Eclesiastés 8:3 - Bible in Tzotzil de Chenalhó with Deuterocanon

³ Mu me toj aniluc xajip aba loq'uel ta sc'ob ajvalil ta scoj chbat atic' aba ta xchapanel c'usi chchapanic li boch'otic chopolique, yu'un li ajvalile ja' jpasmantal.

Bible in Tzotzil de Chamula

³ Mu ta aniluc xaloc' ta stojol, yu'un stac' spas c'u s'elan ta xac' ti sjol ta xa'ie. Mu xatam ta spasel jech c'u cha'al ti buch'u mu'yuc xch'ulel xa'i sbaique.

Eclesiastés 8:3 Iomraidhean Croise

Génesis 47:9

Itac'ov li Jacobe: —Oy xa lajuneb svucvinic (130) jabil li' chixanov ta sba banamil. Mu'yuc to ep jabil jch'iel. Ti c'u xa yepal jabil jch'iele, oy ono'ox ep jvocol. Mu sta jech yepal jabil jch'iel jech chac c'u cha'al ich'iic li jtot jme'taque —xi.

Proverbios 14:29

Li boch'o mu xlic sc'ac'al yo'nton ta orae ja' svinajeb ti lec sna'be smelole; yan li boch'o mu sts'ic yu'une ja' svinajeb ti toj bole, ti mu sna'be smelole.

Proverbios 24:21

Jnich'on, ich'o me ta muc' li Muc'ul Diose, ich'o ta muc' noxtoc li ajvalile; mu me xbat achi'in li boch'o chcontrainvanique.

Proverbios 30:31

xchi'uc li te'tical cotstuluq'ue, li tot tentsune, xchi'uc li ajvalil ti xteq'uet no'ox ta stojol steclumale.

Eclesiastés 10:4

Me ta xilintaot li boch'o oy yabtele, mu c'usi xaval, yu'un li smuc'ul co'ntontique ja' spajesubil li muc'tic c'opetique.

Isaías 48:4

Jna'oj ono'ox ti toj toybaoxuque, ti xco'laj xchi'uc tsatsal taq'uin li avo'ntonique, ti xco'laj xchi'uc bronce taq'uin li ajolique.

Daniel 4:35

Scotol li jnaclumetic li' ta banamile mu'yuc c'usi xu' yu'un ch-ilatic. Li stuque ta spas c'usi tsc'an ta stojol li boch'otic te oy ta vinajele xchi'uc li jnaclumetic li' ta banamile. Mu'yuc boch'o xu' yu'un tspajes; mu'yuc boch'o xu' yu'un jech chalbe: ¿C'u yu'un jech chapas? mu'yuc boch'o xu' xut.’

Daniel 5:19

Ta sventa ti la smuq'uibtasbe yabtele, jech lic ich'atuc ta muc' yu'un scotol li cristianoetic ta jujun lum, ta jujun banamil, xchi'uc ta jujuchop c'ope; xi'bil o yu'un scotolic. Li boch'o tsc'an tsmile la smil; li boch'o mu sc'an smile mu'yuc la smil. Li boch'o tsc'an chac' ta ich'el ta muq'ue laj yac' ta ich'el ta muc'; li boch'o tsc'an tsbic'tajese solel la sbic'tajes o.