Efesios 2:4 - Bible in Tzotzil de Chenalhó with Deuterocanon

⁴ Pero ta sventa ti toj ep c'uxubinel yu'un Diose, xchi'uc ta sventa ti ep chisc'anutique, jech la xc'uxubinutic,

Tzotzil Zinacantan

^4-5 Pero toj cꞌuxotic ta yoꞌon ti Rioxe. Scꞌanojotic tajmec, yechꞌo un acꞌu mi chamemotic toꞌox liyilotic ta scoj li jmultique, pero lixchaꞌcuxesotic xa yaꞌel ti cꞌalal iquichꞌtic ta mucꞌ ti Cristoe. Ta slequil noꞌox yoꞌon ti mu xa bu chiꞌochotic ta cꞌocꞌ ta sbatel osile.

Bible in Tzotzil de Chamula

⁴ Ti jech jcuchoj jvocoltic laj yilotic ti Diose, mu jipbaj tenbaj laj ya'iotic, ta sventa ti oy syail xc'uxul yo'ntone, laj xc'uxubinotic,

Tzotzil San Andres

^4-5 Pero ta sventa ti chcꞌuxubinvan li Diose yuꞌun toj cꞌuxutic ta yoꞌon, jaꞌ yuꞌun acꞌo mi chamemutic lijyil ta scoj li jmultique, pero la schaꞌcuxesutic yaꞌel li cꞌalal laj quichꞌtic ta mucꞌ li Cristoe. Jaꞌ yuꞌun ta slequil noꞌox yoꞌon Dios ti colemutic xae.

Tzotzil de Huixtán

⁴ Yu'un stalel chc'uxubinvan ti Diose, hech yu'un laj xc'uxubinucutic.

Efesios 2:4 Iomraidhean Croise

Nehemías 9:17

Muc stuc'ulanic, muc svules ta sjolic li atsatsal avu'el laj apas ta stojolique. Ja' no'ox la spas ta tsots yo'ntonic, ta stoyobbailic la sva'anic jun banquilal yu'unic sventa ch-ic'atic sutel yan velta ta Egipto ti bu ochemic to'ox ta mozoile. Pero vo'ot li Diosot ti oy perdón avu'une, ti vocol chlic sc'ac'al avo'ntone, ti ja' toj ep li c'uxubinel avu'une, jech muc xajip comel ta avo'nton.

Salmos 145:8

Li Muc'ul Diose toj muc' yo'nton, toj ep c'uxubinel yu'un; mu sna' xlic sc'ac'al yo'nton ta ora, yu'un ja' toj muc' li c'uxubinel yu'une.

Salmos 51:1

Dios cu'un, c'uxubinun ta sventa slequil avo'nton; tu'pbun jmul ta sventa ti toj ep c'uxubinel avu'une.

Salmos 86:15

Pero li vo'ote Cajval, Dios cu'un, atalel jc'uxubinvanejot, toj lec avo'nton, toj c'unc'un chlic sc'ac'al avo'nton; ja' toj muc' li c'uxubinel avu'une, xchi'uc puru melelic li ac'ope.

Salmos 86:5

Yu'un li vo'ote, Cajval, toj lec avo'nton, ep ts'icumal avu'un; toj ep c'ux ta avo'nton li boch'otic tsc'anic vocol ta atojole.

Éxodo 33:19

Itac'ov li Muc'ul Diose: —Xu' ta xcac'bot avil scotol c'u x'elan slequil co'nton, xchi'uc xu' ta xcalbot ava'ay li jch'ulbie. Ta jcolta li boch'o ta jc'an ta jcoltae, ta jc'uxubin li boch'o ta jc'an ta jc'uxubine.

Isaías 63:7

Ta jc'an ta xcalilan c'u x'elan slequil yo'nton li Muc'ul Diose; ta xcalilanbe ep slequilal, yu'un toj ep li c'usitic la spas ta jtojoltique, xchi'uc toj ep slequil yo'nton ta jtojoltic vu'utic li israelutique. Toj lec c'usi la spas ta sventa slequil yo'nton, xchi'uc ta sventa ti toj c'uxutic ta yo'ntone.

Jeremías 31:3

Vo'one ono'ox laj cac' jba ta ilel ta stojolic, jech laj calbe: Laj cal ti j'ech'el la jc'anot oe, ja' yu'un yoquel to jech jc'anojot o.

Daniel 9:9

Pero ta atojol vo'ote Cajval, Dios cu'un, oy c'uxubinel, oy perdón avu'un, ac'o me ep jtoyoj jbacutic ta atojol.

Jonás 4:2

Te lic sc'opan Dios, jech laj yal: —Muc'ul Dios, ja' xa'ox jech c'an calbot ti c'alal te oyun ta cosilale. Ja' ta scoj ti chijatov ox batel ta Tarsise. Yu'un jna'oj ti toj lec avo'ntone, ti toj ep c'uxubinel avu'une, xchi'uc jna'oj ti muc ta aniluc cha'iline, ti toj ep slequil avo'ntone, xchi'uc ti chlecub avo'nton, ti mu'yuc chavac'be stoj li smulique.

San Lucas 1:78

Yu'un toj ep c'uxutic ta yo'nton li Dios cu'untique, ja' yu'un ivul ta jtojoltic jun xojobal ach' c'ac'al ta toyol.

Romanos 10:12

Muc t'ujbiluc no'ox boch'o sc'oplal, ac'o me israel, o me yanlum cristiano. Yu'un jun no'ox Cajvaltic jcotoltic. Bats'i ep c'uxubinel ch-ac'batic scotol li boch'o tsc'anbeic vocole.

Romanos 2:4

¿Me yu'un mu xava'ibe smelol li c'uxubinel yu'un Diose, li smuc'ul yo'ntone, xchi'uc li slequil yo'ntone? Na'o me, ta sventa toj lec yo'nton ti tsc'an ac'o asutes avo'ntone.

Romanos 5:8

Pero li Diose laj yac' ta ilel ti ta melel sc'anojutique, ac'o me solel yuxub jpasmulilutic, pero icham ta jcojtic li Cristoe.

Romanos 9:23

yu'un jech chac' to ta ilel ti toj ep slequil yutsil yo'nton ta stojol li boch'otic chapal sc'oplal chc'uxubinatic, ti chapal ono'ox sc'oplalic yu'un Dios chilic lequilale.

Efesios 1:7

Ja' li Xnich'on ti la smanutic ta xch'ich'al, yu'un jech la jtatic o perdón yu'un li jmultique, yu'un bats'i ep c'uxutic ta yo'nton.

Efesios 2:7

Yu'un jech chac' quiltic ti bats'i ep c'uxubinel sventa sbatel osile, ti ep sc'anojutic o ta sventa li Cristo Jesuse.

Efesios 3:8

Vu'un ti xc'oxilun yu'unic li yantic yu'untac Diose, vu'un laj quich' cabtel spuquel ta stojol yanlum cristianoetic li c'uxubinel yu'un Diose ja' li Lequil A'yej ti chijyalbutic ti mu albaj c'u yepal c'uxubinel yu'un li Cristoe.

2 Tesalonicenses 2:13

Pero ta sventa li vo'oxuc ti ach'unojic xae, ti c'anbiloxuc yu'un Cajvaltique, scotol c'ac'al tsc'an ta jtojbecutic ta vocol Dios ta aventaic. Yu'un t'ujbiloxuc ono'ox ta sliquebal, yu'un ac'o colanic sbatel osil ta sventa ti lecubtasbiloxuc xa yu'un li Ch'ul Espiritue, xchi'uc ta sventa ti laj ach'unic li c'usi melele.

1 Timoteo 1:14

Toj ech'em la xc'uxubinun li Cajvaltique. Laj yac'bun xch'unojel co'nton, xchi'uc laj yac' ti chic'anvane; ja' jech ta jtatic ta sventa li Jesucristoe.

2 Timoteo 1:9

Ja' li Dios ti la scoltautique, ti laj yic'utic ta sventa li ch'ul iq'uel yu'un stuque. Ma'uc ta sventa lec cabteltic ti laj yic'utique. Ja' ta sventa ti jech ono'ox snopoj stuque. Yutsil yo'nton stuc laj yic'utic. Jech ono'ox snopoj c'alal mu'yuc to'ox banamil ti chiscoltautic ta sventa li Cristo Jesuse.

1 Pedro 1:3

Coliyalbutic li Diose, ja' li Stot Cajvaltic Jesucristoe, yu'un toj ep la xc'uxubinutic, laj yac' cha'voc'cutic ta ach' ta sventa ti la xcha'cuxes ta smuquinal li Cajvaltic Jesucristoe. Jech la jta spatubil co'ntontic ti mu xlaj sc'oplale.