Daniel 8:12 - Bible in Tzotzil de Chenalhó with Deuterocanon

¹² Ta scoj c'usi chopol, jech laj yich' ac'bel ta sc'ob li yu'untac Diose xchi'uc ti bu chich' aq'uel scotol c'ac'al li milbil matanale. Ja' yu'un la sjip ta banamil li c'usi melele, la spas scotol li c'usi tsc'an yo'ntone, ja' to ti bu c'alal ivu' yu'un laj ya'ye.

Bible in Tzotzil de Chamula

¹² Ti ta soquemal sjole, tey laj svol sbaic yu'un ti yajsoldadotac ti bu to ox ta xich' aq'uel ti milbil matanale. Laj sjipbe ta lum sc'oplal ti c'usi ja' melele. Laj spas ti bu xa c'alal xal ti yo'nton ti c'ot ta nopel yu'une, ti vinaj ti cajal c'ot sc'oplal xchi'uque.

Daniel 8:12 Iomraidhean Croise

Job 12:6

Li j'eleq'uetique mu'yuc c'usi xtal ta yo'ntonic te ta snaic; li boch'o mu sc'anic Diose jun yo'ntonic, tsnopic ti ja' oy ta sc'obic li Diose.

Salmos 119:142

Li alequil atuq'uile sbatel osil tuc' o; li mantaletic avu'une puru melelic.

Salmos 119:43

Mu me xapojbun loq'uel ta que jliqueluc li ac'op ti ja' melele, yu'un ja' jpatoj o co'nton yu'un ti tuc' c'usitic avaloje.

Salmos 28:5

Yu'un muc xich'ic ta muc' avabtel; mu'yuc ta yo'ntonic li c'usitic apasoje. ¡Jineso o ta j'ech'el; mu xa me xacha'tots liquel!

Isaías 59:14

Li tuq'uil chapanele bajbil o; li c'usi tuq'ue nom oy ta co'ntoncutic. Li c'usi melele te ic'ot ta ch'ayel ta snail chapanejbail; mu xu' chnopaj o tal li c'usitic tuq'ue.

Jeremías 12:1

Muc'ul Dios, mu smeloluc ti ta jtsaquilanot ta lo'ile, yu'un tuc' scotol li c'usi chapase, pero oy c'usi ta jc'an ta jac'bot. ¿C'u yu'un ti ja' toj lec c'usi tstaic li boch'otic chopolique? ¿C'u yu'un ti lec chbat yu'unic scotol li jlo'lavanejetique?

Daniel 11:28

C'alal tsut ta yosilal li ajvalil ta nortee, toj ep sc'ulejal tsta batel. Ta xlic scontrain li c'usi xchapanoj Diose; ja' no'ox tspas li c'usi tsc'an yo'ntone, jech tsut o batel ta slumal.

Daniel 7:21

Laj quil ilic pleito yu'unic xchi'uc li xch'ul nich'nabtac Dios li jun xulub le'e, pero ja' itsalvan li xulube.

Daniel 8:4

Li tot chije laj quil la xul batel ta stuq'uil smaleb c'ac'al xchi'uc ta stuq'uil norte xchi'uc ta stuq'uil sur. Me jcotuc chonbolom mu xva'i ta sat. Me jcotuc mu xu' chjatov loq'uel ta stojol. La spas li c'usi tsc'an yo'nton tspase, jech yantic to i'ayin stsatsal.

Apocalipsis 13:7

I'ac'bat svu'el sventa tspas pleito xchi'uc li boch'o voc'bilic yu'un Dios li' ta banamile, jech ivu' yu'un la stsal. Jech noxtoc i'ac'bat sventain li cristianoetic ta jujuchop sts'unubal, ta jujun lum, ta jujuchop c'op, xchi'uc ta jujun banamile.

1 Samuel 23:9

Pero li Davide laj ya'ay ti ta xa xtal milaticuc yu'un li Saule, ja' yu'un jech laj yalbe li Abiatare: “Ich'o tal li mocan c'u'ile”, xut.