Eclesiastés 2:1 - Bible in Tzotzil de Chenalhó with Deuterocanon

¹ Jech la jnop ta co'nton noxtoc: “Ta jpas ca'tic li c'usi tsc'an co'ntone; ta jc'upin ca'tic li c'usitic leque”, xichi. Pero altic noxtoc; mu'yuc c'usi stu o.

Bible in Tzotzil de Chamula

¹ “Ta jloq'ues co'nton ta sc'upinel jba, ta yac'bel jba ti bu xa c'alal xal ti co'ntone”, xichi laj calbe jbae. Le' une, c'ajomal laj jta ti naca pich' o'nton ta xaq'ue.

Eclesiastés 2:1 Iomraidhean Croise

Génesis 11:7

Ja' lec yalcutic; bat jc'atajesbetic li sc'opique yu'un jech mu xa xa'ibe sba sc'opic”, xut sbaic.

2 Reyes 5:5

Li ajvalil ta Siriae jech laj yal: —Lec oy, xu' chabat; vu'un ta jpas batel carta ta stojol li ajvalil ta Israele —xut. Li Naamane ibat; laj yich' batel lajuneb xcha'vinic ta mil (30,000) ta sep saquil taq'uin, vacmil (6,000) ta sep c'anal taq'uin, xchi'uc lajunlic ach' c'u'iletic.

Salmos 10:6

Jech tsnop ta yo'ntonic: “Mu'yuc boch'o xu' chistsalun; mu boch'o xu' chiyilbun jbic'tal”, xiic.

Salmos 14:1

Li boch'otic bolique jech tsnopic: “Mu'yuc Dios”, xiic. Yu'un vovijem xa sjolic o, bats'i chopol c'usitic tspasic; me junuc mu'yuc boch'o lec c'usi tspas.

Salmos 27:8

Jech chal li co'ntone: “Ja' no'ox xasa' coltael yu'un li Muc'ul Diose”, xi; ja' yu'un, Muc'ul Dios, vo'ot no'ox chajsa'ot.

Proverbios 14:13

Ac'o me ep chijtse'in, pero oy ono'ox svocol li co'ntontique; ac'o me xcuxet co'ntontic, pero ta ono'ox xtal jvocoltic.

Eclesiastés 11:9

Querem tsebetic, cuxetuc no'ox avo'ntonic ta sventa ti ach'iumalic toe; loq'ueso avo'ntonic ta sc'upinel c'usi oy ta avo'ntonic ti c'alal ja' to avich'ojbeic tal yipale. Pasic scotol li c'usi tsc'an avo'ntonique xchi'uc li c'usi chavil ta asatique, pero na'ic me ti tsta yorail ta xchapanoxuc Dios ta sventa scotol li c'usitic chapasique.

Eclesiastés 2:10

Me jchopuc mu'yuc la jalanbe li c'usi la sc'an co'ntone; laj jc'upin ca'ay scotol li c'usi lec laj quile. Yu'un toj xcuxet no'ox co'nton yu'un scotol li cabtele, ja' stojol cabtel laj ca'ay.

Eclesiastés 2:15

Jech la jnop: “Li c'usi ta xc'ot ta stojol li bol vinique ja' jech ta xc'ot ta jtojol ec. Ja' yu'un mu'yuc stu ti ta jmil jba ta sa'el jbijile. Laj xa quil ti jeche' no'oxe, ti mu'yuc c'usi chloc' oe.

Eclesiastés 2:25

¿Me oy boch'o lec chve'? ¿Me oy boch'o tsta xcuxetel yo'nton ti me mu'yuc ch-ac'bat yu'un Diose?

Eclesiastés 7:4

Li boch'o bije ja' tsnopilan ti oy lajele, pero li boch'o bole ja' no'ox tsnopilan c'u x'elan li tse'ej-lo'ile.

Eclesiastés 8:15

Ja' yu'un li vu'une chcal ti ja' no'ox lec li xcuxetel co'ntontic li' ta banamile, yu'un mu'yuc yan c'usi lec ta sventa li cristianoe. Ja' no'ox ti ac'o ve'uc, ti ac'o yuch' lec vo', ti cuxetuc no'ox yo'ntone, yu'un ja' no'ox jech yabtel ac'bil yu'un Dios ti jayib c'ac'al cuxule.

Isaías 5:5

Lec oy, chacalboxuc ava'yic c'usi ta jpasbe li ts'usubtic cu'une: ta jloq'uesbe li scoralile yu'un jech ac'o yich' ulesel; ta jvuq'uesbe li scoraltonale yu'un ac'o tal yich' pech'ilanel ta teq'uel.

Isaías 50:11

A'yo ava'yic, vo'oxuc ti chatsanic c'oc' avalojique, ti chavac'beic lec stajale; batanic ta atsanbil c'oc' atuquic, xchi'uc ta atsanbil toj atuquic. “Ja' jech chajpasboxuc ta jc'ob jtuc; mochol chac'otic ta tsatsal vocol”, xi li Diose.

Isaías 50:5

Li Muc'ul Dios, ja' li Cajvale, la sjambun lec jchiquin, jech ec li vu'une mu'yuc bu la jtacchiquinta li c'usi laj yalbune; mu'yuc bu la jva'lupatin comel.

San Lucas 12:19

Xu' jech chlic cal ta co'nton: Oy xa ep jve'el ta sventa ep jabil, jech xu' ta jcux xa no'ox co'nton. Chive', chcuch' xa no'ox vo' ca'tic; ta jc'upin ca'tic li c'usi oy cu'une, xu' xichi’, xi la snop li vinique.

San Lucas 16:19

Li Jesuse jech laj yal noxtoc: “Oy to'ox jun vinic lec jc'ulej. Puru yax'elan poc', xchi'uc puru lequil lino no tslap. Scotol c'ac'al puru lequil ve'lil tsve'.

San Lucas 16:23

“C'alal ja'o te chich' vocol ta c'atinbaque, la stoy sat. Laj yil batel ta nom li Abrahame, xchi'uc li Lázaro te xchi'inoje.

SUN TITO 3:3

Yu'un ja' jech bolutic to'ox ec, jbajmantalutic, ch'ayemutic to'ox, mozoinbilutic to'ox yu'un li c'usiuc no'ox chopole xchi'uc li c'usiuc no'ox tsc'an co'ntontique. Ja' la jpastic li c'usitic chopolique, xti'et no'ox co'nton yu'un jchi'iltic, chopol no'ox laj quil jbatic, contra laj quil jbatic.

Santiago 4:13

Li' ta orae a'yo me ava'yic vo'oxuc ti jech chavalique: “Tana, o me oc'ome, batic ta junuc lum. Te jalijcutic junuc jabil, te manulajcutic; te bolomajcutic, jech ta jtatic ep taq'uin”, xachiic.

Santiago 5:1

A'yo ava'yic, vo'oxuc jc'ulejetic, oc'anic, xchi'uc avananic ta sventa ti tsots avocolic ta xtale.

Santiago 5:5

Ti c'alal cuxuloxuc li' ta banamile, ja' no'ox laj avac' abaic ta sc'upinel li c'usitic tsc'an avo'ntonique; toj jun no'ox avo'ntonic chava'yic. Ja' no'ox laj ajubes abaic jech chac c'u cha'al vacax ti ja' no'ox tsmala sta yorail chich' milele.