Daniel 8:8 - Bible in Tzotzil de Chenalhó with Deuterocanon

⁸ “Li tot tentsune yantic to laj yich' lec stsatsal ta jyalel. C'alal yich'oj lec stsatsale, ic'as loq'uel li smuc'ta xulube, pero te no'ox ich'i tal yan chanib xulub noxtoc. Li chanib xulube sq'uelanoj batel ta xchanjotal xocon vinajel.

Bible in Tzotzil de Chamula

⁸ Jech ti tot tentsune, yantic no'ox yich' batel yip ta j'ech'el. Ja' no'ox un, c'alal yorail yich'oj xa lec ti yipe, ja' o xa lic c'asuc ti smuc' ta xulube. Jech ti bu c'as loq'uele, tey lic ch'iuc talel chanib xulub ti bichajtic muyel ti sq'ueloj batel ta xchanjechal banomile.

Daniel 8:8 Iomraidhean Croise

2 Crónicas 26:16

C'alal ivinaj ti lec xu' yu'une, lic stoy sba, pero ja' no'ox sventa isoc o. Lic spas c'usi mu sc'an li Muc'ul Dios yu'une, yu'un i'och ta ch'ulna; la xchic' pom te ta scajleb.

Ester 9:4

Yu'un li Mardoqueoe toj muc' yabtel yich'oj te ta stojol li ajvalile, xchi'uc puquem batel sc'oplal ta jujun banamiletic, xchi'uc yantic no'ox ta xich' batel lec stsatsal.

Jeremías 49:36

Ta jtacbe tal ta stojol li muc'ta iq'uetic ta xchanjotal xchiquin vinajel, yu'un jech ac'o spuc sbaic batel ta buyuc no'ox; mu'yuc xa bu junuc lum ti mu'yuc boch'o chc'ot snac' sba tee.

Jeremías 5:27

Li snaique noj ta yeleq'uic, jech chac c'u cha'al noj ta snail li mutetique, jech itoyic o, ipasic o ta jc'ulej.

Ezequiel 16:7

Laj cac' ch'ian jech chac c'u cha'al ts'i'laletic ta banamil. Jech lach'i, lec muc' labat. Lec c'ac'al ants labat. Lec ich'i li achu'e xchi'uc li stsotsil ajole. Pero solel jeche' t'analot.

Ezequiel 28:9

Vu'un Diosun ¿me xu' to xachi ta stojol li boch'o chtal scontrainote? Ta melel muc diosocot cha'yic li boch'otic ta xtal smilicote.

Daniel 11:4

C'alal sventainoj xa'ox leque, ta xlic yich' soquesbel ti c'u smuc'ul sventainoje. Ta xich' voq'uel ta chanvoc'. Pero ma'uc sventa chich' smomnich'nabtac, xchi'uc mu xa jechuc smuc'ul tsventain jech chac c'u cha'al sventainoj ono'oxe. Yu'un li yabtele j'ech'el chich' pojbel o; yantic xa boch'o ta x'och sventainan.

Daniel 4:31

C'alal ja' to no'ox jech iloc' ta yee, oy boch'o ic'opoj tal ta vinajel, jech laj yal: “Ajvalil Nabucodonosor, chacalbot tal ava'ay, li avabtele tuch'bil xa.

Daniel 5:20

Pero c'alal toj ech'em lic stoy sbae, c'alal la spas ta tsots yo'nton ta scoj li stoyobbaile, lic yich' loq'uesel ta yabtel; laj yich' pojbel li slequilale.

Daniel 7:2

“Vu'un li Danielune, oy c'usi laj quil ta jvayech ta ac'ubaltic. Laj quil chanib ic' ital ta vinajel; la syuq'uilan li muc'ta nabe.

Daniel 7:6

“Li yoxcotal laj quile xco'laj xchi'uc bolom. Oy chanib xic' ta spat, xchi'uc chanib sjol; laj quil i'ac'bat spas mantal.

Daniel 8:22

Li xulub ti ic'oc loq'uel laj avile, xchi'uc ti te ich'i tal yan chanib xulub ta yave, ja' smelol ti ta to xlic chanib ajvaliletic ta banamile, pero mu sta jech stsatsal jech chac c'u cha'al li ba'yuc ajvalile.

Daniel 8:5

“C'alal ja'o jbats'il snopel li c'usi laj quile, ja' to laj quil iloc' tal ta anil jcot tot tentsun ta smaleb c'ac'al. Bats'i xvil no'ox tal ta anil, ech' xan tal scotol li banamile. Li tentsune oy jun smuc'ta xulub cacal ta o'lol yu'un li sbec' sate.

Daniel 8:7

C'alal ic'ot yo' bu cotole, c'otel no'ox c'ot xul; toj c'asel no'ox ic'ot yu'un xchibal li xulube. La sjip ta lum, la xpech' ta teq'uel; solel mu'yuc stsatsal yilel li chije. Mu'yuc boch'o la spoj li tot chije.

San Mateo 24:31

Tsots ta xich' jupanel oq'ues c'alal ta jtac tal li j'almantaletic cu'une. Ja' ta xtal stsobic scotol li boch'otic t'ujbilic cu'un ta xchanjotal xchiquin banamile.

Marcos 13:27

Ta jtac yalel tal caj'almantaltac, yu'un chtal stsobic scotol li boch'otic t'ujbilic cu'un ta xchanjotal xchiquin banamil c'alal to ta sti'iltac banamile.

Deuteronomio 31:20

Yu'un c'alal me laj xa'ox cac' ochicuc batel ta banamil ti bu calojbeic ono'ox ta jamal amoltotaquic ta vo'one chcac'beique, ja' ti bu chloc' ya'lel xchu' vacax, xchi'uc pom jech chac c'u cha'al chloc' vo'e, xchi'uc c'alal sve'ojic xa'ox, lec xa'ox noj xch'utic, lec xa'ox jubenic yu'un li c'usitic chloc' tee, ja'o chlic baticuc ta stojol li c'usitic cuybilic ta diose; ja' chlic yich'ic ta muc'. Yan li vu'une chopol chlic yilicun, ta soquesic o scotol li c'usi chapanbil cu'une.

Apocalipsis 7:1

Ts'acal laj quil chanib j'almantaletic te va'ajtic ta xchanjotal xchiquin banamil. Ja' spajesojic li ic' ta xchanjotal xchiquin banamile, yu'un jech mu me xtal ic' li' ta banamil, xchi'uc ta nab, xchi'uc jech mu me xnic ta ic' jbejuc te'.