Efesios 1:6 - Bible in Tzotzil de Chenalhó with Deuterocanon

⁶ Yu'un jech ac'o calbetic slequilal, ac'o quich'tic ta muc' ta sventa ti ep slequil yo'ntone, ta sventa ti la xc'uxubinutique, ti lec xa chijyilutic ta sventa li Xnich'on ti lec sc'anoje.

Bible in Tzotzil de Chamula

⁶ Ti jech taj une, lequil-c'optabiluc cu'untic ti Diose, ti mu no'ox albajuc ti yutsilal slequilal yo'ntone, ti laj yac'botic ti xch'ul lequilal ti jech oyotic ta stojol ti xc'uxubinbil Nich'one.

Tzotzil de Huixtán

⁶ Yu'un ti hech laj yic'ucutique, yu'un hech tsc'an ti chich' pasel ti muc' stuc. Hech yu'un yutsil yo'nton laj xc'uxubinucutic, hech laj stsacucutic ti venta ti sventa ti Snich'one, ja' ti lum c'ux ti yo'ntone.

Efesios 1:6 Iomraidhean Croise

Salmos 22:20

Coltaun me ta sventa li milel ta espadae; mu me xavac' xismilicun li ts'i'etic le'e.

Salmos 60:5

Coltao me li boch'otic lec ac'anoje; coltao ta sventa atsatsal avu'el. A'ibun me li jc'ope, Dios cu'un.

Proverbios 16:4

Scotol li c'usitic spasoj Muc'ul Diose oy slajeb, jech ec li boch'otic chopolique ja' slajebic ti chbat stoj smulique.

Isaías 42:1

“Q'uelavilic li cajtunele, vu'un oy ta jc'ob, vu'un la jt'uj; toj xcuxet co'nton yu'un, laj xa cac'be li espíritu cu'une. Ja' chtal xchapan li jujun lume.

Isaías 43:21

Li jteclum la jliquese ja' sventa ac'o yalic batel jlequilal.

Isaías 61:11

Li Muc'ul Diose laj xa yac' ch'iuc, laj xa yac' javuc li' ta banamil li tuq'uil chapanel yu'une, jech chac c'u cha'al chjav ts'i'laletic ta banamil, jech chac c'u cha'al chjulij loq'uel tal sq'uelum c'usitic ts'unubil. Jech ch-albat slequilal ta scotol li jujun banamile.

Isaías 61:3

Li boch'otic te oyic ta Sione, tal jc'atajesbe ta scoronaic li tan chac' ta sjolique; tal jc'atajesbe ta muil poxil sventa xcuxet no'ox yo'ntonic li at-o'nton cha'yique. Tal jc'atajesbe ta lequil natil c'u'il li svocol yo'ntonique, jech chlic albatuc sc'oplalic: “muc'tiquil tsatsal te' ti lec tuq'uique”, xi sc'oplalic, yu'un ja' sts'unben stuc li Muc'ul Diose; ja' sventa ac'o vinajuc li smuc'ul stsatsale.

Jeremías 23:6

C'alal ja'o tiq'uil ta pasmantale, li Judae lec jun yo'nton; li Israele mu'yuc c'usi chal yo'nton. Ja' jech sbi chc'ot yu'unic: ‘Li Muc'ul Diose ja' tuq'uil jchapanvanej cu'untic’, xi sbi chc'ot”, xi.

Jeremías 33:9

Scotol li c'usitic lec ta jpas li' ta Jerusalene ja' sventa quich'el ta muc', ja' sventa xcuxetel o'ntonal ta stojol yantic lum li' ta banamil. Yu'un c'alal cha'yic ti lec c'usitic ta jpasbe li jnaclumetic li' ta Jerusalene, ta xlic niquicuc, ta xlic xi'icuc”, xi li Muc'ul Diose.

Levítico 15:15

Li palee ac'o smil jcotuc ta sventa mulil; li yan jcote ac'o yac' ta sventa chic'bil matanal. Ja' jech tsc'an pasel ta jtojol sventa chich' lecubtasel li boch'o oy xchamele.

Zacarías 13:7

Jech chal li Muc'ul Dios ti tspas ta mantal scotol te ta vinajele: “Espada, lican, bat ac'bo ya'ay li jchabichij cu'une; bat contraino li vinic ti co'ol cabtel jchi'uque. Bat milo li jchabichije, te ac'o spuc sbaic batel li chijetique. Vu'un ta jcontrain, ta xcac' jc'ob ta stojol li ch'ium chijetique.

San Mateo 17:5

C'alal ja'o chlo'ilaj li Pedroe, ital jvol toc, oy xojobal; te macbil ic'otic. Te laj ya'yic c'op ta yut toc, jech laj yal: “Li'i ja' jnich'on, lec jc'anoj. Lec jpatoj co'nton yu'un. A'ibeic sc'op”,, xi.

San Mateo 20:9

C'alal ivulic li boch'otic ta vo'ob xa ora lic stsac yabtelique, jun denario i'ac'bat stojol jujunic.

San Mateo 3:17

Ta ora ivinaj c'op ta vinajel, jech laj yal: “Li'i ja' Jnich'on; lec jc'anoj, lec jpatoj co'nton yu'un”, xi.

San Lucas 2:14

“¡Ich'biluc ta muc' te ta vinajel li Diose! Ac'o sta jun yo'nton cristianoetic li' ta banamil ta sventa slequil yo'nton li Diose”, xiic.

San Juan 10:17

Ja' yu'un lec sc'anojun li Jtote, yu'un ta xcac' jba ta milel yu'unic li jchijtaque, yu'un jech xu' chicha'cuxi noxtoc.

San Juan 3:35

Li Totile lec sc'anoj li Xnich'one. Laj yac'be ta sc'ob scotol li c'usitic oye.

Romanos 8:1

Ja' yu'un li' ta orae, mu'yuc xa sc'oplal chbatic ta tojob mulil li boch'otic oyic xa ta stojol Cristo Jesuse.

2 Corintios 4:15

Ja' yu'un scotol li vocol chquich'cutique ja' sventa alequilalic. Yu'un jech ep boch'otic xu' tstaic li c'uxubinel yu'un Diose, jech ep boch'otic chlic stojbeic ta vocol Dios noxtoc, jech ich'bil ta muc' chc'ot li Diose.

2 Corintios 5:21

Yu'un li boch'o mu xotquin mulile jpasmulil ic'ot ta jcojtic, yu'un jech vu'utic mu'yuc jmultic lijc'ot, tuc' xa co'ntontic chijyilutic li Diose.

Efesios 1:12

Yu'un jech ich'bil ta muc' chc'ot ta jventacutic vu'uncutic ti jmalaojcutic chtal li Cristoe.

Efesios 1:14

Ja' sliqueb quich'ojtic li c'usi sc'oplal chc'ot quich'tic c'alal tsta yorail chcol scotol li yu'untac ti manbilic yu'une. Jech ich'bil ta muc' chc'ot li Diose.

Efesios 1:18

Jech chjam lec asatic, jech chana'ic c'u x'elan li spatubil avo'nton chamalaic ta sventa ti yic'ojoxuc xa ta stojole. Xchi'uc jech chana'ic c'u yutsil li slequilal chac'be scotol yu'untaque.

Efesios 2:7

Yu'un jech chac' quiltic ti bats'i ep c'uxubinel sventa sbatel osile, ti ep sc'anojutic o ta sventa li Cristo Jesuse.

Filipenses 1:11

Jech noxtoc ja' ac'o apasic li c'usitic tuc' ta pasele, ja' ta sventa Jesucristo xu' avu'unic, jech ch-ich'at ta muc', jech lec chbat sc'oplal avu'unic li Diose.

Filipenses 3:9

Xchi'uc jech jun chic'ot o jchi'uc. Muc xa ja'uc ta sventa mantaletic ti mu'yuc jmule, ja' xa ta sventa xch'unojel co'nton ta stojol li Cristoe. Yu'un ti c'u x'elan mu'yuc jmul chijyilutic Diose ja' ta sventa xch'unojel co'ntontic.

Filipenses 4:19

Li Dios cu'untique chayac'boxuc scotol c'usitic sc'an avu'unic ta sventa Cristo Jesús, jech chac c'u cha'al li yutsil sc'ulejal stuque.

Colosenses 1:13

Yu'un ja' la sloq'uesutic tal ta sc'ob li yajval ic' osile; laj yac'utic ta sc'ob li Xnich'on ti lec sc'anoje, yu'un ja' ac'o sventainutic.

1 Pedro 2:5

Ja' jech li vo'oxuque lequil ton c'otemoxuc, chavich'ic latsel muyel yu'un jech chac'otic ta jbej ch'ulna yu'un Dios. Vo'oxuc ch'ul paleoxuc chac'otic, jech ta sventa Jesucristo xu' chavaq'uic lequil matanal sventa sbatel osil ti lec chil Diose.

1 Pedro 2:9

Pero li vo'oxuque sts'unubaloxuc xa li boch'o t'ujbil yu'un Diose, bats'i pale xa c'otemoxuc ta stojol Dios, ch'ul muc'ta lum xa c'otemoxuc, yu'uninojoxuc xa li Diose. Yu'un jech ac'o apucbeic batel li c'usitic toj lec la spas Diose, ti laj yic'oxuc loq'uel ta ic'al osile, ti laj yac'oxuc ta sac osil ti toj jun yutsile.

1 Pedro 4:11

C'alal me oy boch'o chc'opoje, ja' ac'o yal jech chac c'u cha'al chal li sc'op Diose. Me oy boch'o tsc'an ta xtune, ac'o spas ti c'u x'elan stsatsal ac'bil yu'un Diose. Scotol li c'usitic chapasique, ac'o ja'uc sventa ch-ich'at ta muc' Dios avu'unic ta sventa li Jesucristoe, yu'un ja' no'ox ich'bil ta muc', ja' no'ox oy svu'el sbatel osil. Jechuc.