'al la sc'anutic li Cristoe, yu'un laj yac' sba ta milel ta jcojtic. Ja' smoton Dios ic'ot, ja' milbil matanal ti oy lec smuil laj ya'ay li Diose.

Filipenses 1:27

Ja' no'ox tsots sc'oplal ti ac'o apasic batel jech chac c'u cha'al chal li Lequil A'yej yu'un Cristoe. Yu'un jech c'alal chtal jq'ueloxuc, o c'alal nom oyune, ta xca'ay ac'oplalic ti staoj yav jun avo'ntonic oe, ti co'ol avo'nton chavac'beic yipal xch'unel li Lequil A'yeje,

Filipenses 3:14

Ta jc'an chic'ot c'alal ta slajeb yo' bu oy li jmoton ti sc'oplal chquich' ta sventa ti laj xa yic'un Dios ta sventa li Cristo Jesuse.

Colosenses 1:10

Yu'un jech xu' lec tuc' chaxanovic ta sventa ti oyoxuc ta stojol li Cajvaltique, jech xu' chapasic li c'usitic lec chile. Jech lec tsatin batel li lequil abtel chapasique, jech chach'iic batel ta yotquinel li Diose.

Colosenses 2:6

Ta sventa ti laj xa avich'ic ta muc' li Cajvaltic Jesucristoe, te me oyanic o ta stojol.

Colosenses 4:12

Chabanuc xayalboxuc tal li Epafrase, ja' li achi'ilique, ja' li yajtunel Cristoe. Scotol c'ac'al yac'oj persa tsc'opan Dios ta atojolic, yu'un tsc'an ti ac'o junuc avo'ntonic o ta stojol Diose, ti ac'o tsatsubanic leque, xchi'uc ti ac'o ana'ic lec scotol c'usi tsc'an Diose.

1 Tesalonicenses 2:12

Lec la jtaq'uiotcutic, la jtsatsubtascutic lec avo'ntonic. Laj calbotcutic ti tsc'an jech chapasic jech chac c'u cha'al tsc'an pasel ta stojol li Dios ti laj yic'oxuc sventa cha'ochic ta slequilal yo' bu tspas mantale.

2 Tesalonicenses 1:11

Ja' yu'un scotol c'ac'al ta jc'opancutic Dios ta atojolic, yu'un jech lec ac'o yiloxuc o ta sventa ti laj xa yic'oxuc ta stojole, xchi'uc ti ac'o yac' vu'uc avu'unic spasel ta sventa svu'el li c'usi lec ti oy ta avo'nton chapasique, xchi'uc ac'o yac' vu'uc avu'unic spasbel yabtelal li xch'unojel avo'ntonique.

2 Timoteo 1:9

Ja' li Dios ti la scoltautique, ti laj yic'utic ta sventa li ch'ul iq'uel yu'un stuque. Ma'uc ta sventa lec cabteltic ti laj yic'utique. Ja' ta sventa ti jech ono'ox snopoj stuque. Yutsil yo'nton stuc laj yic'utic. Jech ono'ox snopoj c'alal mu'yuc to'ox banamil ti chiscoltautic ta sventa li Cristo Jesuse.

SUN TITO 2:10

Mu me smucul elc'anbeic c'usi oy yu'un li yajvalique. Ac'o yaq'uic ta ilel ti tuc' yo'ntonique, yu'un jech lec chbat sc'oplal li lequil chanubtasel yu'un Diose, ja' li Jcoltavanej cu'untique.

Hebreos 13:21

ac'o yac'boxuc scotol c'usitic lec, yu'un jech xu' avu'un chapasic li c'usitic tsc'ane. Chac' vu'uc avu'unic ta sventa Jesucristo li c'usitic lec chile. Jech ac'o ich'atuc ta muc' sbatel osil. Jechuc.

Hebreos 3:1

Ja' yu'un, jchi'iltac, vo'oxuc ti lecubtasbiloxuc xae, ti ic'biloxuc xa sventa cha'ochic ta vinajel eq'ue, ja' me xanopilanic li Jesús ti itacat tale, ja' li Banquilal Pale cu'untique, ja' li boch'o jch'unojtique.

1 Pedro 2:11

Vo'oxuc ti lec jc'anojoxuque, ta jc'anboxuc vocol ta atojolic vo'oxuc ti ja' jechoxuc jech chac c'u cha'al yanlum, ti jxanubaletic no'oxe, ti jelovel no'ox chjelovic li' ta banamile. Mu me xach'unic li c'usi tsc'an abec'talique, yu'un scontra sbaic xchi'uc li c'usi tsc'an co'ntontique.

1 Pedro 3:9

Mu me chopoluc c'usi xapasbeic ec li boch'o chopol c'usi chaspasboxuque. Mu me xachopolc'optaic ec li boch'o ta xchopolc'optaoxuque. Ja' tsc'an chac'anbeic slequilalic, yu'un jech ac'o staic bendición. Yu'un ic'biloxuc yu'un Dios ti jech ac'o apasique, yu'un jech ac'o avich'ic bendición.

1 Pedro 5:10

Me icuch avu'unic li vocol ti jliquel no'ox li' chquich'tique, li Dios ti toj ep slequil yo'ntone, ti laj yic'oxuc yu'un ac'o bat achi'inic ta slequilal ta sventa ti ach'unojic li Jesucristoe, chayac'boxuc lec stsatsal avo'ntonic, chaspasboxuc ta jun avo'ntonic, chasnacanboxuc lec avo'ntonic.

2 Pedro 1:3

Ta sventa ti laj xa cotquintic li Dios ti laj yic'utic ta svu'el stsatsale, jech laj xa yac'butic scotol c'usitic ta xtun cu'untic sventa chijcuxiutic, xchi'uc sventa chquich'tic ta muc'.

2 Juan 1:5

Li' ta orae ta jc'anbot vocol ti ac'o jc'anan jbatic jcotoltique. Ma'uc ach' mantal ta jts'ibabot tal; ja' ono'ox li mantal laj ca'itic c'alal lic jch'untique.