Efesios 2:8 - Bible in Tzotzil de Chenalhó with Deuterocanon

⁸ Yu'un ta yutsil no'ox yo'nton ti colemoxuc xa ta sventa xch'unojel avo'ntonique. Muc ta aventauc atuquic ti laj ataic coltaele, ja' amotonic no'ox yu'un li Diose.

Tzotzil Zinacantan

⁸ Ta slequil noꞌox yoꞌon lispojotic ti Rioxe yoꞌ mu xiꞌochotic o ta cꞌocꞌ ta sbatel osile, jaꞌ ti ijchꞌuntic ti jaꞌ istoj jmultic ti Cristoe. Mu jtucticuc noꞌox ijpoj jbatic. Jaꞌ jmotontic yuꞌun ti Rioxe.

Bible in Tzotzil de Chamula

⁸ Yu'un ta sventa yutsil slequil yo'nton ti Diose, laj ataic acolelic ta sventa ti c'ot ta o'ntonal ta xch'unel ti Cajvaltique. Ma'uc laj avac'be aba atuquic, yu'un ja' amotonic no'ox laj yac'boxuc ti Diose.

Tzotzil San Andres

⁸ Ta slequil noꞌox yoꞌon Dios ti colemoxuc xa yuꞌune, yuꞌun achꞌunic ti jaꞌ la scoltaoxuque. Muc bu xacolta aba atuquic. Ta amotonic noꞌox laj yacꞌboxuc li Diose.

Tzotzil de Huixtán

⁸ Yutsil no'ox yo'nton ti Diose ti laj xa ach'umbeic ti sc'ope, ti colemoxuc xae. Mu yu'unuc ho'ucoxuc ti aventaic ti nacolic xae. Ja' amotonic ti laj xa yac'boxuc ti Diose.

Efesios 2:8 Iomraidhean Croise

San Mateo 16:17

Itac'ov li Jesuse: —Toj jun avutsil, Simón, xnich'on Jonás. Muc ja'uc laj yac'bot ana' li boch'o oy sbec'tal oy xch'ich'ale. Ja' laj yac'bot ana' li Jtot te oy ta vinajele.

San Mateo 20:9

C'alal ivulic li boch'otic ta vo'ob xa ora lic stsac yabtelique, jun denario i'ac'bat stojol jujunic.

Marcos 16:16

Li boch'otic ta xch'unic, xchi'uc li boch'otic ta xich'ic vo'e ja' ta xcolic. Yan li boch'otic mu xch'unique ja' chbat stoj smulic.

San Lucas 7:50

Li Jesuse jech lic yalbe noxtoc li antse: —Lacol xa ta sventa xch'unojel avo'nton; junuc avo'nton batan —xut.

San Juan 3:36

Li boch'o chch'un ti ja' Jcoltavanej li Nich'onile ja' chcuxi sbatel osil. Yan li boch'o mu sc'an xch'une mu xbat yil lequilal sbatel osil. Ja' xa no'ox oy ta sventa li tsots stojol mulil chac' Diose.

San Juan 4:10

Itac'ov li Jesuse: —Ana'uc ti tsc'an chayac'bot amoton li Diose xchi'uc ti lajuc avotquin li boch'o la sc'anbot ava'al yuch'e, vo'ot laj ac'anbe ba'yuc vo' ti jechuque. Jech ja' laj yac'bot li vo' ti chac' cuxiane —xut.

San Juan 5:24

“Jamal ta xcalboxuc ava'yic. Li boch'otic ta xa'ibun jc'ope, me ta xch'unic li boch'o la stacun tale, oy xcuxlejalic ta sventa sbatel osil. Mu'yuc xa chbat stoj smulic, yu'un icom xa yu'unic li lajele. Ijelovic xa ta sventa cuxlejal.

San Juan 6:35

Itac'ov li Jesuse: —Vu'un li vaj c'otemun sventa chacuxiic oe. Li boch'o ta xtalic ta jtojole, mu'yuc xa ta xa'yic o vi'nal. Li boch'otic ta xch'unicune mu'yuc xa ta xtaquij o yo'ntonic.

San Juan 6:37

Scotol ti c'u yepal tsc'an chiyac'bun ta jc'ob li Jtote ta xtalic ta jtojol. Li boch'otic ta xtalic ta jtojole mu'yuc ta jip loq'uel.

San Juan 6:40

Li Jtot ti la stacun tale, ja' oy ta yo'nton jech chac li'i: Scotol li boch'otic ta xilic ti vu'un Xnich'onun Diose, ti ta xch'unicune, ja' tsc'an ti ac'o sta xcuxlejalic sventa sbatel osile, xchi'uc ti vu'un ta jcha'cuxes scotol ta slajebal c'ac'ale —xi li Jesuse.

San Juan 6:44

Mu'yuc boch'o xu' yu'un ta xtal ta jtojol me muc ic'biluc tal yu'un li Jtot ti la stacun tale. Yu'un li boch'otic ta xtal ta jtojole, ta jcha'cuxesan ta slajebal c'ac'al.

San Juan 6:65

Jech to laj yal li Jesuse: —Ja' yu'un laj calboxuc ava'yic ti mu'yuc boch'o xu' ta xtal ta jtojol me muc ja'uc ic'bil tal yu'un li Jtote —xiyutuncutic.

Hechos 13:39

Yu'un muc xch'ay o jmultic ta sventa li mantaletic laj yal Moisese. Ja' no'ox ta sventa Jesús xu' ta xch'ay jmultic me ta jch'untique.

Hechos 14:27

C'alal ic'otic ta Antioquiae, la stsobic scotol li jch'unolajeletique. Laj yalbe ya'yic scotol li c'usitic tsotsic i'ac'bat spasic yu'un Diose, xchi'uc ti c'u x'elan ijambat yo'ntonic ta xch'unel Cajvaltic li yanlumetic ti mu xotquinic Diose.

Hechos 15:11

Li vu'utique laj xa jch'untic ti ta yutsil no'ox yo'nton Cajvaltic Jesús chijcolutique; ja' no'ox jech xu' chcolic ec li stuquique —xi li Pedroe.

Hechos 16:14

Oy jun ants laj ya'ay li c'usi laj calcutique, Lidia sbi; liquem tal ta lum Tiatira. Ja' yabtel ta xchon yax'elan poc'. Lec yich'oj ta muc' Dios. Ijambat yo'nton yu'un Cajvaltic, jech scotol yo'nton laj ya'ay c'usi laj yal li Pabloe.

Hechos 16:31

Itac'ovic: —Ch'uno li Cajvaltic Jesuse, jech chacol li vo'ote, xchi'uc jech ta xcolic scotol te ta sjunul ana —xutic.

Romanos 10:14

Pero ¿c'u x'elan xu' tsc'anbeic vocol me mu'yuc xch'unojique? ¿C'u x'elan xu' chch'unic me mu'yuc ya'yojbeic sc'oplale? ¿C'u x'elan xu' cha'ibeic sc'oplal me mu'yuc boch'o chcholbat ya'yique?

Romanos 10:17

Jech chvinaj ti tsc'an chca'itic ba'yuc ti jech xu' ta jch'untique. Li c'usi tsc'an chca'itique ja' li sc'op Cristoe.

Romanos 4:16

Ja' yu'un li smomnich'nab Abrahame ta sventa no'ox xch'unojel yo'ntonic xu' chc'ot ta pasel chich'ic li c'usi yaloj ono'ox Diose, yu'un jech ac'o vinajuc ti ta slequil no'ox yo'nton chac' li Diose. Ma'uc no'ox xu' chich'ic li boch'otic yich'ojbeic smantaltac Diose; ja' jech xu' chich'ic ec li boch'otic jech xch'unojic jech chac c'u cha'al li Abrahame, yu'un ja' totil ic'ot cu'untic jcotoltic.

Romanos 4:5

Yan li boch'o ma'uc ta sventa yabtel lec ch-ilat yu'un Diose, ti ja' no'ox chch'un li Boch'o xu' yu'un chch'aybe smul jpasmuliletique, le'e tuc' yo'nton ch-ilat yu'un Dios ta sventa xch'unojel yo'nton.

Romanos 9:16

Jech ma'uc ta sventa me tsc'an li boch'o chc'uxubinate, ma'uc ta sventa me chac' persa; ja' li boch'o tsc'an chc'uxubin stuc li Diose.

Gálatas 3:14

Ja' yu'un ta sventa Cristo Jesús xu' tstaic yanlum cristianoetic ec li bendición i'albat yu'un Dios li Abrahame. Jech jcotoltic ta sventa xch'unojel co'ntontic xu' chquich'tic li Ch'ul Espíritu ti yaloj ono'ox Dios chijyac'butique.

Gálatas 3:22

Pero ts'ibabil ta sc'op Dios ti scotol cristiano jpasmuliletique. Jech ta sventa xch'unojel yo'ntonic ta stojol Jesucristo xu' chich'ic c'usi yaloj ono'ox Dios li boch'o ta xch'unique.

Efesios 1:19

Jech chana'ic noxtoc ti toj ech'em svu'el ta jtojoltic, vu'utic ti jch'unojtique. Ta sventa svu'el stsatsal

Efesios 2:10

Yu'un ja' stuc la spasutic, ja' laj yac' ayincutic ta sventa li Cristo Jesuse, yu'un ac'o jpastic c'usitic lec. Yu'un jech ono'ox chapal yu'un Dios tsc'an ta jpastic.

Efesios 2:5

ac'o me chamenutic to'ox ta scoj li jchopoliltique, ta scoj li jmultique, pero co'ol la xcha'cuxesutic xchi'uc li Cristoe. Jech ta sventa slequil yo'nton Dios ti colemutic xae.

Filipenses 1:29

Yu'un li vo'oxuque laq'uelanbatic xa li coltael ta sventa Cristoe. Ma'uc no'ox tsc'an ac'o ach'unic li Cristoe, ja' tsc'an noxtoc ti ac'o avich'ic vocol ta sventae.

Colosenses 2:12

Jech co'ol lamucat o achi'uquic ti c'alal laj avich'ic vo'e, xchi'uc co'ol lacha'cuxi achi'uquic noxtoc, yu'un laj ach'unic ti oy svu'el li Dios ti la xcha'cuxes loq'uel ta smuquinal li Cristoe.

2 Tesalonicenses 1:9

Le'e tsts'ic svocolic o ta ch'ayel sbatel osil. Nom oyic o ta stojol li Cajvaltique. Mu xilbeic o slequilal xchi'uc svu'el.

Hebreos 6:4

Yu'un li boch'otic i'ochic xa ta sac osile, ti laj xa yilic ti toj lec li matanal liquem tal ta vinajele, xchi'uc ti laj xa yich'ic li Ch'ul Espiritue,

1 Pedro 1:5

Ta sventa xch'unojel avo'ntonic ta stojol Dios, jech ta xchabioxuc ta svu'el yu'un jech xu' chataic li coltael xchapanoje; ja' to chayac'boxuc avilic ta slajebal c'ac'al.