Daniel 7:1 - Bible in Tzotzil de Chenalhó with Deuterocanon

¹ C'alal sba to jabil yochel ta ajvalilal ta Babilonia li Belsasare, li Daniele ivaychin, xchi'uc oy c'usi i'ac'bat yil ta xch'ulel ti c'alal ja'o te mochol ta svayabe. Ta ora la sts'iba ta vun li c'usitic tsotsic sc'oplal laj yil ta xvayeche. Jech la sts'iba:

Bible in Tzotzil de Chamula

¹ Oy jun ac'ubal, ti c'alal ja' to ox sliqueb jabil yochel ta ajvalil ta Babilonia ti Belsasare, jech ti Daniele vaichinaj ti oy c'usi ac'bat yil ti c'alal jam ti sba sate. C'alal julave, lic sbejan ta vun ti jaytos tsotsic sc'oplal ti c'usi laj svaichintae. Ti c'usi laj sbejan ta vune, jech c'u cha'al li'e:

Daniel 7:1 Iomraidhean Croise

Génesis 15:1

Ts'acal to, li Muc'ul Diose la sc'opan ta xvayech li Abrame, jech laj yalbe: —Mu xaxi' Abram. Vu'un jchabivanejun avu'un. Li amotone toj ep chata —xut.

Génesis 46:2

Te ta yac'ubalil ic'opanat ta xvayech yu'un Dios li Israele. Jech i'albat: —Jacob —x'utat. —Li' oyune —xi itac'ov li Jacobe.

Job 4:13

Ta ac'ubaltic c'alal ja'o yorail chvay scotol cristianoetique, oy c'usi tsots laj quil ta jch'ulel.

Isaías 30:8

Batan me ta ora, bat ts'ibao ta junuc pech'pech' te' li c'usi chacalbot li'i, xchi'uc ts'ibao lec comel ta vun, yu'un te ac'o comuc o sventa chtun ta ts'acal, sventa chich' na'bel o sc'oplal sbatel osil.

Isaías 8:1

Li Muc'ul Diose jech laj yalbun: “Tsaco junuc muc'ta pech'pech' te'. Jech xats'iba: ‘Maher-salal-hasbaz’, xi xats'iba. Lec xbejlajet xats'iba ti c'u cha'al lec c'un ta q'uelele.

Jeremías 23:28

Me oy jun j'alc'op ti chvaychine, ac'o yal ti tojol vaychil no'oxe. Me ja' laj ya'ay li c'usi chcale, ja' no'ox ac'o yal li c'usi laj cal ta melele. ¿Me co'ol oy stu li bec' trigo xchi'uc li ste'ele?

Jeremías 27:7

Scotol li muc'tiquil lumetique ja' chlic tunicuc yu'un, xchi'uc xnich'nab, xchi'uc smomnich'nabtac, ja' to me la sta sc'ac'alil i'och ta sc'ob yantic banamil, muc'tic ajvaliletic ec li yosilale.

Jeremías 36:32

Li Jeremiase la stsac yan balbil vun, laj yac'be li Baruque, ja' li jts'ibajom xnich'on Neriase. Ja' te la sts'iba scotol c'usi laj yal li Jeremiase, ja' ti c'usi ts'ibabil ono'ox ta yan balbil vun ti la xchic' ta c'oc' li Joacim ajvalil ta Judae. Li Jeremiase laj to yac'be ep xchi'il ti co'oltic smelole.

Jeremías 36:4

Li Jeremiase la stac ta iq'uel li Baruc xnich'on Neriase; laj yalbe scotol li c'usi i'albat yu'un Muc'ul Diose. Li Baruque ja' lic sts'iba ta jun balbil vun scotol.

Ezequiel 1:1

C'alal ja'o te oyun ta ti' muc'ta uc'um Quebar ta Babilonia banamil yo' bu chucbiluncutic batel jchi'uc yantic jchi'iltaque, laj quil ijam li vinajele; te laj quil ta jch'ulel li Diose. Ja' ta yo'bal c'ac'al stsacoj xchanibal u ta slajunebal xcha'vinic (30) jabil, ja' yo'bal jabil xa'ox xchuquel batel ta Babilonia ec li ajvalil Joaquine.

Ezequiel 40:2

Ta jch'ulel laj yic'un batel ta yosilal Israel. Te c'ot sva'anun ta jun toyol vits. Laj quil oy jun muc'ta lum te ta stuq'uil sur.

Daniel 1:17

Li chanib queremetic le'e i'ac'bat lec sbijilic; ijambat lec satic yu'un Dios ta yotquinel ep vunetic xchi'uc chanubtaseletic. Li Daniele lec sna' yalbel smelol vaychiletic xchi'uc c'usi chil ta xch'ulelic.

Daniel 2:1

C'alal xchibal jabil yochel ta ajvalilal li Nabucodonosore, ivaychin. Toj ep ilo'ilaj yo'nton; solel muc xvay o.

Daniel 2:26

Li ajvalile jech laj yalbe li Daniel, ja' li Beltsasar sbi yu'unique: —¿Me vo'ot xu' avu'un chavalbun li c'usi la jvaychine xchi'uc li c'usi smelole? —xut.

Daniel 4:13

“Laj quil noxtoc jun jq'uelvanej j'almantal iyal tal ta vinajel.

Daniel 4:5

Pero c'alal te mocholun chivaye, oy c'usi la jvaychin, toj xi'bal sba. C'alal la jnopilan, c'alal te oy ta jol li c'usi laj quile, ich'ay co'nton yu'un.

Daniel 5:1

Li Belsasar ajvalil ta Babiloniae la spas jun muc'ta q'uin, laj yac' lec ve'el; la stsob jmil (1,000) banquilaletic yu'un ti bu c'alal sventainoje. C'alal te chve'ic li ajvalil xchi'uc li boch'otic yic'anoje laj yuch'ic ep pasem ya'lel ts'usub.

Daniel 5:22

Li vo'ote ana'oj ti jech ic'ot ta pasel ta stojole yu'un vo'ot smomnich'onot, pero mu'yuc ono'ox xabic'tajes aba ec.

Daniel 5:30

Te no'ox ta yac'ubalil laj yich' milel li Belsasar, ja' li ajvalil yu'un caldeaetique.

Daniel 7:13

“C'alal te to jbats'il o vaychinele, “laj quil oy Boch'o chyal tal ta toc ta vinajel xco'laj xchi'uc cristiano yilel. Te ivul yo' bu oy li Boch'o mu sna' xlaj yoraile; te la snopajesic batel ta stojol.

Daniel 7:15

“Vu'un li Danielune ep lixi'; ich'ay co'nton yu'un li c'usi laj quil ta jvayeche.

Daniel 7:7

“Li xchanibal laj quile toj yan to x'elan, toj xi'bal sba, xchi'uc toj ven ech'em stsatsal ta jyalel. Li stanal yee puru muc'tic yijiquil tsatsal taq'uin yilel, ta xvoch'i, ta slilin ta jyalel li sve'ele; li scomelale ta xpech'ilan ta teq'uel. Toj yan o ta jyalel, mu xco'laj xchi'uc li yantic laj quil ta ba'yuque; oy lajuneb xulub noxtoc.

Daniel 8:1

“Ta yoxibal jabil yochel ta ajvalilal li Belsasare, livaychin yan velta noxtoc vu'un li Danielune.

Joel 2:28

“C'alal me i'ech' scotol le'e, ta xcac' tal espíritu cu'un ta stojol scotol li cristianoetique. Jech li querem tsebetic avu'unique chlic yalic c'usi chc'ot ta pasel; li moletic avu'unique oy c'usi chlic yil ta xvayechic; li queremetic avu'unique oy c'usi chlic yil ta xch'ulelic.

Amós 3:7

Vu'un li Muc'ul Diosune, mu'yuc c'usi ta jpas ti me mu xcac'be sna' ba'yuc c'usi oy ta co'nton li j'alc'opetic cu'une.

Habacuc 2:2

Li Muc'ul Diose la stac'bun, jech laj yalbun: “Ts'ibao lec ta pech'pech' ton li c'usi ta xcac'bot avile, yu'un jech xu' tsq'uel ta anil li boch'o chile.

Números 12:6

li Muc'ul Diose jech laj yalbe: “A'yo ava'yic c'usi ta xcal: C'alal oy jt'ujoj jun caj'alc'op ta atojolique, vu'un ta jc'opan ta xch'ulel, o ta xvayechic, yu'un ta xcalbeic li c'usi oy ta co'ntone.

Romanos 15:4

Scotol li c'usitic ts'ibabil comele ja' sventa jchanubtaseltic, yu'un jech ch-ayin smuc'ul co'ntontic, jech chpat co'ntontic, jech jun co'ntontic ta jmalatic li c'usi ta jmalatique.

2 Corintios 12:1

¿C'usi ta jtatic o me ta jtoy jbatique? Ta melel mu'yuc c'usi ta jtatic. Pero ta jc'an chacalboxuc ava'yic c'usi toj lec laj yac' ta ilel, c'usi laj yac' ta otquinel li Cajvaltique.

Apocalipsis 1:19

Ts'ibao ta vun li c'usi laj xa avile, xchi'uc li c'usi li' chc'ot ta pasel ta orae, xchi'uc li c'usitic chc'ot ta pasel ta ts'acale.

Apocalipsis 10:4

C'alal ic'opojique, ta ox jts'iba ta vun li c'usitic laj yalique. Pero laj ca'ay oy boch'o ic'opoj ta vinajel jech laj yalbun: “Mu me xaval c'usi laj yalic li vucub chauque. Mu me xats'iba ta vun”, xiyutun.