Efesios 1:13 - Bible in Tzotzil de Chenalhó with Deuterocanon

¹³ Ja' no'ox jech ec li vo'oxuque, c'alal laj ava'ibeic li sc'op ti ja' melele, ja' li Lequil A'yej ti chacolic yu'une, laj ach'unic; jech laj avich'beic senyail ti yu'unoxuc o li Diose, ja' li Ch'ul Espíritu ti yaloj ono'ox Dios chijyac'butique.

Tzotzil Zinacantan

¹³ Ti cꞌalal avaꞌiic li voꞌoxuque ti jaꞌ chacꞌ jcuxlejaltic ta sbatel osil ti Cristoe, avichꞌic ta mucꞌ uc, yechꞌo ti avichꞌbeic xa seña uque ti xchꞌamaloxuc xa ti Rioxe, jaꞌ ti Chꞌul Espíritue ti yaloj onox Riox chacꞌ jchiꞌintique.

Bible in Tzotzil de Chamula

¹³ Jech ti vo'oxuc jyanlumoxuque, teq'uel c'ot ta avo'ntonic ta xch'unel c'alal laj avich'ic albel sc'oplal ti pojel colel yu'un ti Cristoe. Ti lac'otic ta jun xchi'uc ti Cristoe, laj yac'boxuc aseyoalic, ja' sc'oplal ti Ch'ul Espíritu ti albil ono'ox sc'oplal ta xaq'ue yo' ta xvinaj ti ja' yu'unoxuc ti Diose.

Tzotzil San Andres

¹³ Jaꞌ noꞌox jech eꞌuc, joꞌoxuc li maꞌuc jꞌisraeloxuque, cꞌalal avaꞌiic ti jaꞌ chijcolutic ta sventa li Cristoe, achꞌunic ti jaꞌ Avajcoltavanejic eꞌuc li Cristoe. Jaꞌ ta sventa Cristo avichꞌic senyail ti snichꞌnaboxuc o li Diose. Li senyaile jaꞌ li Chꞌul Espíritu ti yaloj onoꞌox Dios ti chijyacꞌbutique.

Tzotzil de Huixtán

¹³ Ja' no'ox hech uc ti ho'oxuque ti yanlum crixchanooxuque, c'alal laj ava'yic ti lequil ach' c'ope ti ja' melele, ja' ti chijcolucutic yu'une, laj ach'unic ti ja' Jcoltavanej avu'unic uc ti Cristoe hech ti sventa ti Cristoe laj avich'ic uc ti Ch'ul Espíritue ti albilucutic ti chquich'tique. Ja' señail ti yu'unucutic xa ti Diose.

Efesios 1:13 Iomraidhean Croise

Salmos 119:43

Mu me xapojbun loq'uel ta que jliqueluc li ac'op ti ja' melele, yu'un ja' jpatoj o co'nton yu'un ti tuc' c'usitic avaloje.

Joel 2:28

“C'alal me i'ech' scotol le'e, ta xcac' tal espíritu cu'un ta stojol scotol li cristianoetique. Jech li querem tsebetic avu'unique chlic yalic c'usi chc'ot ta pasel; li moletic avu'unique oy c'usi chlic yil ta xvayechic; li queremetic avu'unique oy c'usi chlic yil ta xch'ulelic.

San Lucas 11:13

Vo'oxuc ti chopoloxuc ono'oxe, xana'ic c'usi lec chavac'beic li anich'nabique. ¡Buuc xa li Atotic te oy ta vinajele Ch'ul Espíritu chac'be li boch'otic ta sc'anique! —xi li Jesuse.

San Lucas 24:49

A'yo ava'yic, ta jtacboxuc tal li c'usi yaloj ono'ox Jtot chayac'boxuque. Ja' yu'un li' to oyanic o ta Jerusalén ja' to me laj avich'ic li avu'elic chlic tal ta toyole —x'utatic.

San Juan 1:17

Li smantal Diose ta sventa Moisés laj quich'tic ac'bel. Yan li c'uxubinel xchi'uc li coltael ta melele la jtatic ta sventa Jesucristo.

San Juan 14:26

Yan li Jpojvanej ta stacboxuc tal ta jventa li Jtote, ja' li Ch'ul Espiritue. Ja' ta xac'boxuc ana'ic scotol; ja' ta xchanubtasoxuc. Ja' ta svulesboxuc ta ajolic scotol li c'usi laj calboxuque.

San Juan 15:26

“C'alal me ital li Jpojvanej avu'unic ti ta jtacboxuc yalel tal ta sventa li Jtote, ja' li Ch'ul Espíritu ti ja' Melele, ja' te ta xlic tal ta stojol li Jtote; ja' chtal yalbun jc'oplal li vu'une.

San Juan 3:33

Yan li boch'otic ta xich'beic ta muc' c'usi chale, ja' chaq'uic ta ilel ti ja' melel c'usi yaloj li Diose.

San Juan 6:27

Mu me ja'uc no'ox xavabtelinic sa'el li ave'elic ti sna' xlaje. Ja' tsc'an chavabtelinic sa'bel sve'el ec li avo'ntonic ti mu sna' xlaj sbatel osile. Vu'un ta xcac'boxuc, vu'un ti Xnich'on cristiano lic'ote. Ja' yu'un li Diose, ja' li Jtote, laj xa yac' ta ilel ti vu'un yac'ojbun cabtele —xi li Jesuse.

Hechos 1:4

C'alal jmoj tsobol xchi'uc li yajtacbolaltac Jesuse, jech laj yalbe mantal: —Mu to me xaloq'uic batel li' ta Jerusalene. Malaic chavich'ic li c'usi yaloj ono'ox Jtotique, jech chac c'u cha'al calojboxuc ono'oxe.

Hechos 13:26

“Jchi'iltac, vo'oxuc li smomnich'naboxuc Abrahame, xchi'uc vo'oxuc ti muc israelucoxuc ti chavich'ic ta muc' li Diose, vo'oxuc avu'unic li a'yej li'i sventa chijcolutic oe.

Hechos 2:33

Jech noxtoc i'ic'at muyel ta vinajel te ta sbats'ic'ob Dios. Jech i'ac'bat yu'un Jtotic Dios li Ch'ul Espíritu ti yaloj ono'ox ta xaq'ue, ja' ti laj avilic laj yac' yalel tal li'i. Jech laj xa avilic, laj xa ava'yic.

Romanos 1:16

Yu'un mu xiq'uexov ta xcholel li Lequil A'yeje, yu'un ja' stsatsal Dios. Ja' sventa chcol scotol li boch'ouc no'ox ta xch'unique. Ba'yuc ivul ta stojol li israeletique; ja'o ic'ot ta atojolic ec vo'oxuc li yanlum cristianooxuque.

Romanos 4:11

C'alal laj yich' circuncisione, ja' senyail, ja' svinajeb laj yich' ta sbec'tal ti ta melel tuc' yo'nton ilbil yu'un Dios ti c'alal mu'yuc to'ox chich' circuncisione, yu'un jech ja' stotic chc'ot ec li jch'unolajeletic ti mu'yuc yich'ojic circuncisione. Jech tuc' yo'nton ch-ilatic yu'un Dios ec ta sventa li xch'unojel yo'ntonique.

Romanos 6:17

Pero coliyal li Diose, ac'o me smozooxuc to'ox li mulile, pero ta sventa ti laj ach'unic ta scotol avo'ntonic li sc'op Dios la'albatique,

2 Corintios 1:22

Xchi'uc ti laj yac'butic jselloaltic ti yu'unutic oe, ja' li Ch'ul Espíritu yac'ojbutic ta co'ntontique. Ja' sliqueb quich'ojtic li c'usi ta to xc'ot quich'tique.

2 Corintios 6:7

xchi'uc ti melel c'usi chcalcutique, xchi'uc ti oy svu'el li Diose. Chcac'cutic persa xchi'uc li cabtejeb ac'biluncutique, ja' li stuq'uil co'ntoncutique, xchi'uc li quespadacutique, xchi'uc li jmaccutique,

Gálatas 3:14

Ja' yu'un ta sventa Cristo Jesús xu' tstaic yanlum cristianoetic ec li bendición i'albat yu'un Dios li Abrahame. Jech jcotoltic ta sventa xch'unojel co'ntontic xu' chquich'tic li Ch'ul Espíritu ti yaloj ono'ox Dios chijyac'butique.

Efesios 4:21

Yu'un li vo'oxuque ava'yojic c'usi tsc'an li Jesuse, xchi'uc ja' ta sventa lachanubtasatic lec ta sc'op ti ja' melele.

Efesios 4:30

Mu me xavac'beic yat yo'nton li Ch'ul Espíritu yu'un Diose. Yu'un ja' senyail ac'biloxuc ti c'alal tsta sc'ac'alil coltaele.

1 Tesalonicenses 2:13

Ja' yu'un mu xlaj co'ntoncutic o stojbel ta vocol li Diose. Yu'un c'alal laj ava'yic li sc'op Dios la jcholcutic ava'yique, lec laj avich'ic ta muc'. Muc xanopic ti ya'yej no'ox cristianoe. Laj ach'unic ti ja' sc'op Diose, ti ja' melele, jech te ch-abtej o ta avo'ntonic vo'oxuc ti ach'unojique.

2 Timoteo 2:15

Ac'o me persa ti lecuc chbat avu'un scotole, yu'un jech lec cha'ilat yu'un Dios ti c'alal chava'an aba ta stojole, jech lequil j'abtel chac'ot; mu'yuc c'usi chaq'uexov o. Lec me tuc' xbat yalel avu'un li sc'op Dios ti ja' melele.

2 Timoteo 2:19

Ac'o me tsc'anic ac'o chibajuc yo'nton li boch'otic xch'unojique, pero jbel sc'oplal c'usi yaloj li Diose. Jech ts'ibabil: “Li Cajvaltique xotquin li boch'otic yu'untaque”, xi. Jech ts'ibabil noxtoc: “Scotol li boch'otic yich'ojic ta muc' Cajvaltique, ta xcom yu'unic c'usitic chopol”, xi ts'ibabil.

2 Timoteo 3:15

Yu'un ta abic'tal ono'ox laj avotquin li sc'op Dios ts'ibabile; jech labijub, jech chacol ta sventa ti laj ach'un li Jesucristoe.

SUN TITO 2:11

Yu'un laj xa yac' ta ilel li slequil yo'nton Diose, ja' ti tal yac'be scoltaelic scotol cristianoetique.

Hebreos 2:3

¿Me vu'utic xa chijcol ec me mu xquich'tic ta muc' li muc'ta coltael jtaojtique? Yu'un li coltaele ja' laj yal stuc ba'yuc li Cajvaltique, jech la xcholbutic lec ca'itic ec li boch'otic laj ya'yique.

Santiago 1:18

Ta sventa ti jech la sc'an stuc li Diose, jech laj yac' cha'voc'cutic ta sventa li sc'op ti ja' melele, jech vu'utic sliqueb lijc'ot yu'un scotol li c'usitic spasoje.

Santiago 1:21

Ja' yu'un li vo'oxuque, comtsanic scotol li c'usitic mu xtune xchi'uc li c'usitic chopol ti epajem xae. Biq'uit xavac' abaic c'alal chava'yic li sc'op Dios ti ts'unbil xa ta avo'ntonique, yu'un ja' oy stsatsal xu' chacolic yu'un.

1 Pedro 2:10

Ta vo'onee muc to'ox steclumalucoxuc li Diose, pero li' ta orae steclumaloxuc xa. Ta vo'onee mu'yuc to'ox c'uxubinbiloxuc yu'un li Diose, pero li' ta orae laj xa xc'uxubinoxuc.

Apocalipsis 7:2

Jech noxtoc laj quil yan j'almantal iloc' tal ta sloq'ueb c'ac'al, ja' yich'ojbe li sello yu'un cuxul Diose. Tsots laj yapta li chanib j'almantaletic ac'bil tsots svu'elic sventa tsoquesic li banamil xchi'uc nabe.