Daniel 7:10 - Bible in Tzotzil de Chenalhó with Deuterocanon

¹⁰ Te iloc' tal ta stojol jun uc'um, xco'laj xchi'uc c'oc'. Ta mil (1,000) no'ox li boch'otic chtunic ta stojole; ta millón (1,000,000) no'ox li boch'otic te va'alic ta stojole. Li Jchapanvaneje ichoti ta xchotleb; laj yich' jamel li vunetique.

Bible in Tzotzil de Chamula

¹⁰ Co'ol s'elan leb c'oc' ti uc'um ta xloc' talel ti bu oye. Ja' jech xtoc ep ta mil ti yac'oj sbaic ta tunel tey ta stojole. Yan ti buch'utic naca va'ajtic ta sts'ele, mu xa ono'ox albajuc jaylajun-mil ta j'ech'el. Jech ti Buch'u chotol ta xchapanvane lic sliques ti c'usi ta xich' chapanele. Jech xtoc laj yich' jamel ti jujupoc vunetique.

Daniel 7:10 Iomraidhean Croise

1 Reyes 22:19

Li Micaiase jech to laj yal: —A'yo ava'ay c'usi chal li Muc'ul Diose: Li Muc'ul Diose laj quil te chotol ta muc'ta chotlebal. Te xchi'uc scotol li soldadoetic yu'un te oy ta vinajele; te va'ajtic ta sbats'ic'ob xchi'uc ta sts'et.

2 Crónicas 18:18

Li Micaiase jech to laj yal: —A'yo ava'ay c'usi laj yalbun li Muc'ul Diose. Laj quil chotol ta xchotleb li Muc'ul Diose, te xchi'uc scotol li yaj'almantaltac ta vinajele, te va'ajtic ta sbats'ic'ob, ta sts'etc'ob.

Job 25:3

Li yajsoldadotaque mu xlaj ta atel; xojoban no'ox sluz ta stojol scotol cristianoetic.

Salmos 103:21

Albeic slequilal Muc'ul Dios acotolic vo'oxuc li yajsoldadooxuque ti te chatunic o ta stojol, ti chapasbeic c'usitic tsc'an yo'ntone.

Salmos 18:8

Yu'un xco'laj xchi'uc iloc' ch'ayil ta sni'; ja'o iloc' c'oc' ta ye ti chchic'vane, ja'o iloc' tsanajtic ac'al ta ye.

Salmos 50:3

Li Dios cu'untique ta xtal, pero muc jeche'uc ch'anxi ti c'alal ta xtale; ta xtal xchi'uc c'oc' ti chchic'vane, joyibtabil tal ta tsatsal ic'.

Salmos 68:17

Li Diose ta millón no'ox oy yu'un li caretaetic sventa pleitoe; li Cajvaltique te chtal ta Sinaí yo' bu oy li xch'ulnae.

Isaías 30:27

Q'uelavilic, le' xa xtal stuc li Muc'ul Diose. Tsanem tal yilel li sate; bats'i ic'uben no'ox xch'ayilal. Li yee nojem tal ta sc'ac'al yo'nton; li yoq'ue ja' jech chac c'u cha'al c'oc' ti chchic'vane.

Isaías 30:33

Yu'un vo'one xa chapanbil ta sventa Asiria xchi'uc ajvalil yu'un li yavil muc'ta vocol ti mu albajuc c'u sjamlej, xchi'uc ti mu albajuc c'u snatil xchaque. Te tsanal o li c'oq'ue, yu'un toj ep si'il; ta yic'al ye no'ox Muc'ul Dios ta stsan; ja' ti chloc' ep azufre ta ye jech chac c'u cha'al nio'e.

Daniel 12:1

‘C'alal ja'o jech chc'ot ta pasele, ja'o chlic li banquilal j'almantal Miguele, ja' li boch'o tscolta achi'iltaque. ‘Ja' yorail chlic tsots vocol c'uuc sjalil. Li vocol chtale mu'yuc ono'ox bu jech c'otem ta pasel c'alal lic ayinuc li cristianoetique. Ja'o yorail chlic colicuc li achi'iltaque, ja' li boch'otic tsacajtic ta vun sbiique.

Daniel 7:22

Ja' to ti c'alal ital li Boch'o mu sna' xlaj yoraile, la scolta li xch'ul nich'nabtac Diose, yu'un ic'ot xa yorail ti ja' chlic spasic mantal li xch'ul nich'nabtac Dios ta vinajele.

Daniel 7:26

Pero ta xlic xchapan li Jchapanvaneje; Ta slajesbe o stsatsal li yabtele; j'ech'el tstu'pbe o sc'oplal.

Zacarías 14:5

Ja' te chajatovic batel ta stenlejaltic ti cacal ta o'lol yu'un li vitsetique, yu'un li stenlejaltique chc'ot c'alal to ta Azal. Ja' jech chc'ot ta pasel jech chac c'u cha'al lajatovic yu'un niquel ta yorail c'alal tiq'uil ta ajvalilal ta Judá li Usiase. Yu'un li Muc'ul Dios cu'une ta xchi'in tal li boch'otic te oyic ta vinajele.

San Mateo 25:31

Jech laj yal noxtoc li Jesuse: “C'alal chital jchi'uc jxojobal, vu'un ti Xnich'on cristiano lic'ote, ta jchi'in tal scotol li ch'ul j'almantaletique; ja'o chlic chotlicun ta jchotleb ti jun yutsil slequile.

Deuteronomio 33:2

Jech laj yalbe chac li'i: “Li Muc'ul Dios cu'untique ilic tal ta Sinaí; la sacubtasbutic c'alal to ta Seir. Sacjaman yu'un c'alal to ta vits Parán; staoj c'alal to ta Meriba-cades; ta sbats'ic'ob yich'ojbutic tal li mantaletic yu'une.

Hebreos 1:14

Yu'un li j'almantaletique ja' no'ox chtunic yu'un Dios. Tacbilic no'ox yu'un Dios, yu'un ac'o bat scoltaic li boch'otic sc'oplal chcolic sbatel osile.

Hebreos 12:22

Li vo'oxuque ja' lanopajic tal ta vits Sión, ja' li slumal cuxul Diose, ja' li ach' Jerusalén te ta vinajel yo' bu xchi'inoj ep ta mil (1,000) j'almantaletique,

Judas 1:14

Jech ec li Enoc ti ja' svucc'olal xa smomnich'on Adane, lec jamal laj yal c'usi chc'ot ta pasel ta stojol li cristianoetic le'e: “Laj quil ital li Cajvaltique, xchi'uc tal ep ta mil yaj'almantaltac.

Apocalipsis 11:18

Liquem sc'ac'al yo'ntonic li cristianoetic ta jujun banamile, pero ic'ot xa sc'ac'alil chavac'be stojic ta sc'ac'al avo'nton. Laj xa sta yorail chachapan li boch'otic chamenique, xchi'uc laj xa sta yorail chavac'be smoton li avajtuneltac, ja' li j'alc'opetique, xchi'uc li boch'otic voc'bilic avu'un ti yich'ojicot ta muq'ue. Chavac'be smotonic c'alal ta muc' ta biq'uit, xchi'uc laj xa sta yorail chavules o li boch'otic la socbeic yo'nton li cristianoetic li' ta banamile”, xiic ta stojol.

Apocalipsis 5:11

C'alal jq'ueloje, laj ca'ay chc'opoj epal j'almantaletic te ta joyob li chotlebale, xchi'uc ta joyob yo' bu oy li chanibique xchi'uc li chanib xcha'vinic (24) banquilaletique. Li j'almantaletique bats'i ep ta millón ta jyalel.