Efesios 3:9 - Bible in Tzotzil de Chenalhó with Deuterocanon

⁹ Xchi'uc ja' cabtel chcac' lec ta na'el ta jamal c'u x'elan yutsil li c'usi nopbil ta vo'one, ti epal jabil muc xac' ta na'el li Dios ti la spas scotol c'usitic oye.

Tzotzil Zinacantan

⁹ Chcal aꞌyuc ti jaꞌ onox yech snopoj ti Rioxe, jaꞌ ti muchꞌu ispas scotol li cꞌusitic oye. Pero mu toꞌox bu vinajem.

Bible in Tzotzil de Chamula

⁹ Ti Buch'u laj smeltsan scotol ti c'usitic oye, laj yac'bun cabtel ta svinajesel ta stojol scotol ti jnaclejetic ta banomil ti c'usi mu to ox xvinaj yu'un ti Dios ta vo'nee.

Tzotzil San Andres

⁹ Jaꞌ cabtel ta xcalbe scotol crixchanoetic ti coꞌol xuꞌ chijcolutic jcotoltique. Jech onoꞌox snopoj ta voꞌone li Dios li la spas scotol li cꞌustic oye, pero muc buchꞌu snaꞌ.

Tzotzil de Huixtán

⁹ Chcac'be sna'ic scotol crixchanoetic ti co'ol chijcolucutic yu'un ti Diose. Mi yanlum crixchanooxuc, mi ho'ontutic, co'ol chijcolucutic. Hech xchapanoj ono'ox ti Diose c'alal lic spas scotol ti c'utic oye. Ti crixchanoetic ti vo'onee mu laj sna'ic ti hech xchapanoj ti Diose ti chacolic uque.

Efesios 3:9 Iomraidhean Croise

Salmos 33:6

Li vinajele ta sc'op no'ox Muc'ul Dios i'ayin; scotol li c'usitic oy ta vinajele ta yic'al ye no'ox la spas.

Isaías 44:24

Li Muc'ul Dios, ja' li Jpojvanej avu'un ti la xchapanot tal ta yut ch'utile, jech chal: “Vu'un Muc'ul Diosun, jtuc la jpas scotol li c'usitic oye; jtuc la jlich'an batel li vinajele; jtuc la jnacan lec li banamile.

San Mateo 10:27

Li c'usi laj calboxuc atuquique, alic batel ta jamal. Li c'usi laj ava'ay ta achiquinique, puquic batel ta stojol scotolic.

San Mateo 13:35

Yu'un ja' ic'ot o c'usi laj yal li yaj'alc'op Dios ta vo'onee. Jech laj yal: “Ta puru lo'il c'op chic'opoj. Ja' ta xcal li c'usitic mu'yuc ya'yojic c'alal lic meltsajuc tal li banamile”, xi ono'ox.

San Mateo 25:34

Vu'un li muc'ta Ajvalilune jech chlic calbe li boch'otic te oyic ta jbats'ic'obe: ‘La'ic, yu'un c'uxubinbiloxuc yu'un li Jtote. Ochanic ta pasmantal, yu'un jech ono'ox chapanbil ac'oplalic ta vo'one ti c'alal ilic li banamile.

San Mateo 28:19

Ja' yu'un batanic me; bat pasic ta jch'unolajel cu'un li cristianoetic ta jujun banamile. Ac'bo yich'ic vo' ta sventa li Jtote xchi'uc ta jventa vu'un li Nich'onilune xchi'uc ta sventa li Ch'ul Espiritue.

San Lucas 24:47

Ts'ibabil noxtoc ti ja' ta sbi ta xcholbat ya'yic cristianoetic ta scotol banamil ti ac'o sutes yo'ntonique, xchi'uc ti ja' ba'yuc ta xcholbat li boch'otic li' nacajtic ta Jerusalene, yu'un jech xu' tspasbat perdón yu'un smulic.

San Juan 10:30

Li vu'une jununcutic xchi'uc li Jtote —xi li Jesuse.

San Juan 5:17

Li Jesuse jech laj yalbe li j'abteletic yu'un judioetique: —Li Jtote ta to x'abtej. Jech ta xi'abtej ec li vu'une —xut.

San Juan 5:19

Li Jesuse jech laj yalbe: “Jamal chacalboxuc ava'yic, vu'un li Xnich'onun Diose mu'yuc c'usi xu' cu'un ta jpas jtuc; ja' no'ox li c'usi tspas chquil li Jtote, ja' jech ta jpas ec.

Hechos 15:18

xi li Dios ti vo'one ono'ox laj yac' ta na'el ti jech snopoje’, xiic li j'alc'opetique.

Romanos 11:25

Quermanotac, ta jc'an chana'ic c'usi chapal yu'un Dios ti mu'yuc to'ox boch'o la sna'e, yu'un jech mu xanopic ti lec xana'ique. Li' ta orae tsatsuben yo'ntonic li israeletique, pero ja' no'ox me its'aqui ti c'u yepal sc'oplal ch-ic'atic li yanlum cristianoetique,

1 Corintios 2:7

Li vu'uncutique ja' ta xcalbecutic sc'oplal li bijilil ta sventa Dios ti mu'yuc boch'o la sna'e. Ja' li jun bijilil ti mucul to'oxe, ja' ti nopbil ono'ox yu'un Dios c'alal mu'yuc to'ox banamil ti ja' sventa jlequilaltic chc'ote.

Efesios 1:4

Xchi'uc la st'ujutic ta sventa Cristo ti c'alal mu'yuc to'ox banamile, yu'un jech mu'yuc jmultic, mu'yuc quic'ubaltic chijyilutic, yu'un c'anbilutic ono'ox yu'un.

Efesios 3:2

Chcal ti ava'yojic ti slequil no'ox yo'nton Dios laj yac'bun cabtel ta atojolique.

Efesios 6:19

Xchi'uc c'anbicun vocol ta jtojol ec li vu'une, yu'un ac'o sjambun que, jech jamal ac'o cal c'usi toj lec ta jtatic yu'un li Lequil A'yej ti mu'yuc to'ox vinajeme.

Colosenses 1:23

Ta melel ja' jech chac'otic me staoj yav lec nacal o li avo'ntonique, me jun avo'nton ach'unojic oe, me mu x'ech' avo'ntonic o ta smalael li c'usi sc'oplal chataic ta sventa ti Lequil A'yej laj ava'yique, ja' li Lequil A'yej ti laj xa yich' cholbel scotol cristianoetic li' ta banamile. Ja' cabtel o xcholel vu'un li Pabloune.

Colosenses 1:26

Ja' li c'usi muc sna'ic cristianoetic ta vo'one ti epal jabil xa sjelovelique. Pero li' ta orae laj xa yac'be sna' li yu'untaque.

Colosenses 3:3

Yu'un chamenoxuc xa ya'yel. Ja' xa cuxuloxuc ta sventa li Cristo ti junic xchi'uc Diose. Ja' te nac'al ta stojol li acuxlejalique.

Colosenses 4:3

C'alal chac'opanic Diose, c'opanbuncutic Dios ta jtojolcutic ec, yu'un jech ac'o sjam lec ti'na li Diose. Jech xu' ta jpucbecutic li sc'ope, jech chlic ya'ibeic sc'oplal li Cristoe, ja' ti mu'yuc to'ox vinajeme. Yu'un ja' ta sventa ti li' tiq'uilun ta chuquele.

2 Tesalonicenses 2:13

Pero ta sventa li vo'oxuc ti ach'unojic xae, ti c'anbiloxuc yu'un Cajvaltique, scotol c'ac'al tsc'an ta jtojbecutic ta vocol Dios ta aventaic. Yu'un t'ujbiloxuc ono'ox ta sliquebal, yu'un ac'o colanic sbatel osil ta sventa ti lecubtasbiloxuc xa yu'un li Ch'ul Espiritue, xchi'uc ta sventa ti laj ach'unic li c'usi melele.

1 Timoteo 3:16

Yu'un jbel sc'oplal toj yan to sba smuc'ul li c'usi melel la jch'untique: Ja' li sc'oplal li Boch'o laj yac' sba ta ilel ta jtojoltic xchi'uc sbec'tale, ivinaj ta sventa Ch'ul Espíritu ti tuc' yo'ntone; i'ilat yu'un j'almantaletic. Ipucbat batel sc'oplal ta yantic banamil; laj yich' ch'unel li' ta banamil, xchi'uc laj yich' iq'uel muyel ta lequilal.

2 Timoteo 1:9

Ja' li Dios ti la scoltautique, ti laj yic'utic ta sventa li ch'ul iq'uel yu'un stuque. Ma'uc ta sventa lec cabteltic ti laj yic'utique. Ja' ta sventa ti jech ono'ox snopoj stuque. Yutsil yo'nton stuc laj yic'utic. Jech ono'ox snopoj c'alal mu'yuc to'ox banamil ti chiscoltautic ta sventa li Cristo Jesuse.

2 Timoteo 4:17

Pero li Cajvaltique te ono'ox oy ta jts'el. Ja' laj yac'bun jtsatsal, jech ivu' cu'un xcholbel li sc'ope, jech laj ya'yic scotol li yanlum cristianoetique. Jech licol loq'uel ta ye li leone.

SUN TITO 1:2

Jech tspat yo'ntonic ti xu' chcuxiic sbatel osile, ja' ti yaloj ono'ox Dios ta sliquebal ti ta xac' cuxicutique. Li stuque mu sna' x'epalc'opoj.

1 Pedro 1:20

Vo'one ono'ox nopbil c'alal mu'yuc to'ox banamil ti jech chc'ot ta pasele, pero ja' to ic'ot ta pasel ti c'alal po'ot xa slajebal c'ac'ale; ja' sventa alequilalic li vo'oxuque.

Apocalipsis 13:8

Jech scotol cristianoetic ta banamil laj yich'ic ta muc' li jti'vanej bolome, ja' li boch'otic mu'yuc ono'ox ts'ibabil sbiic ta vun ta sliquebal banamil sventa chcuxiic sbatel osile, ja' li vun yu'un li Ch'ium Chij ti laj yich' milele.

Apocalipsis 14:6

Ts'acal laj quil yan j'almantal te xvilet ta toyol ta vinajel. Ja' te yich'oj li Lequil A'yej sventa sbatel osil, yu'un ja' chcholbe scotol jnaclumetic ta jujun banamil, ta jujuchop sts'unubalic, ta jujuchop c'op, xchi'uc ta jujun lum.

Apocalipsis 17:8

Li jti'vanej bolom laj avile ja' to'ox, pero tana mu xa ja'uc. Ta xa xloc' tal ta natil xab sventa chbat ta lajel. Li jnaclumetic ta banamil ti mu'yuc ono'ox ts'ibabil sbiic ta vun sventa cuxlejal c'alal ilic li banamile chch'ay yo'ntonic, yu'un sna'ic ti ja' to'oxe, ts'acal mu xa ja'uc, pero ts'acal chloc' tal yan velta noxtoc.

Apocalipsis 4:11

“Cajval, vo'ot Diosot cu'uncutic, vo'ot no'ox atuc oy ta aventa albel alequilal, ich'el ta muc', xchi'uc vo'ot no'ox atuc oy avu'el. Yu'un vo'ot laj apas scotol li c'usitic oye, yu'un jech la sc'an avo'nton ti jech oye, ti jech i'ayin scotole”, xiic ta stojol li Diose.