Eclesiastés 4:3 - Bible in Tzotzil de Chenalhó with Deuterocanon

³ Pero ta melel ja' toj ven lec chilic li boch'otic mu'yuc to voq'uemique, yu'un mu'yuc to yiloj li c'usitic chopol chich' pasel li' ta banamile.

Bible in Tzotzil de Chamula

³ Ti buch'u mu'yuc to voq'uemique, lec oyic le'e. Mu'yuc to c'otem ta stojolic ti c'usi chopol li' ta banomile, ja' mu sta sc'oplal ma' ti chib taje.

Eclesiastés 4:3 Iomraidhean Croise

Job 3:22

ti ja' toj xcuxet yo'nton, toj jun yo'nton cha'ay c'alal me ibat ta ch'ene?

Eclesiastés 1:14

Laj cotquin scotol li c'usitic stac' pasel, stac' chanel li' ta banamile, pero altic no'ox, ch'ay c'ac'al no'ox. Ja' jech chac c'u cha'al me ta jc'an ta jnutstic iq'ue, mu'yuc c'usi ta jtatic o.

Eclesiastés 2:17

Ja' yu'un la jnop ti mu'yuc stu ti li' cuxulun ta banamile, yu'un scotol li c'usitic stac' pasel li' ta banamile ech' xa co'nton yu'un. Ta melel mu'yuc stu; ja' jech chac c'u cha'al me ta jc'an ta jnutstic iq'ue, mu'yuc c'usi ta jtatic o.

San Mateo 24:19

Toj abul sba li antsetic ti ja' to xchi'inoj yolique xchi'uc li boch'otic ta to xchu'untas yolique.

San Lucas 23:29

Yu'un ta to me sta sc'ac'alil jech chavalic: ‘Ja' xcuxet yo'nton li boch'o mu sna' x'alajique, li boch'otic mu'yuc yilojic olole, xchi'uc ti mu'yuc ono'ox xchu'untasojic olole’, xachiic.