Daniel 6:4 - Bible in Tzotzil de Chenalhó with Deuterocanon

⁴ Ja' yu'un li banquilaletic xchi'uc yantic jpasmantaletique lic snopic c'u x'elan xu' tstic'beic smul ta sventa yabtel li Daniele. Pero me jutuc mu'yuc c'usi la stabeic, yu'un li Daniele lec jun yo'nton ta stojol Dios, yu'un mu'yuc c'usi chopol tspas.

Bible in Tzotzil de Chamula

⁴ C'u stu un, ti buch'u yich'oj cajal yabtelic ta q'uelvaneje, xchi'uc ti its'inal ajvaliletique, lic sa'ilanbeic sc'oplal c'u s'elan ta sa'beic smul ti xu' ta xalic ti mu lecuc ta xbat yu'un ti c'u s'elan ta spas mantal ti bu c'alal sventainoj ti ajvalile. Ta sventa ti ja' jun vinic ti tuc' sjol yo'nton ti Daniele, jech o xal mu'yuc jtosuc ta staic ti oy c'usi chopol ta spase. Ja' yu'un un, mu'yuc xu' yu'unic ta stic'bel smul ta sventa ti c'u s'elan yabtel yich'oje.

Daniel 6:4 Iomraidhean Croise

Génesis 41:38

Ja' yu'un li faraone jech laj yalbe li xchi'iltac ta abtele: —¿Me oy bu ta jtatic yan vinic xana'ic jech chac li'i ti yich'ojbe sbijil Diose? —xi.

Génesis 43:18

Pero li stuquique ep ixi'ic, yu'un laj yilic ti ic'bil ibatic ta sna li Josee, jech laj yalbe sbaic: —Li'i, lo'lael no'ox la jtatic tana. Ja' xa li' ic'bil lijtal ta scoj li taq'uin tiq'uil la jta ta jcoxtaltic c'alal lij'ay ono'ox ta jun veltae. Li' xa chixchucutic comel. Li' xa chijcom o ta smozoic xchi'uc li jburotique —xut sbaic.

Proverbios 29:27

Li boch'o chopolique chopol chilic li boch'o tuc' yo'ntonique; ja' no'ox jech ec li boch'o tuc' yo'ntonique mu'yuc lec chilic li boch'o chopol c'usi tspasique.

Eclesiastés 4:4

Laj quil noxtoc, ti c'alal tsots chij'abtejutique ti c'alal lec chbat cu'untic li c'usi ta jpastique, ja' no'ox te ta xlic jti'-o'nta jbatic o. Scotol le'e mu'yuc stu; ja' jech chac c'u cha'al me ta jc'an ta jnutstic li iq'ue, mu'yuc c'usi ta jtatic o.

Jeremías 18:18

Jech lic yalic li cristianoetique: “La'ic, la' jchapantic c'usi chcut ta jmiltic li Jeremiase, yu'un ta smantal Diose mu'yuc chal me oy ta xlaj sc'oplal ti oy paleetic chixchanubtasutique; mu'yuc ono'ox chlaj sc'oplal ti oy boch'o bijic sventa chisbijubtasutique, xchi'uc mu'yuc ono'ox chlaj sc'oplal ti oy j'alc'opetic chiyalbutic c'usi chal Diose. La', jnopbetic smul li Jeremiase; jyayijestic ta sventa jc'optic. Mu jtuc'ulanbetic li c'usi chale”, xiic.

Jeremías 18:23

Pero li vo'ote, Muc'ul Dios, ana'oj scotol c'u x'elan chapal yu'unic ti chismilicune. Mu me teuc no'ox xats'icbe li c'usi chopol tspasique; mu me xch'ay ta avo'nton li smulique. Ac'o yalicuc ta lum ta atojol; ac'bo xcuchic sc'ac'al avo'nton ti c'alal sta yorail cha'iline.

Jeremías 20:10

Yu'un chca'ay ti puru mucul lo'il tspasique: “Puru xi'el xa no'ox ya'yel”, xiic. Jech chalic noxtoc: “La'ic, la jtic'betic smul”, xiic. Li boch'otic co'ol co'nton jchi'uque jech chalic ec: “Oyuc c'uxi lajuc ta lo'laele, jech xu' ta jtsaltic, jech xu' ta jpacbetic”, xiic.

Jeremías 29:7

Pasic me c'usi ja' sventa slequilal li lum yo' bu la jtacoxuc batele. C'opanicun ta sventa li lume, yu'un li slequilale ja' avu'unic chc'ot.

Daniel 3:8

Ta yorail le'e, oy jayibuc caldea viniquetic la stic'beic smul ta stojol ajvalil Nabucodonosor li judaetique,

Daniel 5:12

Yu'un oy lec sbijil, oy c'usi lec sna', lec jamal sat ta sventa chalbe smelol vaychiletic; lec sna' staq'uel lo'iletic ti mucul smelole, xchi'uc lec xu' yu'un chal c'usi mu stac' na'el. Le'e ja' li Daniel ti Beltsasar laj yac'be sbi li anima amuc'ta moltote. Ja' lec ic'o tal ta ora li Daniele; ja' xu' yu'un chayalbot —xi.

Daniel 6:22

Li Dios cu'une la stac tal yaj'almantal; ja' la smacbe ye li leonetique yu'un jech mu me xisti'icun. Yu'un mu'yuc jmul ta stojol, xchi'uc mu'yuc jmul ta atojol ec ajvalil, mu'yuc c'usi chopol jpasoj —xi.

San Mateo 26:4

La xchapanic c'u x'elan ta slo'laic li Jesuse yu'un jech xu' ta stsaquic, jech xu' ta smilic.

San Mateo 27:18

Yu'un sna'oj ono'ox Pilato ti ta scoj it'ix yo'ntonic yu'un li Jesús ti laj yaq'uic ta c'abale.

San Lucas 20:20

La staquic batel jayibuc boch'o chbat sq'uelbeic yo'nton li Jesuse. Jun xa yo'ntonic ta stojol Jesús yilel ti c'alal ibatique, yu'un oy c'usi chbat sjac'beic, yu'un ta sq'uelic me oy c'usi chopol chloc' ta ye, yu'un jech xu' ta stsaquic batel, chbat yaq'uic ta sc'ob li ajvalile.

San Lucas 20:26

Jech muc xu' yu'unic la slo'laic te ta sat cristianoetic li Jesuse. Ja' no'ox te ich'ay yo'ntonic ta sventa ti c'u x'elan itac'ove. Jech te imac yeic o.

San Lucas 22:2

Li banquilal paleetique xchi'uc li boch'otic lec xchanojic smantal Diose la snopilanic c'u x'elan xu' ta smilic li Jesuse, yu'un ta xi'ic yu'un li cristianoetique.

San Juan 19:4

Li Pilatoe iloc' tal yan velta, jech laj yal: —A'yo ava'yic, li' chquic' loq'uel tal ta atojolic yu'un jech chana'ic o ti me jutuc mu'yuc la jtabe smule —xi.

2 Corintios 11:12

Li c'usi ta jpase jech ta jpas o batel. Yu'un jech mu xcac' spas c'usi tsc'an yo'ntonic li boch'otic ja' no'ox tsa'ic c'u x'elan tscuy sbaic ta jcholc'ope, ti tsc'an tsco'lajes sbaic jech chac c'u cha'aluncutique.

Filipenses 2:15

Yu'un jech mu soc ac'oplalic, xchi'uc jech mu xata amulic. Jech chvinaj ta stojol chopol cristianoetic, ch'ayemal cristianoetic ti vo'oxuc xnich'naboxuc Diose, ti mu'yuc chopoloxuque. Ja' jech xaxojobanic ta stojolic jech chac c'u cha'al luz ti xojobanic c'alal ic' osile.

1 Timoteo 5:14

Ja' yu'un ja' lec ac'o malijicuc li me'on antsetic ti bu tsebic toe; ac'o oyuc yolic, ac'o sventainic lec snaic, yu'un jech mu jtatic labanel yu'un li boch'o chopol chijyilutique.

SUN TITO 2:8

Oyuc me lec stu li ac'ope; lec me ac'o batuc avu'un scotol, yu'un jech mu chopoluc chc'opojic ta jtojoltic li boch'o chopol yo'ntonique, jech te ta xq'uexov stuquic.

1 Pedro 2:12

Lecuc me c'usi chapasic ta stojol li boch'otic mu'yuc yich'ojic ta muc' Diose. Ac'o me chal ac'oplalic ti chopol c'usi chapasique, pero c'alal chilic ti lec c'usitic chapasique, chalbeic slequilal Dios ti c'alal chtal chapanvanuque.

1 Pedro 3:16

Pero ta smuc'uluc avo'nton xavalic; ich'vananic me ta muc'. Mu me xapasic li c'usi xu' chac' slo'il ajol avo'ntonique, yu'un jech chq'uexovic li boch'otic chopol chilic li c'usi lec chapasic ta sventa Cristoe.

Jueces 14:4

Li stote sme'e muc sna'ic me yu'un jech tsc'an Muc'ul Dios sventa ac'o vinajuc c'u x'elan xu' tstsalic li filistaetique, yu'un ja'o yorail tsalbilic li israeletique.

1 Samuel 12:4

Itac'ov scotolic: —Mu'yuc c'usi chopol laj apasbuncutic; mu'yuc xavuts'intauncutic. Mu'yuc boch'o junuc laj alo'labe staq'uin —xiic.

1 Samuel 18:14

Ta sventa ti coltabil yu'un Muc'ul Dios li Davide, jech oy lec sbijil ta spasel scotol li c'usitic la spase.

1 Samuel 22:14

Itac'ov li Ahimeleque: —¿Me oy boch'o yan j'abteletic avu'un jun yo'ntonic jech chac c'u cha'al li Davide, xchi'uc ti ja' ani'e, xchi'uc ti ja' chtun avu'un atuque, ti ich'bil lec ta muc' te yo' bu chapas mantale?