Efesios 2:2 - Bible in Tzotzil de Chenalhó with Deuterocanon

² Yu'un ta vo'onee ja' laj apasic li c'usi sventa no'ox banamile, jech chac c'u cha'al tsc'an li banquilal ti ta ic' chanove, ti tsots svu'ele, ja' li boch'o mu'yuc sbec'tal ti ch-abtej ta stojol li boch'otic mu sc'an xch'unique.

Tzotzil Zinacantan

² Ti voꞌnee jaꞌ yech apasic chac cꞌu chaꞌal tspasic ti muchꞌutic mu to ta xchꞌunic li scꞌop Rioxe. Jaꞌ apasic cꞌusitic tscꞌan ti muchꞌu tspas mantal liꞌ ta sba balamile, jaꞌ ti pucuje, ti jaꞌ ta smul ti mu xchꞌunic scꞌop Riox li crixchanoetique.

Bible in Tzotzil de Chamula

² Yu'un ta vo'ne ti vo'oxuque jech laj apasic jech c'u cha'al ta spasic ti jnaclejetic ta banomile, ti ach'unojbeic smantal ti pucuj ti ta ic' ta xanave, ti ta x'abtej ta yo'ntonic ti buch'utic mu xch'unic ti c'usi ta xal ti Diose.

Tzotzil San Andres

² Yuꞌun ta voꞌonee jech la apasic jech chac cꞌu chaꞌal tspasic li buchꞌutic mu xichꞌic ta mucꞌ li Diose. Jaꞌ toꞌox la apasic li cꞌusi tscꞌan li buchꞌu ta spas mantal liꞌ ta balumile, jaꞌ li pucuje, ti jaꞌ tsocanbe yoꞌonic li buchꞌutic mu scꞌan xichꞌic ta mucꞌ li Diose.

Tzotzil de Huixtán

² Yu'un ti vo'one tale ja' no'ox laj ats'acliic ti crixchanoetique ti c'uc no'ox tspasique. Ja' ach'unojbeic smantal ti ajvalil ti sventainoj ti balumile, ja' ti pucuje, ti yac'oj sba ch-abtej ti stojol ti much'utic mu sc'an xch'umbeic sc'op ti Diose.

Efesios 2:2 Iomraidhean Croise

Job 1:16

Muc to chlaj yo'nton ta yalel, ic'ot yan j'almantal noxtoc, jech c'ot yal: —Iyal tal c'oc' yu'un Dios ta vinajel, ic'ac' scotol li chijetic xchi'uc li jchabichijetic avu'une. Jtuc xa no'ox licol tal sventa tal calbot li c'usi ic'ot ta pasele —xi.

Job 1:19

iloc' tal muc'ta ic' ta xocol banamil; la syuc' ta xchanjotal xchiquin li nae. Ilom yalel ta sba yac'olic li anich'nabe, jech te ichamic o. Vu'un xa no'ox licol tal yu'un tal calbot —xi.

Job 1:7

Li Muc'ul Diose jech laj yalbe li banquilal pucuje: —¿Bu la'ay tal? —xut. Itac'ov li banquilal pucuje: —Ay joyibta tal, ay jxan tal scotol li banamile —xi.

Job 31:7

Me oy bu itselbuj ta xocon be li cacane, me oy la xjochun batel li jsate, me oy c'usi la stsac li jc'obe,

Salmos 17:14

Ta avu'eluc colem chicom ta sc'obic li cristianoetic li' ta banamile. Ac'bo li spuculalic li' ta banamile; Ac'o t'omuc o xch'ut xchi'uquic. Ac'o yich' c'alal ta yalab xnich'nabic; ac'o sta c'alal ta smomnich'nabtaquic.

Isaías 30:1

Li Muc'ul Diose jech chal: “Toj abul sbaic li jtoyba cristianoetique; oy c'usi chchapan ta yo'nton stuquic. Muc vu'cun chisjac'bicun ba'yuc; stuquic chchapanic, pero muc vu'cun laj cac'be sna'ic, jech ja' no'ox yochel stsobel ep li smulique.

Isaías 57:4

¿Boch'o ti chana'leique? ¿Boch'o ti chac'opojic, ti chaloq'ues avoq'uic ta stojole? Vo'oxuc xnich'naboxuc jmulavil, xnich'naboxuc j'epalc'op,

Jeremías 23:10

Yu'un li banamile inoj ta jmulavil cristianoetic, ja' ta scoj ti puru mulil batem ta yo'nton li cristianoetique; solel ja' laj yac'beic yipal spasel li c'usi muc tuc'uque. Jech isoc o li banamile; itaquij scotol li ts'i'laltique.

Oseas 10:9

Jech chal li Diose: “Israel, ta Gabaa no'ox lic asa' tal li amulic. Yoquel abats'il spasel o c'alal to tana. Jech ta stsacatic ta pleito li boch'otic toj chopolic te ta Gabaae.

Levítico 11:16

xchi'uc li avestruze, li cuxcuxe, li saquil mut chch'i ta nabe, xchi'uc li jaychop bic'tal xiquetique,

San Mateo 11:19

C'alal lital, vu'un ti Xnich'on cristiano lic'ote, la jchi'inoxuc ta ve'el, ta uch'bajel, pero jech laj avalic noxtoc: ‘Q'uelavil, toj ech'em xve', toj ech'em xuch' ya'lel ts'usub. Lec chil sbaic xchi'uc jtsobpatanetic xchi'uc yan jpasmuliletic’, xachiic noxtoc. Pero li boch'o bije ta xvinaj ta sventa yabtel”, xi li Jesuse.

San Mateo 13:22

Li bec' trigo ic'ot ta ch'ixtique, ja' senyail li boch'otic cha'yic sc'op Dios ti ja' no'ox batem yo'ntonic yu'un li c'usitic oy li' ta banamile ti ja' lo'labilic yu'un li sc'ulejalique, jech te net'bil chc'ot o li sc'op Dios ya'yojique. Jech mu satin o.

San Mateo 13:38

Li osile ja' scotol li banamile. Li bats'i trigoe ja' li xnich'nab Diose. Yan li chopol jobele ja' li xnich'nab pucuje.

Marcos 4:19

ti ja' no'ox batem yo'ntonic yu'un li c'usitic oy li' ta banamile; ja' lo'labil yo'ntonic yu'un li c'ulejalile xchi'uc li c'usitic xpich'et no'ox yo'ntonic yu'une. Jech te net'bil chc'ot o li sc'op Dios ya'yojique, jech mu satin o.

San Lucas 16:8

Li yajvale jech laj yal: ‘Toj lec bij li vinique’, xi. Yu'un li boch'o ja' batem ta yo'ntonic c'u x'elan lec ch-ech'ic li' ta banamile, ja' toj bijic ta snopel c'usi tspasic. Yan li boch'o oyic ta sac osile, mu sta jech sbijilic.

San Lucas 22:31

Li Cajvaltique jech laj yalbe li Simone: —Simón, Simón, a'yo ava'ay. Li pucuje ay xa sc'an tal ta stojol Dios ti ac'o cuchatanic batel ta ic' jech chac c'u cha'al solil trigoe.

San Juan 12:31

Li' ta orae ta xa xich' chapanel li cristianoetic li' ta banamile. Li' ta orae ta xa xich' jipel loq'uel li banquilal jpasmantal li' ta banamile.

San Juan 13:2

C'alal te tsobol chve'ic scotolique, li Judas Iscariotee ja' li xnich'on Simone, albil xa ono'ox ta yo'nton yu'un banquilal pucuj ti ac'o yac' ta c'abal li Jesuse.

San Juan 13:27

C'alal la stsac pan li Judase, iventainbat o yo'nton yu'un li banquilal pucuje. Li Jesuse jech laj yalbe: —Li c'usi anopoj chapase bat paso ta ora —xut.

San Juan 14:30

“Mu xa xu' jal ta jc'opanoxuc, yu'un ta xa xtal li banquilal jpasmantal li' ta banamile, pero mu'yuc c'usi xu' yu'un chispasbun.

San Juan 15:19

Ti co'oluc to chapas achi'uquic li cristianoetic ti oyic ta sventa banamile, lec cha'yic ti jechuque, yu'un ja' jech tsc'anic. Pero li vo'oxuque mu'yucoxuc xa ta sventa banamil, yu'un laj xa jt'ujoxuc loq'uel, ja' yu'un bajbil chac'otic.

San Juan 16:11

Ta xac'be sna'ic ti oy chapanel yu'un li smulique, yu'un li banquilal jpasmantal li' ta banamile chapanbil xa smul sventa sbatel osil.

San Juan 7:7

Yu'un li vo'oxuque mu xu' chopol chayiloxuc li cristianoetique. Yan li vu'une chopol chiyilicun, yu'un vu'un ta xcalbeic ta jamal ti chopol c'usitic tspasique.

San Juan 8:23

Li Jesuse jech laj yalbe: —Li vo'oxuque ta peq'uel oyoxuc; yan li vu'une ta toyol liquemun tal. Li vo'oxuque li' liquemoxuc ta banamil; yan li vu'une muc li'uc liquemun ta banamil.

San Juan 8:44

Li vo'oxuque ja' atotic li pucuje, ja' yu'un ja' chac'an chapasic li c'usi oy ta yo'nton stuque. Yu'un li stuque jmilvanej ono'ox ta sliquebal. Mu ono'ox sc'an o li c'usi melele; mu'yuc c'usi melel oy ta yo'nton. C'alal me chal c'usi mu meleluque, yu'un ja' tspas li c'usi stalele, yu'un ja' j'epalc'op o, ja' mero sme' j'epalc'op.

Hechos 19:35

Ja' yu'un li jts'ibajom te ta lume la spajes li cristianoetique. Jech laj yalbe: “Jchi'iltac, vu'utic li efesoutique, scotol cristianoetic sna'ojic ti vu'utic jchabiojtic li xch'ulna jme'diostic Dianae xchi'uc li sloc'obal ti ibaj yalel tal ta vinajele.

Hechos 5:3

Li Pedroe jech laj yalbe li Ananiase: —Ananías, ¿c'u yu'un laj avac' ochuc ta avo'nton li Satanase, yu'un la'epalc'opoj ta stojol li Ch'ul Espiritue? Yu'un muc ts'acaluc laj avac' li stojol avosile.

Romanos 12:2

Mu me xachanbeic stalel li cristianoetic li' ta banamile. Ja' tsc'an chjel batel atalelic li vo'oxuque, jech ch-ach'ub batel li c'usi chanopique, jech chlic avotquinic batel c'usi tsc'an li Diose, ja' li c'usitic lec chile, li c'usitic tuq'ue.

1 Corintios 5:10

Pero ma'uc laj cal ti mu xu' chalo'ilaj achi'uquic li jmulaviletic li' ta banamile, li boch'otic xpich'et no'ox yo'ntonique, li j'eleq'uetique, xchi'uc li boch'otic chich'ic ta muc' c'usitic mu ja'uc diose. Ti ja'uc sc'oplal laj calboxuque, tsc'an chaloq'uic li' ta banamil ti jechuque.

1 Corintios 6:11

Oy to'ox boch'o jech la spas avu'unic, pero li' ta orae pocbiloxuc xa, lecubtasbiloxuc xa. Tuc' xa avo'ntonic chayiloxuc Dios ta sventa li Cajvaltic Jesuse xchi'uc ta sventa li Espíritu yu'un Dios cu'untique.

2 Corintios 4:4

Ti jech mu xch'unique, yu'un ja' macbil yo'ntonic yu'un li yajval banamile. Yu'un jech mu x'och xojobal ta stojolic li Lequil A'yej ta sventa li Jesucristo ti jun oyic xchi'uc Diose.

Gálatas 1:4

ja' li Boch'o laj yac' sba ta milel ta scoj jmultic, yu'un jech la scoltautic loq'uel ta sventa li c'usitic chopol li' ta banamile. Yu'un jech la sc'an li Dios cu'untique, ja' li Jtotique.

Efesios 1:21

Ja' banquilal ic'ot yu'un scotol li banquilaletic ta toyole, ti tsots svu'elique, ti tspasic mantale, xchi'uc ti toj muc'tic xa sbiic ta a'yele. Ma'uc no'ox banquilal comen li' ta orae, ja' banquilal o c'alal to ta sbatel osil.

Efesios 2:11

Jech na'ic me, vo'oxuc ti yanlumoxuc ta sventa abec'talique, ti “mu'yuc yich'ojic circuncisión”, xi ac'oplalic yu'un li boch'otic yich'ojic circuncisión ta sba sbec'talic ti i'ac'batic yu'un cristianoe.

Efesios 2:13

Pero li' ta orae oyoxuc xa ta stojol li Cristo Jesuse. Vo'oxuc ti nom to'ox oyoxuque lanopajic xa tal ta sventa ti la smal xch'ich'al li Cristo Jesuse.

Efesios 2:3

Ta vo'onee ja' to'ox jech la jpastic jcotoltic. Ja' no'ox la jpastic li c'usitic tsc'an, li c'usitic lec cha'ay jbec'taltique, xchi'uc li c'usitic ta jnop jtuctique. Jech sc'oplal chbat jtoj jmultic jech chac c'u cha'al li yantic cristianoetique.

Efesios 4:17

Ja' yu'un chacalboxuc ava'yic, ta jc'anboxuc tsots vocol ta sventa li Cajvaltique, mu xa me jechuc xapasic jech chac c'u cha'al li yantic achi'iltaquic ti mu xotquinic Diose, ti mu'yuc stu c'usitic tsnopique.

Efesios 4:22

Ava'yojic ti tsc'an chajipic comel stalel li poco' cristianoe, ja' ti c'u to'ox xa'elanic ta vo'onee, yu'un ja' no'ox tsoquesvan, ja' no'ox chlo'lavan.

Efesios 5:6

Mu me xaslo'laoxuc li boch'otic mu meleluc c'usi chalique. Yu'un li boch'otic mu xch'unic c'usitic yaloj Diose, chapal xa sc'oplal chbat stojic.

Efesios 5:8

Yu'un ta vo'onee oyoxuc to'ox ta ic' osil, pero li' ta orae oyoxuc xa ta sac osil ta sventa li Cajvaltique. Ja' yu'un xanovanic jech chac c'u cha'al li boch'o chanov ta sac osile.

Efesios 6:12

Yu'un ma'uc ta jpastic c'op jchi'uctic li boch'o oy sbec'tal, oy xch'ich'alique. Ja' ta jtsal jba jchi'uctic li pucujetic ti tsots tspasic mantale, ti tsots svu'elique, ti ch-ilbajinvanic li' ta banamil ti oy ta ic' osile, ti ta ic' chanovique ti mu'yuc sbec'talique.

Colosenses 1:21

Ja' no'ox jech ec vo'oxuc ti nom to'ox oyoxuc ta stojole, ti laj to'ox acontrainic ta sventa li c'usitic laj anopique xchi'uc ta sventa ti c'usitic laj apasique,

2 Timoteo 4:10

Yu'un li Demase laj xa scomtsanun. Yu'un ja' la sc'upin li c'usi sventa banamile, jech ibat ta lum Tesalónica. Li Cresentee ibat ta Galacia banamil. Li Titoe ibat ta Dalmacia banamil.

Santiago 1:27

Me ta melel lec xch'unoje, mu'yuc c'usi chopol tspas ta stojol li Jtotic Diose. Ja' no'ox jech tspas chac li'i: Ta sq'uel me'on ololetic xchi'uc me'on antsetic ti c'alal oy svocolique, xchi'uc mu soques sba ta sventa li c'usitic chopol li' ta banamile.

Santiago 1:7

Li boch'o jech yo'nton le'e, mu me snop ti oy c'usi ch-ac'bat yu'un Cajvaltique.

Santiago 4:4

¡Jmulaviloxuc ta stojol Dios! ¿Me mu xana'ic ti yajcontra Dios chijc'ot me ja' ta jc'antic c'usi sventa banamile? Li boch'o ja' lec chil sba xchi'uc li c'usitic sventa banamile, ja' yajcontra Dios chc'ot.

1 Pedro 1:14

Ja' tsc'an jechoxuc jech chac c'u cha'al nich'onil ti lec jch'unej mantale. Mu me xapasic c'usi tsc'an avo'ntonic jech chac c'u cha'al laj apasic ti c'alal mu to'ox xavotquinic Diose.

1 Pedro 4:3

Ep c'ac'al jech laj apasic jech chac c'u cha'al tspasic li boch'otic mu xich'ic ta muc' Diose; ja' laj avac' abaic ta spasel li c'usitic chopole, li c'usi tsc'an abec'talique, li yacubele, xchi'uc i'ech' ta bis avu'unic li ve'el uch'bajele, xchi'uc laj avich'ic ta muc' li c'usitic cuybilic ta dios ti toj chopol chil Diose.

2 Pedro 2:14

Li satique nojem ta sc'upinel mulivajel; mu x'ech' yo'ntonic ta sa'el li mulile. Ja' ta xac'beic xchanic ec li boch'otic mu'yuc to stsatsal yo'ntonique. Li yo'ntonique nopen xa xa'ay sc'upinel li c'usi tsc'anique. Oyic xa o ta sventa ch'ayel.

1 Juan 3:10

Jech ta xvinaj boch'o xnich'nab Dios xchi'uc boch'o xnich'nab pucuj. Scotol li boch'o mu spasilanic c'usitic tuq'ue xchi'uc li boch'otic mu'yuc sc'anoj xchi'ile, mu ja'uc xnich'on Dios.

1 Juan 3:8

Yan li boch'o ta to sa'ilan smule te to oy ta sc'ob pucuj. Yu'un li pucuje ja' la sliques li mulil ta sliquebale; ja' jech yabtel o. Ja' yu'un ital ta banamil li Xnich'on Diose, ja' tal slajesbe stsatsal yabtel li pucuje.

1 Juan 4:4

Jnich'nabtac, vo'oxuque xnich'naboxuc xa li Diose, jech laj xa atsalic li jlo'lavanej j'alc'opetique. Yu'un ja' xjelov svu'el li Ch'ul Espíritu oy ta atojolique; ja' mu sta jech svu'el li pucuj ti sventainoj li boch'otic oyic ta sventa banamile.

1 Juan 5:19

Ta jna'tic ti xnich'nabutic xa li Diose, xchi'uc ti oyic ta sc'ob pucuj scotol li yan cristianoetic li' ta banamile.

1 Juan 5:4

Yu'un scotol li boch'o ja' xa xnich'nabtaque tstsal yu'unic li c'usi sventa banamile. Li xch'unojel co'ntontique ja' chac' vu'uc cu'untic stsalel li c'usitic sventa banamile.

Apocalipsis 12:9

Jech ijipat o yalel tal li dragone, ja' li chon ta vo'onee, ja' li banquilal pucuje, ja' li Satanase. Ja' li boch'o tslo'la scotol cristianoetic ta sbejel banamile. J'ech'el ijipatic o yalel tal ta banamil xchi'uc li j'almantaletic yu'une.

Apocalipsis 13:14

Ta sventa li muc'tic sq'uelubiltac stsatsal i'ac'bat spas ta svu'el li ba'yuc jti'vanej bolome, jech la slo'la o li jnaclumetic ta banamile. Jech lic spas ta mantal scotol cristianoetic ta banamil ti ac'o spasbeic sloc'obal li ba'yuc jti'vanej bolom ti i'ac'bat espada ta jbej sjole, ti icha'cuxie.

Apocalipsis 13:8

Jech scotol cristianoetic ta banamil laj yich'ic ta muc' li jti'vanej bolome, ja' li boch'otic mu'yuc ono'ox ts'ibabil sbiic ta vun ta sliquebal banamil sventa chcuxiic sbatel osile, ja' li vun yu'un li Ch'ium Chij ti laj yich' milele.

Apocalipsis 16:17

Li svucubal j'almantale la smal ta ic' li sbel stazae, jech oy boch'o tsots ic'opoj ta ch'ulna ta vinajel, jech laj yal: “Pasbil xa scotol”, xi.

Apocalipsis 20:2

Bat stsac li dragone, ja' li chon ta vo'onee, ja' li pucuje, ja' li Satanase. La xchuc ta cadena jmil (1,000) jabil.