Daniel 9:2 - Bible in Tzotzil de Chenalhó with Deuterocanon

² vu'un li Danielune te la jq'uelbe lec sc'oplal li jabiletic ts'ibabil ta vun yu'un j'alc'op Jeremiase. Ja' ti i'albat yu'un Muc'ul Dios ti lajuneb xchanvinic (70) jabil jinem chcom li Jerusalene.

Bible in Tzotzil de Chamula

² C'alal ta sliqueb to ox jabil yochel ta ajvalilale, jech ti vu'un Danielune, ja' o ochemun ta sq'uelel ti jpoc vun yu'un ti j'alc'op Jeremías ti bu ta xalbe sc'oplal ti lajuneb xchanvinic (70) jabil sjalil ti lilijem ta xcom ti jteclum Jerusalene, ti jech albil yu'un Dios ti j'alc'ope.

Daniel 9:2 Iomraidhean Croise

2 Crónicas 36:21

Yu'un jech ac'o c'otuc ta pasel c'usi laj yal Muc'ul Dios ta sventa li j'alc'op Jeremiase, jech xu' chcux lec li banamile. Ti jayib jabil xocol icom li banamile la xcux lec, ja' to ti c'alal its'aqui lajuneb xchanvinic (70) jabile.

Esdras 1:1

C'alal sba to jabil yochel ta ajvalilal ta Persia li Ciroe, li Muc'ul Diose la stijbe yo'nton yu'un ac'o c'otuc ta pasel c'usi laj yal c'alal la xch'amanbe ye li j'alc'op Jeremiase. Ja' yu'un li ajvalile la spuc batel mantal ta scotol ti c'u smuc'ul sventainoje, xchi'uc la stac batel cartaetic, jech laj yal batel:

Salmos 119:24

Ja' muiben o xca'ay snopel li chanubtaseletic avu'une, yu'un ja' jtojobtasvanej c'otem cu'un.

Isaías 64:10

Li ch'ul lumetic avu'une xco'laj xchi'uc xocol banamil comen; li Sione yavnaijem o ta j'ech'el; li Jerusalene jeche' xch'ijan icom o.

Jeremías 1:1

Li'i ja' ic'opoj Jeremías xnich'on Hilcías. Li Jeremiase ja' jun xchi'ilic li paleetic te nacalic ta lum Anatot ta yosilal Benjamine.

Jeremías 25:18

Ja' bat cac'be yuch'ic li Jerusalene, li lumetic ta Judae xchi'uc li ajvaliletic, li banquilaletic yu'unique. Yu'un jech ac'o yavnaijicuc o; ac'o yich'ic labanel, na'leel, chopolc'optael jech chac c'u cha'al li' ta orae.

Jeremías 26:18

“Li Miqueas te ta Moresete ta sventa Muc'ul Dios laj yal c'usi chc'ot ta pasel ti c'alal ja'o yorail tiq'uil ta ajvalilal ta Judá li Ezequiase. Jech laj yal ta stojol scotol li xchi'iltaque: ‘Jech chal li Muc'ul Dios ti tspas ta mantal scotol te ta vinajele: Li Sione ja' jech ta xcom jech chac c'u cha'al banamil ti lec locbile; li Jerusalene puru ton xa te busajtic chcom; li vits li' ta ch'ulnae ta xnoj ta chopol ts'i'laletic’, xut.

Jeremías 26:6

li ch'ulna li'i ja' jech ta jpasbe jech chac c'u cha'al la jpasbe ono'ox te ta Siloe. Ja' sq'uelubil ta xc'ot ta scotol yantic lumetic ti chopol sc'oplal chcom o li lum li'i’, uto”, x'utat yu'un li Muc'ul Diose.

Jeremías 27:7

Scotol li muc'tiquil lumetique ja' chlic tunicuc yu'un, xchi'uc xnich'nab, xchi'uc smomnich'nabtac, ja' to me la sta sc'ac'alil i'och ta sc'ob yantic banamil, muc'tic ajvaliletic ec li yosilale.

Jeremías 29:10

“Jech yaloj li Muc'ul Diose: ‘C'alal me its'aqui li lajuneb xchanvinic (70) jabil te ta Babiloniae, ta xlic jcoltaoxuc, ta xcac' c'otuc ta pasel li jc'op ti laj cal ti chaquic'oxuc sutel tal li' ta banamile.

Jeremías 7:34

Ta xcac' lajuc sc'oplal ta lumetic li' ta Judá xchi'uc ta xoraltic ta Jerusalén ti xvochetic no'ox, ti stse'inic no'ox ta xcuxetel yo'ntonique. Chlaj sc'oplal ti oy boch'o chmalij, ti oy boch'o tsa' yajnile, yu'un xch'ijan chcom o cu'un”, xi li Muc'ul Diose.

Lamentaciones 1:1

C'uxi ti xch'ijan xa icom li lum ti noj to'ox ta cristianoetique. Toj muc' to'ox ta scotol yantic lumetic, pero ja' xa jech icom jech chac cha'al jun me'on ants. Ajvalil to'ox yu'un yantic lum, pero ochem xa ta mozoil.

Ezequiel 29:11

Me cristiano, me chonbolometicuc mu'yuc xa ta xjelovic o; cha'vinic (40) jabil mu'yuc yajval ta xcom o.

Daniel 9:3

Jech te lic cac' jsat ta stojol li Cajvaltic Diose. La jc'anbe vocol, laj quicta ixim, la jlap c'u'il sventa at-o'nton, xchi'uc la jchotan jba ta tantic.

Miqueas 3:12

Ja' yu'un vo'oxuc ta amulic ti xco'laj xchi'uc locbil banamil chcom li Sione, ti puru tontic xa te busul chcom ta Jerusalene, xchi'uc ti chpix ta chopol ts'i'laletic li vits yo' bu oy ch'ulnae.

Zacarías 1:12

Li yaj'almantal Diose jech laj yal: “Muc'ul Dios, vo'ot ti chapas ta mantal scotol te ta vinajele, ¿baq'uin to chlecub avo'nton ta stojol? ¿Baq'uin to chlic ac'uxubin li Jerusalén xchi'uc li lumetic ta Judá ti oy xa lajuneb xchanvinic (70) jabil la'ilin tal ta stojole?, xut.

Zacarías 7:5

“Jech xavalbe ya'yic sjunul li jteclumale xchi'uc li paleetique: ‘C'alal lavat avo'ntonic, lavictaic ixim ta yo'obal u, xchi'uc ta svucubal ue, mu ja'uc ta jventa laj apasic. Oy xa ta lajuneb xchanvinic (70) jabil jech laj aliquesic tal.

San Mateo 24:15

“C'alal chavilic ti chich' soquesel, ti chich' bolibtasel o ch'ulna ta scoj ti te chich' va'anel li c'usi toj chopol chil Dios jech chac c'u cha'al laj ono'ox yal li j'alc'op Daniel ta vo'onee, (Li boch'o tsq'uel c'usi ts'ibabil yu'un Daniele ac'o ya'ibe lec smelol,)

Marcos 13:14

“C'alal chavilic chich' soquesel, chich' bolibtasel o ch'ulna ta scoj ti te chich' va'anel li c'usi toj chopol chil Dios ti sc'oplal mu xu' te chich' va'anele, jatovanic batel ta anil ta vitsetic, vo'oxuc ti li' nacaloxuc ta Judeae. (Li boch'o ta sq'uele, ac'o ya'ibe lec smelol.)

Hechos 8:34

Li vinique jech la sjac'be li Felipee: —Albun ca'ay boch'o sc'oplal laj yal li j'alc'ope. ¿Me ja' sc'oplal stuc laj yal, o me yan boch'o sc'oplal laj yalbe? —xut.

1 Timoteo 4:13

Vo'ot oy ta aventa chavaptabe ya'yic sc'op Dios li jch'unolajeletique. Vo'ot xatsatsubtasbe yo'ntonic, vo'ot xachanubtas ja' to ti c'alal chitale.

Apocalipsis 1:3

Xcuxet no'ox yo'nton li boch'o chapta xchi'uc li boch'o cha'ay li c'usitic yaloj Dios li'i, xchi'uc me ta xch'unic li c'usitic ts'ibabile, yu'un po'ot xa chc'ot ta pasel.