Efesios 1:7 - Bible in Tzotzil de Chenalhó with Deuterocanon

⁷ Ja' li Xnich'on ti la smanutic ta xch'ich'al, yu'un jech la jtatic o perdón yu'un li jmultique, yu'un bats'i ep c'uxutic ta yo'nton.

Tzotzil Zinacantan

⁷ Jaꞌ iyacꞌ ta milel ta scoj jmultic, ilocꞌ xchꞌichꞌel, yoꞌ mu xa xiꞌochotic o ta cꞌocꞌ ta sbatel osile. Jaꞌ liyacꞌotic o ta pertonal, jaꞌ ti scꞌanojotic tajmeque.

Bible in Tzotzil de Chamula

⁷ Ti jech mu albajuc syail xc'uxul yo'nton ti Diose, laj spoj laj scoltaotic ta sventa ti laj smal xch'ich'el ti Xnich'one, yo' jech ta jtatic ti ch'aybil ti jmultic ta xc'ote.

Tzotzil San Andres

⁷ Acꞌo mi toj cꞌux ta yoꞌon li Snichꞌone, pero iyacꞌ ta milel ta jcojtic yuꞌun toj cꞌuxutic ta yoꞌon eꞌuc. Jaꞌ ta sventa li Snichꞌon ti colemutic xae, ti pasbilutic xa perton yuꞌun li jmultique.

Tzotzil de Huixtán

⁷ Yu'un ti lum ep laj xc'uxubinucutique hech yu'un laj yac' ti milel ti cruz ti Snich'one ti jventatic. Hech yu'un ti colemucutic xa ti ora to. Ch'ayem xa jmultic.

Efesios 1:7 Iomraidhean Croise

Job 33:24

me jech chlic yalbe li Diose: ‘C'uxubino li vinique; coltao xa, yu'un jech mu xbat ta ch'en, yu'un laj xa jtabe xq'uexol sventa smul’, me xute,

Salmos 130:4

Pero li vo'ote chach'ay ta avo'nton li jmulcutique, yu'un jech ac'o ich'atan ta muc'.

Salmos 130:7

Ja' me jech xamalaic chascoltaoxuc Muc'ul Dios, vo'oxuc israeletic, yu'un ta melel chataic c'uxubinel yu'un; lec ts'acal coltael chayac'boxuc.

Salmos 86:5

Yu'un li vo'ote, Cajval, toj lec avo'nton, ep ts'icumal avu'un; toj ep c'ux ta avo'nton li boch'otic tsc'anic vocol ta atojole.

Éxodo 34:7

C'ux ta co'nton epal mil cristianoetic; ta jch'aybe ta co'nton li smulique, li stoyobbailique, li xchopolilique. Pero mu teuc no'ox jq'ueloj li boch'o ta sa'ilan smule; ta persa chcac'be stoj. Ta xcac'be stoj smul li totiletique, li nich'naletique, li momnich'naletique, xchi'uc c'alal ta xchanc'olal momnich'naletic —xi li Muc'ul Diose.

Isaías 43:25

“Pero ta sventa ti vu'un Diosun avu'unique vu'un ta jtu'pboxuc li amulique; mu'yuc xa ta jt'ab ta co'nton o.

Jeremías 31:34

Jech mu'yuc xa boch'o jech chalbe xchi'ilic, mu'yuc xa boch'o jech chalbe yuts' yalalic: ‘Tsc'an chavotquin lec li Muc'ul Diose’, mu'yuc xa boch'o xut. Yu'un scotolic chlic yotquinicun c'alal ta muc', ta biq'uit. Yu'un j'ech'el ta jch'aybe o ta co'nton li xchopolilique; mu'yuc xa ta jt'abbe o ta co'nton li smulique”, xi li Muc'ul Diose.

Daniel 9:19

Cajval, a'ibun li jc'ope. Cajval, pasbuncutic perdón. Tuc'ulanbun li jc'ope Cajval. Paso no'ox ta ora; mu xa me xamala jal, yu'un jech ac'o ich'atuc ta muc' li abie. Yu'un li abie ja' te ch-ich'at ta muc' ta lum avu'un xchi'uc ta stojol li ateclumale’, xichi ta stojol li Diose.

Daniel 9:9

Pero ta atojol vo'ote Cajval, Dios cu'un, oy c'uxubinel, oy perdón avu'un, ac'o me ep jtoyoj jbacutic ta atojol.

Jonás 4:2

Te lic sc'opan Dios, jech laj yal: —Muc'ul Dios, ja' xa'ox jech c'an calbot ti c'alal te oyun ta cosilale. Ja' ta scoj ti chijatov ox batel ta Tarsise. Yu'un jna'oj ti toj lec avo'ntone, ti toj ep c'uxubinel avu'une, xchi'uc jna'oj ti muc ta aniluc cha'iline, ti toj ep slequil avo'ntone, xchi'uc ti chlecub avo'nton, ti mu'yuc chavac'be stoj li smulique.

Miqueas 7:18

Mu'yuc yan Dios jech chac c'u cha'al vo'ot, ti chapasbe perdón, ti chach'aybe ta avo'nton smulic li scomelal ateclumale. Muc teuc no'ox stsoq'uet o avo'nton ta stojol, yu'un ja' oy ta avo'nton li c'uxubinvaneje.

Zacarías 13:1

“Ta sc'ac'alil le'e ta xt'om jun nio' te ta stojol smomnich'nab David, xchi'uc ta stojol li jnaclumetic ta Jerusalene; ja' sventa spocubil smulic xchi'uc sbolilic.

Zacarías 13:7

Jech chal li Muc'ul Dios ti tspas ta mantal scotol te ta vinajele: “Espada, lican, bat ac'bo ya'ay li jchabichij cu'une; bat contraino li vinic ti co'ol cabtel jchi'uque. Bat milo li jchabichije, te ac'o spuc sbaic batel li chijetique. Vu'un ta jcontrain, ta xcac' jc'ob ta stojol li ch'ium chijetique.

Zacarías 9:11

Jech chal li Muc'ul Diose: “Jerusalén, ta sventa ti chavaq'uic li ch'ich' jech chac c'u cha'al jchapanojtique, jech ta jloq'ues tal li jchuqueletic avu'un ti te tiq'uilic batel ta natil pozo ti mu'yuc ya'lele.

San Mateo 20:28

Jech chac c'u cha'al vu'un ti Xnich'on cristiano lic'ote, mu yu'unuc tal mozoinvancun; tal cac' jba ta tunel ta atojolic. Xchi'uc tal jpoj loq'uel ep cristianoetic sventa mu xbatic ta ch'ayel —xut.

San Mateo 26:28

Li'i ja' jch'ich'al sventa chc'ot ta pasel li c'usi chapanbil ono'oxe. Yu'un ta xmal ta sventa ep cristianoetic, jech ep boch'o tsta perdón yu'un smulic.

San Mateo 6:12

Pasbuncutic perdón yu'un jmulcutic jech chac c'u cha'al jpasojbecutic perdón li boch'otic oy smul cu'uncutique.

Marcos 14:24

Jech laj yal li Jesuse: —Li'i ja' jch'ich'al; ja' chtun ta sventa li c'usi chapanbil ono'oxe. Ta xmal ta sventa ep cristianoetic.

San Lucas 1:77

Tal avac'be sna'ic ti xu' tstaic coltaele, ti xu' tstaic perdón yu'un smulique.

San Lucas 24:47

Ts'ibabil noxtoc ti ja' ta sbi ta xcholbat ya'yic cristianoetic ta scotol banamil ti ac'o sutes yo'ntonique, xchi'uc ti ja' ba'yuc ta xcholbat li boch'otic li' nacajtic ta Jerusalene, yu'un jech xu' tspasbat perdón yu'un smulic.

San Juan 20:23

Li boch'otic chapasbeic perdón yu'un smulique, pasbil perdón chc'otic o. Yan li boch'otic mu'yuc chapasbeic perdón yu'un smulique, mu'yuc pasbil perdón chc'otic o —xi li Jesuse.

Hechos 10:43

Albil ono'ox sc'oplal yu'un j'alc'opetic ta vo'one noxtoc ti ja' ta sventa xu' ta staic perdón yu'un smulic scotol li boch'otic ta xch'unique —xi li Pedroe.

Hechos 2:38

Li Pedroe jech laj yalbe: —Suteso avo'ntonic, ich'ic vo' ta jujunoxuc ta sbi Jesucristo, jech chaspasboxuc perdón yu'un amulic. Jech chavich'ic li amotonique, ja' li Ch'ul Espiritue.

Hechos 20:28

Ja' yu'un chabio me aba atuquic. Chabiic noxtoc li chijetique yu'un ja' avabtel la'ac'batic yu'un Ch'ul Espíritu ti c'alal lacomic ta jq'uelvanej yu'un jcholc'opetique. Jech sc'an chaq'uelic lec, yu'un li steclumal Cajvaltique smanojan ta xch'ich'al.

Hechos 3:19

Ja' yu'un jchi'iltac, suteso avo'ntonic, sutanic tal ta stojol Dios, yu'un jech xu' chavich'ic ch'aybel li amulique, jech chc'ot yorail ta xac' xcuxetel avo'ntonic li Cajvaltique.

Romanos 2:4

¿Me yu'un mu xava'ibe smelol li c'uxubinel yu'un Diose, li smuc'ul yo'ntone, xchi'uc li slequil yo'ntone? Na'o me, ta sventa toj lec yo'nton ti tsc'an ac'o asutes avo'ntone.

Romanos 3:24

Pero ta sventa ti toj lec yo'nton li Diose, jech ta matanal ti mu'yuc xa jmultic chijyilutic ta sventa ti la stojbutic jmultic li Jesucristoe.

Romanos 3:25

Yu'un li Diose ja' laj yac'be smal xch'ich'al li Jesucristoe, jech ic'ot ta jch'aymulil ta sventa li boch'otic ta xch'unique. Jech ivinaj ti tuc' yo'nton li Diose, yu'un te la sts'icbe smul li cristianoetic ta poco' vo'onee,

Romanos 9:23

yu'un jech chac' to ta ilel ti toj ep slequil yutsil yo'nton ta stojol li boch'otic chapal sc'oplal chc'uxubinatic, ti chapal ono'ox sc'oplalic yu'un Dios chilic lequilale.

1 Corintios 1:30

Yu'un li vo'oxuque ja' ta sventa Dios ti oyoxuc xa ta stojol Cristo Jesuse. Ja' li boch'o laj yac' jna'betic c'u x'elan sbijil stuc li Diose. Ja' ti c'u x'elan tuc' co'ntontic chijyilutique, ti c'u x'elan chijlecubutic batele, xchi'uc ti c'u x'elan chijcole.

2 Corintios 8:9

Yu'un xavotquinbeic xa c'u x'elan slequil yo'nton li Cajvaltic Jesucristoe. Li stuque toj c'ulej, pero la spas sba ta me'on, yu'un jech vu'utic la yac'butic jc'ulejaltic.

Efesios 1:14

Ja' sliqueb quich'ojtic li c'usi sc'oplal chc'ot quich'tic c'alal tsta yorail chcol scotol li yu'untac ti manbilic yu'une. Jech ich'bil ta muc' chc'ot li Diose.

Efesios 1:18

Jech chjam lec asatic, jech chana'ic c'u x'elan li spatubil avo'nton chamalaic ta sventa ti yic'ojoxuc xa ta stojole. Xchi'uc jech chana'ic c'u yutsil li slequilal chac'be scotol yu'untaque.

Efesios 1:6

Yu'un jech ac'o calbetic slequilal, ac'o quich'tic ta muc' ta sventa ti ep slequil yo'ntone, ta sventa ti la xc'uxubinutique, ti lec xa chijyilutic ta sventa li Xnich'on ti lec sc'anoje.

Efesios 1:8

Ivinaj ti bats'i ep c'uxutic ta yo'nton li Diose, yu'un laj xa yac'butic jbijiltic, laj yac'butic cotquintic scotol.

Efesios 2:4

Pero ta sventa ti toj ep c'uxubinel yu'un Diose, xchi'uc ta sventa ti ep chisc'anutique, jech la xc'uxubinutic,

Efesios 2:7

Yu'un jech chac' quiltic ti bats'i ep c'uxubinel sventa sbatel osile, ti ep sc'anojutic o ta sventa li Cristo Jesuse.

Efesios 3:16

Yu'un jech ac'o yac'boxuc scotol li slequilal yutsilale, xchi'uc jech ac'o abtejuc svu'el ta yut avo'ntonic ta sventa li Ch'ul Espíritu yu'une.

Efesios 3:8

Vu'un ti xc'oxilun yu'unic li yantic yu'untac Diose, vu'un laj quich' cabtel spuquel ta stojol yanlum cristianoetic li c'uxubinel yu'un Diose ja' li Lequil A'yej ti chijyalbutic ti mu albaj c'u yepal c'uxubinel yu'un li Cristoe.

Filipenses 4:19

Li Dios cu'untique chayac'boxuc scotol c'usitic sc'an avu'unic ta sventa Cristo Jesús, jech chac c'u cha'al li yutsil sc'ulejal stuque.

Colosenses 1:14

Ja' li Xnich'on ti la smanutic ta xch'ich'ale, ti ja' ta sventa la jtatic perdón yu'un jmultique.

Colosenses 1:27

Yu'un jech la sc'an Dios ti laj yac' avotquinic c'u slequil, c'u yutsil c'usi ta jtatic yu'un li c'usi mu'yuc to'ox vinajem, vo'oxuc li yanlum cristianooxuque. Ja' sc'oplal li Cristo ti te xa oy ta avo'ntonique, ti ja' ta sventa chamalaic li c'usi toj jun yutsile.

Colosenses 2:13

Ac'o me chamenoxuc to'ox ta scoj li amulique xchi'uc ta sventa li c'usi tsc'an abec'talique, pero li' ta orae co'ol xa laj yac' cuxianic xchi'uc li Cristoe. La spasboxuc perdón yu'un scotol li amulique.

Colosenses 2:2

Ta xcac' persa, yu'un jech xu' tstsatsub yo'ntonic ta stojol Dios. Jech co'ol chac'anan aba acotolic, jech chava'ibeic lec smelol, chavotquinic lec c'usi snopoj li Dios Totil ti mu'yuc to'ox vinajeme, ja' li sc'oplal Cristoe.

1 Timoteo 2:6

Yu'un ja' laj yac' sba ta milel cu'untic, ja' la smanutic jcotoltic. Yu'un ic'ot sc'ac'alil laj yac' ta ilel ti c'uxutic ta yo'ntone.

SUN TITO 2:14

Ja' ti laj yac' sba ta milel ta jcojtic, yu'un jech la spojutic loq'uel ta sventa c'usitic chopole, xchi'uc ti la slecubtasutic sventa chijyu'uninutique, xchi'uc ti jutebuc co'ntontic ac'o jpastic c'usi leque.

SUN TITO 3:6

Yu'un muc bisbiluc no'ox lij'ac'bat Ch'ul Espíritu ta sventa li Jesucristoe, ja' li Jcoltavanej cu'untique.

Hebreos 9:22

Ta xal ta mantaletic ti jutuc mu scotoluc chlecub ta sventa ch'ich'e. Ta xal noxtoc ti manchuc persa chich' malel ch'ich'e, mu'yuc perdón yu'un mulil ti jechuque.

1 Pedro 2:24

Ja' stuc la xcuch ta sbec'tal li jmultic c'alal ja'o joc'ol ta cruze, yu'un jech xu' chijchamutic ta sventa li mulile; ja' chijcuxiutic ta spasel li c'usi tuq'ue. Li Cristoe ep ituch' sbec'tal, yu'un jech vo'oxuc colem lacomic.

1 Pedro 3:18

Yu'un li Cristoe laj ono'ox yich' vocol ec ti c'alal icham ta scoj jmultique. Jun no'ox velta j'ech'el la xch'aybutic o. Li stuque mu'yuc smul, pero laj yich' vocol ta scoj jpasmuliletic, yu'un jech chijyic'utic batel ta stojol Dios. Icham xchi'uc sbec'tal, pero icha'cuxi xchi'uc ach' sbec'tal ta sventa Espíritu.

1 Juan 2:12

Jnich'nabtac, ta jts'ibaboxuc tal li'i, yu'un pasbiloxuc xa perdón yu'un amulic ta sventa li Jesucristoe.

1 Juan 2:2

Yu'un ja' laj yac' sba ta milbil matanal sventa la stojbutic jmultic. Mu ja'uc no'ox vu'utic ti la stojbutic jmultique; ja' smul scotol cristianoetic ta sbejel banamil la stojbe.

1 Juan 4:10

Ja' jech laj quiltic c'u x'elan li c'anvaneje. Yu'un muc vu'uticuc ba'yuc la jc'antic li Diose; ja' ba'yuc la sc'anutic. Jech la stac tal li Xnich'one; ja' milbil matanal ic'ot ta sventa jmultic.

Apocalipsis 14:4

Le'e ja' li boch'otic muc soques sbaic ta sventa antsetique, ti co'olic jech chac c'u cha'al tojol queremetique. Ja' chchi'inic batel li Ch'ium Chij ti buyuc no'ox chbate. Yu'un icoltaatic xa loq'uel ta stojol li cristianoetique, ja' jech ic'otic ta stojol Dios xchi'uc ta stojol Ch'ium Chij jech chac c'u cha'al li sba sat c'usi chich' aq'uel ta smoton Diose.

Apocalipsis 5:9

La sq'uejintaic jun ach' q'ueoj, jech chal: “Vo'ot no'ox atuc puru lec c'usi apasoj ti ivu' avu'un laj avich' li vune, xchi'uc xu' avu'un chatuch'be li spaq'ue. Yu'un vo'ot laj avich' milel. Ta ach'ich'al laj aman sventa chc'otic ta yu'untac Dios li cristianoetic ta jujuchop sts'unubal, ta jujuchop c'op, ta jujun lum, xchi'uc ta jujun banamile.