Biblia Todo Logo
Bìoball air-loidhne

- Sanasan -




Daniel 9:5 - Bible in Tzotzil de Chenalhó with Deuterocanon

5 la jta jmulcutic; la jpascutic c'usi mu xtun. Toj chopol c'usi la jpascutic, ven jtoybauncutic; la jcomtsancutic li mantaletic avu'une xchi'uc li c'usitic avaloje.

Faic an caibideil Dèan lethbhreac

Bible in Tzotzil de Chamula

5 “Laj xa jta jmulcutic ta atojol. Chopol xa ti vi s'elan libatcutique. Yu'un pas xa cu'uncutic ti c'usitic toj chopole. Yu'un oy bu mu xa xacac'cutic ta venta ti c'u s'elan cuxuluncutic talele. Yu'un oy bu laj xa jvalopatincutic comel ti amantaltaque xchi'uc ti c'usitic nopbil avu'une.

Faic an caibideil Dèan lethbhreac




Daniel 9:5
31 Iomraidhean Croise  

Jech ic'ot ta pasel ta scoj ti muc xich'beic ta muc' c'usi laj yal li Muc'ul Dios yu'unique, xchi'uc la sbajbeic li c'usi chapanbil yu'une, xchi'uc muc xch'unic li c'usitic albilic yu'un Moisese, ja' li yajtunel Muc'ul Diose. Muc ja'uc laj yich'ic ta muc'.


Yu'un toj chopol c'usitic la spasic ta jtojol. C'alal la jloq'uesic tal ta Egipto li smoltotaquique, te ono'ox chisa'ilanbicun o tal sc'ac'al co'nton. Ja' jechic o c'alal to tana”, xi li Muc'ul Diose.


jech laj calbe: “Dios cu'un, toj ep chiq'uexov ta atojol. Mu xa jna' c'usi chacalbot, yu'un bats'i ep li jmulcutique; jeloven xa c'alal ta jolcutic, c'otem xa c'alal ta vinajel.


Jtaoj jmulcutic ec jech chac c'u cha'al li jtot jme'cutic ta vo'onee; la jpascutic ec li c'usi chopole xchi'uc li c'usi mu xtune.


Mu'yuc la jcomtsan li tojobtaseletic avu'une, yu'un vo'ot atuc laj achanubtasun.


Ch'ayemun to'ox ta be jech chac c'u cha'al chij ti ch'ayem ta bee. La' me, q'uelun, vu'un li avajtunelune, yu'un mu'yuc jch'ayoj o ta co'nton li amantaltaque.


Yu'un ja' la jts'aclin o batel li be yu'une; mu'yuc la jch'ay ta co'nton li Dios cu'une.


Yu'un jcotoltic ch'ayemutic ta be jech chac c'u cha'al ch'ayemal chijetic; la jtam batel jbe jtuctic jujunutic, pero li Muc'ul Diose ja' laj yac'be xcuch scotol li jmultique.


Jbajmantaluncutic, mu'yuc tuc' co'ntoncutic ta atojol Muc'ul Dios; la jvoc' jbacutic ta atojol, vo'ot li Diosot cu'uncutique. Puru sa'c'op, puru uts'intavanej no'ox la jpascutic; puru epalc'op, puru lo'lavanej no'ox la jnop ta co'ntoncutic.


Mu'yuc ono'ox boch'o ya'yoj, mu'yuc ono'ox boch'o yiloj ti oy yan dios xu' yu'un tspas scotol jech chac c'u cha'al laj apas sventa chacolta li boch'otic jun yo'nton yich'ojicot ta muq'ue.


Muc'ul Dios, laj xa cotquincutic li jbolilcutique xchi'uc xchopolil li jmoltot jyame'cutique; ep jtaoj jmulcutic ta atojol.


Muc'ul Dios, ac'o me jmulcutic xa no'ox chac' ta ilel ti ta melel toj chopoluncutique, pero li vo'ote paso avabtel ta sventa ac'o ich'atuc ta muc' li abie, yu'un toj ep xa li jtoyobbailcutic ta atojole; ep jtaoj jmulcutic ta atojol.


Solel chiyalcutic o ta lum ta scoj q'uexlal; mu xa xcac' ta ilel jsatcutic, yu'un ta jbic'talcutic ono'ox la jta ep jmulcutic xchi'uc li jmoltot jyame'cutique. Ja' jechuncutic o c'alal to tana; mu'yuc ono'ox laj quich'cutic ta muc' c'usi chaval, vo'ot li Muc'ul Diosot cu'uncutique”, xiic.


Li boch'otic lec ac'anoj aba achi'uquique ta xch'ayoxuc o ta yo'nton, mu'yucoxuc xa o ta yo'nton. Yu'un ep layayij cu'un jech chac c'u cha'al li boch'o lec chac'be yajcontrae; lec laj cac'bot nucul jech chac c'u cha'al chac' nucul li boch'o toj simarone, ja' ta scoj ti toj ep c'usi chopol laj apase, ti mu albaj c'u yepal laj asa' li amule.


Ja' ta scoj ti toj chopol c'usi la spasique, jech laj yaq'uic ilincun, yu'un ja' bat yich'ic ta muc' li yantic diosetique; ja' bat xchic'beic pom ta stojol li yantic diosetic ti mu xavotquinique, me ja'uc li amoltot ayame'ic ta vo'onee muc xotquinic ec.


Li Muc'ul Diose tuc' c'usi tspas. Yan li vu'une la jtoy jba ta sventa li mantaletic yu'une. Lumetic, a'yo ava'yic ta acotolic, q'uelavilic c'u x'elan li jvocole. Li querem tsebetic cu'une chucbil ibatic ta yan banamil.


Muc'ul Dios, q'uelavil toj ep li jvocole; ta xa stselub chca'ay li co'ntone. Chc'unib co'nton chca'ay ti c'alal cht'ab ta co'nton ti toj ep la jtoy jbae. Ta xoraltique oy milel ta espada; ta yut nae oy milel noxtoc.


“Li vu'uncutique ep jtaoj jmulcutic ta atojol; ep la jtoy jbacutic ta atojol, muc xats'icbuncutic.


Pero la stoy sbaic ta jtojol; la sbajic li jmantaltaque. Ech'em to chopol la spasic jech chac c'u cha'al li yantic lumetic, li yantic banamiletic te ta spat xoconique. La sbajic li jmantaltaque; muc xch'unic li c'usitic laj calbeique.


Li boch'otic cuxul chcomique te chlic sna'icun ta yantic banamil ti bu chucbilic batele. Te chlic sna'ic ti vu'un laj cac'be svocolic ta scoj ti imulivajic ta jtojol ta sventa ti laj yich'ic ta muc' yan diosetique. Te chlic q'uexovicuc stuquic ta scoj li xchopol talelic la spasic ta jtojole.


Scotol israeletic la sbajic comel li amantale; muc xch'unic li c'usi laj avale. Jech vu'uncutic ic'ot ta jtojolcutic li tsots vocol ti jamal albil, ti ts'ibabil comel yu'un li Moisés, ja' li avajtunele. Ja' ta scoj ti la jsa' jmulcutic ta atojole.


‘Li vo'ote Cajval, Dios cu'un, laj avac' ta ilel atsatsal; laj aloq'ues tal ta Egipto li ateclumale. Ja' yorail te lic avac' pucuc ac'oplal; ja' jech o c'alal to tana. Pero li vu'uncutique ja' no'ox ta jsa' jmulcutic ta atojol; bats'i chopol li c'usi la jpascutique.


Pero ta atojol vo'ote Cajval, Dios cu'un, oy c'uxubinel, oy perdón avu'un, ac'o me ep jtoyoj jbacutic ta atojol.


Ja' jech la sliques ya'yej ta stojol Oseas li Muc'ul Diose, jech laj yalbe: “Bat ic'o jun jmulavil ants; ac'o ayinuc avalab anich'nabic achi'uc. Jech yalab jmulavil ants chc'otic. Yu'un li Israel banamile soquem o ta mulil yu'unic; svoc'oj sbaic o ta jtojol li israeletique, jech yalab jmulavil ants c'otemic”, x'utat.


Yan li vo'oxuque laj acomtsanic xch'unel li jmantale. Ja' jech chapasic jech chac c'u cha'al la spasic li amoltot ayame'ic ta vo'onee. Mu xac'an xach'unic li c'usitic caloje. Ja' yu'un jech chacalboxuc vu'un li Muc'ul Diosune: Sutanic tal ta jtojol, jech chisut tal ta atojolic ec. Pero li vo'oxuque jech chavalic: ‘¿C'u x'elan xu' chisutcutic tal ta atojol?’, xachiic.


Jchi'iltac, q'uelo me abaic, mu me oyuc boch'o chopol yo'nton; mu me oyuc boch'o tsots yo'nton avu'unic, yu'un xu' chacomtsanic o li cuxul Diose.


Lean sinn:

Sanasan


Sanasan