Daniel 7:2 - Bible in Tzotzil de Chenalhó with Deuterocanon

² “Vu'un li Danielune, oy c'usi laj quil ta jvayech ta ac'ubaltic. Laj quil chanib ic' ital ta vinajel; la syuq'uilan li muc'ta nabe.

Bible in Tzotzil de Chamula

² Ti ta jvaiche, laj quil ti xvo'o'et no'ox talel ic' ta xchanjotal ti banomile, ti xyuq'uet no'ox ta jujujot yu'un ti muc' ta nabe.

Daniel 7:2 Iomraidhean Croise

Isaías 17:12

A'yo ava'yic, le' xa ch-avanic tal epal cristianoetic ta yantic banamil; xc'uletic no'ox tal jech chac c'u cha'al chbac' muc'ta nab; xvochetic no'ox tal jech chac c'u cha'al chbac' nojelal uc'um.

Jeremías 49:36

Ta jtacbe tal ta stojol li muc'ta iq'uetic ta xchanjotal xchiquin vinajel, yu'un jech ac'o spuc sbaic batel ta buyuc no'ox; mu'yuc xa bu junuc lum ti mu'yuc boch'o chc'ot snac' sba tee.

Jeremías 51:42

Imuc ta nab li Babiloniae; imuc ta stsatsal syuc'benal li nabe.

Daniel 11:4

C'alal sventainoj xa'ox leque, ta xlic yich' soquesbel ti c'u smuc'ul sventainoje. Ta xich' voq'uel ta chanvoc'. Pero ma'uc sventa chich' smomnich'nabtac, xchi'uc mu xa jechuc smuc'ul tsventain jech chac c'u cha'al sventainoj ono'oxe. Yu'un li yabtele j'ech'el chich' pojbel o; yantic xa boch'o ta x'och sventainan.

Daniel 2:19

Li Daniele ta yac'ubalil no'ox i'ac'bat yil li c'usi mu sna'ique, jech lic yalbe slequilal li Dios ta vinajele,

Daniel 7:13

“C'alal te to jbats'il o vaychinele, “laj quil oy Boch'o chyal tal ta toc ta vinajel xco'laj xchi'uc cristiano yilel. Te ivul yo' bu oy li Boch'o mu sna' xlaj yoraile; te la snopajesic batel ta stojol.

Daniel 7:7

“Li xchanibal laj quile toj yan to x'elan, toj xi'bal sba, xchi'uc toj ven ech'em stsatsal ta jyalel. Li stanal yee puru muc'tic yijiquil tsatsal taq'uin yilel, ta xvoch'i, ta slilin ta jyalel li sve'ele; li scomelale ta xpech'ilan ta teq'uel. Toj yan o ta jyalel, mu xco'laj xchi'uc li yantic laj quil ta ba'yuque; oy lajuneb xulub noxtoc.

Daniel 8:2

Ta jvayech te oyun ta muc'ta lum Susa, ja' li muc'ta lum te ta Elam banamile. Te va'alun ta ti' uc'um Elai laj quil.

Daniel 8:8

“Li tot tentsune yantic to laj yich' lec stsatsal ta jyalel. C'alal yich'oj lec stsatsale, ic'as loq'uel li smuc'ta xulube, pero te no'ox ich'i tal yan chanib xulub noxtoc. Li chanib xulube sq'uelanoj batel ta xchanjotal xocon vinajel.

Zacarías 6:5

Jech la stac'bun: “Le'e ja' senyail li ic' ta xchanjotal xchiquin vinajel ti te chloc' tal ta stojol li Yajval sbejel banamile.

San Mateo 24:31

Tsots ta xich' jupanel oq'ues c'alal ta jtac tal li j'almantaletic cu'une. Ja' ta xtal stsobic scotol li boch'otic t'ujbilic cu'un ta xchanjotal xchiquin banamile.

Apocalipsis 17:15

Jech laj yalbun noxtoc: “Li epal vo' yo' bu chotol jmulavil ants laj avile ja' senyail epal cristianoetic ta jujun lum, ta jujun banamil, xchi'uc ta jujuchop c'op.

Apocalipsis 7:1

Ts'acal laj quil chanib j'almantaletic te va'ajtic ta xchanjotal xchiquin banamil. Ja' spajesojic li ic' ta xchanjotal xchiquin banamile, yu'un jech mu me xtal ic' li' ta banamil, xchi'uc ta nab, xchi'uc jech mu me xnic ta ic' jbejuc te'.