Eclesiastés 2:3 - Bible in Tzotzil de Chenalhó with Deuterocanon

³ La jnop ti ta jpas ca'ay poroval c'u x'elan ta uch'el li poxe, yu'un ta jc'an oy c'usi ta jchan, yu'un ta jc'an ta jna' me ja' jech xcuxet yo'nton cha'yic li cristianoetic ti puru uch' pox tspasic jayib c'ac'al cuxulic li' ta banamile.

Bible in Tzotzil de Chamula

³ Ti jtaoj xa ti bijilil caloje, och ta co'nton ta yuch'el ti vinoe. Lic cuch'ilan un yo' ta xca'i mi xloc' venta yu'un ti vinic jech ta spas ti c'u sjalil ta xch'i xc'opoj li' ta banomile.

Eclesiastés 2:3 Iomraidhean Croise

Génesis 47:9

Itac'ov li Jacobe: —Oy xa lajuneb svucvinic (130) jabil li' chixanov ta sba banamil. Mu'yuc to ep jabil jch'iel. Ti c'u xa yepal jabil jch'iele, oy ono'ox ep jvocol. Mu sta jech yepal jabil jch'iel jech chac c'u cha'al ich'iic li jtot jme'taque —xi.

Job 14:14

C'alal me icham li cristianoe, ¿me ta to xcuxi yan velta? Li vu'une ja' no'ox ta jmala scotol c'ac'al c'usi ora ch-ech' li jvocole.

Salmos 104:15

Ja' li ve'lil sventa tsta o stsatsalique, xchi'uc li ya'lel ts'usub sventa xcuxet no'ox yo'nton c'alal chuch'ique, xchi'uc li aceite sventa ch-ach'ub o lec sat yelovic yu'une, xchi'uc scotol li ve'liletic ti ch-ac'bat lec stsatsalic oe.

Proverbios 20:1

Li poxe chac' jtoy jbatic; li c'usi tsotsic ta uch'ele chvovij joltic yu'un; li boch'o batem yo'nton yu'un poxe muc bijuc.

Eclesiastés 1:17

Solel laj cac' co'nton ta yotquinel c'u x'elan li bijilile, xchi'uc laj cac' persa yotquinel c'u x'elan li bol talelale. Pero laj quil ti altic no'oxe; jech chac c'u cha'al me ta jc'an ta jnutstic iq'ue, mu'yuc c'usi ta jtatic o”, xichi.

Eclesiastés 10:19

Li ve'el uch' vo'e sc'upinel no'ox; li pasem ya'lel ts'usube ja' no'ox sventa xcuxet yo'nton cristianoetic yu'un. Yan li taq'uine ja' chtun ta sventa scotol.

Eclesiastés 12:13

Li slajeb c'usi tsc'an ta jpastic ta sventa scotol li c'usi laj xa ca'itic tale ja' li'i: Ich'o me ta muc' li Diose; ch'unbo scotol li smantaltaque. Ja' no'ox jech oy ta sventa ac'o spas li cristianoetique.

Eclesiastés 2:24

Li c'usi no'ox xu' tspas li vinic ti xu' tsbalin jutuque, ac'o no'ox ve'uc, ac'o no'ox yuch' lec vo', ac'o no'ox sc'upin lec ya'ay li stojol yabtele. Le'e jna'oj ti ja' jmotontic yac'ojbutic noxtoc li Diose.

Eclesiastés 5:18

Ja' yu'un jun no'ox li c'usi lec quiloje. Ja' no'ox ti ac'o ve'cutic, ac'o cuch'tic lec vo'e, ti ac'o jc'upin lec ca'itic c'u x'elan slequil li cabteltic li' ta banamile, yu'un ja' cu'untic yac'ojbutic li Diose.

Eclesiastés 6:12

Mu'yuc boch'o sna' c'usi lec ta sventa jun cristiano ti jayib c'ac'al cuxule, ti ja' no'ox jech chac c'u cha'al yaxinaltic li xcuxlejale. Mu'yuc boch'o xu' chalbe c'usi chc'ot ta pasel li' ta banamil ti c'alal chamen xa'oxe.

Eclesiastés 7:18

Ja' lec mu me jechuc xapas chac le'e; mu xacuy aba ta bij xchi'uc ta bol, yu'un li boch'o chich' ta muc' Diose mu jechuc tspas.

Eclesiastés 7:25

Jech te lic jnop lec, lic cac' lec venta; la jpas preva scotol, yu'un jech ac'o cotquin c'usi chopol chac' li sbolil o'ntonale, xchi'uc c'usi bol razón chac' li ch'ayel ta bee.

Eclesiastés 8:15

Ja' yu'un li vu'une chcal ti ja' no'ox lec li xcuxetel co'ntontic li' ta banamile, yu'un mu'yuc yan c'usi lec ta sventa li cristianoe. Ja' no'ox ti ac'o ve'uc, ti ac'o yuch' lec vo', ti cuxetuc no'ox yo'ntone, yu'un ja' no'ox jech yabtel ac'bil yu'un Dios ti jayib c'ac'al cuxule.

San Mateo 6:24

“Mu'yuc boch'o xu' yu'un me tsa' chib yajval. Yu'un xu' tsbaj li june, xu' ja' lec tsc'an li yane; xu' ja' lec chil li june, xu' tslaban li yane. Ja' no'ox jech mu xu' chatunic yu'un Dios me ja' batem avo'ntonic yu'un ac'ulejalique.

Efesios 5:18

Mu me xayacubic, yu'un ja' chabolibic yu'un. Ja' ac'o nojuc ta avo'ntonic li Ch'ul Espiritue.

Jueces 9:13

Pero li ts'usube muc sc'an, jech laj yal: ‘Ti c'u x'elan xu' chicom ta ajvalilal avu'unique, tsc'an ta jcomtsan yaq'uel ya'lel ts'usub ti ja' jtunel sventa xcuxet yo'nton li cristianoetique xchi'uc li Diose’, xi.

1 Samuel 25:36

C'alal isut batel ta stojol smalal li Abigaile, te tspas jun q'uin c'ot sta li smalale; chac' lec ve'el. Xco'laj xchi'uc spas q'uin jun ajvalil tspas. Li Nabale toj xcuxet no'ox yo'nton, yu'un yacuben xa lec. Ja' yu'un li Abigaile muc xalbe ya'ay ta ora smalal li c'usi la spase; ja' to laj yalbe ta yoc'omal.