Efesios 2:3 - Bible in Tzotzil de Chenalhó with Deuterocanon

³ Ta vo'onee ja' to'ox jech la jpastic jcotoltic. Ja' no'ox la jpastic li c'usitic tsc'an, li c'usitic lec cha'ay jbec'taltique, xchi'uc li c'usitic ta jnop jtuctique. Jech sc'oplal chbat jtoj jmultic jech chac c'u cha'al li yantic cristianoetique.

Tzotzil Zinacantan

³ Ti voꞌnee jaꞌ yech ijpastic jcotoltic. Jaꞌ noꞌox ijpastic ti cꞌusi iyal coꞌontique, ti cꞌusi ijnoptic jtuctique. Yechꞌo ti scꞌoplal ox chiyacꞌbotic castico ti Rioxe chac cꞌu chaꞌal chichꞌic ti muchꞌutic mu xchꞌunic ti cꞌusi yaloje.

Bible in Tzotzil de Chamula

³ Ja' jech to ox j'elantic jcotoltic ta vo'ne, cac'ojbetic yipal ta spasel ti c'usi ta xal ti o'ntonale, ti naca jsa' no'ox batel jmultic yo' ta xc'ot ta pasel ti c'usi lec ta xa'i ti lum ach'ele. Ti jech taj une, xijtun o ti co'ol xquich'tic tsots tsitsel yu'un Dios jech c'u cha'al ta xich'ic ti yane.

Tzotzil San Andres

³ Ta voꞌonee jaꞌ jech la jpastic jcotoltic. Jaꞌ noꞌox la jpastic li cꞌusi ijcꞌan jtuctique, schiꞌuc li cꞌusi ijnop jtuctique. Jaꞌ yuꞌun albil onoꞌox ti coꞌol chba quichꞌtic vocol yuꞌun Dios schiꞌuc scotol li buchꞌutic mu xichꞌic ta mucꞌ li Diose.

Tzotzil de Huixtán

³ Ti vo'one tal hechucutic jcotoltic. Ja' batem ti co'ntontic ti c'usi tsc'an ti jbec'taltique. Ja' no'ox laj jpastic c'usi tsc'an ti jbec'taltique, c'usi tsc'an ti co'ntontique. Hech yu'un co'ol quechel ono'ox quilintaeltic yu'un ti Diose xchi'uc scotol crixchanoetic.

Efesios 2:3 Iomraidhean Croise

Génesis 5:3

Li Adane yich'oj xa'ox lajuneb svucvinic (130) jabil ti c'alal ivoc' xnich'one, ja' li Sete. Li Sete ja' mero jloc'tot yu'un co'ol jech c'u cha'al li stote.

Génesis 6:5

Li Muc'ul Diose laj yil ti i'epaj smulic li cristianoetic ta banamile, xchi'uc ti ja' no'ox batem ta yo'ntonic o snopel li c'usitic chopole.

Génesis 8:21

C'alal ic'ot ta stojol Muc'ul Dios li smuil yic' smotone, jech laj yal: “Mu'yuc xa ta jsoques yan velta banamil ta scoj smul li cristianoetique. Yu'un li cristianoetique ta sbic'talic ono'ox ti ja' no'ox oy ta yo'nton tspasic li c'usi chopole. Jech noxtoc mu'yuc xa ta jtu'pbe sts'unubal yan velta li chonbolometic jech c'u cha'al la jpas li jun velta li'i.

Job 14:4

¿Boch'o xu' tslecubtas li cristiano ti chopol ono'oxe? ¡Mu'yuc!

Job 25:4

¿C'u x'elan xu' chal jun vinic ti toj tuc' ta stojol li Diose? ¿C'u x'elan xu' chal mu'yuc smul ta stojol Dios li boch'o voq'uem ta jun antse?

Salmos 51:5

Li vu'une jpasmulilun ono'ox ti c'alal livoq'ue; jpasmulilun ono'ox c'alal lic xchi'inun tal li jme'e.

Isaías 53:6

Yu'un jcotoltic ch'ayemutic ta be jech chac c'u cha'al ch'ayemal chijetic; la jtam batel jbe jtuctic jujunutic, pero li Muc'ul Diose ja' laj yac'be xcuch scotol li jmultique.

Marcos 4:19

ti ja' no'ox batem yo'ntonic yu'un li c'usitic oy li' ta banamile; ja' lo'labil yo'ntonic yu'un li c'ulejalile xchi'uc li c'usitic xpich'et no'ox yo'ntonic yu'une. Jech te net'bil chc'ot o li sc'op Dios ya'yojique, jech mu satin o.

San Juan 1:13

Pero mu ja'uc jech chac c'u cha'al xnich'nab cristiano ti ja' no'ox ta sventa sbec'talique, ti ja' no'ox ta sventa yu'un jech tsc'an yo'ntonique. Ja' ta sventa stuc Dios ti chijcha'voq'ue.

San Juan 8:44

Li vo'oxuque ja' atotic li pucuje, ja' yu'un ja' chac'an chapasic li c'usi oy ta yo'nton stuque. Yu'un li stuque jmilvanej ono'ox ta sliquebal. Mu ono'ox sc'an o li c'usi melele; mu'yuc c'usi melel oy ta yo'nton. C'alal me chal c'usi mu meleluque, yu'un ja' tspas li c'usi stalele, yu'un ja' j'epalc'op o, ja' mero sme' j'epalc'op.

Hechos 14:16

Li cristianoetic ta vo'onee i'ac'bat spasic yu'un Dios li c'usi tsc'an yo'nton stuquic jujunique.

Romanos 1:24

Ja' yu'un li Diose laj yac'be spasic o li c'usitic chopol tsc'an yo'ntonique, lic spasic o puru mulivajel. Toj q'uexlal sba li c'usi lic spasbe sbec'talique.

Romanos 11:30

Yu'un li vo'oxuc eq'ue jbajmantaloxuc to'ox ta stojol Dios ta vo'one, pero li' ta orae laj xa ataic c'uxubinel ta sventa ti ja' jbajmantaletic ic'ot li israeletique.

Romanos 13:14

Ja' ac'o vinajuc stalel Cajvaltic Jesucristo ta atojolic; mu me ja'uc oy ta avo'ntonic spasel li c'usitic tsc'an abec'talique.

Romanos 2:14

Yu'un li yanlum cristianoetic ti mu'yuc ya'yojic smantaltac Diose, ja' oy tspasic ta stalelic no'ox jech chac c'u cha'al chal li smantaltac Diose. Ac'o me mu'yuc yich'oj ta sc'obic, pero oy lec mantal ta yo'ntonic.

Romanos 5:10

Vu'utic ti contra ono'ox chquil jba jchi'uctic li Diose, lec xa jc'opan jba jchi'uctic ta sventa ti icham ta jcojtic li Xnich'one. Me lec xa jc'opan jba jchi'uctique, jbel sc'oplal colemutic o ta sventa ti cuxul li Xnich'one.

Romanos 5:9

Ja' yu'un c'u to x'elan lec chijyilutic ta sventa xch'ich'al li Cristoe, yu'un ja' ta sventa ti mu'yuc xa chbat jtoj jmultique.

Romanos 6:12

Ja' yu'un mu me ja'uc xaspasoxuc ta mantal li mulil ti tsc'an li abec'talic ti sna' xlaje. Mu me ja'uc xapasic li c'usitic lec cha'ye.

Romanos 7:18

Yu'un ta jna' ti me jutuc mu'yuc jlequil o jchi'uc li jbec'tal li'i, ac'o me oy ta co'nton ta jpas li c'usi leque, pero mu xu' cu'un spasel.

Romanos 9:22

Ja' no'ox jech ec li Diose tsc'an ox chac' ta ilel ta ora ti chac'be stojol li mulile; tsc'an ox chac' ta na'el c'u x'elan li svu'ele. Pero te to la sts'icbe smulic li boch'otic chapal sc'oplal chich'ic ilintaele, ti chapal sc'oplalic sventa tojob mulile,

1 Corintios 4:7

¿Boch'o laj yac' ti jech lec bijoxuque? ¿C'usi laj ata atuquic ti muc ja'uc laj yac'boxuc li Diose? ¿C'u yu'un ti chatoy aba achi'uquique?, yu'un xco'laj xchi'uc atuc laj ataic ti jech chapasique.

2 Corintios 7:1

Ja' yu'un vo'oxuc ti lec jc'anojoxuque, ja' jc'oplaltic ti va'ay x'elan yaloj li Diose. Jech tsc'an ac'o me jq'uel jbatic ta sventa li c'usi tsoques jbec'taltic xchi'uc co'ntontique. Ja' tsc'an chijlecubutic o batel ta sventa ti quich'ojtic xa ta muc' li Diose.

Gálatas 3:22

Pero ts'ibabil ta sc'op Dios ti scotol cristiano jpasmuliletique. Jech ta sventa xch'unojel yo'ntonic ta stojol Jesucristo xu' chich'ic c'usi yaloj ono'ox Dios li boch'o ta xch'unique.

Efesios 2:2

Yu'un ta vo'onee ja' laj apasic li c'usi sventa no'ox banamile, jech chac c'u cha'al tsc'an li banquilal ti ta ic' chanove, ti tsots svu'ele, ja' li boch'o mu'yuc sbec'tal ti ch-abtej ta stojol li boch'otic mu sc'an xch'unique.

Efesios 4:22

Ava'yojic ti tsc'an chajipic comel stalel li poco' cristianoe, ja' ti c'u to'ox xa'elanic ta vo'onee, yu'un ja' no'ox tsoquesvan, ja' no'ox chlo'lavan.

Colosenses 1:21

Ja' no'ox jech ec vo'oxuc ti nom to'ox oyoxuc ta stojole, ti laj to'ox acontrainic ta sventa li c'usitic laj anopique xchi'uc ta sventa ti c'usitic laj apasique,

1 Tesalonicenses 4:13

Quermanotac, ta jc'ancutic noxtoc ti ac'o ana'ic c'usi chc'ot ta pasel ta stojol li boch'otic chamenic xae, yu'un jech mu xavat avo'ntonic jech chac c'u cha'al li boch'otic mu'yuc c'usi tsmalaique.

1 Tesalonicenses 5:6

Ja' yu'un mu me xijvayutic jech chac c'u cha'al li yantique. Viq'uiluc me jsatic, cuxuluc me co'ntontic.

1 Timoteo 6:9

Yan li boch'o tsc'an tspas ta jc'uleje, te ta sujat yu'un c'usi chopol, jech te chucbil ta xc'ot o. Ep c'usi chlic svovil c'upin. Mu'yuc lec c'usitic chlic snop, jech te ta soc o yo'nton, jech ch'ayel ta xbat o xchi'uc.

SUN TITO 3:3

Yu'un ja' jech bolutic to'ox ec, jbajmantalutic, ch'ayemutic to'ox, mozoinbilutic to'ox yu'un li c'usiuc no'ox chopole xchi'uc li c'usiuc no'ox tsc'an co'ntontique. Ja' la jpastic li c'usitic chopolique, xti'et no'ox co'nton yu'un jchi'iltic, chopol no'ox laj quil jbatic, contra laj quil jbatic.

1 Pedro 1:14

Ja' tsc'an jechoxuc jech chac c'u cha'al nich'onil ti lec jch'unej mantale. Mu me xapasic c'usi tsc'an avo'ntonic jech chac c'u cha'al laj apasic ti c'alal mu to'ox xavotquinic Diose.

2 Pedro 2:14

Li satique nojem ta sc'upinel mulivajel; mu x'ech' yo'ntonic ta sa'el li mulile. Ja' ta xac'beic xchanic ec li boch'otic mu'yuc to stsatsal yo'ntonique. Li yo'ntonique nopen xa xa'ay sc'upinel li c'usi tsc'anique. Oyic xa o ta sventa ch'ayel.

2 Pedro 2:18

Yu'un tstoy sba xchi'uquic li c'usi chalic ti mu'yuc stue. Ja' jech ta slo'laic o ta sventa c'usi chopol tsc'an sbec'talic li boch'otic naca to tsvoc' sbaic loq'uel tal ta stojol li boch'otic ch'ayemic ta bee.

1 Juan 2:16

Yu'un scotol li c'usitic oy li' ta banamile, ja' li c'usi chopol tsc'an jbec'taltique, li c'usi tsc'upin jsatique, li toybail ta sventa c'ulejalile, le'e ma'uc te liquem tal ta stojol li Jtotic Diose; ja' sventa no'ox banamil.

1 Juan 2:8

Pero li c'usi ta jts'ibaboxuc li'i ja' ach' mantal ta xc'ot avu'unic. Chvinaj ta sventa Cristo ti ja' melele, xchi'uc chvinaj ta aventaic ec li vo'oxuque. Yu'un ta xjelov xa batel li ic' osile; ja' xa xojoban tal li sac osile.