Efesios 1:4 - Bible in Tzotzil de Chenalhó with Deuterocanon

⁴ Xchi'uc la st'ujutic ta sventa Cristo ti c'alal mu'yuc to'ox banamile, yu'un jech mu'yuc jmultic, mu'yuc quic'ubaltic chijyilutic, yu'un c'anbilutic ono'ox yu'un.

Tzotzil Zinacantan

⁴ Yuꞌun stꞌujojotic onox cꞌalal chꞌabal toꞌox li balamile ti chquichꞌtic ta mucꞌ ti Cristoe yoꞌ chꞌabal o jmultic chiyilotique.

Bible in Tzotzil de Chamula

⁴ C'alal mu'yuc to ox meltsajem ti banomile, t'ujbilotic xa ono'ox yu'un ti Dios ta sventa ti Cristoe yo' jech mu'yuc jmultic ta xijc'ot ta stojol.

Tzotzil San Andres

⁴ Jaꞌ ti listꞌujutic li cꞌalal muꞌyuc toꞌox li vinajel balumile yoꞌ jech ta sventa Cristo muꞌyuc jmultic chijyilutic.

Tzotzil de Huixtán

⁴ Ti c'alal mu to chlic spas ti balumile ti Diose, ja' hech yorail lic st'ujucutic yu'un hech ti sventa ti Cristoe toj co'ntontic mu'yuc jmultic chijc'otucutic ti stojol ti Diose.

Efesios 1:4 Iomraidhean Croise

2 Samuel 22:24

Tuc' la jpas jba ta stojol; la jq'uel jba ta sventa li c'usitic chopole.

Salmos 135:4

Yu'un li Muc'ul Diose st'ujoj xa li Jacobe, ja' li Israele, yu'un tsc'an chu'unin o.

Isaías 42:1

“Q'uelavilic li cajtunele, vu'un oy ta jc'ob, vu'un la jt'uj; toj xcuxet co'nton yu'un, laj xa cac'be li espíritu cu'une. Ja' chtal xchapan li jujun lume.

Levítico 19:2

“Jech xavalbe ya'yic scotol li achi'iltac ta israelale: “Tuc'uc me avo'ntonic, yu'un vu'un li Muc'ul Diosun avu'unique tuc' co'nton.

Levítico 20:7

“Tuq'uibtaso me abaic, jech tuc' chac'otic ta jtojol; vu'un li Muc'ul Diosun avu'unique.

San Mateo 24:22

Ti manchuc ta xich' comajesbel sc'ac'alil li vocol le'e, mu'yuc boch'o ta xcol ti jechuque. Pero ta sventa li boch'o t'ujbilique ja' yu'un ta xich' comajesbel sc'ac'alil li vocole.

San Mateo 24:24

Yu'un ta to xtal li boch'otic ta scuy sbaic ta Cristoe, xchi'uc li boch'o tscuy sbaic ta j'alc'opetique. Ta spasic muc'tic sq'uelubiltac, yu'un jech ta slo'laic o li cristianoetique. Ti xu'uc yu'unique, tsc'an tslo'laic ec li boch'otic t'ujbilic yu'un Diose.

San Mateo 24:31

Tsots ta xich' jupanel oq'ues c'alal ta jtac tal li j'almantaletic cu'une. Ja' ta xtal stsobic scotol li boch'otic t'ujbilic cu'un ta xchanjotal xchiquin banamile.

San Mateo 25:34

Vu'un li muc'ta Ajvalilune jech chlic calbe li boch'otic te oyic ta jbats'ic'obe: ‘La'ic, yu'un c'uxubinbiloxuc yu'un li Jtote. Ochanic ta pasmantal, yu'un jech ono'ox chapanbil ac'oplalic ta vo'one ti c'alal ilic li banamile.

San Juan 10:16

Jech noxtoc oy to yantic jchijtac ti muc li'uc oyic ta corale. Le'e ta ono'ox xquic'an tal ec. Ta xa'ibicun jc'op; jun no'ox scoralil chc'ot scotol, xchi'uc jun no'ox jchabivanej chc'ot yu'unic.

San Juan 15:16

Muc vo'ocoxuc laj at'ujicun. Vu'un la jt'ujoxuc. Laj cac'boxuc avabtelic, yu'un ac'o satinanic. Li asat chavaq'uique mu xlaj sc'oplal o. Jech chayac'boxuc Jtot scotol li c'usiuc no'ox chac'anbeic ta jventae.

San Juan 17:24

“Tati, ti c'u yepal laj avac'bune ta jc'an ti ac'o c'ot xchi'inicun ec ti bu oyune, jech te ta xilic o c'u x'elan li jlequilal avac'ojbune, yu'un lec ono'ox ac'anojun ti c'alal mu'yuc to'ox banamile.

Hechos 13:48

C'alal laj ya'yic jech laj yal Pablo li yanlum cristianoetic ti mu xotquinic Diose, toj xcuxet ic'ot yo'ntonic. Laj yalic ti toj lec c'usi laj yal comel li Cajvaltique. Jech la xch'unic scotol li boch'otic sc'oplal ono'ox chcuxiic sbatel osile.

Hechos 15:18

xi li Dios ti vo'one ono'ox laj yac' ta na'el ti jech snopoje’, xiic li j'alc'opetique.

Hechos 18:10

Vu'un ta jchi'inot. Me junuc mu'yuc boch'o xu' chac' sc'ob ta atojol sventa oy c'usi chaspasbicot, yu'un oy ep cu'untac li' ta lume”, x'utat.

Romanos 8:33

¿Boch'o xu' tstic'be smul li boch'otic t'ujbilic yu'un Diose, yu'un ja' Dios stuc la slecubtas?

1 Corintios 1:8

Jech noxtoc ja' chastsatsubtasboxuc o batel avo'ntonic c'alal to ta slajeb, yu'un jech mu'yuc amulic chc'ot ti c'alal tsta sc'ac'alil ta xchapanvan li Cajvaltic Jesucristoe.

Gálatas 5:13

Yu'un li vo'oxuque, quermanotac, la'ic'atic yu'un Dios, yu'un colem ac'o comanic o. Pero ta sventa ti colemoxuc xae, ma'uc yu'un xu' xa chapasic c'usiuc no'ox tsc'an li abec'talique. Ja' sventa ac'o acolta abaic, yu'un jech chac'anan abaic ta jujuntal.

Gálatas 5:22

Yan li yabtel Ch'ul Espiritue ja' jech chac li'i: ta jc'anan jbatic, xcuxet no'ox co'ntontic, jun no'ox co'nton jcotoltic, oy smuc'ul co'ntontic, lec no'ox chijc'opojutic, oy slequil co'ntontic, oy xch'unojel co'ntontic,

Gálatas 5:6

Yu'un ta stojol Cristoe, ma'uc tsots sc'oplal me quich'ojtic circuncisión, me muc quich'ojticuc circuncisión. Ja' tsots sc'oplal li xch'unojel co'ntontique, yu'un jech xu' cu'un chijc'anvanutic.

Efesios 2:10

Yu'un ja' stuc la spasutic, ja' laj yac' ayincutic ta sventa li Cristo Jesuse, yu'un ac'o jpastic c'usitic lec. Yu'un jech ono'ox chapal yu'un Dios tsc'an ta jpastic.

Efesios 3:17

Yu'un jech j'ech'el te ac'o naquiuc o ta avo'ntonic li Cristo ta sventa li xch'unojel avo'ntonic ta stojole. Jech ch-ayin lec yibel, ch-ayin lec snacleb ta avo'ntonic li c'anvaneje.

Efesios 4:2

Biq'uit xavac' abaic, manso no'ox xapas abaic; oyuc smuc'ul avo'ntonic, talbat xats'icbe abaic c'usi chc'ot ta pasel avu'unic ta sventa ti ac'anoj abaique.

Efesios 5:2

C'ano abaic jech chac c'u cha'al la sc'anutic li Cristoe, yu'un laj yac' sba ta milel ta jcojtic. Ja' smoton Dios ic'ot, ja' milbil matanal ti oy lec smuil laj ya'ay li Diose.

Efesios 5:27

Yu'un jech toj jun yutsil chc'ot c'alal te tsobol ta stojol li steclumale; me jutuc mu'yuc yic'ubal, mu'yuc c'usi yatinoj, mu'yuc c'usi oy o. Jech bats'i lec, bats'i jun yutsil chc'ot o.

Filipenses 2:15

Yu'un jech mu soc ac'oplalic, xchi'uc jech mu xata amulic. Jech chvinaj ta stojol chopol cristianoetic, ch'ayemal cristianoetic ti vo'oxuc xnich'naboxuc Diose, ti mu'yuc chopoloxuque. Ja' jech xaxojobanic ta stojolic jech chac c'u cha'al luz ti xojobanic c'alal ic' osile.

Colosenses 1:22

ilecub xa yo'nton ta atojolic ec. Ja' ta sventa ti laj yac' sba ta milel li Xnich'one, yu'un jech mu'yuc amulic, mu'yuc avic'ubalic ti c'alal chac'otic ta stojole.

Colosenses 2:2

Ta xcac' persa, yu'un jech xu' tstsatsub yo'ntonic ta stojol Dios. Jech co'ol chac'anan aba acotolic, jech chava'ibeic lec smelol, chavotquinic lec c'usi snopoj li Dios Totil ti mu'yuc to'ox vinajeme, ja' li sc'oplal Cristoe.

Colosenses 3:12

Ja' me lapic o li slequil avo'ntonique, li c'uxubinvaneje, ti biq'uit chavac' abaique, ti mansooxuc no'oxe, li yutsil avo'ntonique, xchi'uc li smuc'ul avo'ntonique. Yu'un t'ujbiloxuc xa yu'un li Diose, yu'unoxuc xa, lec sc'anojoxuc.

1 Tesalonicenses 3:12

Ac'o yepajesboxuc slequil avo'ntonic li Cajvaltique, yu'un jech talbat chac'anan abaic, xchi'uc jech xu' chac'anic scotol boch'ouc no'ox, jech chac c'u cha'al lec jc'anojotcutic li vu'uncutique.

1 Tesalonicenses 4:7

Yu'un muc ic'biluticuc yu'un Dios sventa ac'o jpastic c'usi tsc'an jbec'taltic; ja' ic'bilutic sventa ac'o lecubcutic batel.

2 Timoteo 1:9

Ja' li Dios ti la scoltautique, ti laj yic'utic ta sventa li ch'ul iq'uel yu'un stuque. Ma'uc ta sventa lec cabteltic ti laj yic'utique. Ja' ta sventa ti jech ono'ox snopoj stuque. Yutsil yo'nton stuc laj yic'utic. Jech ono'ox snopoj c'alal mu'yuc to'ox banamil ti chiscoltautic ta sventa li Cristo Jesuse.

2 Timoteo 2:10

Ja' yu'un ta jts'ic scotol vocol ta scoj li boch'otic t'ujbilic yu'un Diose, yu'un jech ac'o colicuc ec ta sventa li Cristo Jesuse, jech chbat xchi'inic ta slequilal sbatel osil.

2 Timoteo 2:19

Ac'o me tsc'anic ac'o chibajuc yo'nton li boch'otic xch'unojique, pero jbel sc'oplal c'usi yaloj li Diose. Jech ts'ibabil: “Li Cajvaltique xotquin li boch'otic yu'untaque”, xi. Jech ts'ibabil noxtoc: “Scotol li boch'otic yich'ojic ta muc' Cajvaltique, ta xcom yu'unic c'usitic chopol”, xi ts'ibabil.

Santiago 2:5

Quermanotac, vo'oxuc ti lec jc'anojoxuque, a'yo lec ava'yic. Li Diose ja' la st'uj li boch'otic me'on li' ta banamile, yu'un jech jc'ulej chc'otic ta sventa xch'unojel yo'ntonic, xchi'uc jech chich'ic c'usi yaloj Dios chac'be li boch'otic sc'anojic Diose.

1 Pedro 1:2

Vo'oxuc ti t'ujbiloxuc ono'ox yu'un Dios Totil ta sventa ti jech ono'ox snopoje, xchi'uc ta sventa ti laj xa slecubtasoxuc li Ch'ul Espiritue, yu'un jech ac'o ach'unic, ac'o avich'ic lecubtasel ta sventa xch'ich'al li Cajvaltic Jesucristoe. Ac'o ataic ep c'uxubinel xchi'uc ac'o ataic o jun avo'ntonic.

1 Pedro 1:20

Vo'one ono'ox nopbil c'alal mu'yuc to'ox banamil ti jech chc'ot ta pasele, pero ja' to ic'ot ta pasel ti c'alal po'ot xa slajebal c'ac'ale; ja' sventa alequilalic li vo'oxuque.

1 Pedro 2:9

Pero li vo'oxuque sts'unubaloxuc xa li boch'o t'ujbil yu'un Diose, bats'i pale xa c'otemoxuc ta stojol Dios, ch'ul muc'ta lum xa c'otemoxuc, yu'uninojoxuc xa li Diose. Yu'un jech ac'o apucbeic batel li c'usitic toj lec la spas Diose, ti laj yic'oxuc loq'uel ta ic'al osile, ti laj yac'oxuc ta sac osil ti toj jun yutsile.

2 Pedro 3:14

Ja' yu'un vo'oxuc ti lec jc'anojoxuque, c'alal chamalaic ta xc'ot ta pasel jech chac le'e, aq'uic persa ti junuc avo'ntonic, ti mu'yucuc avic'ubalic, ti mu'yuc amulic chvul staoxuc li Diose.

1 Juan 4:16

Li vu'utique laj xa jna'tic, xchi'uc jch'unojtic xa ti sc'anojutic li Diose. Li Diose ja' stalel ta xc'anvan o. Li boch'o ta xc'anvane te oy ta stojol li Diose. Jech ec li Diose te nacal ta yo'nton.

Apocalipsis 13:8

Jech scotol cristianoetic ta banamil laj yich'ic ta muc' li jti'vanej bolome, ja' li boch'otic mu'yuc ono'ox ts'ibabil sbiic ta vun ta sliquebal banamil sventa chcuxiic sbatel osile, ja' li vun yu'un li Ch'ium Chij ti laj yich' milele.

Apocalipsis 17:8

Li jti'vanej bolom laj avile ja' to'ox, pero tana mu xa ja'uc. Ta xa xloc' tal ta natil xab sventa chbat ta lajel. Li jnaclumetic ta banamil ti mu'yuc ono'ox ts'ibabil sbiic ta vun sventa cuxlejal c'alal ilic li banamile chch'ay yo'ntonic, yu'un sna'ic ti ja' to'oxe, ts'acal mu xa ja'uc, pero ts'acal chloc' tal yan velta noxtoc.