Eclesiastés 3:1 - Bible in Tzotzil de Chenalhó with Deuterocanon

¹ Scotol oy sc'ac'alil; ja' yu'un scotol li c'usi tsc'an co'nton ta jpastic li' ta banamile oy yorail.

Bible in Tzotzil de Chamula

¹ Ti c'usitic ta xc'ot ta pasel li' ta banomile, naca oy yorail scotol ti xi yelan ta xc'ot ta pasel ti jujuliquele:

Eclesiastés 3:1 Iomraidhean Croise

2 Reyes 5:26

Li Eliseoe jech laj yal: —¿Me chacuy ti muc xca'ay ta co'nton ti iyal ta scareta li vinic tal snupot ta bee? Li'i ma'uc yorail ta jtsactic taq'uin xchi'uc c'u'il; ma'uc yorail ta jmantic olivatic, ts'usubtic, chijetic, vacaxetic, jmozotic, xchi'uc jquiaratic.

2 Crónicas 33:12

C'alal ja'o chich' tsots vocole, ja' to te lic sc'anbe vocol li Muc'ul Dios yu'une. Solel la sbic'tajes sba ta stojol li Dios yu'un smoltot syame' ta vo'onee.

Proverbios 15:23

Xcuxet no'ox co'ntontic me la jtabetic stac'ubil li ca'yejtique; pero ja' jun to yutsil me ta yorail no'ox la jtatique.

Proverbios 24:27

Chapano ba'yuc abolomal; abtejan lec ta avosil; ts'acal to xu' chava'an li anae.

Eclesiastés 1:13

Solel la jloq'ues co'nton ta sjaq'uel, ta xchanel ta scotol jbijil ti stac' pasel, ti stac' chanel li' ta sba banamile. Li Diose toj ep c'usi yac'oj xu' tspas li cristianoetique yu'un jech te ac'o suj sbaic o ta abtel.

Eclesiastés 2:17

Ja' yu'un la jnop ti mu'yuc stu ti li' cuxulun ta banamile, yu'un scotol li c'usitic stac' pasel li' ta banamile ech' xa co'nton yu'un. Ta melel mu'yuc stu; ja' jech chac c'u cha'al me ta jc'an ta jnutstic iq'ue, mu'yuc c'usi ta jtatic o.

Eclesiastés 2:3

La jnop ti ta jpas ca'ay poroval c'u x'elan ta uch'el li poxe, yu'un ta jc'an oy c'usi ta jchan, yu'un ta jc'an ta jna' me ja' jech xcuxet yo'nton cha'yic li cristianoetic ti puru uch' pox tspasic jayib c'ac'al cuxulic li' ta banamile.

Eclesiastés 3:17

Jech laj cal ta co'nton: “Ac'o xchapan Dios li boch'o tuq'ue xchi'uc li boch'o chopole, yu'un oy yorail yu'un ta sventa scotol li c'usitic oye, xchi'uc li c'usi chich' pasele”, xichi.

Eclesiastés 7:14

C'alal me lec chbat avu'un scotole, cuxetuc no'ox avo'nton yu'un li c'usi lec ataoje. C'alal chopol chloc' avu'une, tsc'an chanop lec, yu'un ja' Dios tspas xchibal. Yu'un li cristianoe mu sna' c'usi chc'ot ta pasel ta stojol oc'om cha'ej.

Jeremías 46:17

“Jech ta x'avanic, jech ta xalbeic sc'oplal li faraone: ‘Li ajvalil ta Egiptoe tsots chc'opoj, pero mu'yuc c'usi xu' yu'un’, xiic.

San Mateo 16:3

Ta sobe jech chavalic noxtoc: ‘Ta xtal vo' tana, yu'un tsoj vinajel xchi'uc oy ep ic'al toc’, xachiic. Jlo'lavanejoxuc. Xana'ic sq'uelel sq'uelubil ta vinajel; ¿c'u yu'un mu xana'ic sq'uelel sq'uelubil li c'usi chc'ot ta pasel li' ta orae?