Daniel 8:10 - Bible in Tzotzil de Chenalhó with Deuterocanon

¹⁰ Solel imuq'uib batel; ic'ot c'alal to yo' bu oy li yu'untac Diose. La sjip ta lum jayibuc li c'analetique; la xpech' ta teq'uel.

Bible in Tzotzil de Chamula

¹⁰ Muq'uib ta j'ech'el ti c'ot c'alal to ti bu oyic ti c'usitic oy ta vinajele, ti laj slilin yalel tal jvoc'uc ti c'analetique. Laj sju'ilan ta teq'uel.

Daniel 8:10 Iomraidhean Croise

Isaías 14:13

Vo'ot ti jech to'ox laj aval ta avo'ntone: ‘Ta ximuy batel c'alal to ta vinajel, c'alal to ta toyol; ta xbat cac' jchotleb ta sba yac'ol li c'analetic yu'un Diose. Te ta xichoti ta xocon norte ta xch'ul vitsal li tsobobbail yu'unique.

Jeremías 48:26

Yacubtasic li Moabe yu'un la stoy sba ta stojol li Muc'ul Diose; yu'un jech ac'o sbonilan sba ta xe, jech ac'o yich' labanel.

Daniel 11:28

C'alal tsut ta yosilal li ajvalil ta nortee, toj ep sc'ulejal tsta batel. Ta xlic scontrain li c'usi xchapanoj Diose; ja' no'ox tspas li c'usi tsc'an yo'ntone, jech tsut o batel ta slumal.

Daniel 11:30

Yu'un ta xtal contrainatuc yu'un yan soldadoetic te chliquic tal ta Quitim; ta barco chtalic. Jech chlic xi'uc sutel. Ts'acal ta xlic sc'ac'al yo'nton yu'un li c'usi chapal yu'un Dios ta sventa yu'untaque. Ta spas li c'usi tsc'an yo'ntone, xchi'uc chlic spas ta co'ol yo'nton xchi'uc li boch'otic scomtsanojic c'usi xchapanoj Diose.

Daniel 7:7

“Li xchanibal laj quile toj yan to x'elan, toj xi'bal sba, xchi'uc toj ven ech'em stsatsal ta jyalel. Li stanal yee puru muc'tic yijiquil tsatsal taq'uin yilel, ta xvoch'i, ta slilin ta jyalel li sve'ele; li scomelale ta xpech'ilan ta teq'uel. Toj yan o ta jyalel, mu xco'laj xchi'uc li yantic laj quil ta ba'yuque; oy lajuneb xulub noxtoc.

Daniel 8:7

C'alal ic'ot yo' bu cotole, c'otel no'ox c'ot xul; toj c'asel no'ox ic'ot yu'un xchibal li xulube. La sjip ta lum, la xpech' ta teq'uel; solel mu'yuc stsatsal yilel li chije. Mu'yuc boch'o la spoj li tot chije.

Apocalipsis 12:4

Ta sne la smec yalel tal jutuc mu o'loluc li c'analetic ta vinajele; la sjip yalel c'alal to ta banamil. Li chone te cotol ic'ot ta sts'el li ants ti ta xa xcuxe, yu'un tsmala chvoc' li yole, yu'un tsc'an tsti' ta ora.