Efesios 3:3 - Bible in Tzotzil de Chenalhó with Deuterocanon

³ Ja' laj yac'bun jna' li c'usi snopoj ta vo'one ti mu'yuc boch'o la sna'e, jech chac c'u cha'al laj xa ono'ox jts'ibaboxuc tal jutuque.

Tzotzil Zinacantan

³ Ti cꞌusi snopoj onox ti Rioxe ti mu toꞌox bu svinajesoje, liyalbe xa, yechꞌo ti ijtsꞌiba tal li jaypꞌel liꞌi.

Bible in Tzotzil de Chamula

³ Ti Diose laj yac'bun quil ti c'usi mu xvinaj to ox ta q'uelel yu'une jech c'u cha'al laj jts'ibaboxuc ta yalel ava'iic ti jbel cha'bel ta jlic jvune.

Tzotzil San Andres

³ Laj xa jtsꞌibaboxuc batel jutuc liꞌ ta jcartae ti yacꞌojbun xa jnaꞌ Dios li cꞌusi snopoj ta voꞌone ti muc toꞌox buchꞌu snaꞌe.

Tzotzil de Huixtán

³ Ti Diose laj yac'bun jna' ti co'nton ti c'usi muc x'ac'bat sna'ic ti crixchanoetic ti vo'one, ja' ti ac'opilalic ti chaxc'uxubinoxuc uc ti Diose. Hech yu'un ti laj xa jts'ibaboxuc jutuc ti carta ja' avi to.

Efesios 3:3 Iomraidhean Croise

Hechos 22:17

“C'alal lisut tal li' ta Jerusalene, bat jc'opan Dios ta ch'ulna. Pero oy c'usi laj yac'bun quil ta jch'ulel li Diose.

Hechos 22:21

Pero jech laj yalbun li Cajvaltique: ‘Batan me, yu'un vu'un ta jtacot batel ta nom ta stojol li yanlum cristianoetique’, xiyutun”, xi li Pabloe.

Hechos 23:9

Jech te iliquic o ta vochlajetel. Te lic sva'an sba jayibuc boch'otic lec xchanojic mantaletic ti xch'unojic fariseoe. Tsots lic c'opojicuc, jech laj yalic: —Mu'yuc la jtabetic smul li vinic li'i. Oy yic'al yu'un oy ic'opanat yu'un junuc li c'usi mu xquiltique, o me ic'opanat yu'un junuc yaj'almantal Dios —xiic.

Romanos 11:25

Quermanotac, ta jc'an chana'ic c'usi chapal yu'un Dios ti mu'yuc to'ox boch'o la sna'e, yu'un jech mu xanopic ti lec xana'ique. Li' ta orae tsatsuben yo'ntonic li israeletique, pero ja' no'ox me its'aqui ti c'u yepal sc'oplal ch-ic'atic li yanlum cristianoetique,

Romanos 16:25

Ac'o ich'atuc ta muc' li Dios ti ech'em stsatsale, ti xu' yu'un ta stsatsubtasboxuc avo'ntonic jech chac c'u cha'al chal li Lequil A'yej ta jchole, ja' li sc'oplal Cajvaltic Jesucristoe. Yu'un jech ono'ox chapal yu'un Dios ta sliquebal ti mu'yuc to'ox boch'o la sna'e.

2 Corintios 12:1

¿C'usi ta jtatic o me ta jtoy jbatique? Ta melel mu'yuc c'usi ta jtatic. Pero ta jc'an chacalboxuc ava'yic c'usi toj lec laj yac' ta ilel, c'usi laj yac' ta otquinel li Cajvaltique.

Gálatas 1:12

Li vu'une muc ta cristianouc la jch'am tal, muc cristianouc la jchanbe. Ja' laj yac'bun jna', ja' laj yac'bun quil ta jch'ulel stuc li Jesucristoe.

Efesios 1:17

Yu'un jech ac'o yac'boxuc abijilic li Dios yu'un Cajvaltic Jesucristoe, ja' li Totil ti toj ech'em slequilale. Xchi'uc ac'o yac' ana'ic c'u x'elan yo'nton li Diose, yu'un jech chavotquinic lec c'u x'elan.

Efesios 3:4

C'alal chaq'uelic li jcarta li'i, xu' te chana'ic o ti laj xa jna' li c'usi snopoj ono'ox li Dios ti mu'yuc to'ox vinajeme.

Efesios 3:6

Ja' ti sc'oplal co'ol xu' chcu'unintic li c'usi chac' Diose, xchi'uc ti jun no'ox jbec'tal chijc'ot ta jcotoltique, ti co'ol xu' ta jtatic c'uxubinel jcotoltic ta sventa Cristo, ta sventa li Lequil A'yeje.

Efesios 3:9

Xchi'uc ja' cabtel chcac' lec ta na'el ta jamal c'u x'elan yutsil li c'usi nopbil ta vo'one, ti epal jabil muc xac' ta na'el li Dios ti la spas scotol c'usitic oye.

Efesios 6:19

Xchi'uc c'anbicun vocol ta jtojol ec li vu'une, yu'un ac'o sjambun que, jech jamal ac'o cal c'usi toj lec ta jtatic yu'un li Lequil A'yej ti mu'yuc to'ox vinajeme.

Colosenses 2:2

Ta xcac' persa, yu'un jech xu' tstsatsub yo'ntonic ta stojol Dios. Jech co'ol chac'anan aba acotolic, jech chava'ibeic lec smelol, chavotquinic lec c'usi snopoj li Dios Totil ti mu'yuc to'ox vinajeme, ja' li sc'oplal Cristoe.

Colosenses 4:3

C'alal chac'opanic Diose, c'opanbuncutic Dios ta jtojolcutic ec, yu'un jech ac'o sjam lec ti'na li Diose. Jech xu' ta jpucbecutic li sc'ope, jech chlic ya'ibeic sc'oplal li Cristoe, ja' ti mu'yuc to'ox vinajeme. Yu'un ja' ta sventa ti li' tiq'uilun ta chuquele.

Hebreos 13:22

Ta jc'anboxuc vocol, quermanotac, ti ac'o avich'ic ta muc' li tojobtasel la jts'ibaboxuc tal li'i, yu'un jutuc no'ox laj calboxuc tal.

1 Pedro 5:12

Li Silvanoe, ja' li jchi'iltic ti jun yo'nton ta jtojole, ja' la sts'ibabun li cha'oxbel c'usi chacalboxuc tal li'i, yu'un ta jbijubtasoxuc, xchi'uc chacalboxuc ta jamal ti ta melel ataojic xa li c'uxubinel yu'un Diose. J'ech'el me c'anic o li c'uxubinel yu'une.

2 Pedro 3:15

Na'ic me ti ep smuc'ul yo'nton li Cajvaltique, yu'un tsc'an chijcolutic. Ja' no'ox jech la sts'ibaboxuc ta vun ec li quermanotic Pablo ti lec jc'anojtique, yu'un jech i'ac'bat sbijil yu'un li Diose.