Daniel 7:9 - Bible in Tzotzil de Chenalhó with Deuterocanon

⁹ “Te jq'ueloj o c'alal laj yaq'uic lequil chotlebaletic. Te ichoti li Boch'o mu sna' xlaj yoraile. Li sc'u'e toj ven sac jech chac c'u cha'al tayo; li stsotsil sjole sac ta jyalel jech chac c'u cha'al saquil tsots. Li xchotlebe tsanal yilel jech chac c'u cha'al yat c'oc'; li yacantac xchotlebe xpulpun sc'ac'al yilel.

Bible in Tzotzil de Chamula

⁹ Mu'yuc jch'ay jliqueluc jsat ta sq'uelel c'alal to c'uxi lic yaq'uic ti jun chibuc ti muc'tic chotlebale, ti ja' jun Mol ti tey tal chotluque. Ti Mol taje, co'ol s'elan saquil bot ti sc'u' slapoje, ti sac mesan no'ox jech c'u cha'al saquil tsots ti stsotsil sjole. Ti xchotlebe, co'ol s'elan leb c'oc' ti scarosaltaque.

Daniel 7:9 Iomraidhean Croise

1 Reyes 22:19

Li Micaiase jech to laj yal: —A'yo ava'ay c'usi chal li Muc'ul Diose: Li Muc'ul Diose laj quil te chotol ta muc'ta chotlebal. Te xchi'uc scotol li soldadoetic yu'un te oy ta vinajele; te va'ajtic ta sbats'ic'ob xchi'uc ta sts'et.

2 Crónicas 18:18

Li Micaiase jech to laj yal: —A'yo ava'ay c'usi laj yalbun li Muc'ul Diose. Laj quil chotol ta xchotleb li Muc'ul Diose, te xchi'uc scotol li yaj'almantaltac ta vinajele, te va'ajtic ta sbats'ic'ob, ta sts'etc'ob.

Salmos 45:8

Li ac'u' apoq'ue lec xa ac'bil muil poxil, ja' li mirra, áloe, xchi'uc casiae. Chastoyicot lec ta sonetic te ta apasubmantal ti pasbil ta sts'uts'up tsemene.

Salmos 90:2

Ta vo'one c'alal mu'yuc to'ox ch-ayin li vitsetique, c'alal mu'yuc to'ox ch-ayin li banamil xchi'uc li c'usitic oye, vo'ot ono'ox Diosot o; sbatel osil te oyot o.

Salmos 93:2

Muc'ul Dios, ta sliquebal ono'ox staoj lec snacleb o li achotlebe; atalel te oyot o sbatel osil.

Isaías 6:1

Ta sjabilal c'alal icham li ajvalil Uziase, laj quil chotol ta smuc'ta chotleb li Cajvaltique. Lec toyol li xchotlebe; li snatilc'u'e nojem yu'un li yut ch'ulnae.

Isaías 9:6

Yu'un ivoc' jun querem ta jtojoltic; lij'ac'bat jun nich'onil. Ja' ac'bil tsots yabtel sventa tspas mantal; ja' jech sbi ch-ac'bat: Ech'em Yutsil, Jbijubtasvanej, Tsatsal Dios, Totil Sbatel Osil, J'ac'-Jun-O'ntonal, xi sbi chc'ot.

Jeremías 49:38

Vu'un li Muc'ul Diosune ta xcac' lec jchotleb te ta Elam; ta jmilbe li ajvaliletic xchi'uc li banquilaletic yu'une.

Ezequiel 1:26

Te ta sba li c'usi te sepel ta yac'ol sjolique oy jun muc'ta chotlebal yilel pasbil ta safiro ton. Te ta sba li chotlebale oy boch'o te chotol xco'laj xchi'uc vinic.

Daniel 7:13

“C'alal te to jbats'il o vaychinele, “laj quil oy Boch'o chyal tal ta toc ta vinajel xco'laj xchi'uc cristiano yilel. Te ivul yo' bu oy li Boch'o mu sna' xlaj yoraile; te la snopajesic batel ta stojol.

Daniel 7:22

Ja' to ti c'alal ital li Boch'o mu sna' xlaj yoraile, la scolta li xch'ul nich'nabtac Diose, yu'un ic'ot xa yorail ti ja' chlic spasic mantal li xch'ul nich'nabtac Dios ta vinajele.

Miqueas 5:2

Vo'ot, Belén Efrata, biq'uitot ta scotol li jaychop sts'unubal Judae, pero ja' te ta xloc' ta atojol li Ajvalil yu'un Israele. Vo'one ono'ox sliquel tal sts'unubal.

Habacuc 1:12

Muc'ul Dios cu'un, Ch'ul Dios cu'un, vo'ot ti te ono'ox oyot ta sliquebale, vo'ot ti mu xana' xacham oe. Vo'ot li Muc'ul Diosote, li c'usi anopoj chapase ja' no'ox sventa chatuq'uibtasuncutic. Vo'ot ti xco'laj xchi'uc muc'ta ton c'otemot cu'une, ja' no'ox ta sventa chavac'bun jtoj li jmulcutique.

San Mateo 17:2

Li Jesuse te lic c'atajuc ta stojolic. I'ayin xojobal sat jech chac c'u cha'al xojobal c'ac'al. Solel isacub li sc'u'e jech chac c'u cha'al luz.

San Mateo 28:3

Li j'almantale oy xojobal, xco'laj xchi'uc sacsevul. Li sc'u'e bats'i sac ta jyalel jech chac c'u cha'al tayo.

Marcos 9:3

Li sc'u' Jesuse isacub ta jyalel jech chac c'u cha'al tayo. Mu'yuc boch'o jech sna' xchuc'umaj ta sbejel banamil ti toj saque.

Hechos 2:30

Yu'un li Davide ja' j'alc'op yu'un Dios. Sna'oj ti albil ono'ox ta jamal yu'un Dios ti jun smomnich'on ta xlic chotluc ta xchotleb sventa ajvalilale.

Hechos 2:33

Jech noxtoc i'ic'at muyel ta vinajel te ta sbats'ic'ob Dios. Jech i'ac'bat yu'un Jtotic Dios li Ch'ul Espíritu ti yaloj ono'ox ta xaq'ue, ja' ti laj avilic laj yac' yalel tal li'i. Jech laj xa avilic, laj xa ava'yic.

Filipenses 3:9

Xchi'uc jech jun chic'ot o jchi'uc. Muc xa ja'uc ta sventa mantaletic ti mu'yuc jmule, ja' xa ta sventa xch'unojel co'nton ta stojol li Cristoe. Yu'un ti c'u x'elan mu'yuc jmul chijyilutic Diose ja' ta sventa xch'unojel co'ntontic.

1 Timoteo 6:16

Ja' no'ox stuc ti stalel cuxul, ti mu sna' xcham oe. Nacal ta tsots xojobal; mu'yuc boch'o xu' ta xnoch'aj batel. Me junuc cristiano mu'yuc boch'o yiloj, mu'yuc boch'o xu' tsq'uel. Stuc no'ox ac'o ich'atuc ta muc'. Stuc no'ox ac'o spas mantal sbatel osil. Jechuc.

1 Juan 1:5

Li'i ja' li sc'op Jesucristo laj yalbuncutique, jech ta xcalcutic ava'yic ec. Li Diose ja' luz, me jutuc mu'yuc ic' osil ta stojol.

Apocalipsis 1:14

Li sjole xchi'uc li stsotsil sjole sac jech chac c'u cha'al saquil tsots, sac jech chac c'u cha'al tayo. Li jujubej sate xpulpun no'ox jech chac c'u cha'al yat c'oc'.

Apocalipsis 19:18

Ja' chati'beic sbec'tal li ajvaliletique, li banquilal soldadoetique, li boch'o tsots yo'ntonic ta paspleitoe, xchi'uc chati'beic sbec'tal ca'etic xchi'uc li boch'otic scajlebinojique, xchi'uc chati'beic sbec'tal boch'ouc no'ox, me ochemic ta mozoil, me muc ochemicuc ta mozoil, xchi'uc c'alal ta muc' ta biq'uit”, xut.

Apocalipsis 20:4

Ts'acal laj quil te oy ep chotlebaletic. Ja' te ichotiic li boch'o i'ac'bat yabtelic sventa chchapanvanique. Te laj quilbe xch'ulelic noxtoc li boch'o imilatic ta sventa ti jamal laj yalbeic sc'oplal li Jesuse, xchi'uc ta sventa ti jamal laj yalic li sc'op Diose. Ja' ti muc ono'ox xich'ic ta muc' li ba'yuc jti'vanej bolome xchi'uc li sloc'obale, xchi'uc ti muc xich'beic smarcail ta sti'baic, o me ta sc'obique. Laj quil icha'cuxi scotolic; jmil jabil co'ol la spasic mantal xchi'uc li Cristoe.

Apocalipsis 4:2

Jech ta ora no'ox la sventainun svu'el li Espiritue, jech laj quil jun muc'ta chotlebal ta vinajel. Oy boch'o te chotol tspas mantal.