Daniel 5:7 - Bible in Tzotzil de Chenalhó with Deuterocanon

⁷ Li ajvalile tsots i'avan; laj yic' scotol li bijil viniquetic te ta Babiloniae, xchi'uc li boch'otic chilic c'usitic chc'ot ta pasele, xchi'uc li yantic bijil viniquetique, jech laj yalbe: —Li boch'o xu' yu'un sq'uelel c'usi chal li c'usi ts'ibabil le'e, xchi'uc ti chiyalbun c'usi smelole, ta xich' ac'bel slap yax'elan c'u'il, xchi'uc jlic nats'il pasbil ta c'anal taq'uin, xchi'uc ja' yoxibal ajvalil chc'ot ti bu c'alal jventainoje —xut.

Bible in Tzotzil de Chamula

⁷ Ta anil no'ox, tsots lic c'opojuc ti c'alal laj stac ta iq'uel ti jt'unvanejetique, ti bijil viniquetique, ti buch'utic sna'ic sq'uelel senyailtac ti oyic ta jteclum Babiloniae, ti xi laj yale: “Ti buch'u sna' yojtiquinel ti c'usi le' ts'ibabile, ti sna' yalbel smelol ti c'usi ta xac' ta na'ele, ta x'ac'bat slap yax'elan xela c'u'il. Ta x'ac'bat xtoc yuin jlicuc carina ti meltsanbil ta oroe. Jech xtoc ta xc'ot ta yoxibal ajvalil ti ja' ta x'och ta sbainel ti bu ta jpas-mantale.”

Daniel 5:7 Iomraidhean Croise

Génesis 41:8

C'alal isacub osil ta yoc'omale, toj ep chlo'ilaj yo'nton laj ya'ay. Jech laj yal mantal ti ac'o talicuc scotol li bijil viniquetique xchi'uc li jt'unuletic te ta Egiptoe. Li faraone la xchol li c'usi laj yil ta xvayeche, pero me junuc mu'yuc boch'o la sna' c'usi smelol.

Ester 3:1

C'alal i'ech' xa'ox jayibuc c'ac'ale, li ajvalil Asueroe laj yac'be muc' yabtel li Amán xnich'on Hamedata smomnich'on Agague; ja' banquilal ic'ot yu'un scotol li j'abteletic yu'une.

Éxodo 7:11

Li faraone la stac ta iq'uel li bijil viniquetic, xchi'uc li j'ac'chameletic yu'une, ja' li boch'otic xu' yu'un chac' ta ilel svu'elique. Jech ivu' yu'unic la spasic jech ec:

Proverbios 1:9

Yu'un ja' scoronail ajol chc'ot ti lec c'upil sbae, xchi'uc ja' anats' chc'ot.

Cantares 1:10

Lec xa c'upil sba asat c'otem yu'un li staq'uinal achiquine; toj alac' xa sba anuc' c'otem yu'un li anats'e.

Isaías 47:13

Yu'un toj ep jtojobtasvanejetic avu'un, x'ech'et xa avo'nton yu'un. Ja' lec ac'o tal sva'an sbaic ta acoltael; ac'o talicuc li boch'otic sna'ic sq'uelel c'analetique, ti sna'ic c'usi chc'ot ta pasel c'alal tsq'uelic li c'analetique, ti tsq'uelic c'usitic chc'ot ta pasel ta atojol ta jujun ue.

Jeremías 50:35

Li Muc'ul Diose jech chal noxtoc: “¡Ac'o milaticuc ta espada li jnaclumetic ta Babiloniae, ja' li caldeaetique, li banquilaletique, xchi'uc li bijil viniquetic yu'une!

Ezequiel 16:11

Laj cac'bot lec at'ujumal; laj cac'bot lec xoj ste'el ac'ob, laj cac'bot lec anats'.

Daniel 1:20

Scotol li c'usitic toj tsotsic la sjac' ajvalil ta sventa li bijililetique, lajuneb velta xjelov sbijilic laj yil ta scotol li boch'otic sna'ic sq'uelel senyail ta vinajele xchi'uc li jt'unuletic ta scotol ti c'u smuc'ul sventainoje.

Daniel 1:4

Ja' ac'o yic' tal li jilum queremetic ti leque, ti lec c'oq'uique, ti oy lec sbijilique, ti oy c'usi lec sna'ique, ti oy c'usi lec xotquinique, yu'un jech xu' yu'un ch-abtejic ta stojol ajvalil. Ja' chlic yich'ic chanubtasel ta sc'op xchi'uc ta sts'ib li caldeaetique.

Daniel 2:2

Jech la stac ta iq'uel li boch'otic sna'ic sq'uelel senyail ta vinajele, li jt'unuletique, xchi'uc li boch'otic xotquinbeic senyail c'usi chc'ot ta pasele xchi'uc scotol li boch'o bijique, yu'un ac'o yalbeic li c'usi laj yil ta xvayeche. Jech ibatic ta stojol li ajvalile.

Daniel 2:27

Itac'ov li Daniele: —Ajvalil, li c'usi chajac' ti mu'yuc boch'o sna'e, mu'yuc boch'o xu' yu'un chac' ana', me junuc boch'o sna' sq'uel senyail ta vinajel c'usitic chc'ot ta pasel, me junuc jt'unul, me junuc li boch'o sna'be senyail c'usi chc'ot ta pasele, mu'yuc boch'o xu' chayalbicot.

Daniel 2:48

Li ajvalile laj yac'be tsots yabtel li Daniele; laj yac' ta ich'el ta muc', xchi'uc laj yac'be ep lequil matanaletic. Jech noxtoc laj yac' ochuc ta banquilal jpasmantal ta sventa scotol li yosilal Babiloniae, xchi'uc ja' banquilal jpasmantal ic'ot yu'unic scotol li bijil viniquetic te ta Babiloniae.

Daniel 2:6

Yan me chavalbicun ca'ay li c'usi la jvaychine, xchi'uc li c'usi smelole, ta xcac'boxuc ep amotonic, xchi'uc ta xcac'oxuc ta ich'el ta muc'. Albicun tal ca'tic c'usi la jvaychine xchi'uc li c'usi smelole —xut.

Daniel 4:14

Tsots ic'opoj, jech laj yal: ‘Ts'etic li te'e, lilinbeic li sc'obc'obe; tulbeic scotol li yanale, tanpuc ac'o batuc avu'unic li sate. Ac'o batuc scotol li chonbolometic te oyic ta yolone, xchi'uc li mutetic te oyic ta sc'obc'obe.

Daniel 5:11

Li' ta banamil ti c'u smuc'ul aventainoje oy jun vinic ti yich'ojbe sbijil li ch'ul diosetique. C'alal ja'o ochem ta ajvalilal li anima amuc'ta moltote, oy c'usi lec la stabe; la stabe sbijil sjol yo'nton. Laj yil ti lec jamal sat jech chac c'u cha'al sbijil li diosetique. Ja' yu'un li Nabucodonosor, ja' li anima amuc'ta moltote, la stic' ta banquilal yu'un li bijil viniquetique xchi'uc li jt'unuletique xchi'uc li boch'otic sna'ic sq'uelel senyail ta vinajel c'usitic chc'ot ta pasele.

Daniel 5:15

Laj quiq'uic tal li bijil viniquetic, xchi'uc li boch'otic sna'ic sq'uelel senyail ta vinajel c'usitic chc'ot ta pasele, yu'un ac'o yaptaic li c'usi li' ts'ibabile, pero muc xu' yu'un xiyalbicun c'usi chal, xchi'uc c'usi smelol.

Daniel 5:16

Jech laj ca'ay ti vo'ot xu' avu'un chavalbe smelol li c'usi tsotsique, li c'usi mu stac' na'ele. Me chavalbun c'usi chal li c'usi li' ts'ibabile xchi'uc me xu' avu'un chavalbun c'usi smelole, chavich' ac'bel alap yax'elan c'u'il, xchi'uc jlic nats'il pasbil ta c'anal taq'uin. Jech noxtoc vo'ot yoxibal ajvalil chac'ot ta scotol ti c'u smuc'ul jventainoje —xut.

Daniel 5:29

Ja' yu'un li ajvalil Belsasare laj yal mantal ti ac'o yich' lapbel yax'elan c'u'il li Daniele, xchi'uc ti ac'o xojbeic snats' pasbil ta c'anal taq'uine, xchi'uc laj yal ti ja' yoxibal ajvalil chc'ot ti c'u smuc'ul sventainoje.

Números 22:17

Vu'un ta xcac'ot lec ta ich'el ta muc'. Ta jpasbot scotol li c'usiuc no'ox chac'ane. Ja' yu'un avocoluc la' me lajesbun stsatsalic li cristianoetic li'i’, xi laj yal tal —xutic c'otel.

Números 22:7

Li banquilaletic yu'un Moab xchi'uc Madiane ibatic. Yich'ojic batel lec staq'uinic sventa stojol li c'usi chopol chbat sc'anique. C'alal ic'otic ta stojol li Balaame, c'ot yalbeic jech chac c'u cha'al laj yal batel li ajvalil Balaque.

Números 24:11

Ja' lec sutan batel ta ana. Laj cal ta jamal ti chacac'ot ta ich'el ta muq'ue, pero li Muc'ul Diose muc xac' c'otuc ta pasel —xut.

1 Samuel 17:25

Jech laj yalbe sbaic: “¿Me avilic li vinic iloc' tale? Yu'un tsc'an xa tsliques pleito ta jtojoltic. Li boch'o xu' yu'un chbat stsale ta x'ac'bat ep sc'ulejal yu'un li ajvalile, xchi'uc ta xac'be stseb yu'un ac'o yic', xchi'uc ta xcoltaatic o xchi'uc yalab xnich'nab ta stojel spatanic”, xiic.