Efesios 1:12 - Bible in Tzotzil de Chenalhó with Deuterocanon

¹² Yu'un jech ich'bil ta muc' chc'ot ta jventacutic vu'uncutic ti jmalaojcutic chtal li Cristoe.

Bible in Tzotzil de Chamula

¹² Ti jech laj spas ti Dios ta jtojoltique, yo' jech lequil-c'optabil ti smuc'ul stsatsal cu'uncutique, yu'un ba'yel laj jpat co'ntoncutic ta smalael Cristo ti vu'uncutic israeluncutique.

Efesios 1:12 Iomraidhean Croise

Salmos 2:12

Yu'un jech mu x'ilin ta atojolic, naca me chamanic ta be yu'un; yu'un mu vocoluc xu' tstsan li sc'ac'al yo'ntone. Xcuxet no'ox yo'nton li boch'otic ja' spatoj yo'ntonic yu'une.

Isaías 11:10

C'alal tsta sc'ac'alil chloc' li sq'uelum Isaie, ja' jech chc'ot ta stojol jujun lum jech chac c'u cha'al bandera ti toyol muyesbile. Sa'bil yu'un scotol li cristianoetique; ti bu chnaquie, toj jun no'ox yutsil.

Isaías 12:2

Li Diose ja' jcoltavanej cu'un; jun no'ox co'nton o, mu'yuc c'usi ta jxi'be; ja' stsatsal co'nton, ja' sq'uejimol co'nton li Muc'ul Diose, yu'un ja' la scoltaun”, xachiic.

Isaías 45:23

Ta jbi jtuc chcal ta jamal; ta que jtuc chcal ti jech chc'ot ta pasel chac li'i: mu'yuc boch'o xu' tsmac ta be; scotol cristianoetic chlic squejan sbaic ta jtojol; ta scotol jaychop c'opetic ta xlic yalbicun ta jamal jbi scotolic.

Isaías 45:25

Vu'un ta jventa tspasic canal; vu'un ta jventa ich'bilic ta muc' chc'otic li smomnich'nab Israele”, xi li Muc'ul Diose.

Jeremías 23:6

C'alal ja'o tiq'uil ta pasmantale, li Judae lec jun yo'nton; li Israele mu'yuc c'usi chal yo'nton. Ja' jech sbi chc'ot yu'unic: ‘Li Muc'ul Diose ja' tuq'uil jchapanvanej cu'untic’, xi sbi chc'ot”, xi.

San Juan 14:1

Li Jesuse jech laj yalbe li yajchanc'optaque: —Mu me xlo'ilaj avo'ntonic. Ch'unic ti chascoltaoxuc li Diose, jech ch'unic ti chajcoltaoxuc eq'ue.

Efesios 1:6

Yu'un jech ac'o calbetic slequilal, ac'o quich'tic ta muc' ta sventa ti ep slequil yo'ntone, ta sventa ti la xc'uxubinutique, ti lec xa chijyilutic ta sventa li Xnich'on ti lec sc'anoje.

Efesios 2:7

Yu'un jech chac' quiltic ti bats'i ep c'uxubinel sventa sbatel osile, ti ep sc'anojutic o ta sventa li Cristo Jesuse.

Efesios 3:21

ich'biluc ta muc' yu'un scotol li jujutsob steclumale, xchi'uc ich'biluc ta muc' ta sventa li Cristo Jesuse, xchi'uc ta sventa li jujuc'ol cristianoetic chjelovique, xchi'uc c'alal to ta slajebal c'ac'al. Jechuc.

2 Tesalonicenses 2:13

Pero ta sventa li vo'oxuc ti ach'unojic xae, ti c'anbiloxuc yu'un Cajvaltique, scotol c'ac'al tsc'an ta jtojbecutic ta vocol Dios ta aventaic. Yu'un t'ujbiloxuc ono'ox ta sliquebal, yu'un ac'o colanic sbatel osil ta sventa ti lecubtasbiloxuc xa yu'un li Ch'ul Espiritue, xchi'uc ta sventa ti laj ach'unic li c'usi melele.

2 Timoteo 1:12

Ta sventa ti jech ta jpase, jech ta xquich' o ep vocol. Pero mu xiq'uexov o, yu'un xcotquin lec li Boch'o jch'unojbe sc'ope. Jna'oj lec ti oy svu'el sventa chchabibun li xch'unojel co'nton c'alal to ta slajebal c'ac'ale.

Santiago 1:18

Ta sventa ti jech la sc'an stuc li Diose, jech laj yac' cha'voc'cutic ta sventa li sc'op ti ja' melele, jech vu'utic sliqueb lijc'ot yu'un scotol li c'usitic spasoje.

1 Pedro 1:21

Ja' ta sventa ti laj ach'unic Diose, yu'un li Diose la xcha'cuxes loq'uel ta smuquinal, xchi'uc laj yac'be slequilal yutsilal. Ja' yu'un li vo'oxuque jun avo'ntonic ach'unojic li Diose xchi'uc apatoj avo'ntonic ta stojol.