Efesios 1:11 - Bible in Tzotzil de Chenalhó with Deuterocanon

¹¹ Jech noxtoc ja' ta sventa Cristo ti laj xa yu'uninuncutic ec li Diose, yu'un t'ujbiluncutic ono'ox yu'un ta vo'one, yu'un jech la sc'an yo'nton stuc. Yu'un li stuque tspas scotol c'usitic oy ta yo'nton.

Tzotzil Zinacantan

^11-12 Voꞌoticotic li jꞌisraeloticotique, jmalaojticotic onox ta xtal ti Cristoe. Lavi iꞌay xae, iquichꞌticotic xa ta mucꞌ, xchꞌamaloticotic xa ti Rioxe. Yuꞌun onox jaꞌ yech snopoj ti Rioxe ti voꞌoticotic chcacꞌticotic ta ichꞌel ta muqꞌue.

Bible in Tzotzil de Chamula

¹¹ Ti jech lijc'ot ta jun xchi'uc ti Cristoe, yu'un vo'ne xa ono'ox t'ujbilotic yu'un ti Diose yo' ta xquich'tic ti rextoil ti albil sc'oplal ta xaq'ue, ti co'ol xchi'uc jech c'u cha'al oy ono'ox ta yo'nton ti Dios ta spas ti c'u s'elan lec ta xil ti stuque.

Tzotzil San Andres

^11-12 Joꞌoncutic li jꞌisraeluncutic ti jmalaojcutic onoꞌox chtal li Cristoe, jaꞌ ta sventa li Cristo ti snichꞌnabuncutic xa li Diose. Yuꞌun jech onoꞌox snopoj Dios ta voꞌone yoꞌ jech ta xꞌichꞌe ta mucꞌ ta jventacutic li Diose.

Tzotzil de Huixtán

^11-12 Ho'ontutic ti jmalaojtutic ti chtal ti Jcoltavaneje, ho'ontutic ti judiountutique, ja' ti sventa ti Cristoe ti yu'ununtutic xa ti Diose. Hech xchapanoj ti vo'one hech yu'un ic'ot xa ti pasel. Yu'un hech tspasat ti muc' ti Diose ti jventatutic.

Efesios 1:11 Iomraidhean Croise

Job 12:13

Pero li mero jbijiltic, li mero jtsatsaltique, te oy ta stojol Dios; ja' yu'un stuc li tojobtasele xchi'uc li bijubtasele.

Job 33:29

“Ja' jech ch-abtej jayibuc velta ta stojol cristiano li Diose.

Salmos 37:18

Li Muc'ul Diose ja' xchabiojbe yorail li boch'o tuc' yo'ntonique; li c'usi ch-ac'bat yu'uninique mu sna' xlaj o.

Proverbios 8:14

Vu'un li' oy ta jtojol li lequil chanubtasel xchi'uc lequil tojobtasele; vu'un li bijililune, vu'un li tsatsalilune.

Isaías 25:1

Muc'ul Dios, vo'ot Diosot cu'un; chaquich'ot ta muc', ta xcal slequilal abi, yu'un toj labalic sba c'usi laj apas. Li c'usitic avaloj ono'ox ta vo'one, puru tuq'uic, puru melelic.

Isaías 28:29

Ja' no'ox jech ec li Muc'ul Dios ti ech'em stsatsale, li c'usi snopoj tspas ta atojolique, lec chapal yu'un. Ja' tspas li c'usi toj labal sbae; ta sventa sbijil stuc tspas.

Isaías 5:19

Jech chavalic: “Ac'o tal spas ta ora yabtel li Diose, yu'un jech ac'o quiltic; ac'o yac' c'otuc ta ora c'usi snopoj li Ch'ul Dios yu'un Israele, yu'un jech ac'o cotquintic”, xachiic.

Jeremías 23:18

¿Pero me oy boch'o sna'oj c'usi oy ta yo'nton li Muc'ul Diose? ¿Me oy boch'o laj yil, laj ya'ay c'usi chal? ¿Boch'o smala-mala ya'ay chc'opoj li Muc'ul Diose?

Jeremías 32:19

Toj jun yutsil li c'usi anopoje, toj muc'tic li avabtele. Xavotquin scotol c'usi tspasic li cristianoetique, yu'un jech chavac'be stojol jujun ti c'u x'elan yabtelique.

Zacarías 6:13

Ja' ta xcha'pas li ch'ulna yu'un Muc'ul Diose. Ta xlic yich' ich'el ta muc', ta xlic chotluc ta xchotleb, ta xlic spas mantal, xchi'uc te ta xchoti jun pale ta sts'el. Lec co'ol yo'nton xchibalic.

Hechos 13:48

C'alal laj ya'yic jech laj yal Pablo li yanlum cristianoetic ti mu xotquinic Diose, toj xcuxet ic'ot yo'ntonic. Laj yalic ti toj lec c'usi laj yal comel li Cajvaltique. Jech la xch'unic scotol li boch'otic sc'oplal ono'ox chcuxiic sbatel osile.

Hechos 2:23

Pero i'ac'at ta c'abal jech chac c'u cha'al chapanbil, nopbil ono'ox yu'un Diose. Vo'oxuc laj atsaquic, laj avaq'uic ta joc'anel ta cruz; laj avaq'uic ta milel ta sc'ob li boch'otic mu'yuc yich'ojic ta muc' Diose.

Hechos 20:27

Yu'un jamal laj cal scotol c'usi oy ta yo'nton li Diose. Mu'yuc bu la jmuc ta co'nton.

Hechos 20:32

“Ja' yu'un, jchi'iltac, chacac'oxuc comel ta sc'ob li Diose. Xchi'uc j'ech'el ch'unbeic o li sc'op ti chijyalbutic ti ep slequil yo'nton ta jtojoltique. Yu'un oy ep stsatsal, jech chach'iic o ta stojol li Diose, jech co'ol oy c'usi lec chavich' achi'uquic li yantic ti voc'bilic xa yu'un Diose.

Hechos 26:18

Vo'ot chc'ot avic'be satic, yu'un jech xu' chtalic ta sac osil, jech xu' tscomtsanic li ic' osile. Jech xu' ta xloq'uic ta sc'ob li Banquilal Pucuje; ja' chlic ochicuc ta sc'ob li Diose. Jech xu' ta xlic xch'unicun, jech ta spasbatic perdón yu'un smulic. Jech xu' chich'ic ec li c'usi sc'oplal chich'ic li boch'otic voc'bilic xa cu'une’, xiyutun li Cajvaltique.

Hechos 4:28

Ja' la spasic li c'usi nopbil ono'ox, li c'usi chapanbil ono'ox avu'un ta vo'one ti jech ta xc'ot ta pasele.

Romanos 11:34

¿Boch'o sna' c'usi oy ta yo'nton li Cajvaltique? ¿Boch'o jbijubtasvanej yu'un?

Romanos 8:17

Me xnich'nabutic xa Diose, jech oy xa ta jventatic chquich'betic ec li c'usi oy yu'une. Jech chac c'u cha'al laj yich' ba'yuc li Cristoe, ja' jech ta xquich'tic ec, yu'un co'ol ta jts'ictic vocol jech chac c'u cha'al la sts'ic li Cristoe, jech co'ol jlequil cutsil chijc'ot jchi'uctic noxtoc.

Romanos 8:28

Ja' yu'un, scotol li boch'otic sc'anojic Diose, ti ic'bilic ta sventa ti jech oy ta yo'nton stuque, ta jna'tic ti ja' sventa slequilalic scotol li c'usi chc'ot ta pasele.

Romanos 8:29

Yu'un li boch'otic vo'one ono'ox yotquinoje, vo'one st'ujoj noxtoc. Snopoj ti co'ol chc'otic jech chac c'u cha'al li Xnich'one. Ja' yu'un li Xnich'one ja' ba banquilal chc'ot yu'un scotol li jch'unolajeletique.

Romanos 8:30

Li boch'o st'ujoj ono'oxe laj yic' ta stojol. C'alal laj yic' ta stojole, la slecubtas. C'alal la slecubtase, yac'ojbe xa slequilal yutsilal laj ya'ay.

Romanos 9:11

C'alal mu'yuc to'ox chvoc' li ololetique, mu'yuc to bu chvinaj c'usi tspasic, me lec, o me chopol. Pero ti c'u cha'al ac'o vinajuc lec ti ma'uc ta sventa cabteltic chijyic'utic Diose, ti ja' ta sventa jech tsc'an stuc li boch'o chiq'ue,

Gálatas 3:18

Ti ja'uc ta sventa mantaletic xu' chcu'unintic li c'usi yaloj Diose, muc xa ja'uc ta sventa ti yu'un ono'ox jech yaloj ti jechuque. Pero ta sventa ti yu'un jech yalojbe li Abrahame, ja' yu'un laj yac'be.

Efesios 1:14

Ja' sliqueb quich'ojtic li c'usi sc'oplal chc'ot quich'tic c'alal tsta yorail chcol scotol li yu'untac ti manbilic yu'une. Jech ich'bil ta muc' chc'ot li Diose.

Efesios 1:18

Jech chjam lec asatic, jech chana'ic c'u x'elan li spatubil avo'nton chamalaic ta sventa ti yic'ojoxuc xa ta stojole. Xchi'uc jech chana'ic c'u yutsil li slequilal chac'be scotol yu'untaque.

Efesios 1:5

Nopbil ono'ox yu'un ti chijc'ot ta mero xnich'on ta sventa li Jesucristoe, yu'un jech la sc'an ta slequil yo'nton stuc.

Efesios 1:8

Ivinaj ti bats'i ep c'uxutic ta yo'nton li Diose, yu'un laj xa yac'butic jbijiltic, laj yac'butic cotquintic scotol.

Efesios 1:9

Laj xa yac'butic jna'tic li c'usi snopoj ta vo'one ti mu'yuc boch'o la sna'e. Ja' li c'usi chapal ono'ox yu'un stuc chac' c'otuc ta pasele.

Efesios 3:11

Yu'un jech ono'ox oy o ta yo'nton li Diose, jech laj yac' c'otuc ta pasel ta sventa li Cristo Jesuse, ja' li Cajvaltique.

Deuteronomio 4:20

Li Muc'ul Diose ja' la sloq'uesoxuc tal ti c'alal te to'ox tiq'uiloxuc ta yut li horno sventa yunijesbil stsatsal taq'uine, ja' li Egiptoe. Ja' li' laj yac'oxuc yo' bu oyoxuc li' ta orae, yu'un jech yu'unoxuc lac'otic o.

Colosenses 1:12

Jech xcuxet no'ox avo'nton chatojbeic ta vocol Jtotic Dios ti laj yac' avu'uninic ec li c'usi sc'oplal chich'ic li yu'untac Dios ti oyic xa ta sac osile.

Colosenses 3:24

Na'ic me ti chayac'boxuc amotonic li Cajvaltique, ja' li c'usi sc'oplal ono'ox chayac'boxuque. Yu'un li mero Avajvalic cha'abtejic yu'une ja' li Cristoe.

SUN TITO 2:14

Ja' ti laj yac' sba ta milel ta jcojtic, yu'un jech la spojutic loq'uel ta sventa c'usitic chopole, xchi'uc ti la slecubtasutic sventa chijyu'uninutique, xchi'uc ti jutebuc co'ntontic ac'o jpastic c'usi leque.

SUN TITO 3:7

Jech lec xa chijyilutic ta sventa li slequil yo'ntone. Jech jpatoj xa co'ntontic ti xu' chcu'unintic, ti xu' ta jtatic li cuxlejal sventa sbatel osile.

Hebreos 6:17

Ja' no'ox jech ec li Diose solel laj yac' lec ta ilel ti jbel sc'oplal chac' li c'usi yaloj ono'ox chac'be li boch'otic sc'oplal chac'bee. Jech lic yal ta jamal ta sventa sbi stuc noxtoc, yu'un jech chvinaj ti mu xlaj sc'oplal oe.

Santiago 2:5

Quermanotac, vo'oxuc ti lec jc'anojoxuque, a'yo lec ava'yic. Li Diose ja' la st'uj li boch'otic me'on li' ta banamile, yu'un jech jc'ulej chc'otic ta sventa xch'unojel yo'ntonic, xchi'uc jech chich'ic c'usi yaloj Dios chac'be li boch'otic sc'anojic Diose.

1 Pedro 1:4

Jech ta xquich'tic li c'usi sc'oplal ja' cu'untic ti chapanbil yu'un Dios te ta vinajel ti mu sna' xc'a'e, ti mu sna' soque, xchi'uc ti mu sna' xlaje.

1 Pedro 3:9

Mu me chopoluc c'usi xapasbeic ec li boch'o chopol c'usi chaspasboxuque. Mu me xachopolc'optaic ec li boch'o ta xchopolc'optaoxuque. Ja' tsc'an chac'anbeic slequilalic, yu'un jech ac'o staic bendición. Yu'un ic'biloxuc yu'un Dios ti jech ac'o apasique, yu'un jech ac'o avich'ic bendición.