Eclesiastés 3:2 - Bible in Tzotzil de Chenalhó with Deuterocanon

² Oy yorail chijvoc'; oy yorail chijcham. Oy yorail ts'unubajel; oy yorail sbulel.

Bible in Tzotzil de Chamula

² Oy yorail ti voq'uel ayanele; oy yorail ti chamel lajele. Oy yorail ta xich' ts'unel, oy yorail ta xich' tsobel ti c'usi ts'unbile.

Eclesiastés 3:2 Iomraidhean Croise

Génesis 17:21

Pero li c'usi chapanbil cu'une ja' ta xcom ta sventa li Isaac ti jeche' c'alal jabil ta xvoc' yu'un Sara jech chac c'u cha'al li'i —xi.

Génesis 47:29

Ta yan c'ac'al, li Israele laj ya'ay ti ja' xa yorail ta xchame, jech la stac ta iq'uel li xnich'on Josee. Jech laj yalbe: —Me ta melel ti c'uxun ta avo'ntone, ac'o ac'ob li' ta yolon co'e. Alo ta jamal ta stojol Dios me chapas li c'usi chacalbote. Avocoluc mu me xamucun li' ta Egipto.

1 Reyes 13:2

Ta smantal Muc'ul Dios tsots c'ot c'opojuc sventa tscontrain li scajleb xchic'ubil pome, jech laj yal: “Scajleb matanal, scajleb matanal, li Muc'ul Diose jech ta xal: ‘Ta stojol smomnich'nabtac David ta xvoc' jun querem, Josías sbi. Ja' te chlic smil ta aba li paleetic yu'un yan diosetic ti te chchiq'uic pom ta abae, xchi'uc te chlic xchic' sbaquil cristianoetic ta aba’, xi li Muc'ul Diose”, xi li j'alc'ope.

2 Reyes 4:16

Li Eliseoe jech laj yalbe: —Jeche' c'alal jabil jech chac li'i, oy xa'ox avol —xut. Itac'ov li antse: —Mo'oj, tata, mu xavalbun jech. Mu xalabanun, vo'ot li yaj'alc'opot Muc'ul Diose —xi.

Job 14:14

C'alal me icham li cristianoe, ¿me ta to xcuxi yan velta? Li vu'une ja' no'ox ta jmala scotol c'ac'al c'usi ora ch-ech' li jvocole.

Job 14:5

Yu'un li yoraile chlaj no'ox; atbil no'ox avu'un jayib u cuxul; ch'acbil no'ox sc'ac'alil avu'un, mu xu' chjelov.

Job 7:1

“C'alal cuxul li cristiano li' ta banamile, ta vocol no'ox oy; li jujun c'ac'ale vocol ch-ech' jech chac c'u cha'al jun j'abtel ti vocol chnel yu'un jujun c'ac'ale,

Salmos 113:9

Ja' chac' alajuc li boch'o mu ono'ox sna' x'alaje, jech xcuxet no'ox yo'nton chnaqui ta sna stuc, yu'un me'il xa c'otem. Ich'biluc ta muc' li Muc'ul Diose.

Salmos 52:5

Ja' yu'un li Diose chasmilot o ta j'ech'el ec; chayulesot o, chasyavnaijesot o; j'ech'el chasloq'uesot o li' ta banamil.

Proverbios 24:27

Chapano ba'yuc abolomal; abtejan lec ta avosil; ts'acal to xu' chava'an li anae.

Isaías 28:24

Li jloc banamile mu scotoluc c'ac'al puru abtel tspas; mu scotoluc c'ac'al puru slilinel tspas ti bu muc'tic laj yich' loquele,

Isaías 38:1

Ta yorail le'e ja'o itsacat ta tsatsal chamel li Ezequiase. Jech te ibat vu'lanatuc yu'un li j'alc'op Isaías xnich'on Amoze. Jech c'ot yalbe: —Jech chayalbot li Muc'ul Diose: ‘Taq'uio comel li avalab anich'nabe yu'un ta xacham, mu xa xacol’, xayutot —xut.

Isaías 38:5

“Batan, jech xbat avalbe li Ezequiase: ‘Li Muc'ul Dios, ja' li Dios yu'un amoltot Davide, jech chayalbot: Laj ca'ay li ac'ope; laj quil ti ep la'oq'ue. Ja' yu'un ta to jnatubtasbot batel vo'lajunebuc (15) jabil avorail.

Isaías 54:1

Cuxetuc no'ox avo'nton, vo'ot ti mu xana' xa'alaje, ti mu'yuc avalabtaque; q'uejinan ta q'ueojetic, avetan no'ox ta xcuxetel avo'nton, vo'ot ti mu'yuc ono'ox ava'yojbe xc'uxul alajele. Yu'un jech yaloj li Muc'ul Diose: “Li boch'o ictabil comele ja' x'ech' to jech yepal ta xbol yalab jech chac c'u cha'al li boch'o lec nupul ts'acal xchi'uc smalale”, xi.

Jeremías 1:10

Vu'un ta xcac'bot tsots avabtel ta stojol muc'tic ajvaliletic xchi'uc ta stojol jujun banamil sventa chavuq'ues, sventa chabul loq'uel, sventa chavules, sventa chayavnaijes, xchi'uc sventa chava'an, sventa chats'un lec”, xiyutun.

Jeremías 45:4

Ja' yu'un chacalbot c'usi laj yalbun li Muc'ul Diose, jech laj yal: ‘A'yo ava'ay ta jines scotol li c'usi vu'un la jva'ane, ta jbul loq'uel li c'usi jts'unoje, ja' jech ta jpas ta scotol li banamil li'i.

San Mateo 13:41

Vu'un ti Xnich'on cristiano lic'ote ta jtac tal caj'almantaltac. Ja' ta xtal stsobic loq'uel yo' bu jventainoj scotol li boch'otic chaq'uic ta pasel c'usi chopole xchi'uc li boch'otic tspasic c'usitic toj chopolique.

San Mateo 15:13

Itac'ov li Jesuse: —Scotol li te' ti ma'uc sts'unben li Jtot te oy ta vinajele, ta xich' bulel loq'uel c'alal ta yibel.

San Lucas 1:13

Jech i'albat yu'un li j'almantale: —Mu me xaxi' Zacarías. Laj xa ya'ay c'usi laj ac'anbe li Diose. Li avajnil Isabele ta x'alaj. Querem ta svoq'ues. Juan chavac'be sbi.

San Lucas 1:20

Ta scoj ti mu xach'un c'usi laj calbote, jech chapas ta uma'. Mu xloc' xac'opoj o, ja' to me ic'ot ta pasel li c'usi laj calbote —x'utat.

San Lucas 1:36

A'yo ava'ay, li avuts' avalal Isabele oy xa xch'ut ec. Ac'o me me'el xa, pero svaquibal xa u xchi'in yol; ja' ti albil sc'oplal mu sna' x'alaje.

San Juan 16:21

Jech chac c'u cha'al c'alal ta xcux jun antse, oy svocol yu'un yorail xa chcux. Pero c'alal me voq'uem xa li yole, mu xa sna' li svocole, yu'un xcuxet xa yo'nton ti oy xa yunin quereme.

San Juan 7:30

Jech tsc'an ox tstsaquic ta ora li Jesuse, pero mu'yuc boch'o ivu' yu'un laj yac' sc'ob, yu'un muc to yorailuc.

Hechos 7:17

“C'alal po'ot xa tsta yorail ta xich'ic li osil ti albil ono'ox yu'un Dios li Abrahame, ibolic ta jyalel li jchi'iltactic te ta Egiptoe.

Hechos 7:20

C'alal ja'o jech yaloj mantal li faraone, ja'o yorail ivoc' li Moisese. Toj c'upil sba i'ilat. Oxib u no'ox its'itesat ta sna stot sme'.

Gálatas 4:4

Pero c'alal ista yorail c'usi ora albile, li Diose la stac tal li Xnich'one. Ivoc' ta jun ants; ventainbil yu'un mantaletic ic'ot.

Deuteronomio 34:5

Li Moisese, ja' li yajtunel Diose, te icham ta Moab jech chac c'u cha'al albil ono'ox yu'un Muc'ul Diose.

Hebreos 9:27

Ja' jech chac c'u cha'al ti jun no'ox velta chcham scotol li cristianoetique, ts'acal to ja' xa no'ox chtal chapanel;

1 Samuel 2:5

Li boch'otic oy to'ox ep scomelal sve'elique, ta xa xac' sbaic ta ch'amanel ta juteb pan. Yan li boch'otic chvi'najic to'oxe, mu'yuc xa vi'nal cha'yic. Li boch'o mu to'ox sna' x'alaje, i'alaj xa vucub velta. Li boch'otic oy to'ox ep yolique, mu xa x'alajic o.