Eclesiastés 8:4 - Bible in Tzotzil de Chenalhó with Deuterocanon

⁴ Yu'un li sc'op ajvalile oy stsatsal; mu'yuc boch'o xu' chal ti c'u yu'un jech tspase.

Bible in Tzotzil de Chamula

⁴ Yu'un ti ajvalile yich'oj yabtel ti jbel xc'opoj c'u s'elan ta xloc' ta ye ta stsutsese. Mu'yuc buch'u junuc ta x'ich'bat ye sti' yu'un ti c'usitic ta spase.

Eclesiastés 8:4 Iomraidhean Croise

2 Samuel 24:4

Pero li smantal ajvalile icom o ta sbaic li Joab xchi'uc banquilal soldadoetique. Ja' yu'un li Joab xchi'uc banquilal soldadoetique te ta sat ajvalil iloq'uic batel, bat spasic li tsactsacvun ta stojol israeletique.

1 Reyes 1:30

Li c'usi laj ono'ox calbot ta jamal ta stojol Muc'ul Dios, ja' li Dios yu'un Israele, li' ta xcac' c'otuc ta pasel ta ora: Li avol Salomone ja' ta x'och ta jq'uexol; ja' ta xchoti comel ta jpasubmantal c'alal me lichame —xi.

1 Reyes 2:25

Ja' yu'un li ajvalil Salomone la stac batel li Benaía, xnich'on Joiadae, yu'un ac'o bat smil li Adoniase, jech te icham o.

1 Reyes 2:46

Li ajvalile lic spas ta mantal li Benaía, xnich'on Joiadae, yu'un ac'o bat smil li Simeie jech ibat smil. Jech lic sventain o lec yabtel ta ajvalilal li Salomone.

Esdras 6:13

Li Tatnai ajvalil te ta smaleb c'ac'al yu'un uc'um Eufratese, xchi'uc li Setar-boznai xchi'uc xchi'iltaque, xquechet la xch'unic scotol c'usi laj yal li muc'ta ajvalil Darioe.

Job 9:12

Me oy c'usi ta xich' batele ¿boch'o xu' tspojbe? ¿Boch'o xu' yu'un jech chalbe: ‘¿C'u yu'un jech chapas?’, boch'o xu' xut?

Éxodo 1:18

Li ajvalil te ta Egiptoe la stac ta iq'uel li jnet'umetique, jech laj yalbe: —¿C'u yu'un ti cuxul laj acomtsanic li queremetique? —xut.

Proverbios 19:12

C'alal ch-ilin li ajvalile, ja' jech chac c'u cha'al jcot león ti xlaquet no'oxe; yan li slequil yo'ntone ja' jech chac c'u cha'al job ac'ubal chyal ta vomoletic.

Proverbios 20:2

C'alal ch-ilin li ajvalile ja' jech chac c'u cha'al jcot ch'ium león ti xlaquet no'oxe; li boch'o tsa'be sc'ac'al yo'ntone ja' chac' sba ta vocol stuc.

Proverbios 30:31

xchi'uc li te'tical cotstuluq'ue, li tot tentsune, xchi'uc li ajvalil ti xteq'uet no'ox ta stojol steclumale.

Daniel 3:15

¿Li' ta orae me chapaloxuc xa chaquejan abaic ta stojol, chavich'ic ta muc' c'alal me laj ava'yic chich' tijel li jaychop sonetic li' oye? Me mu xac'an xavich'ic ta muq'ue, ta ora chavich'ic tiq'uel ta horno ti tsanbil lec sc'ac'ale. ¿Me oy yan dios ti xu' chascoltaoxuc loq'uel ta jc'obe? —xi.

Daniel 4:35

Scotol li jnaclumetic li' ta banamile mu'yuc c'usi xu' yu'un ch-ilatic. Li stuque ta spas c'usi tsc'an ta stojol li boch'otic te oy ta vinajele xchi'uc li jnaclumetic li' ta banamile. Mu'yuc boch'o xu' yu'un tspajes; mu'yuc boch'o xu' yu'un jech chalbe: ¿C'u yu'un jech chapas? mu'yuc boch'o xu' xut.’

Romanos 9:20

vo'ot li cristianoote, ¿c'usi avabtel ti jech chaval ta stojol li Diose? Li jbej bine ¿me xu' jech chalbe li yajvale: “¿C'u yu'un ti jech laj apatune?”, me xu' xut?