Daniel 8:4 - Bible in Tzotzil de Chenalhó with Deuterocanon

⁴ Li tot chije laj quil la xul batel ta stuq'uil smaleb c'ac'al xchi'uc ta stuq'uil norte xchi'uc ta stuq'uil sur. Me jcotuc chonbolom mu xva'i ta sat. Me jcotuc mu xu' chjatov loq'uel ta stojol. La spas li c'usi tsc'an yo'nton tspase, jech yantic to i'ayin stsatsal.

Bible in Tzotzil de Chamula

⁴ Ti tot chije, laj quil ti xchinet no'ox xulub ta sq'uel batel ti xi ta smaleb c'ac'ale, ti xi ta yolon ti yolon xocon sloq'ueb c'ac'ale, ti xi ta yolon ti yac'ol xocon sloq'ueb c'ac'ale. Xi'bil yu'un scotol ti yan chon bolometique. Mu xa xpoj yu'un sbaic mi ta xpujatic ta luchele. Ta spas ti c'usi lec ta xa'i ti stuque. Yu'un yantic no'ox ta xich' batel ti yip ta j'ech'ele.

Daniel 8:4 Iomraidhean Croise

1 Reyes 22:11

Li Sedequías, xnich'on Quenaanae, spasoj jayibuc cachuetic ta tsatsal taq'uin. Jech laj yal: “Jech yaloj li Muc'ul Diose: ‘Ta sventa li cachuetic li'i ja' chapasic o pleito achi'uquic li siriaetique ja' to ti c'alal ch-ul o avu'unic ta j'ech'ele’, xi li Muc'ul Diose”, xi.

Job 10:7

Yu'un ana'oj ti mu'yuc jmule, xchi'uc ti mu'yuc boch'o xu' chispojun loq'uel ta ac'obe.

Salmos 44:5

Vo'ot ta aventa la jtsalcutic li cajcontracutique; vo'ot ta aventa ti pech'bil ta teq'uel icom cu'uncutique.

Salmos 50:22

“Vo'oxuc ti mu'yuc ta avo'ntonic Diose, a'yic me li c'usi laj cal li'i, yu'un naca me culesoxuc acotolic, mu'yuc boch'o xu' chascoltaoxuc o.

Salmos 7:2

Pojun me, yu'un ja' jechic jech chac c'u cha'al jti'vanej bolometic, yu'un xu' chixvoch'iicun ti me mu'yuc boch'o chiscoltaune.

Ezequiel 34:21

Li vo'oxuque laj anet'ic loq'uel ti bu baquic, ti mu'yuc stsatsalique; laj axul ta axulubic, jech ijatov batel avu'unic.

Daniel 11:16

Li boch'o ta stsalvane ta spas c'usi tsc'an yo'nton, me jutuc mu'yuc boch'o xu' yu'un tspoj sbaic o. Te ta xlic comuc o ta lequil banamil yu'un Israel, yu'un xu' yu'un stsalel scotol.

Daniel 11:36

‘Li ajvalil ta nortee ta spas scotol li c'usi tsc'ane. Ep ta stoy sba; muc' chac' sba ta stojol scotol li diosetique, xchi'uc bats'i chopol c'usi chal ta stojol li bats'i Diose. Lec chbat yu'un scotol, ja' to me la sta yorail ch-ac'bat stoj smul yu'un Diose, yu'un li c'usi chapanbil yu'un Diose ta persa ta spas.

Daniel 5:19

Ta sventa ti la smuq'uibtasbe yabtele, jech lic ich'atuc ta muc' yu'un scotol li cristianoetic ta jujun lum, ta jujun banamil, xchi'uc ta jujuchop c'ope; xi'bil o yu'un scotolic. Li boch'o tsc'an tsmile la smil; li boch'o mu sc'an smile mu'yuc la smil. Li boch'o tsc'an chac' ta ich'el ta muq'ue laj yac' ta ich'el ta muc'; li boch'o tsc'an tsbic'tajese solel la sbic'tajes o.

Daniel 5:30

Te no'ox ta yac'ubalil laj yich' milel li Belsasar, ja' li ajvalil yu'un caldeaetique.

Daniel 7:5

“Li xcha'cotale xco'laj xchi'uc oso; stoyoj jun sc'ob, xchi'uc scats'oj ta ye oxch'ix ch'ilte', jech i'albat: ‘Batan, bat sa'o epal ti'bol ati'’, x'utat.

Daniel 8:7

C'alal ic'ot yo' bu cotole, c'otel no'ox c'ot xul; toj c'asel no'ox ic'ot yu'un xchibal li xulube. La sjip ta lum, la xpech' ta teq'uel; solel mu'yuc stsatsal yilel li chije. Mu'yuc boch'o la spoj li tot chije.

Miqueas 5:8

Li scomelal smomnich'nab Jacobe ja' jech chc'otic noxtoc ta stojol yantic lum jech chac c'u cha'al león ti c'alal te oy ta stojol yantic chonbolometique. Ja' jech chc'otic jech chac c'u cha'al león ta stojol jtsob chijetic ti ta ora tstsac me te chjelove, ti biq'uitic tsliline, ti mu jcotuc chcol yu'une.

Deuteronomio 33:17

Toj jun yutsil jech chac c'u cha'al sba xnich'on jcot muc'ta tot vacax. Toj tsots slomo jech chac c'u cha'al muc'ta tot vacax. Ta xul ta xulub scotol lumetic c'alal to ta jujujot sti' li banamile. Ja' jech stsatsal chc'ot li yepal smomnich'nab Efraine. Ja' jech stsatsal chc'ot li epal mil yu'untac Manasese”, xi.