Efesios 3:1 - Bible in Tzotzil de Chenalhó with Deuterocanon

¹ Ta sventa ti jech ic'ot ta pasele, jech li' tiq'uilun o ta chuquel ta sventa Cristo Jesús, vu'un li Pabloune. Yu'un ja' sventa alequilalic vo'oxuc li yanlum cristianooxuque.

Tzotzil Zinacantan

¹ Lavi liꞌ ochemon ta chuquel voꞌon li Pabloone, jaꞌ ti chcal avaꞌiic ti chacꞌ acuxlejalic ta sbatel osil uc ti Jesucristoe, voꞌoxuc ti maꞌuc juriooxuque. Yuꞌun jaꞌ yech iscꞌan ti Jesucristoe ti liꞌoch ta chuquele.

Bible in Tzotzil de Chamula

¹ Ti jech taje, xiquejelet, ta xic'opoj xiti'in ta stojol Dios ti vu'un Pablo tiq'uilun ta chuquel ta sventa yabtel ti Cristo Jesuse, ta sventa alequil avutsilalic ti vo'oxuc jyanlumoxuque.

Tzotzil San Andres

¹ Ta sventa ti albil xa chacolic eꞌuc, joꞌoxuc li maꞌuc jꞌisraeloxuque, jaꞌ yuꞌun liꞌ tiqꞌuilun o ta chuquel ta sventa ti laj calboxuque, joꞌon li Pabloune. Yuꞌun jech iscꞌan Jesucristo ti liꞌoch ta chuquele.

Tzotzil de Huixtán

¹ Yu'un oy ac'opilalic ti chayic'oxuc ti Diose, ho'oxuc ti yanlum crixchanooxuque, hech yu'un ho'on Pabloun, ho'on ti li' tiq'uilun ti chuquele yu'un ti hech chajcholboxuque, ti jc'opon Dios ti atojolic. Yu'un ti li' tiq'uilun ti chuquele yu'un hech laj sc'an ti Cristo Jesuse.

Efesios 3:1 Iomraidhean Croise

San Lucas 21:12

“C'alal muc to chc'ot ta pasel jeche, ba'yuc chavich'ic tsaquel, chavich'ic uts'intael. Chavich'ic aq'uel ta sc'ob boch'otic oy yabtelic ta nail tsobobbailetic, xchi'uc chavich'ic chuquel. Chavich'ic iq'uel batel ta stojol muc'tic ajvaliletic, xchi'uc ta stojol its'inal ajvaliletic, pero vu'un ta jcoj.

Hechos 21:33

C'alal ic'ot li mero banquilal soldadoe, la stsac li Pabloe. Laj yal mantal ti ac'o yich' chuquel ta cha'lic cadenae. Te la sjac' c'usi sbi xchi'uc c'usi smul li Pabloe.

Hechos 23:18

Li banquilal soldadoe laj yic' batel ta stojol mero banquilal soldado li quereme, jech c'ot yalbe: —Li Pablo te tiq'uil ta chuquele laj yic'un. Laj yalbun ti ac'o quic' tal ta atojol li querem li'i yu'un la oy c'usi chayalbot —xut.

Hechos 26:29

Li Pabloe jech laj yal: —Lec me chach'un ta orae; lec noxtoc me ja' to c'usi orae. Ja' no'ox ti sc'anuc Dios muc vo'ocot no'ox atuc ac'o ach'un jech chac c'u cha'alune, ti oyuc c'uxi jech xch'unic ec ti jayib li' laj ya'yic c'usi laj cale. Ja' no'ox ti mu me xachucatic ta cadena jech chac c'u cha'al chuculune —xi li Pabloe.

Hechos 9:15

Pero jech i'albat yu'un li Cajvaltique: “Batan me. Yu'un li vinic le'e jt'ujoj sventa chtun cu'un. Ja' chispucbun batel jc'oplal ta stojol yanlum cristianoetic, xchi'uc ta stojol muc'tic ajvaliletic, xchi'uc ta atojolic ec, vo'oxuc li israeloxuque.

2 Corintios 1:6

Yu'un c'alal chquich'cutic vocol li vu'uncutique, ja' sventa chpat avo'ntonic xchi'uc sventa chacolic. C'alal chispatbun co'ntoncutic li Diose, ja' sventa chpat avo'ntonic ec li vo'oxuque, xchi'uc ja' sventa ch-ayin smuc'ul avo'ntonic, yu'un jech chcuch avu'unic vocol ec c'alal chavich'ic vocol jech chac c'u cha'al chquich'cutique.

2 Corintios 10:1

Vu'un Pabloun. Ta sventa smuc'ul yo'nton, yutsil yo'nton Cristo ta jc'anboxuc vocol ta atojolic, vo'oxuc ti oy chavalic ti biq'uit cac'oj jba c'alal te oyun ta atojolique, ti ja' toj tsots ta jpas jba c'alal nom oyune.

2 Corintios 11:23

Ja' yajtuneltac Cristo scuyoj sbaic, pero li vu'une mero yajtunelun Cristo, yu'un vu'un ech'em tsots abtejemun. Li'i ja' jech chic'opoj jech chac c'u cha'al li boch'o bolique. Yu'un li vu'une ep ta velta quich'oj nucul, ep ta velta ochemun ta chuquel. Ep ta velta chapal sc'oplal chquich' milel.

Gálatas 5:11

Quermanotac, ti ja'uc to chcalbe sc'oplal circuncisión li vu'une, mu'yuc boch'o chiscontrainun ti jechuque. Jech noxtoc mu'yuc chopol cha'yic c'alal cha'ibeic sc'oplal cruz ti jechuque.

Gálatas 5:2

A'yo ava'yic, vu'un Pabloun ti jech chacalboxuc tale. Me chach'unic ti ja' tsots sc'oplal chavich'ic circuncisione, ja' mu'yuc stu chc'ot avu'unic c'usi la spas li Cristoe.

Gálatas 5:24

Yu'un li boch'otic oyic xa ta stojol Cristo Jesuse, laj xa yaq'uic ta milel ta cruz li stalel sbec'talique, li c'usitic tsc'ane, xchi'uc li c'usitic nopen xa'ay spasele.

Efesios 3:11

Yu'un jech ono'ox oy o ta yo'nton li Diose, jech laj yac' c'otuc ta pasel ta sventa li Cristo Jesuse, ja' li Cajvaltique.

Efesios 3:13

Ja' yu'un ta jc'anboxuc vocol ti mu me xlaj stsatsal avo'ntonic ta sventa ti li' chquich' vocol ta acojique, yu'un ja' sventa alequilalic.

Efesios 3:8

Vu'un ti xc'oxilun yu'unic li yantic yu'untac Diose, vu'un laj quich' cabtel spuquel ta stojol yanlum cristianoetic li c'uxubinel yu'un Diose ja' li Lequil A'yej ti chijyalbutic ti mu albaj c'u yepal c'uxubinel yu'un li Cristoe.

Efesios 4:1

Ja' yu'un chacalboxuc, vu'un ti li' tiq'uilun ta chuquel ta sventa Cajvaltique, avocolicuc ja' me pasic batel li c'usi sc'oplal tsc'an chapasic ta sventa ti ic'biloxuc xae.

Efesios 6:20

Yu'un ja' tacbilun ta xcholel, ja' yu'un ti li' chuculun ta cadenae. Jech ta jc'an ti ac'o oyuc lec stsatsal co'nton ta xcal jech chac c'u cha'al tsc'an chic'opoje.

Filipenses 1:7

Ja' tsc'an jech ta jch'un ta aventaic, yu'un solel oyoxuc ta co'nton, yu'un chquil ti co'ol c'uxubinbilutic yu'un li Diose, ac'o me li' tiq'uilun ta chuquel, o me va'alun ta stojol ajvalil sventa chcac' lec ta na'el li Lequil A'yeje, co'ol ono'ox ta jcolta jbatic ta jcotoltic.

Colosenses 1:24

Li' ta orae toj xcuxet no'ox co'nton ti chquich' vocol ta acojique, yu'un jech ta jts'acubtas ta jbec'tal ti c'u to yepal sc'an sts'aqui svocol Cristo ta sventa li steclumale, ja' li sbec'tale.

Colosenses 4:18

Li spatubil avo'ntonic cu'un li'i, vu'un ta jts'iba tal ta jc'ob jtuc, vu'un li Pabloune. Mu me xch'ay ta avo'ntonic ti li' chuculune. Ac'o xc'uxubinoxuc o li Diose.

Colosenses 4:3

C'alal chac'opanic Diose, c'opanbuncutic Dios ta jtojolcutic ec, yu'un jech ac'o sjam lec ti'na li Diose. Jech xu' ta jpucbecutic li sc'ope, jech chlic ya'ibeic sc'oplal li Cristoe, ja' ti mu'yuc to'ox vinajeme. Yu'un ja' ta sventa ti li' tiq'uilun ta chuquele.

2 Timoteo 1:16

Ac'o c'uxubinatuc yu'un Dios ta sjunul sna' li Onesiforoe, yu'un ep xa ta velta ay spatbun co'nton. Mu'yuc xq'uexov ay sq'uelun ti li' tiq'uilun ta chuquele.

2 Timoteo 1:8

Ja' yu'un mu me xaq'uexov ta xcholel li sc'op Cajvaltique, xchi'uc mu me xaq'uexov ta jcoj noxtoc ti li' tiq'uilun ta chuquel ta sventae. Ja' lec co'ol jts'ictic vocol ta sventa li Lequil A'yeje. Ja' ta svu'el Dios chcuch cu'untic.

Filemón 1:1

Filemón, vo'ot ti lec jc'anojotcutique, ti co'ol yajtunelutic Diose, ta jc'opanotcutic tal xchi'uc li quermanotic Timoteoe, vu'un li Pabloun ti li' chuculun ta sventa Jesucristoe.

Filemón 1:23

Chabanuc xayalbot li Epafrase, ja' ti li' xchi'inojun ta chuquinab ta scoj li Jesucristoe.

Filemón 1:9

pero ta sventa ti lec jc'anoj jbatique ja' yu'un ta jc'anbot vocol. Vu'un li Pabloun ti molun xae, ti li' tiq'uilun ta chuquel ta scoj li Jesucristoe,

Apocalipsis 2:10

Mu me xaxi'ic yu'un li vocol chtal ta atojolique. A'yo ava'yic, li pucuje ta stic'oxuc jayibuc ta chuquel, yu'un ta sq'uelboxuc avo'ntonic. Chavich'ic tsots vocol lajunebuc c'ac'al. Junuc me avo'ntonic ta jtojol ac'o me te chachamic o, jech chacac'boxuc acoronaic sventa cuxlejal sbatel osil.