Eclesiastés 3:3 - Bible in Tzotzil de Chenalhó with Deuterocanon

³ Oy yorail milbail; oy yorail poxtael. Oy yorail svuq'uesel; oy yorail sva'anel.

Bible in Tzotzil de Chamula

³ Oy yorail ti milbaile; oy yorail ti poxtaele. Oy yorail ti c'usi ta xich' lilinele; oy yorail ti c'usi ta xich' va'anele.

Eclesiastés 3:3 Iomraidhean Croise

Génesis 9:6

“Me oy boch'o ta smil jun vinique, ta xmilat yu'un yan vinic ec, yu'un li vinique ja' sloc'obal Dios.

Isaías 44:26

Vu'un ta xcac' c'otuc ta pasel sc'opic li cajtuneltaque; ta xcac' ti lec chbat c'usi chalic li j'almantaletic cu'une. Vu'un jech ta xcalbe li Jerusalene: ‘Ta xlic ayinuc avajval yan velta. Lumetic ta Judá, ta xlic avich' cha'va'anel yan velta; ta xlic cha'cuxuc li avavilique’, chcut.

Isaías 6:10

Tsatsubtasbo yo'ntonic li jun lum le'e; macbo xchiquinic, macbo satic, yu'un mu me xa'yic, mu me xilic, mu me xc'ot ta yo'ntonic, jech mu me sutes yo'ntonic o ta jtojol, yu'un jech mu xcolic o cu'un”, xiyutun li Cajvaltique.

Jeremías 1:10

Vu'un ta xcac'bot tsots avabtel ta stojol muc'tic ajvaliletic xchi'uc ta stojol jujun banamil sventa chavuq'ues, sventa chabul loq'uel, sventa chavules, sventa chayavnaijes, xchi'uc sventa chava'an, sventa chats'un lec”, xiyutun.

Jeremías 31:28

Jech chac c'u cha'al ta sjunul co'nton la jbul loq'uel, la jines, laj yales ta lum, la jsoques, xchi'uc laj cac'be svocolique, ja' jech jun co'nton ta jva'an, ta jcha'ts'un noxtoc”, xi li Muc'ul Diose.

Jeremías 33:6

Pero ta xlic jcoltaic, ta xlic jpoxtaic; ta xcac'be sta lec jun yo'ntonic, jech mu c'usi xal yo'ntonic o.

Jeremías 45:4

Ja' yu'un chacalbot c'usi laj yalbun li Muc'ul Diose, jech laj yal: ‘A'yo ava'ay ta jines scotol li c'usi vu'un la jva'ane, ta jbul loq'uel li c'usi jts'unoje, ja' jech ta jpas ta scotol li banamil li'i.

Ezequiel 13:14

Ja' jech ta jvuq'ues scotol li pac'benal na ti vo'oxuc laj abonic lec ta tane. Ta jvuq'ues yalel c'alal ta banamil; jeche' jamal chcom scotol. C'alal ta xlom yalele, li vo'oxuque te chanet'ujic, jech chana'ic o ti vu'un Muc'ul Diosune.

Hageo 1:2

Jech chal li Muc'ul Dios ti tspas ta mantal scotol te ta vinajele: “Li jteclum li'i jech chalic: ‘Mu to tsta yorail xu' chich' cha'pasel li ch'ulna yu'un Muc'ul Diose’, xiic”.

Hageo 1:4

“¿Me ja' no'ox vo'oxuc yorail xu' chanaqui ta anaic ti toj c'upilic sba pasbil ti c'alal ja' yoquel jinem o li jch'ulnae?

Zacarías 1:12

Li yaj'almantal Diose jech laj yal: “Muc'ul Dios, vo'ot ti chapas ta mantal scotol te ta vinajele, ¿baq'uin to chlecub avo'nton ta stojol? ¿Baq'uin to chlic ac'uxubin li Jerusalén xchi'uc li lumetic ta Judá ti oy xa lajuneb xchanvinic (70) jabil la'ilin tal ta stojole?, xut.

Deuteronomio 32:39

Vu'un no'ox jtuc Muc'ul Diosun, mu'yuc yan diosetic jech chac c'u cha'al vu'un. Vu'un ta xcac' acuxlejalic; vu'un ta jpoj sutel noxtoc. Vu'un ta xcac' yayijanic; vu'un ta jpoxta noxtoc. Mu'yuc boch'o xu' yu'un tspoj sba loq'uel ta jc'ob.

1 Samuel 2:25

Me oy jun vinic tsa' smul ta stojol yan xchi'ile, ja' chchapanatic yu'un li Muc'ul Diose. Pero me ja' tsa' smulic ta stojol Muc'ul Diose, ¿boch'o xu' tsc'anbeic vocol ta stojol?”, xut. Pero muc xa xich'beic ta muc' sc'op li stotique, yu'un li Muc'ul Diose chapal xa yu'un ac'o chamicuc.

1 Samuel 2:6

Li Muc'ul Diose ja' chac' chijcham; ja' chac' chijcuxi. Ja' chac' chijyal ta yavil animaetic; ja' chisloq'uesutic tal noxtoc.