Eclesiastés 8:1 - Bible in Tzotzil de Chenalhó with Deuterocanon

¹ ¿Boch'o xco'laj xchi'uc li boch'o lec bije? ¿Boch'o tsna'be smelol li c'usitic oye? Li boch'o chbijube xvinaj ta sat; ta xjel c'u x'elan li sat yelove.

Bible in Tzotzil de Chamula

¹ ¿Buch'u ta sco'oltas sba xchi'uc ti buch'u oy sbijile? ¿Buch'u xojtiquin ta st'unbel smelol ti c'usitic oye? Ti bijilil une ta xvinaj ta sat ti vinique, ta xc'ot ta pasel yu'un ta sjelbel ti pucujineb no'ox ti sate.

Eclesiastés 8:1 Iomraidhean Croise

Génesis 40:8

Itac'ovic: —Yu'un oy jvayechcutic, pero mu'yuc boch'o chiyalbuncutic c'usi smelol —xiic. —¿Me mu xu' yu'un chiyalbutic c'usi smelol li Diose? Albicun ca'ay c'usi li avayechique —xut.

Job 33:23

Pero me chtal c'opanatuc yu'un jun yaj'almantal Dios ti t'ujbil chloc' tal ta epal mil j'almantaletique, me ja' chalbe ta jamal Dios ti ta melel tuc' yo'nton li vinique,

Éxodo 34:35

C'alal chilic israeletic ti oy xojobal o sat li Moisese, chlic smac ta poc' yan velta li sate. Ja' to tsloq'ues ti c'alal chbat sc'opan sbaic xchi'uc Muc'ul Dios yan veltae.

Proverbios 1:6

Jech chlic ya'ibe lec smelol c'u x'elan li chanubtasel xchi'uc tojobtasele; cha'ibe lec smelol c'usitic chalic li boch'otic bijique, xchi'uc li c'usitic vocol ta a'ibel smelole.

Proverbios 12:8

Li boch'o bije ich'bil ta muc' chc'ot, ja' ti c'u yepal sbijil oye; yan li boch'o bol yo'ntone mu'yuc stu ch-ilat.

Proverbios 17:24

Li boch'o bije ja' no'ox oy ta yo'nton o sa'el li sbijile; yan li boch'o bole mu t'ujbiluc no'ox li c'usi tsc'an yo'ntone.

Proverbios 21:29

Li boch'o tuc' yo'ntone ta melel lec tsnop li c'usi tspase; yan li boch'o chopole ja' no'ox chac' ta ilel ti lec jun yo'nton yilele.

Proverbios 24:5

Ja' ven jtunel li boch'o bije; ja' mu sta jech stu li boch'o ja' no'ox tsots slomoe. Ja' tsots sc'oplal me oy c'usi jna'tique; ja' mu tsotsuc sc'oplal me ja' no'ox lec tsotsutique.

Daniel 2:22

Ja' tsvinajes li c'usi mucule, xchi'uc li c'usi nac'ale; ja' yiloj li c'usi oy ta ic' osile, yu'un puru sac osil te xchi'uc ta naclej.

Daniel 2:47

Jech laj yalbe li Daniele: —Ta melel, li Dios avu'une ja' Dios yu'un li yantic diosetique, ja' Ajvalil yu'un li muc'tic ajvaliletique; ja' chac' ta ilel li c'usi mu'yuc boch'o sna'e, jech ivu' avu'un laj avinajes li c'usi mu xvinaje —xut.

San Mateo 17:2

Li Jesuse te lic c'atajuc ta stojolic. I'ayin xojobal sat jech chac c'u cha'al xojobal c'ac'al. Solel isacub li sc'u'e jech chac c'u cha'al luz.

Hechos 4:13

C'alal laj yilic ti tsots yo'ntonic li Pedro xchi'uc Juane, labal laj ya'yic yu'un sna'ojic ti mu'yuc chanubtasbilic, xchi'uc ti mu'yuc yabtelique. Jech la sna'ic o ti ja' la xchi'inic li Jesuse.

Hechos 4:29

Li' ta orae, Cajval, q'uelavil ep chisibtasuncutic. Pero ac'bun lec stsatsal co'ntoncutic ti jamal ac'o calcutic o ac'op, vu'uncutic li avajtuneluncutique.

Hechos 6:15

Ja' yu'un scotol li jchapanvanejetic ta ch'ulna te chotolique la sq'uelbeic sat li Estebane. Xco'laj xchi'uc sat yaj'almantal Dios laj yilic.

Romanos 13:5

Ja' yu'un tsc'an chavich'ic ta muc'. Pero ma'uc no'ox ta sventa ti chaxi'ic yu'un li stojol mulil chaq'ue; ja' sventa c'u cha'al mu xlo'ilaj ajol avo'ntonic noxtoc.

Efesios 6:19

Xchi'uc c'anbicun vocol ta jtojol ec li vu'une, yu'un ac'o sjambun que, jech jamal ac'o cal c'usi toj lec ta jtatic yu'un li Lequil A'yej ti mu'yuc to'ox vinajeme.

Deuteronomio 28:50

Li cristianoetic ta xtal ta atojolique toj xi'balic sba; mu x'ich'vanic ta muc'. Mu xich' ta muc' li banquilaletic avu'unique, xchi'uc me jutuc mu'yuc chc'uxubinic li ololetique.

2 Timoteo 4:17

Pero li Cajvaltique te ono'ox oy ta jts'el. Ja' laj yac'bun jtsatsal, jech ivu' cu'un xcholbel li sc'ope, jech laj ya'yic scotol li yanlum cristianoetique. Jech licol loq'uel ta ye li leone.

2 Pedro 1:20

Tsc'an chana'ic lec ba'yuc li'i: Scotol li sc'op Dios ts'ibabile mu'yuc boch'o xu' tsloq'uesbe smelol ta stuc no'ox.