Eclesiastés 4:1 - Bible in Tzotzil de Chenalhó with Deuterocanon

¹ Ts'acal lic cac' lec venta noxtoc c'u x'elan li tsatsal uts'intael li' ta banamile. Te laj quil ti ep ch-oq'uic li boch'otic uts'intabilique, pero mu'yuc boch'o chtal patbatuc yo'ntonic; mu'yuc boch'o chtal coltavanuc, yu'un li j'uts'intavanejetique yich'oj lec stsatsalic.

Bible in Tzotzil de Chamula

¹ Ts'ijil licom yu'un c'alal laj quil ti ilbajinel ta xc'ot ta pasel li' ta banomile. Laj quil ti x'oc' x'avanic no'ox ti buch'utic ta x'ilbajinatique, ti mu'yuc buch'u ta xpatbun yo'ntonic ti ilbajinbilic yu'un ti buch'u cajal ye sti' xa'i sbaique. Laj to c'op ma' ti oy buch'u ta xpatbun yo'ntonic une.

Eclesiastés 4:1 Iomraidhean Croise

Job 16:4

Ti vo'coxuc c'otem ta atojolic jech chac c'u cha'al c'otem ta jtojole, xu' chajc'opanoxuc ec jech chac c'u cha'al chac'opanicun ti jechuque; xu' ta jbusanboxuc ta alel c'usiuc no'ox stac' alel ec ti jechuque; xu' ta jimilan jol ta atojolic ec ti jechuque.

Job 35:9

“Ta scoj tsots uts'intael ch-avan li cristianoetique; ta scoj ilbajinel yu'un jpasmantaletic ch-oq'uic ta sc'anel vocol.

Job 6:29

Suteso me ac'opic, jech mu chopoluc chacomic; suteso ac'opic, ch'unic ti ja' melel c'usi laj cale.

Job 9:24

Li banamile ja' chac'be ta sc'ob li boch'otic chopolique; ja' tsmacbe satic li jchapanvanejetic yu'unique. Me ma'uc tspas jech li Diose, ¿boch'o jech tspas cha'e?

Salmos 12:5

Li Muc'ul Diose jech chal: “Ta sventa ti toj uts'intabil li me'onetique, ta sventa ti toj c'ux svocol li boch'o mu'yuc stu ch-ilatique, ja' yu'un ta xibat, chbat cac'be li coltael tsc'anique”, xi.

Salmos 142:4

Ta jq'uel sutel ta jbats'ic'ob, mu'yuc boch'o chtal sq'uelun; mu'yuc boch'o chiscoltaun, mu'yuc boch'o oyun ta yo'nton.

Salmos 142:5

Ja' yu'un vo'ot xivocolet ta atojol, Muc'ul Dios; chacalbot ti vo'ot jnac'ubbailote, ti vo'ot no'ox Diosot cu'une, ti vo'ot j'ac'cuxlejalot cu'une.

Salmos 42:3

Yu'un ta c'ac'al ta ac'ubal ja' xa jve'elinoj li ya'lel jsate, pero ja'o jech chquich' jac'bel noxtoc: “¿Bu oy li Dios avu'une?”, xiyuticun.

Salmos 42:9

Jech laj calbe li Diose: “Jpojubbail, ¿c'u yu'un ti lach'ayun xa ta avo'ntone? ¿C'u yu'un ti scotol c'ac'al puru at-o'nton, puru vocol chca'ay ta scoj li cajcontrataque?”, xcut.

Salmos 69:20

Ituch' xa co'nton yu'un li chopolc'optael laj yac'bicune; alubenun xa, mu'yuc xa jtsatsal chca'ay. La jmala me oy boch'o chic'uxubaj to ta yo'nton, pero mu'yuc; la jmala me oy boch'o chtal spatbun co'nton, pero mu'yuc noxtoc.

Salmos 69:21

Ja' no'ox laj yac'bicun jve' li c'usi toj ch'ae; c'alal taquin co'ntone, ja' no'ox laj yac'bicun pasem ya'lel ts'usub cuch'.

Salmos 80:5

Yu'un laj xa avac' jve'elincutic o li ya'lel jsatcutique; laj xa avac' cuch'cutic ep li ya'lel jsatcutique.

Éxodo 1:16

—C'alal chbat aq'uelic me la sta yorail chcuxic li yajnil israeletique, q'uelic lec c'usi ololal chvoc'. Me unin stsebe, te ac'o ch'iuc. Yan me quereme, ¡milic comel! —x'utatic.

Éxodo 1:22

Li faraone jech laj yalbe mantal scotol li egiptoetique: “Bat jipic ta uc'um scotol li bic'tal queremetic yu'un israeletique; yan li bic'tal tsebetique te cuxul comtsanic”, xut.

Proverbios 19:7

Me solel bajbil yu'un xchi'iltac ta voq'uel li boch'o me'one, ¡buuc xa li boch'o ja' no'ox lec sc'opan sbaic xchi'uque, solel mu'yuc xa stu chilic! Ac'o me xvocolet xchi'uc, mu xtuc'ulanbat.

Proverbios 28:3

Li chopol cristiano ti chac'be svocol me'onetique ja' jech chac c'u cha'al tsatsal ic'al vo' ti tsoques scotol c'usitic ts'unbile.

Proverbios 29:2

C'alal ja' chlic spasic mantal li boch'o tuc' yo'ntonique, xcuxet no'ox yo'ntonic li jteclume; c'alal ja' chlic spas mantal li boch'otic chopolique, ta xlic svocol li jteclume.

Eclesiastés 3:16

Li' ta banamile oy xa ep c'usi laj cotquin. Ti bu sc'oplal lec chich' chapanele, soquem o ta j'ech'el; ti bu sc'oplal tuc' chich' pasele, bats'i chopol chich' pasel o.

Eclesiastés 5:8

Mu me xch'ay avo'nton c'alal me oy chavil ta junuc banamil ti uts'intabilic li me'onetique ti me soquesbil xa li tuq'uil chapanele. Yu'un li jchapanvanejetique oy to yan banquilal yu'unic ti ja' chmucbat smulic yu'une. Xchi'uc oy to yan banquilal jpasmantal ti ja' cajal yabtele; ja' chmucbat smulic noxtoc.

Eclesiastés 7:7

Li slo'lael taq'uin ta sventa sibtasvaneje ta svovijesbe sjol li boch'o bije; li xch'amel taq'uine ta sbolibtas co'ntontic.

Eclesiastés 8:9

Ja' jech laj quil scotol ti c'alal laj cac' persa yotquinel li c'usitic stac' pasel li' ta banamile. Laj quil noxtoc ti oy bu ta xpech' ta teq'uel xchi'il li cristianoe, pero le'e toj vocol.

Isaías 5:7

Li ts'usubtic yu'un Muc'ul Dios ti ech'em svu'ele, ja' li smomnich'nab Israele; ja' li jnaclumetic ta Judae, yu'un ja' la sts'un stuc, toj lec sc'anoj. La smala ti ac'o ch'unbatuc smantaltaque, pero puru milvanej no'ox la spasic; la smala ti ac'o spasic c'usi tuq'ue, pero puru oq'uel avanel no'ox ivinaj ta scojic.

Isaías 51:23

Ja' xa ta xcac'be yuch'ic li boch'o laj yac'bicot avocole, ja' li boch'o jech laj yalbicote: ‘Mochlan ta banamil, te chijelovcutic ta sba avac'ol’, ti xayuticote. Ja' yu'un li vo'ote laj amochan abec'tal ta banamil sventa chastec'oxuc; ja' sbeic ic'ot ya'yel li abec'tale yu'un te ijelovic ta sba avac'ol”, xi li Muc'ul Diose.

Isaías 59:7

Li yacanique ch-anilaj batel ta spasel li c'usi chopole; chbat smilic li boch'o mu'yuc smule, li c'usitic snopoj tspasique puru chopolic; puru soquesvanej, puru jinvanej tspasic ti bu chanovique.

Jeremías 16:7

Jech noxtoc mu'yuc boch'o ta xac' lec ve'el ta sventa tspatbe yo'ntonic li boch'otic oy boch'o chcham yu'unique, xchi'uc mu'yuc boch'o chac' uch'bajel ta stojolic li boch'otic chcham stot sme'ique.

Lamentaciones 1:16

Ja' ta scoj ti ep chi'oq'ue ti ep ta xloc' ya'lel jsate, yu'un inamaj xa loq'uel ta jtojol li boch'o chispatbun co'ntone, li boch'o chiyac'bun jcux co'ntone. Li jnich'nabtaque muc xvinaj c'uxi ibatic, yu'un ja' toj ech'em xu' yu'unic li cajcontracutique.

Lamentaciones 1:17

Li Sione xbechet to sc'ob tsc'an coltael, pero mu'yuc boch'o chtal patbatuc yo'nton. Yu'un li Muc'ul Diose laj yal mantal ti ac'o pasuc ta yajcontra Jacob li boch'otic nopol nacal xchi'uque. Ja' yu'un li Jerusalene toj i'lal sba ta satic o.

Lamentaciones 1:2

Toj ep ta smil sba ta oq'uel ta ac'ubaltic; li ya'lel sate belijemic yalel ta xocon sat. Li boch'o lec to'ox sc'anojan sba xchi'uque me junuc mu'yuc chtal patbatuc yo'nton. Li boch'otic lec to'ox sc'opan sbaic xchi'uque ja' xa ch-ac'vanic ta c'abal ta mucul; ipas ta yajcontra scotol.

Lamentaciones 1:9

Li sc'u' spoq'ue solel bonol ta xchopolil; muc snop li c'usi tsta ta ts'acale. Toj labal sba ti iyal ta lume; mu'yuc boch'o chtal patbatuc yo'nton. Muc'ul Dios, q'uelavil li jvocole; solel toj muc' xa yac'oj sbaic ta jtojol li cajcontrae.

Amós 3:10

Jech chal li Muc'ul Diose: “Mu sna'ic spasel c'usi tuc'; te tsnaq'uic ta pasubmantaletic yu'unic li c'usitic tspojic c'alal ch-uts'intavanique”, xi.

Amós 3:9

Puquic batel mantal ta pasubmantaletic ta Asdod xchi'uc ta pasubmantaletic ta Egipto, jech xavalic: “La' tsobo abaic ta vitsetic ta Samaria. La' q'uelo avilic c'u x'elan li uts'intael tee; la' labano avilic li ilbajinel tspasbe sbaique”, chianic.

Malaquías 2:13

Oy to c'usi yan mu'yuc lec chapasic noxtoc. Chavat'esic ta ya'lel asatic li scajleb jmotone; ep cha'oq'uic, ep cha'avanic. Jech mu'yuc xa stu chquil, mu'yuc bu xcuxet co'nton ta jtsacboxuc li jmoton chavac'bicune.

Malaquías 3:18

Jech chlic avotquinic ti mu co'oluc chquil li boch'otic lec, xchi'uc li boch'otic chopolique; xchi'uc ti mu co'oluc chquil li boch'otic yich'ojicun ta muc' xchi'uc li boch'otic mu'yuc yich'ojicun ta muq'ue”, xi.

Malaquías 3:5

Li Muc'ul Dios ti tspas ta mantal scotol te ta vinajele jech chal: “Vu'un chtal jchapanoxuc. Vu'un ta jva'an jba ta testigo ta scontrainel li j'ac'chameletique, li jmulaviletique, li boch'otic tst'abbeic sbi Dios c'alal ch-epalc'opojique, xchi'uc li boch'otic tslo'laic j'abtel yu'unique, xchi'uc li boch'otic abul sba yu'unic me'on antsetic, xchi'uc me'on ololetique, xchi'uc li boch'o mu'yuc tuc' c'usi tspasbeic yanlumetique, ti solel mu'yuc jxi'elal cha'yic oe”, xi li Muc'ul Diose.

San Mateo 26:56

Ti jech ic'ot ta pasele, yu'un ja' ic'ot o ti jech ono'ox ts'ibabil comel yu'un yaj'alc'optac Dios ta vo'onee —xi li Jesuse. Li yajchanc'optaque ijatovic batel scotolic; stuc xa te la scomtsanic li Jesuse.

Deuteronomio 28:33

Scotol li c'usi chats'un ta avosilique xchi'uc li c'usitic chloc' ta avabtelique ja' ta xtal sve'ic yan cristianoetic ti mu xavotquinique. Xchi'uc scotol c'ac'al oy avocolic ta uts'intael xchi'uc ta lo'lael yu'unic.

Deuteronomio 28:48

Ta persa ja' chlic spasoxuc ta mantal li avajcontraic ti tstac tal ta atojolic Muc'ul Diose. Chavich' avocolic ta vi'nal, ta taqui-o'nal, xchi'uc mu'yuc bu chata ac'u' apoq'uic, ep yantic vocoletic chavich'ic. Li Muc'ul Diose chac' avich'ic vocol ta tsots mozoinel ja' to me la'ul acotolique.

Santiago 5:4

A'yo ava'yic, li scomelal stojol aviniquic ta c'aoj ti muc ts'acaluc laj atojic batele, sbats'ilic avanel. Li yavanelic jc'aojetique ic'ot ta stojol Cajvaltic ti ech'em svu'ele.

Jueces 4:3

Li ajvalil Jabine oy baluneb ciento (900) ta cot scareta pasbil ta tsatsal taq'uin. Li israeletique jtob (20) xa'ox jabil i'ochic ta sc'ob li ajvalile; tsots uts'intael laj yich'ic. Ts'acal to lic sc'anbeic vocol li Muc'ul Diose yu'un ac'o coltaaticuc.