Efesios 3:16 - Bible in Tzotzil de Chenalhó with Deuterocanon

¹⁶ Yu'un jech ac'o yac'boxuc scotol li slequilal yutsilale, xchi'uc jech ac'o abtejuc svu'el ta yut avo'ntonic ta sventa li Ch'ul Espíritu yu'une.

Tzotzil Zinacantan

¹⁶ Ti toj lec yoꞌone, ta jcꞌanbe ti acꞌu stsatsubtas avoꞌonic ta syuꞌel ti Chꞌul Espíritu yacꞌoj achiꞌinique.

Bible in Tzotzil de Chamula

¹⁶ Ta sventa ti mu no'ox albajuc xch'ul c'ulejal ti Jtotic Diose, ta jc'anbe ti ac'o yac'boxuc yip avo'ntonic ta sventa ti Ch'ul Espíritu yu'une,

Tzotzil San Andres

¹⁶ Ta sventa ti toj lec yoꞌon li Jtotique, jaꞌ yuꞌun ta jcꞌanbe ti acꞌo yacꞌboxuc más stsatsal avoꞌonic ta sventa li Chꞌul Espíritu li yacꞌojboxuque.

Tzotzil de Huixtán

¹⁶ Yu'un ti jelaven yutsil yo'ntone, hech yu'un ti jc'ambe vocol yu'un ac'o yac'boxuc stsatsal avo'ntonic xchi'uc sp'ijil avo'ntonic ti sventa ti Ch'ul Espíritu yu'une.

Efesios 3:16 Iomraidhean Croise

Job 23:6

Li stuque mu van xisjipun ta stsatsal; ta van xistuc'ulanbun li jc'ope.

Salmos 138:3

C'alal xivocolet ta atojole, laj atac'bun li jc'ope; laj avac'bun lec stsatsal co'nton yan velta.

Salmos 28:8

Li Muc'ul Diose ja' stsatsalic c'otem li steclumale. Ja' spojobbail, ja' jcoltavanej yu'un li ajvalil st'ujoje.

Isaías 41:10

Ja' yu'un mu me xaxi', yu'un vu'un chajchi'inot; mu c'u xal avo'nton, yu'un vu'un Diosun avu'un. Vu'un chacac'bot atsatsal, vu'un chajcoltaot; vu'un chajtsacot lec ta jbats'ic'ob ti xu' yu'un tstsalvane.

Jeremías 31:33

“Ja' jech li c'usi ta jchapan ta stojolique: C'alal me la sta sc'ac'alil cu'une, ta xcac'be ta sjolic li jmantaltaque, ta jts'ibabe ta yo'ntonic, vu'un Diosun yu'unic chic'ot; ja' jteclumal chc'otic o ec.

Zacarías 10:12

Vu'un ta xcac'be stsatsalic; xu' yu'unic ta jventa”, xi li Muc'ul Diose.

San Mateo 6:13

Mu me xavac' stsaluncutic li sujel ta mulile. Coltauncutic loq'uel ta sc'ob li pucuje’, xachiic ti c'alal chac'opanic Diose.

Romanos 2:29

Ja' mero Judío chijc'ot ta sventa c'u x'elan li yut co'ntontique. Li mero circuncisión quich'ojtic chc'ote ja' ta yut co'ntontic, ja' ta sventa svu'el Dios; ma'uc ta sventa ti ts'ibabil xa lec ta vun quich'ojtic li smantaltac Diose. Li boch'o jech chac le'e ja' lec ch-ilat yu'un Dios; ma'uc lec ch-ilat yu'un cristianoetic.

Romanos 7:22

Ta yut co'ntone toj lec chca'ay li smantaltac Diose.

Romanos 9:23

yu'un jech chac' to ta ilel ti toj ep slequil yutsil yo'nton ta stojol li boch'otic chapal sc'oplal chc'uxubinatic, ti chapal ono'ox sc'oplalic yu'un Dios chilic lequilale.

1 Corintios 16:13

Q'uelo me abaic, j'ech'el me oyuc o xch'unojel avo'ntonic. Lec me tsots xapas abaic ta sventa li Cajvaltique; aq'uic me persa.

2 Corintios 12:9

Pero li Cajvaltique jech laj yalbun: “Xu' no'ox avu'un ta sventa li coltael chacac'bote. Ta sventa ti mu'yuc tsotsote, ja' jech xu' chbat vinajuc o lec li jvu'ele”, xiyutun. Jech xcuxet no'ox co'nton ti mu'yuc jtsatsale, yu'un jech li' chcom o ta jtojol svu'el li Cristoe.

2 Corintios 4:16

Jech mu xchibaj co'ntoncutic. Ac'o me yantic chlaj stsatsal li jbec'talcutique, pero li co'ntoncutique yantic ch-ayin stsatsal ta jujun c'ac'al.

Efesios 1:18

Jech chjam lec asatic, jech chana'ic c'u x'elan li spatubil avo'nton chamalaic ta sventa ti yic'ojoxuc xa ta stojole. Xchi'uc jech chana'ic c'u yutsil li slequilal chac'be scotol yu'untaque.

Efesios 1:7

Ja' li Xnich'on ti la smanutic ta xch'ich'al, yu'un jech la jtatic o perdón yu'un li jmultique, yu'un bats'i ep c'uxutic ta yo'nton.

Efesios 2:7

Yu'un jech chac' quiltic ti bats'i ep c'uxubinel sventa sbatel osile, ti ep sc'anojutic o ta sventa li Cristo Jesuse.

Efesios 3:15

Ja' li Totil ti ja' sventainoj scotol li boch'otic te oyic ta vinajele xchi'uc li boch'otic li' to oyic ta banamil ti jchop no'ox sbi c'otem ta scotolique.

Efesios 3:8

Vu'un ti xc'oxilun yu'unic li yantic yu'untac Diose, vu'un laj quich' cabtel spuquel ta stojol yanlum cristianoetic li c'uxubinel yu'un Diose ja' li Lequil A'yej ti chijyalbutic ti mu albaj c'u yepal c'uxubinel yu'un li Cristoe.

Efesios 6:10

Slajeb xa chacalboxuc tal, oyuc me lec atsatsalic ta sventa ti jun oyoxuc xchi'uc li Cajvaltique, xchi'uc ta sventa li svu'el ti toj ech'em stsatsale.

Filipenses 4:13

Scotol xu' cu'un ta sventa Cristo, yu'un ja' chiyac'bun jtsatsal.

Filipenses 4:19

Li Dios cu'untique chayac'boxuc scotol c'usitic sc'an avu'unic ta sventa Cristo Jesús, jech chac c'u cha'al li yutsil sc'ulejal stuque.

Colosenses 1:11

Xchi'uc jech chatsatsubic ta sventa li svu'el ti toj ech'em slequile, jech ch-ayin lec smuc'ul avo'ntonic, jech chcuch avu'unic scotol li vocole.

Colosenses 1:27

Yu'un jech la sc'an Dios ti laj yac' avotquinic c'u slequil, c'u yutsil c'usi ta jtatic yu'un li c'usi mu'yuc to'ox vinajem, vo'oxuc li yanlum cristianooxuque. Ja' sc'oplal li Cristo ti te xa oy ta avo'ntonique, ti ja' ta sventa chamalaic li c'usi toj jun yutsile.

Colosenses 2:2

Ta xcac' persa, yu'un jech xu' tstsatsub yo'ntonic ta stojol Dios. Jech co'ol chac'anan aba acotolic, jech chava'ibeic lec smelol, chavotquinic lec c'usi snopoj li Dios Totil ti mu'yuc to'ox vinajeme, ja' li sc'oplal Cristoe.

2 Timoteo 4:17

Pero li Cajvaltique te ono'ox oy ta jts'el. Ja' laj yac'bun jtsatsal, jech ivu' cu'un xcholbel li sc'ope, jech laj ya'yic scotol li yanlum cristianoetique. Jech licol loq'uel ta ye li leone.

Hebreos 11:34

Oy itic'atic ta muc'ta c'oc', muc xc'aq'uic. Oy chmilatic ox ta espada, pero icolic batel. Ja' ic'ataj ta stsatsalic li yalubenal sbec'talique. Jech oy lec ivu' yu'unic paspleito; la snutsic batel yanlum soldadoetic.

1 Pedro 3:4

Ja'uc me ta sventa ti lecuben yut avo'ntonique, xchi'uc ti oy smuc'ul avo'ntonique, yu'un ja' mu xlaj sc'oplal. Le'e ja' toj lec chil li Diose.