Eclesiastés 8:16 - Bible in Tzotzil de Chenalhó with Deuterocanon

¹⁶ C'alal laj cac' co'nton sa'el li jbijile, c'alal la jq'uel lec c'u x'elan li abtel chich' pasel li' ta banamile, laj quil ti oy boch'otic mu xvay xchi'uquique.

Bible in Tzotzil de Chamula

¹⁶ Ti jech li'och ta st'unel, ta sna'el, ta sq'uelel scotol ti c'usitic ta xc'ot ta pasel li' ta banomile, c'ot ta pasel un ti mu'yuc xac' vaycun mi junuc orae.

Eclesiastés 8:16 Iomraidhean Croise

Génesis 31:40

Ta c'ac'altique toj ven c'ux c'ac'al laj ca'ay; ta ac'ubaltique jutuc mu licham ta sic, xchi'uc ep laj ca'ay yavayel.

Salmos 127:2

Altic chac' svocolic ti sob chliquic ta abtele, ti ta mal to c'ac'al chcux yo'ntonique, ti vocol xa tstaic jun vaj sve'ique. Li boch'otic lec c'anbilic yu'un Diose jun yo'nton chvayic.

Eclesiastés 1:13

Solel la jloq'ues co'nton ta sjaq'uel, ta xchanel ta scotol jbijil ti stac' pasel, ti stac' chanel li' ta sba banamile. Li Diose toj ep c'usi yac'oj xu' tspas li cristianoetique yu'un jech te ac'o suj sbaic o ta abtel.

Eclesiastés 1:14

Laj cotquin scotol li c'usitic stac' pasel, stac' chanel li' ta banamile, pero altic no'ox, ch'ay c'ac'al no'ox. Ja' jech chac c'u cha'al me ta jc'an ta jnutstic iq'ue, mu'yuc c'usi ta jtatic o.

Eclesiastés 1:17

Solel laj cac' co'nton ta yotquinel c'u x'elan li bijilile, xchi'uc laj cac' persa yotquinel c'u x'elan li bol talelale. Pero laj quil ti altic no'oxe; jech chac c'u cha'al me ta jc'an ta jnutstic iq'ue, mu'yuc c'usi ta jtatic o”, xichi.

Eclesiastés 2:23

Ti jayib c'ac'al cuxule puru svocol no'ox oy; mu'yuc bu nacal o yo'nton xchi'uc, me ja'uc ta ac'ubal mu xvay ta snopel xchi'uc li c'usi tspase. Pero scotol le'e altic no'ox; mu'yuc c'usi tsta o me jutuc.

Eclesiastés 4:8

oy jun vinic stuc no'ox, mu'yuc xchi'iltac, mu'yuc xnich'nab, mu'yuc yuts' yalaltac, pero me jutuc mu xcux ta abtel; mu x'ech' yo'nton o ta sc'upinel, ta stsobel li sc'ulejale. Me jutuc mu'yuc to bu jech tsnop: “¿Boch'o chich' comel li epal abtel ta jpase? ¿Me mu jeche'uc no'ox chcac' jvocol?”, mu'yuc bu xi. Scotol le'e mu'yuc stu o; altic chac' svocol.

Eclesiastés 5:12

Li boch'o jsa'abtel no'oxe oy bu jutuc chve', oy bu ep chve', pero lec jun yo'nton chvay; yan li jc'uleje mu x'aq'ue vayuc yu'un li sc'ulejale.

Eclesiastés 7:25

Jech te lic jnop lec, lic cac' lec venta; la jpas preva scotol, yu'un jech ac'o cotquin c'usi chopol chac' li sbolil o'ntonale, xchi'uc c'usi bol razón chac' li ch'ayel ta bee.

Eclesiastés 8:7

ja' ti mu sna' c'usi chc'ot ta pasele, yu'un mu'yuc boch'o xu' chal c'usi ora chc'ot ta pasel.

Eclesiastés 8:9

Ja' jech laj quil scotol ti c'alal laj cac' persa yotquinel li c'usitic stac' pasel li' ta banamile. Laj quil noxtoc ti oy bu ta xpech' ta teq'uel xchi'il li cristianoe, pero le'e toj vocol.