Daniel 9:4 - Bible in Tzotzil de Chenalhó with Deuterocanon

⁴ La jc'opan li Muc'ul Diose, ja' li Dios cu'une. Laj calbe ta jamal li jmulcutique, jech laj calbe: ‘Cajval, Muc'ul Dios, vo'ot ti atalel ich'bilot ta muq'ue, ti c'ux ta avo'nton, ti chavac' c'otuc ta pasel ta stojol c'usi achapanoj li boch'otic chasc'anot, xchi'uc ti ta xch'unic amantaltaque,

Bible in Tzotzil de Chamula

⁴ Xi s'elan xcholet lic cal ti lic'opoj liti'in ta stojol ti Ajvalil Dios cu'une: “Cajval, muc'ul Diosot, jelavem xu' avu'un, ta ono'ox xc'ot ta pasel avu'un ti c'usi loq'uem ta ave ati'e. Ta xavac' ta ilel ti syail xc'uxul avo'nton ta stojolic ti buch'uuc c'ux ta xaya'ie, ti ta xc'ot ta pasel yu'unic ti amantaltaque:

Daniel 9:4 Iomraidhean Croise

1 Reyes 8:23

jech laj yal: “Muc'ul Dios yu'un Israel, mu'yuc yan Dios ta vinajel, me li' ta banamil jech chac c'u cha'al vo'ot, yu'un laj ac'otes li c'usi chapanbil avu'une, xchi'uc chavac' ta ilel slequil avo'nton ta stojol li boch'o scotol yo'nton chtunic avu'une.

2 Crónicas 7:14

pero me chlic sbic'tajes sbaic ta jtojol li jteclumal ti xcuchojbicun jbie, me chisc'opanicun, me tsc'anbicun vocol ta jtojole, me tscomtsanic li c'usi chopol tspasique, vu'un ta xca'ibe sc'opic c'alal ta vinajel. Ta jpasbe perdón yu'un li smulique; ta xcac' lecubuc yan velta li yosilique.

Esdras 10:1

C'alal te xquejet xpatet, te x'oc'olet ta sc'opanel Dios ta ch'ulna li Esdrase, te ital set sbaic ta stojol ep israeletic. C'alal ta vinic ta antsetic ta ololetic italic; bats'i ep laj yoc'ta sbaic ec.

Nehemías 1:5

Jech laj calbe: “Muc'ul Dios te oyot ta vinajel, vo'ot ti ech'em amuc'ul atsatsale, ti xi'bilote, ti mu xch'ay ta avo'nton li c'usi achapanoje, xchi'uc ti c'ux ta avo'nton li boch'o chayich'ot ta muc', ta xch'unic amantaltaque,

Nehemías 9:32

“Ja' yu'un, vo'ot li Diosot cu'uncutic ti ech'em amuc'ule, ti toj tsotsote, ti xi'bilote, ti mu xch'ay ta avo'nton li c'usi chapanbil avu'une xchi'uc li c'uxubinel avu'une, ana'oj ti toj tsots svocol laj yich'ic li ajvaliletic, li banquilaletic, li paleetic, li j'alc'opetic, li jmoltotaccutic, xchi'uc scotol li jchi'iltaccutic c'alal yorail cuxul li ajvaliletic yu'un asiriaetique xchi'uc ti ja' jech o c'alal to tanae.

Salmos 32:5

Ja' yu'un laj calbot ta jamal li jmule; mu'yuc bu la jmuc ta co'nton li c'usi chopol jpasoje. Jech la jnop: “Ja' lec ta xcalbe ta jamal jmul li Muc'ul Diose”, xichi. Jech laj apasbun perdón, laj ach'aybun li jmule.

Éxodo 20:6

Pero li boch'o chiyich'un ta muq'ue, me chch'unbun jmantale, ep c'ux ta co'nton, ac'o me c'alal to jmil (1,000) ta c'ol smomnich'nabic.

Jeremías 3:13

Ja' no'ox tsc'an chavotquin lec ti oy amule, yu'un abajojbun jmantal, vu'un li Muc'ul Diosun avu'une. Ay mulivajan ta stojol yan diosetic te ta yolon li muc'tic te'etique, yu'un muc xach'un li c'usi laj cale, xacutot, vu'un li Muc'ul Diosune’, uto”, xiyutun.

Jeremías 32:23

Jech laj yich'ic, la sc'upinic ya'yic, pero muc xayich'icot ta muc'; muc xch'unic li mantaletic avu'une; muc ja'uc la spasic li c'usi laj avalbee. Ja' yu'un laj atacbe tal li vocol li' chich'ique.

Daniel 6:10

C'alal laj ya'ay Daniel ti laj xa yac' lec sfirma li ajvalile, i'och batel ta sna; la sjambe lec sventanail li svayab na ti sq'ueloj batel ta stuq'uil Jerusalene. La sc'opan Dios oxib velta ta c'ac'al; la squejan sba, laj yich' ta muc', la stojbe ta vocol jech chac c'u cha'al tspas ono'oxe.

Daniel 9:3

Jech te lic cac' jsat ta stojol li Cajvaltic Diose. La jc'anbe vocol, laj quicta ixim, la jlap c'u'il sventa at-o'nton, xchi'uc la jchotan jba ta tantic.

San Lucas 1:72

Yu'un chixc'uxubinutic jech chac c'u cha'al laj ono'ox yalbe jmoltotactic ta vo'onee. Yu'un mu xch'ay o ta yo'nton li c'usi laj ono'ox xchapan xchi'uque,

Romanos 8:28

Ja' yu'un, scotol li boch'otic sc'anojic Diose, ti ic'bilic ta sventa ti jech oy ta yo'nton stuque, ta jna'tic ti ja' sventa slequilalic scotol li c'usi chc'ot ta pasele.

Deuteronomio 5:10

Yan li boch'o chiyich'un ta muq'ue, me chixch'unbun jmantale, ja' c'ux ta co'nton ac'o me ep ta mil ta c'ol smomnich'nabic.

Deuteronomio 7:12

“Me chach'unic, me chapasic scotol li c'usitic laj xa ava'yic li'i, li Muc'ul Dios cu'untique jun yo'nton chac' c'otuc ta pasel li c'usi xchapanoj ono'ox xchi'uc jmoltotactic ta vo'onee.

Deuteronomio 7:21

Ja' yu'un mu me xaxi'ic yu'un. Yu'un li Muc'ul Dios avu'unic ti toj ech'em smuc'ul ti toj ech'em stsatsale, te xchi'inojoxuc.

Deuteronomio 7:9

Ja' yu'un na'ic me ti ja' mero Dios stuc li Muc'ul Dios cu'untique. Jayc'oluc cristianoetic chjelov, me tsc'anic li Diose, me chch'unbeic smantaltaque; li Muc'ul Diose mu sjel yo'nton o. Persa chac' c'otuc ta pasel ta stojolic li c'usi xchapanoj ono'oxe.

Santiago 1:12

Xcuxet no'ox yo'nton li boch'o ta xcuch yu'un li preva chtal ta stojole, yu'un me lec iloc' yu'une, ta xich' scorona sventa chcuxi; yu'un yaloj ono'ox Dios ta xac'be li boch'o sc'anojic Diose.

Santiago 2:5

Quermanotac, vo'oxuc ti lec jc'anojoxuque, a'yo lec ava'yic. Li Diose ja' la st'uj li boch'otic me'on li' ta banamile, yu'un jech jc'ulej chc'otic ta sventa xch'unojel yo'ntonic, xchi'uc jech chich'ic c'usi yaloj Dios chac'be li boch'otic sc'anojic Diose.