Efesios 2:16 - Bible in Tzotzil de Chenalhó with Deuterocanon

¹⁶ Ta sventa ti icham ta cruz li Cristoe, jech ico'laj yo'ntonic xchi'uc Dios li chib ta lume, yu'un jun no'ox ic'otic. La slajesbe o sc'oplal ti contra to'ox chil sbaique.

Tzotzil Zinacantan

¹⁶ Pero maꞌuc noꞌox icoꞌolaj o joltic voꞌotic ti ijchꞌuntic ti icham ta cruz ta scoj jmultic ti Jesucristoe. Coꞌol xa joltic noxtoc xchiꞌuc ti Rioxe, lec xa xquil jbatic jchiꞌuctic.

Bible in Tzotzil de Chamula

¹⁶ Ti jech taj une, laj sc'oplal ti contra ta xil sbaic ti israeletic xchi'uc ti jyanlumetic ta sventa cham ta curus ti Cristoe. C'otic ta jun ta sventa ti Cristoe. Sutic talel ta stojol Dios ta sventa ti Cristoe.

Tzotzil San Andres

¹⁶ Pero maꞌuc noꞌox coꞌol xa coꞌontic ta sventa ti ijchꞌuntic ti icham ta cruz ta jcojtic li Jesucristoe, coꞌol xa coꞌon jcotoltic jchiꞌuctic nojtoc li Diose yuꞌun lec xa chquil jba jchiꞌuctic.

Tzotzil de Huixtán

¹⁶ Yu'un ti icham ti cruz cu'untic ti Cristoe, hech laj yic'ucutic sut tal ti stojol ti Diose. Hech yu'un ti jtos no'ox nijc'otucutique, ho'ucutic ti cha'tos c'otemucutic ono'oxe. Hech ilaj sc'opilal ti chquilinta jbatique.

Efesios 2:16 Iomraidhean Croise

Romanos 5:10

Vu'utic ti contra ono'ox chquil jba jchi'uctic li Diose, lec xa jc'opan jba jchi'uctic ta sventa ti icham ta jcojtic li Xnich'one. Me lec xa jc'opan jba jchi'uctique, jbel sc'oplal colemutic o ta sventa ti cuxul li Xnich'one.

Romanos 6:6

Yu'un ta jna'tic ti te icham ta cruz xchi'uc Cristo li poco' jtaleltique, jech la slajesbe stsatsal li jtaleltic ti puru mulil tsc'ane, jech mu xa staojuc yav ti ja' chijtunutic o yu'un li mulile.

Romanos 8:3

Yu'un oy c'usi muc xvu' ta sventa li mantaletic ta scoj ti mu'yuc stsatsal li jbec'taltique, ja' yu'un la stac tal Xnich'on li Diose. Laj yac'be yich' sbec'tal jech chac c'u cha'al li jbec'taltic ti snainoj mulile, yu'un jech ac'o scontrain li mulile. Jech ta sventa sbec'tal ivu' yu'un laj yac' batel ta lajel li mulile.

Romanos 8:7

Yu'un li boch'o ja' no'ox chbat yo'ntonic snopel c'usitic tsc'an sbec'talique, ja' tscontrainic li Diose. Yu'un mu xch'unic li smantaltac Diose, xchi'uc mu xu' yu'unic xch'unel.

1 Corintios 10:17

Ac'o me eputic, jun no'ox pan ta jve'tic. Ja' senyail ti jun c'otemutic ta jcotoltique, yu'un jcotoltic ta jve'tic li jun no'ox pane.

Gálatas 2:20

Ja' yu'un co'ol lijoc'anat ta cruz jchi'uc Cristo ic'ot. Jech muc xa vu'ucun ti li' cuxulune. Ja' xa Cristo li' cuxul ta jtojol. Li jcuxlejal li' quich'oj ta jbec'tal ta orae, cuxul ta sventa xch'unojel co'nton ta stojol li Xnich'on Diose, ja' li Boch'o ep la sc'anune, ti laj yac' sba ta milel ta jcoje.

Efesios 2:15

Ja' la slajesbe sc'oplal ta sbec'tal noxtoc li mantaletic ti ep ta chop c'usitic chac' jpastic ti toj tsots sc'oplal laj ca'itique. Ja' stuc la spas ta jun li chib ta lume; la spas ta ach', jech ico'laj o co'ntontic.

Efesios 3:6

Ja' ti sc'oplal co'ol xu' chcu'unintic li c'usi chac' Diose, xchi'uc ti jun no'ox jbec'tal chijc'ot ta jcotoltique, ti co'ol xu' ta jtatic c'uxubinel jcotoltic ta sventa Cristo, ta sventa li Lequil A'yeje.

Efesios 4:4

Yu'un jun no'ox lijc'ot jcotoltic. Jun no'ox li Ch'ul Espíritu quich'ojtique, jech chac c'u cha'al jun no'ox li c'usi jmalaojtic chc'ot quich'tic ta sventa ti co'ol xa yic'ojutic li Diose.

Colosenses 2:14

La slajesbe sc'oplal noxtoc li mantaletic ti ja' ta sventa ep la jta o jmultic ta stojol Diose. La slajesbe yip, laj yac' ta joc'anel ta cruz.

Colosenses 3:15

Te me nacluc o ta avo'ntonic li jun o'ntonal chac' Cristoe. Ti laj yic'oxuc ta stojole, yu'un tsc'an jun no'ox chac'ot ta acotolic. Xchi'uc tsc'an chatojbeic ta vocol.