Eclesiastés 1:2 - Bible in Tzotzil de Chenalhó with Deuterocanon

² Jech laj yal li jchanubtasvaneje: Altic no'ox, solel mu'yuc stu o; jeche' no'ox scotol.

Bible in Tzotzil de Chamula

² Naca pich' o'ntonal, pich' o'ntonal ta xac' no'ox, scotol naca pich' o'ntonal.

Eclesiastés 1:2 Iomraidhean Croise

Job 11:12

Li bol cristianoe ja' to chbijub c'alal me ic'ataj ta cristiano li te'tical buroe.

Salmos 144:4

Li cristianoetique ja' jechic jech chac c'u cha'al ic'; li yorailique ja' jech chac c'u cha'al yaxinaltic ti chjelov no'ox batele.

Salmos 89:47

Muc'ul Dios, na'o me ti jayib no'ox c'ac'al cuxulune; li cristianoetic ti vo'ot laj apase mu epuc c'ac'al chcuxiic.

Eclesiastés 11:10

Jipo loq'uel li slo'il avo'ntonique; mu me xavac' nopajuc li c'usi chac'be svocol abec'talique, yu'un li ach'iumalic, li avutsilalique anil no'ox xjelov.

Eclesiastés 11:8

Ac'o me ep jabil chijcuxiutic, ac'o me ta jc'upin ca'itic scotol le'e, tsc'an jna'tic noxtoc ti ja' toj ep c'ac'al chbat jtatic li ic' osile. Ja' yu'un mu'yuc ono'ox c'usi lec ta jtatic ta ts'acal.

Eclesiastés 12:8

Vu'un li jcholc'opune jech chcal yan velta: ¡Altic no'ox, mu'yuc c'usi ta jtatic o! ¡Mu'yuc c'usi stu o scotol!

Eclesiastés 2:11

Ts'acal lic jq'uel lec scotol li yabtel coc jc'obe xchi'uc li yantic c'usitic toj vocolic ta pasel laj ca'ye. Te laj quil ti altic no'ox chac' jvocoltique, yu'un ja' no'ox jech chac c'u cha'al me ta jc'an ta jnutstic iq'ue, mu'yuc c'usi ta jtatic o li c'usi ta jpastic li' ta sba banamile.

Eclesiastés 2:15

Jech la jnop: “Li c'usi ta xc'ot ta stojol li bol vinique ja' jech ta xc'ot ta jtojol ec. Ja' yu'un mu'yuc stu ti ta jmil jba ta sa'el jbijile. Laj xa quil ti jeche' no'oxe, ti mu'yuc c'usi chloc' oe.

Eclesiastés 2:17

Ja' yu'un la jnop ti mu'yuc stu ti li' cuxulun ta banamile, yu'un scotol li c'usitic stac' pasel li' ta banamile ech' xa co'nton yu'un. Ta melel mu'yuc stu; ja' jech chac c'u cha'al me ta jc'an ta jnutstic iq'ue, mu'yuc c'usi ta jtatic o.

Eclesiastés 2:19

Mu stac' na'el me bij, me muc bijuc li boch'o chtal sventain scotol li cabtel ti ta jvocol jtarabajo la jmil jba ta spasel xchi'uc li jbijil li' ta banamile. Ja' yu'un altic noxtoc; mu'yuc c'usi chloc' o.

Eclesiastés 2:21

Yu'un li boch'o tsots ch-abtej ta sventa sbijil, ti ta stunes scotol li sjol ti bu c'alal sna'e, pero ja' chich' comel li boch'o mu ja'uc i'abteje. Altic noxtoc, solel mu xloc' venta ti jech chc'ot ta pasele.

Eclesiastés 2:23

Ti jayib c'ac'al cuxule puru svocol no'ox oy; mu'yuc bu nacal o yo'nton xchi'uc, me ja'uc ta ac'ubal mu xvay ta snopel xchi'uc li c'usi tspase. Pero scotol le'e altic no'ox; mu'yuc c'usi tsta o me jutuc.

Eclesiastés 2:26

Yu'un li Diose ja' ta xac'be sbijil, ta xac'be lec sna', ta xac'be lec xcuxetel yo'nton li boch'o lec chil stuque. Yan li boch'o ta sa' smule ja' no'ox ta xac'be yabtel yu'un ac'o stsob ep sc'ulejal sventa ja' ac'o yich' ac'bel li boch'o lec chil stuc li Diose. Scotol le'e mu'yuc stu noxtoc; ja' jech chac c'u cha'al me ta jc'an ta jnutstic iq'ue, mu'yuc c'usi ta jtatic o.

Eclesiastés 2:8

Bats'i ep la jbusan ta tsobel c'anal taq'uin, xchi'uc saquil taq'uin; ja' sc'ulejal yantic ajvaliletic xchi'uc yantic banamil. Oy ep jq'uejimol vinic antsetic cu'un, ep cajniltac, ep yan antsetic cu'un noxtoc, yu'un la jc'upin ca'ay c'usitic tsc'upin li cristianoetique.

Eclesiastés 3:19

Yu'un li c'usitic chc'ot ta pasel ta stojol li cristianoetique ja' jech ta xc'ot ta pasel ta stojolic ec li chonbolometique. Xcham li chonbolometique; xcham ec li cristianoetique, yu'un co'ol no'ox ta ic' cuxulic. Muc ja'uc xa yan o c'u x'elan cuxul li cristianoe, co'ol no'ox. Ja' yu'un altic no'ox scotol; mu'yuc c'usi stu o.

Eclesiastés 4:16

Ac'o me bats'i ep cristianoetic stsobetic ta stojol, pero mu xcuxetuc yo'ntonic ta stojol li yan alab nich'nab ti ts'acal to chtalique, ja' yu'un le'e altic no'ox; mu'yuc c'usi bal o.

Eclesiastés 4:4

Laj quil noxtoc, ti c'alal tsots chij'abtejutique ti c'alal lec chbat cu'untic li c'usi ta jpastique, ja' no'ox te ta xlic jti'-o'nta jbatic o. Scotol le'e mu'yuc stu; ja' jech chac c'u cha'al me ta jc'an ta jnutstic li iq'ue, mu'yuc c'usi ta jtatic o.

Eclesiastés 4:8

oy jun vinic stuc no'ox, mu'yuc xchi'iltac, mu'yuc xnich'nab, mu'yuc yuts' yalaltac, pero me jutuc mu xcux ta abtel; mu x'ech' yo'nton o ta sc'upinel, ta stsobel li sc'ulejale. Me jutuc mu'yuc to bu jech tsnop: “¿Boch'o chich' comel li epal abtel ta jpase? ¿Me mu jeche'uc no'ox chcac' jvocol?”, mu'yuc bu xi. Scotol le'e mu'yuc stu o; altic chac' svocol.

Eclesiastés 5:10

Li boch'o tsc'upin ep taq'uine mu spas ta jun yo'nton o; li boch'o tsc'an ep c'usi oy yu'une muc ta'louc cha'ay ti c'u yepal staoje. Ja' yu'un altic no'ox; mu'yuc stu o.

Eclesiastés 6:11

Yu'un altic me puru epal lo'il no'oxe; ja' no'ox ch-epaj li c'usi mu'yuc stue, pero mu'yuc c'usi ta jtatic o yu'un.

Romanos 8:20

Yu'un li c'usitic spasoj Diose isoc scotol. Pero mu yu'unuc jech la sc'an stuc; ja' jech la sc'an li Diose. Pero yac'ojbe spatubil yo'ntonic, jech oy to c'usi tsmalaic.