Daniel 7:7 - Bible in Tzotzil de Chenalhó with Deuterocanon

⁷ “Li xchanibal laj quile toj yan to x'elan, toj xi'bal sba, xchi'uc toj ven ech'em stsatsal ta jyalel. Li stanal yee puru muc'tic yijiquil tsatsal taq'uin yilel, ta xvoch'i, ta slilin ta jyalel li sve'ele; li scomelale ta xpech'ilan ta teq'uel. Toj yan o ta jyalel, mu xco'laj xchi'uc li yantic laj quil ta ba'yuque; oy lajuneb xulub noxtoc.

Bible in Tzotzil de Chamula

⁷ Ti xchanibal xi'bal sba jti'oval chon ti li'ac'bat quil ti c'alal jam ti jba jsate, toj ech'em xi'elal ta j'ech'el, ti stuc xa no'ox jech xu' yu'un ta j'ech'ele. Jun to snatiquil stanal ye, ti ja' tsatsal taq'uin yilele, ti naca smilan no'ox scotole. Mu no'ox ta yeuc ta xa'i ti ta slilinane. Ta sju' comel ta teq'uel ti c'u yepal ti scomelale. Ja' jun jti'oval chon ti stuc no'ox yan o ta q'uelel ta scotol ti c'u yepal laj quil ta jvaiche. Yu'un oy lajuneb (10) xulub ta sjol laj quil.

Daniel 7:7 Iomraidhean Croise

2 Samuel 22:43

La jcules scotol jech chac c'u cha'al pucuc; la jpech'ilan ta teq'uel jech chac c'u cha'al ach'eltic ta xoral.

Job 41:14

¿Boch'o xu' yu'un chjach'be ye ti cholol no'ox stanale, xchi'uc ti toj xi'bal sbae?

Ezequiel 40:2

Ta jch'ulel laj yic'un batel ta yosilal Israel. Te c'ot sva'anun ta jun toyol vits. Laj quil oy jun muc'ta lum te ta stuq'uil sur.

Daniel 2:19

Li Daniele ta yac'ubalil no'ox i'ac'bat yil li c'usi mu sna'ique, jech lic yalbe slequilal li Dios ta vinajele,

Daniel 7:13

“C'alal te to jbats'il o vaychinele, “laj quil oy Boch'o chyal tal ta toc ta vinajel xco'laj xchi'uc cristiano yilel. Te ivul yo' bu oy li Boch'o mu sna' xlaj yoraile; te la snopajesic batel ta stojol.

Daniel 7:2

“Vu'un li Danielune, oy c'usi laj quil ta jvayech ta ac'ubaltic. Laj quil chanib ic' ital ta vinajel; la syuq'uilan li muc'ta nabe.

Daniel 8:10

Solel imuq'uib batel; ic'ot c'alal to yo' bu oy li yu'untac Diose. La sjip ta lum jayibuc li c'analetique; la xpech' ta teq'uel.

Daniel 8:22

Li xulub ti ic'oc loq'uel laj avile, xchi'uc ti te ich'i tal yan chanib xulub ta yave, ja' smelol ti ta to xlic chanib ajvaliletic ta banamile, pero mu sta jech stsatsal jech chac c'u cha'al li ba'yuc ajvalile.

Zacarías 2:1

C'alal la jtoy jsat yan veltae, laj quil jun vinic stsacoj ta sc'ob jc'om ch'ojon sventa oy c'usi tsbis.

Apocalipsis 12:3

Ta ora ivinaj yan senyail noxtoc ta vinajel. Laj quil te cotol jcot tsajal chon, dragón sbi; oy vucbej sjol, lajuneb xulub. Oy scoronail svucubal li sjole.

Apocalipsis 13:1

Ts'acal bat va'lucun ta yi'tic ta ti'nab. Te laj quil iloc' tal ta nab jcot muc'ta chon, vucbej sjol xchi'uc lajuneb xulub. Li jujun xulube oy scoronail. Li jujubej sjole te ts'ibabil sbi; ja' biil ti chopol chc'opoj ta stojol li Diose.

Apocalipsis 17:12

“Li lajuneb xulub laj avile ja' senyail lajuneb ajvaliletic, pero mu'yuc to ch-ochic ta pasmantal. Ts'acal co'ol ta xich' yabtelic ta ajvalilal xchi'uc li jti'vanej bolome, pero jun no'ox hora chich' yabtelic.

Apocalipsis 17:7

Li j'almantale jech la sjac'bun: “¿C'u yu'un ti chch'ay avo'ntone? Vu'un chacalbot c'usi smelol li ants le'e xchi'uc li jti'vanej bolom scajlebinoj ti vucbej sjole, ti lajuneb xulube.

Apocalipsis 17:8

Li jti'vanej bolom laj avile ja' to'ox, pero tana mu xa ja'uc. Ta xa xloc' tal ta natil xab sventa chbat ta lajel. Li jnaclumetic ta banamil ti mu'yuc ono'ox ts'ibabil sbiic ta vun sventa cuxlejal c'alal ilic li banamile chch'ay yo'ntonic, yu'un sna'ic ti ja' to'oxe, ts'acal mu xa ja'uc, pero ts'acal chloc' tal yan velta noxtoc.