Efesios 2:10 - Bible in Tzotzil de Chenalhó with Deuterocanon

¹⁰ Yu'un ja' stuc la spasutic, ja' laj yac' ayincutic ta sventa li Cristo Jesuse, yu'un ac'o jpastic c'usitic lec. Yu'un jech ono'ox chapal yu'un Dios tsc'an ta jpastic.

Tzotzil Zinacantan

¹⁰ Jaꞌ islecubtas coꞌontic ti cꞌalal iquichꞌtic ta mucꞌ ti Jesucristoe yoꞌ jpastic o li cꞌusitic leque. Voꞌne onox snopoj ti Rioxe ti jaꞌ ta jpastic li cꞌusitic leque.

Bible in Tzotzil de Chamula

¹⁰ Yu'un yabtelotic Dios ti jech oyotic ta stojol ti Jesucristoe yo' ta jpastic ti c'usi leque, ti jech ono'ox snopoj ti Dios ta vo'nee.

Tzotzil San Andres

¹⁰ Jaꞌ yuꞌun stuc la sjeltabutic coꞌontic li Diose. Laj yacꞌbutic cachꞌtaleltic ta sventa li Jesucristoe ti jaꞌ acꞌo jpastic li cꞌustic leque. Yuꞌun jech onoꞌox snopoj Dios ta voꞌone ti jaꞌ ta jpastic li cꞌusi leque.

Tzotzil de Huixtán

¹⁰ Hech yu'un stuc laj xa scoltaucutic. Laj xa yac'bucutic ach' jcuxlejaltic ti sventa ti Cristo Jesuse yu'un hech xu' cu'untic ti jpastic lequil abteletic. Vo'one hech xchapanoj ti Diose ti ta ono'ox jpastic ti lequil abtele.

Efesios 2:10 Iomraidhean Croise

Salmos 100:3

C'otuc ta avo'ntonic ti ja' Dios ta melel li Muc'ul Diose. Ja' la spasutic, muc jechuc no'ox lij'ayin jtuctic; vu'utic steclumalutic, sts'unub xchij c'otemutic.

Salmos 119:3

ti mu sc'an spasic c'usitic chopole, ti ja' no'ox te chanovic o ta sbe li Muc'ul Diose.

Salmos 138:8

Yu'un chats'acubtas scotol c'usi oy ta avo'nton sventa chacoltaun, yu'un li vo'ote Muc'ul Dios, sbatel osil atalel chac'uxubinvan o; mu me xaquechan li avabtel chapase.

Salmos 51:10

Dios cu'un, jelbun li co'ntone; ac'o ach'ubuc li c'usi oy ta yut co'ntone.

Salmos 81:13

Ti lajuc ya'ibicun jc'op li jteclumale, ti ja'uc la stamic batel be cu'un li israeletique,

Isaías 19:25

Yu'un li Muc'ul Dios ti ech'em svu'ele ta xac'be bendición li lumetique, jech yaloj: “Ta xcac'be bendición li Egipto ja' li lum cu'une, xchi'uc li Asiria ja' li yabtel coc jc'obe, xchi'uc li Israel ti t'ujbil cu'une”, xi.

Isaías 29:23

C'alal chilic jmuc'ul jtsatsal li smomnich'nabtaque, chilic ti toj tuc' co'ntone, chlic yich'icun ta muc' vu'un li Diosun yu'un Jacobe, vu'un li Ch'ul Diosun yu'un Israele.

Isaías 43:21

Li jteclum la jliquese ja' sventa ac'o yalic batel jlequilal.

Isaías 43:7

Yu'un ti la jpas, ti laj cac' li boch'otic xcuchojbicun jbie, ja' sventa ac'o ich'atcun ta muc'’, xcut.

Isaías 44:21

“Jacob, na'o me ava'ay; Israel, na'o me ti vo'ot cajtunelote, vu'un la jpasot, ja' yu'un cajtunelot. Israel, mu'yuc bu chach'ay o ta co'nton.

Isaías 60:21

“Li jnaclumetic avu'une tuc' yo'nton chc'otic o; sbatel osil chu'uninic o li yosilalique. Yu'un ja' sq'uelum li te' ti vu'un la jts'une; yu'un ja' yabtel coc jc'ob jtuc, ja' sventa ac'o vinajuc li jmuc'ul jtsatsale.

Isaías 61:3

Li boch'otic te oyic ta Sione, tal jc'atajesbe ta scoronaic li tan chac' ta sjolique; tal jc'atajesbe ta muil poxil sventa xcuxet no'ox yo'ntonic li at-o'nton cha'yique. Tal jc'atajesbe ta lequil natil c'u'il li svocol yo'ntonique, jech chlic albatuc sc'oplalic: “muc'tiquil tsatsal te' ti lec tuq'uique”, xi sc'oplalic, yu'un ja' sts'unben stuc li Muc'ul Diose; ja' sventa ac'o vinajuc li smuc'ul stsatsale.

Jeremías 31:33

“Ja' jech li c'usi ta jchapan ta stojolique: C'alal me la sta sc'ac'alil cu'une, ta xcac'be ta sjolic li jmantaltaque, ta jts'ibabe ta yo'ntonic, vu'un Diosun yu'unic chic'ot; ja' jteclumal chc'otic o ec.

San Mateo 5:16

Ja' jech tsc'an xaxojobanic ta stojol cristianoetic li vo'oxuque, yu'un jech ac'o yilic ti toj lec avabtelique, jech chlic yich'ic ta muc' li Jtotic Dios te oy ta vinajele.

San Juan 3:21

Yan li boch'o ja' tsc'an tspasilanic o c'usi melele, ta xtalic ta sac osil, yu'un jech ac'o vinajuc ti ja' sventa Dios li c'usi tspasique —xi li Jesuse.

Hechos 9:31

Jech ipaj svocolic li jujutsob jch'unolajeletic ta scotol Judea banamil, ta Galilea banamil, xchi'uc ta Samaria banamile. Jun xa yo'ntonic laj yich'ic ta muc' li Cajvaltique. I'ac'bat stsatsal yo'ntonic yu'un li Ch'ul Espiritue, jech i'epajic o.

Hechos 9:36

Ta yorail le'e oy jun jch'unolajel ants ta lum Jope, Tabita sbi. Dorcas sbi chc'ot ta griego c'op. Li ants le'e lec c'usitic la spas xchi'uc ep icoltavan.

Romanos 8:1

Ja' yu'un li' ta orae, mu'yuc xa sc'oplal chbatic ta tojob mulil li boch'otic oyic xa ta stojol Cristo Jesuse.

Romanos 8:29

Yu'un li boch'otic vo'one ono'ox yotquinoje, vo'one st'ujoj noxtoc. Snopoj ti co'ol chc'otic jech chac c'u cha'al li Xnich'one. Ja' yu'un li Xnich'one ja' ba banquilal chc'ot yu'un scotol li jch'unolajeletique.

1 Corintios 3:9

Yu'un li vu'uncutique ja' no'ox ta jchi'incutic ta abtel li Diose. Vo'oxuc yosil Dios c'otemoxuc, sna Dios c'otemoxuc, ja' to chich' va'anel batel.

2 Corintios 5:17

Ja' yu'un li boch'o oy xa ta stojol Cristoe ipas xa ta ach'. Ilaj xa sc'oplal li poco'e; ja' xa ital li c'usitic ach'e.

2 Corintios 5:5

Li boch'o xchapanoj ti jech chc'ot ta pasele ja' li Diose. Ja' li boch'o yac'ojbutic xa sliquebe, ja' li Ch'ul Espiritue.

2 Corintios 9:8

Yu'un li Diose xu' yu'un chayepajesboxuc scotol li c'usitic yac'ojboxuque. Jech ch-epaj li c'usi oy avu'unique; mu'yuc c'usi yan sc'an avu'unic. Jech xu' avu'un chapasilanic o lequil abtel.

Gálatas 6:15

Yu'un ta stojol Cristoe, ma'uc tsots sc'oplal me quich'ojtic circuncisión, o me mu quich'ojticuc circuncisión. Ja' tsots sc'oplal ti ac'o ach'ubuc jtaleltique.

Efesios 1:1

Vu'un Pabloun, yajtacbolalun li Jesucristoe, yu'un jech la sc'an yo'nton li Diose. Ta jc'opanoxuc tal, vo'oxuc ti voc'biloxuc xa yu'un Dios te ta lum Éfeso ti jun avo'nton ach'unojic o li Cristo Jesuse.

Efesios 1:4

Xchi'uc la st'ujutic ta sventa Cristo ti c'alal mu'yuc to'ox banamile, yu'un jech mu'yuc jmultic, mu'yuc quic'ubaltic chijyilutic, yu'un c'anbilutic ono'ox yu'un.

Efesios 2:13

Pero li' ta orae oyoxuc xa ta stojol li Cristo Jesuse. Vo'oxuc ti nom to'ox oyoxuque lanopajic xa tal ta sventa ti la smal xch'ich'al li Cristo Jesuse.

Efesios 2:15

Ja' la slajesbe sc'oplal ta sbec'tal noxtoc li mantaletic ti ep ta chop c'usitic chac' jpastic ti toj tsots sc'oplal laj ca'itique. Ja' stuc la spas ta jun li chib ta lume; la spas ta ach', jech ico'laj o co'ntontic.

Efesios 2:2

Yu'un ta vo'onee ja' laj apasic li c'usi sventa no'ox banamile, jech chac c'u cha'al tsc'an li banquilal ti ta ic' chanove, ti tsots svu'ele, ja' li boch'o mu'yuc sbec'tal ti ch-abtej ta stojol li boch'otic mu sc'an xch'unique.

Efesios 2:6

Ta sventa ti co'ol la xcha'cuxesutic xchi'uc li Cristoe, jech co'ol laj yac' chotlicutic ta vinajel noxtoc ta sventa ti quich'ojtic ta muc' li Cristoe.

Efesios 4:1

Ja' yu'un chacalboxuc, vu'un ti li' tiq'uilun ta chuquel ta sventa Cajvaltique, avocolicuc ja' me pasic batel li c'usi sc'oplal tsc'an chapasic ta sventa ti ic'biloxuc xae.

Efesios 4:24

Tsc'an ja' xa chalapbeic stalel li ach' cristiano ti pasbil jech chac c'u cha'al stuc li Diose, ti tuq'ue ti me jutuc mu'yuc smule.

Deuteronomio 32:6

¿Me ja' stojol Muc'ul Dios chc'ot avu'unic ti jech chapasique? Bol cristianoetic, mu'yuc c'usi xana'ic snopel. ¿Me mu ja'uc Atotic? ¿Me mu ja'uc la spasoxuc? Ja' la spasoxuc, xchi'uc ja' laj yac' acuxlejalic.

Deuteronomio 5:33

Ja' me xat'unic o li be laj yac'boxuc avilic Muc'ul Dios cu'untique, yu'un jech lec chabatic, xchi'uc jech jal chacuxiic te ta avosilic ti bu chayac'boxuque.

Filipenses 1:6

Jch'unoj ti mu xpaj o li abtel avu'unic jech chac le'e. Yu'un li boch'o la sliques lequil abtel ta atojolique ta svu'es o batel c'alal to tsta sc'ac'alil chtal li Cristo Jesuse.

Filipenses 2:13

Yu'un ja' Dios laj yac' ta avo'ntonic ti chac'an chapasic c'usitic leque, xchi'uc ja' chac' c'otuc ta pasel avu'unic li c'usi tsc'ane.

Colosenses 1:10

Yu'un jech xu' lec tuc' chaxanovic ta sventa ti oyoxuc ta stojol li Cajvaltique, jech xu' chapasic li c'usitic lec chile. Jech lec tsatin batel li lequil abtel chapasique, jech chach'iic batel ta yotquinel li Diose.

Colosenses 3:10

Ja' xa xalapic o batel li ach' atalelique, yu'un jech yantic chalecubic batel. Jech co'ol chac'ot achi'uquic li Boch'o la spasutique, jech lec ts'acal chavotquinic scotol.

1 Timoteo 2:10

Ja'uc st'ujumalic chc'ot ti lec yabtelique, yu'un ja' jech tsc'an tspasic li antsetic ti lec yich'ojic ta muc' Diose.

1 Timoteo 5:10

xchi'uc ti lec sc'oplalic ta sventa yabtelique: me la sts'ites lec yalabic, me i'ic'van ochel ta snaic, me oy la spocbeic yacan li yu'untac Diose, me oy la scoltaic li boch'otic oy svocole, xchi'uc me oy c'usitic yan lec la spasique.

1 Timoteo 5:25

Jech noxtoc oy boch'o ta xvinaj ta ora li c'usi lec ta spasique; oy bu mu xvinaj ta ora, pero muc teuc mucul chcom o.

1 Timoteo 6:18

Albo ya'yic ti ja' ac'o spasic c'usitic leque, ac'o ja'uc sc'ulejalic ti lec c'usitic tspasique. Mu me xlaj cha'ay chac', mu me chlaj cha'ay tsq'uelan li c'usitic oy yu'unique.

2 Timoteo 2:21

Li boch'o tsc'an mu scap sba xchi'uc li boch'otic jech tspasique, ja' jech chc'ot jech chac c'u cha'al li c'usi tsots sc'oplal ti ven jtunele, lecubtasbil xa, lec chtun ta stojol li yajvale, lec chapal ta sventa scotol c'usiuc no'ox lequil abtelal.

2 Timoteo 3:17

Jech chijbijub vu'utic ti jch'unolajelutic yu'un Diose, jech lec chapalutic ta spasel scotol lequil abtel.

SUN TITO 2:14

Ja' ti laj yac' sba ta milel ta jcojtic, yu'un jech la spojutic loq'uel ta sventa c'usitic chopole, xchi'uc ti la slecubtasutic sventa chijyu'uninutique, xchi'uc ti jutebuc co'ntontic ac'o jpastic c'usi leque.

SUN TITO 2:7

Ta sventa scotol le'e, tsc'an vo'ot chavac' ta ilel li c'usi lec ta pasele. Lec me xachanubtasvan; oyuc me lec smelol c'usi chaval.

SUN TITO 3:1

T'abbo me ya'yic ti tsc'an ac'o yich'ic ta muc' li ajvalile xchi'uc li boch'otic oy yabtelique. Ac'o xch'unic mantal; chapalicuc ta spasel scotol li c'usitic leque.

SUN TITO 3:14

Ja' no'ox jech ec li jch'unolajeletic cu'untique, ac'o me xchanic spasel lequil abtel ti c'alal yorail oy c'usi tsots sc'oplal tsc'an pasele, yu'un jech oy yabtelic ta stojol Dios.

SUN TITO 3:8

Ja' melel li c'op li'i. Jech ta jc'an ti chavac' persa yalele, yu'un jech ac'o c'otuc ta yo'ntonic spasel lequil abtel li boch'otic xch'unojic xa sc'op Diose. Yu'un le'e, toj lec me jech ta spasique; lec chtun ta sventa scotol li cristianoetique.

Hebreos 10:24

Ac'o jnoptic c'u x'elan tsc'an chcalbe jbatic, yu'un jech co'ol ac'o c'uxubinvancutic xchi'uc co'ol ac'o jpastic c'usitic lec.

Hebreos 13:21

ac'o yac'boxuc scotol c'usitic lec, yu'un jech xu' avu'un chapasic li c'usitic tsc'ane. Chac' vu'uc avu'unic ta sventa Jesucristo li c'usitic lec chile. Jech ac'o ich'atuc ta muc' sbatel osil. Jechuc.

1 Pedro 2:12

Lecuc me c'usi chapasic ta stojol li boch'otic mu'yuc yich'ojic ta muc' Diose. Ac'o me chal ac'oplalic ti chopol c'usi chapasique, pero c'alal chilic ti lec c'usitic chapasique, chalbeic slequilal Dios ti c'alal chtal chapanvanuque.

1 Juan 1:7

Yan me chijxanovutic ta sac osil jech chac c'u cha'al oy ta sac osil stuque, ta melel jun chijc'ot ta jcotoltic; chispocbutic loq'uel scotol jmultic ta xch'ich'al Xnich'on, ja' li Jesuse.

1 Juan 2:6

Li boch'otic chalic ti jun xa oyic xchi'uc Diose, ac'o me spas jech chac c'u cha'al la spas li Cajvaltic Jesucristoe.