Efesios 1:10 - Bible in Tzotzil de Chenalhó with Deuterocanon

¹⁰ Ja' ti nopbil ono'ox chac'be sventain scotol c'usitic oy li Xnich'on c'alal tsta yorail yu'une. Ja' banquilal chc'ot yu'un scotol c'usitic oy ta vinajel xchi'uc c'usitic oy li' ta banamil.

Tzotzil Zinacantan

¹⁰ Jaꞌ ti snopoj onox ti ta sta yora ti chacꞌbe scuentain vinajel balamil ti Xchꞌamale.

Bible in Tzotzil de Chamula

¹⁰ Ati va'i s'elan taje, yu'un oy bu jun c'ac'al snopoj ono'ox ti Diose ti ta xc'ot ta jun ti ja' ta sventain scotol Cristo ti c'usitic oy ta vinajele, xchi'uc ti c'usitic oy ta banomile.

Tzotzil San Andres

¹⁰ Jaꞌ ti snopoj ti jaꞌ chacꞌbe yichꞌ ta venta scotol li Snichꞌone, jech scotol chtuqꞌuib ta sventa li Nichꞌonile.

Tzotzil de Huixtán

¹⁰ Laj xa yac'bucutic jna'tic ti Diose ti ch'acbil xa yu'un ti c'usi ora tsta yorail ti chistsobucutic jcotoltic buc no'ox oyucutic, mi te xa oyucutic ti vinajel, mi li' to oyucutic ti balumil, yu'un hech chispasucutic ti mantal jcotoltic ti Cristoe.

Efesios 1:10 Iomraidhean Croise

Génesis 49:10

Judá, mu'yuc boch'o xu' tspojbot li avu'el avich'oje; mu'yuc boch'o xu' tspojbot li avastone; ja' to me ital stuc li yajval vastone, ja' li boch'o ch'unbil smantal yu'un scotol cristianoetic ta jujun banamile.

Daniel 2:44

C'alal ja'o ochemic ta ajvalilal li ajvaliletic le'e, li Dios te oy ta vinajele ta sliques jun ajvalil; mu'yuc boch'o xu' chtuch'bat yabtel, mu junuc lum chtal tsalatuc yu'un. Ja' ta stsal, ja' ta slajesbe sc'oplal scotol li yantic ajvaliletique; yan li stuque j'ech'el te chcom o sbatel osil.

Amós 9:11

“Me la sta sc'ac'alile, ta xlic jcha'meltsanbe li sna David ti bu soquemique. Ta jmacan ti bu jamajtique, ta jcha'pac'an ti bu t'olemique. Ja' jech ta jpas jech chac c'u cha'al pasbil ono'ox ta vo'onee.

Malaquías 3:1

Li Muc'ul Dios ti tspas ta mantal scotol te ta vinajele jech chal: “A'yo ava'yic, ta jtac batel j'almantal cu'un, ja' chbat sjambun jbe. Jech ta ora no'ox ta xtal ochuc ta xch'ulna li Ajvalil chasa'ique. Chvul xa ta loq'uel li boch'o tacbil tal sventa chtal yal c'usi chapanbil ono'ox, ti chac'anic ac'o taluque. Le' xa nopol xtale”, xi.

San Mateo 25:32

Ta stsob sbaic tal ta jtojol scotol li cristianoetic ta sbejel banamile. Ta xlic jvoc'an jech chac c'u cha'al jchabichij ti slecoj ta xac' li xchije xchi'uc li stentsune.

Marcos 1:15

Jech laj yal: “Ista xa sc'ac'alil, yorail xa chlic sventainoxuc li Diose. Suteso avo'ntonic ta stojol Dios; ja' ch'unic li Lequil A'yeje”, xi.

1 Corintios 10:11

Ti jech ic'ot ta pasel ta stojolique, ja' sventa ac'o quiltic ti mu xu' jech ta jpastic ec li vu'utique. Ja' yu'un ts'ibabil icom sc'oplalic sventa ac'o bijubcutic, vu'utic ti po'ot xa sc'an jtatic slajebal c'ac'ale.

1 Corintios 11:3

Pero ta jc'an chana'ic noxtoc, scotol li viniquetique ja' sjolic li Cristoe. Li antsetique ja' sjolic li viniquetique. Li Cristoe ja' sjol li Diose.

Gálatas 4:4

Pero c'alal ista yorail c'usi ora albile, li Diose la stac tal li Xnich'one. Ivoc' ta jun ants; ventainbil yu'un mantaletic ic'ot.

Efesios 1:22

Ja' i'ac'bat ta yolon yacan scotol li c'usitic oye, xchi'uc ja' Jolil ic'ot yu'un scotol li steclumal Diose.

Efesios 2:15

Ja' la slajesbe sc'oplal ta sbec'tal noxtoc li mantaletic ti ep ta chop c'usitic chac' jpastic ti toj tsots sc'oplal laj ca'itique. Ja' stuc la spas ta jun li chib ta lume; la spas ta ach', jech ico'laj o co'ntontic.

Efesios 3:15

Ja' li Totil ti ja' sventainoj scotol li boch'otic te oyic ta vinajele xchi'uc li boch'otic li' to oyic ta banamil ti jchop no'ox sbi c'otem ta scotolique.

Efesios 3:2

Chcal ti ava'yojic ti slequil no'ox yo'nton Dios laj yac'bun cabtel ta atojolique.

Colosenses 1:16

Ja' ta sventa i'ayin scotol li c'usitic oy ta vinajele, li c'usitic oy ta banamile, xchi'uc li c'usitic xquil ta jsatique, xchi'uc li c'usitic mu xquil ta jsatique, ti tsots tspasic mantale, ti ch'unbil smantalique, ja' li banquilaletique, ti tsots svu'elique. Scotol le'e ja' laj yich'ic pasel yu'un li Cristoe, xchi'uc ja' sventa ac'o ich'atuc ta muc'.

Colosenses 1:20

xchi'uc ti ja' ta sventa chlecub scotol li c'usitic oye, me ta vinajel, me ta banamil. Lec chil scotol ta sventa xch'ich'al li Xnich'on icham ta cruze.

Colosenses 3:11

Jech mu'yuc xa sc'oplal me judioutic, me yanlumutic, me quich'ojtic circuncisión, me mu quich'ojticuc circuncisión, me bijutic, me muc bijuticuc, me ochemutic ta mozoil, me muc ochemuticuc ta mozoil. Ja' tsots sc'oplal ti co'ol chquich'tic ta muc' li Cristoe, yu'un ja' sventainoj scotol.

Hebreos 1:2

Yan li' ta ora ti slajebtic xa batel c'ac'ale, ta sventa xa Xnich'on la sc'opanutic li Diose, ja' li xnich'on ti laj yac'be sventain scotol c'usitic oye, xchi'uc ti ja' ta sventa la spas scotole.

Hebreos 11:40

Yu'un li Diose snopoj ono'ox ti oy c'usi lec chijyac'butic ec li vu'utique, yu'un jech xu' co'ol chc'ot quich'tic jchi'uctic.

Hebreos 9:10

Yu'un ja' no'ox mantaletic sventa sba sbec'talic, sventa ve'liletic, sventa c'usitic chuch'ic, xchi'uc c'usitic yan tspasic sventa tslecubtas sbaic. Ja' jech la spasic o c'alal to la spas ta ach' li Diose.

1 Pedro 1:20

Vo'one ono'ox nopbil c'alal mu'yuc to'ox banamil ti jech chc'ot ta pasele, pero ja' to ic'ot ta pasel ti c'alal po'ot xa slajebal c'ac'ale; ja' sventa alequilalic li vo'oxuque.

Apocalipsis 5:9

La sq'uejintaic jun ach' q'ueoj, jech chal: “Vo'ot no'ox atuc puru lec c'usi apasoj ti ivu' avu'un laj avich' li vune, xchi'uc xu' avu'un chatuch'be li spaq'ue. Yu'un vo'ot laj avich' milel. Ta ach'ich'al laj aman sventa chc'otic ta yu'untac Dios li cristianoetic ta jujuchop sts'unubal, ta jujuchop c'op, ta jujun lum, xchi'uc ta jujun banamile.