Daniel 7:4 - Bible in Tzotzil de Chenalhó with Deuterocanon

⁴ Li sbae xco'laj xchi'uc león, oy xic' jech chac c'u cha'al xic. Te jq'ueloj laj yich' c'ocbel li xiq'ue. Laj yich' va'anel ta sba banamil, iva'i ta yacan jech chac c'u cha'al cristiano. Laj yich' ac'bel sjol yo'nton jech chac c'u cha'al sjol yo'nton cristiano.

Bible in Tzotzil de Chamula

⁴ Ti bu ba'yel laj quile, co'ol s'elan jcot león yilel. Ja' no'ox un, oy xic' jech c'u cha'al ti xique. C'alal ja' o batem jsat xchi'uc ta sq'uelele, laj quil ti laj yich' loq'uesbel ti xic'taque. Lic stoybeic liquel ti sjole. Laj stec'anbeic lec ti svalopat acan ta lumtique. Va'al lec com yu'unic jech c'u cha'al junuc vinic. Lic ayanuc snopobil yu'un jech c'u cha'al snopobil yu'un jun vinic.

Daniel 7:4 Iomraidhean Croise

2 Samuel 1:23

“Li Saúl xchi'uc Jonatane lec c'anbilic, lec ilbilic. Muc svoc' sbaic o ti jayib c'ac'al cuxulique, jech muc svoc' sbaic o c'alal to ichamic. Lec anil xanovic jech chac c'u cha'al xic. X'ech' to slomoic jech chac c'u cha'al leonetic.

Job 25:6

¡Buuc xa li cristiano ti ja' jech chac c'u cha'al jcot xuvite! —xi li Bildade.

Salmos 9:20

Muc'ul Dios, tic'bo xi'el ta yo'ntonic; ac'bo sna'ic ti mu'yuc c'usi xu' yu'unique, yu'un cristianoetic no'ox.

Jeremías 25:38

Yu'un ja' jech chloc' tal jech chac c'u cha'al jcot león ti chloc' tal ta xch'ene, jech ta syavnaijes scotol li yosilalique, yu'un liquem sc'ac'al yo'nton li Muc'ul Diose; bats'i toj tsots i'ilin li j'ulesvaneje.

Jeremías 4:13

Q'uelavilic, li avajcontraique toyolic no'ox xchechte-chechteic tal jech chac c'u cha'al toc; li scaretaique ja' jech chac c'u cha'al sutub ic' ta xtal; li sca'ique bats'i xviletic no'ox tal ta anil jech chac c'u cha'al xic. ¡Ay, toj abul jbatic, yu'un lij'och xa o ta c'abal!

Jeremías 4:7

Li leone loq'uem xa tal ta xch'en; li boch'o ta sjines jujun banamile sbats'il xa tal xanubal, loq'uem xa tal ta yosilal, yu'un chtal yules li avosilalic, li lumetic avu'unique; ta sjines comel, mu'yuc xa yajval chcom yu'unic o.

Jeremías 48:40

Jech chal noxtoc li Muc'ul Diose: “A'yo ava'yic, ta xvil tal jech chac c'u cha'al jcot xic li yajcontra Moabe; ta xlich'an tal lec xic' ta stojol li Moabe.

Jeremías 49:19

Ta xital jech chac c'u cha'al jcot león chloc' tal ta toyolal te'tic ta uc'um Jordán, ti chbat yo' bu lec sve'el li chijetique. Ta xcac' jatovicuc loq'uel ta anil li edometique, xchi'uc ta xcac' pasaticuc ta mantal yu'un li boch'o t'ujbil cu'un ch-och ta ajvalilale. ¿Me oy boch'o xco'laj jech chac c'u cha'al li vu'une? ¿Me oy boch'o xu' chistsalun? ¿Me oy junuc jchabichij ti xu' yu'un chtal sva'lebinune?

Lamentaciones 4:19

Li jnutsvanejetic cu'uncutique ta vilel no'ox chtalic ta anil jech chac c'u cha'al xiquetic; snutsojuncutic batel ta vitsetic, la smacuncutic ta be te ta xocol banamil.

Ezequiel 17:3

jech xavalbe: ‘Jech chal li Muc'ul Diose: Oy jun muc'ta xic ic'ot ta Líbano, lec muc'tic xic', xchi'uc lec natic, lec pim, xchi'uc ep ta cap sc'uc'umal; la sc'ocbe batel sni' li ch'ut te'e.

Ezequiel 28:2

“Vo'ot xnich'on cristiano, jech xavalbe li banquilal ta Tiroe: ‘Jech chayalbot li Muc'ul Diose ja' li Cajvaltique: Li vo'ote toj muc' laj avac' aba, jech laj anop: Li vu'une ja' jechun jech chac c'u cha'al jun dios, chotolun ta jun ch'ul chotlebal li' ta o'lol nab, xachi. Pero cristianoot no'ox, muc diosucot; li vo'ote laj anop ti co'ol jech chac c'u cha'al yo'nton dios li avo'ntone.

Ezequiel 28:9

Vu'un Diosun ¿me xu' to xachi ta stojol li boch'o chtal scontrainote? Ta melel muc diosocot cha'yic li boch'otic ta xtal smilicote.

Daniel 2:38

Laj yac'bot ta ac'ob scotol ta buyuc xa no'ox nacalic batel li cristianoetique, xchi'uc li chonbolometique, xchi'uc li mutetique; laj yac'bot aventain scotol. Ja' yu'un vo'ot senyailot li sjol loc'om pasbil ta c'anal taq'uine.

Daniel 4:36

“Te no'ox ta sc'ac'alil ital lec jrazon yan velta. Isut tal scotol li cabtel sventa ajvalilale xchi'uc li jmuc'ule, li jlequilale. Li ajvaliletic xchi'uc li quich'umc'optac ta abtel ti bu c'alal jventainoje ital sa'icun, jech te linaqui lec ta cabtel yan velta. Ech'em to li'ac'at ta ich'el ta muc'.

Daniel 7:12

Li yantic muc'tic chonbolometique laj yich'ic pojbel stsatsalic ec, pero laj to yich'ic natubtasbel yorailic jayibuc c'ac'al.

Daniel 7:5

“Li xcha'cotale xco'laj xchi'uc oso; stoyoj jun sc'ob, xchi'uc scats'oj ta ye oxch'ix ch'ilte', jech i'albat: ‘Batan, bat sa'o epal ti'bol ati'’, x'utat.

San Mateo 24:28

Jech chac c'u cha'al ti bu oy c'usi chamene, te ta stsob sbaic batel li xulemetique.

Deuteronomio 28:49

Li Muc'ul Diose ta stacboxuc tal ta atojolic cristianoetic ta yan banamil ti bats'i nom nacalique, ti mu xava'ibeic sc'opique. Ja' jech ta ora no'ox ta xtal ta atojolic jech chac c'u cha'al chvil jcot xic.

Apocalipsis 13:2

Li muc'ta chon laj quile xco'laj xchi'uc jti'vanej bolom. Li yoc sc'obe xco'laj xchi'uc yoc sc'ob oso. Li yee ja' jech chac c'u cha'al ye león. Li dragone laj yac'be svu'el jech chac c'u cha'al svu'el stuc. Laj yac'be spas mantal jech chac c'u cha'al tspas mantal stuc. Tsots yabtel laj yac'be.