Efesios 3:7 - Bible in Tzotzil de Chenalhó with Deuterocanon

⁷ Ja' yu'un, vu'un laj quich' cabtel xcholel ta sventa slequil yo'nton li Diose, yu'un jech la sc'an yo'nton stuc ta sventa stsatsal svu'el.

Tzotzil Zinacantan

⁷ Voꞌon listꞌuj ta yalel aꞌyuc ti jaꞌ chacꞌ jcuxlejaltic ta sbatel osil ti Cajvaltic Jesuse. Ta slequil noꞌox yoꞌon listꞌuj ti Rioxe. Ta slequil noꞌox yoꞌon listsatsubtasbe coꞌon ta spasel li cꞌusitic tscꞌane.

Bible in Tzotzil de Chamula

⁷ Ti li'och ta yalel ti lequil ach' c'ope, ja' sventa smuc'ul stsatsal ti Diose, ac'o mi ma'uc jc'otebal o.

Tzotzil San Andres

⁷ Joꞌon quichꞌoj cabtel ta xcal ti jaꞌ noꞌox chijcol ta sventa li Cajvaltique. Ta slequil noꞌox yoꞌon laj yacꞌbun cabtel li Diose, schiꞌuc ta slequil noꞌox yoꞌon laj yacꞌbun jtsatsal yoꞌ jech xuꞌ cuꞌun ta jpas li cabtele.

Tzotzil de Huixtán

⁷ Ho'on cabtel ti jchol ti lequil ach' c'ope. Yutsil yo'nton hech laj yac'bun cabtel ti Diose. Yutsil yo'nton laj yac'bun yip co'nton yu'un hech xu' cu'un ti cabtele.

Efesios 3:7 Iomraidhean Croise

Isaías 43:13

Jtalel te ono'ox oyun o, vu'un ono'ox Diosun o. Mu'yuc boch'o xu' tspoj loq'uel ta jc'ob, mu'yuc boch'o xu' tsmac ta be li c'usi nopbil cu'une”, xi li Diose.

Hechos 9:15

Pero jech i'albat yu'un li Cajvaltique: “Batan me. Yu'un li vinic le'e jt'ujoj sventa chtun cu'un. Ja' chispucbun batel jc'oplal ta stojol yanlum cristianoetic, xchi'uc ta stojol muc'tic ajvaliletic, xchi'uc ta atojolic ec, vo'oxuc li israeloxuque.

Romanos 1:5

Ja' li boch'o ta slequil no'ox yo'nton laj yic'uncutic ta yajtacbolal, yu'un jech xu' chlic xch'unic Cajvaltic li yanlum cristianoetique, jech ich'bil ta muc' chc'ot.

Romanos 12:3

Ta sventa ti yac'ojbun cabtel ta yutsil yo'nton li Diose, ja' yu'un jech chacalboxuc ta acotolic. Mu me boch'o toj muc' spas sba avu'unic. Ja' tsc'an chanopic lec jujunoxuc c'usi amotonic ac'biloxuc yu'un Dios ta sventa ti ach'unojique.

Romanos 15:16

Vu'un yajtunelun Dios ta stojol li yanlum cristianoetique. Ja' cabtelinoj xcholel li Lequil A'yej yu'un Diose, yu'un jech xu' chc'otic ta smoton Dios li yanlum cristianoetique. Ja' smoton Dios ti toj lec chile, ti lecubtasbil xa yu'un li Ch'ul Espiritue.

1 Corintios 15:10

Pero ta sventa slequil yo'nton li Diose, vu'un laj yac'bun cabtel. Pero mu alticuc li slequil yo'nton ta jtojole, yu'un vu'un xjelov xa yepal litun jech chac c'u cha'al li yantique. Pero muc ta jtsatsaluc jtuc, ja' ta sventa li slequil yo'nton Diose.

1 Corintios 3:5

¿C'usi yabtel li Apolose? ¿C'usi yabtel li Pabloe? Ja' no'ox chituncutic, ja' no'ox la jcholcutic ava'yic ti jech laj ach'unic Cajvaltique. Ja' no'ox la jpascutic jujununcutic li c'usi laj yac'bun jpascutic Cajvaltique.

2 Corintios 3:6

Ja' laj yac'bun jbijilcutic noxtoc sventa chituncutic yu'un li c'usi ach' chapanbil sventa chijcolutic oe. Ma'uc ta sventa li smantal Dios ts'ibabile; ja' ta sventa yabtel Espíritu ta co'ntontic. Yu'un li c'usi ts'ibabil no'ox ta vune ja' chac' chijchamutic. Pero li Ch'ul Espiritue ja' chac' cuxicutic.

2 Corintios 4:1

Ja' yu'un mu xchibaj co'ntoncutic ta xcholel, yu'un ja' cabtel laj yac'buncutic Dios ta sventa ti toj ep la xc'uxubinuncutique.

Gálatas 2:8

Li Dios ti laj yac'be yabtel Pedro sventa ch-abtej ta stojol li boch'otic yich'ojic circuncisione, ja' laj yac'bun cabtel ec sventa chi'abtej ta stojol li yanlum cristianoetique.

Efesios 1:19

Jech chana'ic noxtoc ti toj ech'em svu'el ta jtojoltic, vu'utic ti jch'unojtique. Ta sventa svu'el stsatsal

Efesios 3:2

Chcal ti ava'yojic ti slequil no'ox yo'nton Dios laj yac'bun cabtel ta atojolique.

Efesios 3:20

Li Dios li' ch-abtej ta jtojoltic ti toj ech'em svu'el, ti ech'em to jech tspas jech chac c'u cha'al ta jnoptic, o ta jc'anbetique,

Efesios 3:8

Vu'un ti xc'oxilun yu'unic li yantic yu'untac Diose, vu'un laj quich' cabtel spuquel ta stojol yanlum cristianoetic li c'uxubinel yu'un Diose ja' li Lequil A'yej ti chijyalbutic ti mu albaj c'u yepal c'uxubinel yu'un li Cristoe.

Efesios 4:16

Vu'utic sbec'tal c'otemutic, lec jtsacojan jbatic, lec jnitojan jbatic ta jts'acaliltic, ta jch'uxuviltic. Jech co'ol ta jcolta jbatic jcotoltic ta sventa li c'usitic cabteltic ta jujuchope. Jech co'ol chijch'iutic batel jcotoltic, co'ol chijtsatsubutic batel ta sventa ti lec jc'anoj jbatique.

Colosenses 1:29

Ja' yu'un tsots chi'abtej, cac'oj persa ta sventa svu'el li Cristo li' ch-abtej ta jtojole.

1 Tesalonicenses 2:13

Ja' yu'un mu xlaj co'ntoncutic o stojbel ta vocol li Diose. Yu'un c'alal laj ava'yic li sc'op Dios la jcholcutic ava'yique, lec laj avich'ic ta muc'. Muc xanopic ti ya'yej no'ox cristianoe. Laj ach'unic ti ja' sc'op Diose, ti ja' melele, jech te ch-abtej o ta avo'ntonic vo'oxuc ti ach'unojique.

Hebreos 13:21

ac'o yac'boxuc scotol c'usitic lec, yu'un jech xu' avu'un chapasic li c'usitic tsc'ane. Chac' vu'uc avu'unic ta sventa Jesucristo li c'usitic lec chile. Jech ac'o ich'atuc ta muc' sbatel osil. Jechuc.