Eclesiastés 8:7 - Bible in Tzotzil de Chenalhó with Deuterocanon

⁷ ja' ti mu sna' c'usi chc'ot ta pasele, yu'un mu'yuc boch'o xu' chal c'usi ora chc'ot ta pasel.

Bible in Tzotzil de Chamula

⁷ Ta j'ech'el mu sna' c'usi ta xc'ot ta pasel. Mi junuc oy buch'u ta xcaj'albat ya'i ti c'usi ta xc'ot ta pasele.

Eclesiastés 8:7 Iomraidhean Croise

Ester 5:12

Jech laj yal noxtoc: —Vu'un no'ox jtuc laj yic'un ta ve'el nax jchi'uc ajvalil li Estere. Jech noxtoc oc'om chiyic'uncutic ta ve'el yan velta jchi'uc li ajvalile.

Proverbios 24:22

Yu'un ta anil no'ox xu' tsta svocolic; mu'yuc boch'o sna' c'u x'elan ch-ac'bat svocolic yu'un li Diose xchi'uc li ajvalile.

Proverbios 27:1

Mu me xanop ti oy c'usi lec xu' chapas ta yoc'omale, yu'un mu xana' c'usi yich'oj tal li jun c'ac'al oc'ome.

Proverbios 29:1

Li boch'o ta stoy sba c'alal chich' taq'uiele, ta soc o; mu xa stac' poxtael o.

Eclesiastés 10:14

Li bol vinique vontol ep no'ox c'usi xu' chal. Pero mu'yuc boch'o xu' chal li c'usi chc'ot ta pasele. ¿Boch'o xu' tsna' li c'usi chc'ot ta ts'acale?

Eclesiastés 3:22

Ta melel laj xa cotquin lec ti oy no'ox jun c'usi lec ta sventa li cristianoe, ja' ti ac'o no'ox sc'upin lec ya'ay li yabtele; ja' no'ox jech ac'bil o. Yu'un mu'yuc boch'o xu' chbat yic' tal yan velta yu'un ac'o tal sq'uel c'usi chc'ot ta pasel ti c'alal chamen xa'oxe”, xi la jnop.

Eclesiastés 6:12

Mu'yuc boch'o sna' c'usi lec ta sventa jun cristiano ti jayib c'ac'al cuxule, ti ja' no'ox jech chac c'u cha'al yaxinaltic li xcuxlejale. Mu'yuc boch'o xu' chalbe c'usi chc'ot ta pasel li' ta banamil ti c'alal chamen xa'oxe.

Eclesiastés 7:14

C'alal me lec chbat avu'un scotole, cuxetuc no'ox avo'nton yu'un li c'usi lec ataoje. C'alal chopol chloc' avu'une, tsc'an chanop lec, yu'un ja' Dios tspas xchibal. Yu'un li cristianoe mu sna' c'usi chc'ot ta pasel ta stojol oc'om cha'ej.

Eclesiastés 9:1

Ta melel solel laj cac' co'nton ta yotquinel scotol, pero ja' no'ox jech la jta ta q'uelel chac' li'i: Li boch'o tuc' yo'nton, xchi'uc li boch'o bije oyic ta sc'ob Dios xchi'uc li c'usi tspasique. Pero li cristianoetique mu sna'ic c'usi chc'ot ta stojolic, me c'anel, o me bajel.

Eclesiastés 9:12

Jech noxtoc mu'yuc boch'o sna' c'usi ora chlaj yorail, jech chac c'u cha'al choyetic ti mu sna'ic me tiq'uil chc'otic ta nuti' sventa stsacubile, xchi'uc li mutetic ti mu sna'ic me te ch-ochic ta yoquile. Ja' jech ec li cristianoetique mu sna'ic me oy c'usi chopol chtal ta stojolic, ac'o me jun yo'ntonic.

San Mateo 24:44

Ja' yu'un li vo'oxuque, tsc'an ti lec chapaloxuque. Yu'un ti c'alal mu'yuc anopoj chamalaicune, ja'o chital, vu'un ti Xnich'on cristiano lic'ote.

San Mateo 24:50

C'alal mu'yuc ta yo'nton tsmala li yajvale, ti c'alal mu'yuc snopoj me chtale, ja'o chvul ta loq'uel li yajvale.