Daniel 6:3 - Bible in Tzotzil de Chenalhó with Deuterocanon

³ Li Daniele ja' banquilal ic'ot yu'un noxtoc li chib banquilaletique xchi'uc scotol li jpasmantaletique, yu'un ivinaj ti ja' toj ep sbijile. Ja' yu'un li ajvalile la snop ti ja' chac'be ta sc'ob scotol ti c'u smuc'ul sventainoje.

Bible in Tzotzil de Chamula

³ Ta ora no'ox vinaj ti ja' lec xtojob ti Daniele, ti ja' mu sta ti yan banquilal yu'unic ti yan xchi'iltac ti co'ol cajal yabtel yich'ojique, xchi'uc ta stojol ti banquilaletic ti c'u s'elan xu' yu'unic ta sbainel ti jujun slumalique. Jech o xal ti ajvalile laj snop ti ja' no'ox stuc ta xc'ot ta banquilal ti ta spas mantal ti ta muc' ta lume.

Daniel 6:3 Iomraidhean Croise

Esdras 4:22

Mu me teuc no'ox xch'ay ta avo'ntonic li c'usi laj calboxuque, yu'un jech mu xquich' jvocoltic, jech mu xlaj sc'oplal li ajvaliletic cu'untique”, xi batel li ajvalile.

Nehemías 7:2

Li cuts' calale xchi'uc li Hananiase ja' la jt'ujic ta banquilal jchabi tsatsal coralton te ta Jerusalén. Li Hananiase ja' jun vinic ti lec yich'oj ta muc' Dios te ta stojol li yantique.

Ester 10:3

Yu'un li Mardoqueo judá vinique ja' banquilal jpasmantal yu'un li ajvalil Asueroe. Lec c'anbil, xchi'uc lec ich'bil ta muc' yu'un scotol li xchi'iltaque, yu'un la sa' c'u x'elan lec oyic li xchi'iltaque, xchi'uc laj yac' persa la scolta.

Proverbios 17:27

Li boch'o bije tspajes sba ta lo'il; li boch'o oy lec srazone sna' spajesel sba.

Proverbios 22:29

Li boch'o toj lec yabtele ja' ch-ic'at ta abtel yu'un li ajvaliletique; muc teuc no'ox ch-abtej ta stojol li boch'o tojol vinic no'oxe.

Eclesiastés 2:13

Te laj quil ti ja' oy lec stu li bijilile; ja' mu'yuc stuc li bol talelale. Jech chac c'u cha'al ja' lec oy stu li sac osile; ja' jutuc no'ox stu li ic' osile.

Daniel 5:12

Yu'un oy lec sbijil, oy c'usi lec sna', lec jamal sat ta sventa chalbe smelol vaychiletic; lec sna' staq'uel lo'iletic ti mucul smelole, xchi'uc lec xu' yu'un chal c'usi mu stac' na'el. Le'e ja' li Daniel ti Beltsasar laj yac'be sbi li anima amuc'ta moltote. Ja' lec ic'o tal ta ora li Daniele; ja' xu' yu'un chayalbot —xi.

Daniel 5:14

Ca'yoj ac'oplal ti avich'ojbe sbijil li ch'ul diosetique; ilbilot ti oy lec abijil, ti oy c'usi lec xana'e, ti lec jamal aba asate.

Daniel 5:7

Li ajvalile tsots i'avan; laj yic' scotol li bijil viniquetic te ta Babiloniae, xchi'uc li boch'otic chilic c'usitic chc'ot ta pasele, xchi'uc li yantic bijil viniquetique, jech laj yalbe: —Li boch'o xu' yu'un sq'uelel c'usi chal li c'usi ts'ibabil le'e, xchi'uc ti chiyalbun c'usi smelole, ta xich' ac'bel slap yax'elan c'u'il, xchi'uc jlic nats'il pasbil ta c'anal taq'uin, xchi'uc ja' yoxibal ajvalil chc'ot ti bu c'alal jventainoje —xut.

Daniel 9:23

C'alal ja' to no'ox lic ac'anbe vocol li Diose, iloc' xa'ox mantal ti ac'o c'otuc ta pasel c'usi laj ac'ane. Jech vu'un tal cac'bot ana', yu'un toj lec c'anbilot. Ja' yu'un, a'yo lec ava'ay li c'usi chcale xchi'uc li c'usi li' chavile.